معركة الموسكى اليوم...بالمولوتوف والاسلحة النارية واصابة 7 اشخاص

[fatfouta]

حادث مؤؤسف جدااا اشتباكات فى شارع عبد العزيز والامن يفشل فى فض الاشتباكات

الكلام ده كان على صلاة المغرب كده تقريبا

قتلي في خناقة بالأعيرة النارية بـ "عبد العزيز"

تجري الأن اشتباكات عنيفة بالاسلحة النارية بين مجموعة من تجار شارع عبد العزيز بوسط القاهرة وبعض البلطجية الذين حاولوا فرض إتاوات على التجار الذين رفضوا هذا الامر مما ادى الى إصابة العشرات بإصابات خطيرة ووفاة عدد ليس بقليل من جراء إطلاق الاعيرة النارية بشكل عشوائي بين الطرفين .

وقال شهود عيان إن عددا من الاهالي الزائرين للشارع قد اصيبوا بطلقات نارية وانه ليس هناك اي تواجد للشرطة او الجيش، كما ان رجال قسم شرطة الموسكي قاموا بإغلاق القسم على انفسهم ولم يحاولوا فض الاشتباكات .

http://www.alwafd.org/index.php?option=com_content&view=article&id=41155:%DE%CA%E1%ED-%DD%ED-%CE%E4%C7%DE%C9-%C8%C7%E1%C3%DA%ED%D1%C9-%C7%E1%E4%C7%D1%ED%C9-%C8%DC-%DA%C8%CF-%C7%E1%DA%D2%ED%D2&catid=69:%CD%E6%C7%CF%CB%20%E6%DE%D6%C7%ED%C7&Itemid=143#ixzz1LPb3Awho

[fatfouta]

اول فيديو للمعركة

http://www.youtube.com/watch?v=ZRDdeSMBqd0&feature=share

[fatfouta]

للاسف عدد الضحايا ارتفع لـ 51 شخص

إصابة 51 شخصا إثر مهاجمة بلطجية لمحال تجارية بشارع عبد العزيز بوسط القاهرة

أصيب 51 شخصا بإصابات ما بين متوسطة وخطيرة وتحطمت ثلاثة محال تجارية بشارع عبد العزيز إثر مهاجمة مجموعة من البلطجية للمحال التجارية محاولين فرض إتاوات على أصحابها، وذكر مصدر أمنى بمديرية أمن القاهرة أن الحادث وقع مساء اليوم الأربعاء.

وقامت مجموعة من الأشقياء مكونة من 8 أشخاص بمهاجمة المحال التجارية بشارع عبد العزيز، طالبين منهم إتاوات ومهددينهم بسلاح نارى بحوزتهم، حيث قام أصحاب المحال والعاملون فيها بإطلاق النار عليهم ومطاردتهم بشارع عبد العزيز.

http://gate.ahram.org.eg/NewsContent/4/28/67163/%D8%AD%D9%80%D9%88%D8%A7%D8%AF%D8%AB/%D8%AD%D9%88%D8%A7%D8%AF%D8%AB-%D9%85%D8%AD%D9%84%D9%8A%D8%A9/%D8%A5%D8%B5%D8%A7%D8%A8%D8%A9--%D8%B4%D8%AE%D8%B5%D8%A7-%D8%A5%D8%AB%D8%B1-%D9%85%D9%87%D8%A7%D8%AC%D9%85%D8%A9-%D8%A8%D9%84%D8%B7%D8%AC%D9%8A%D8%A9-%D9%84%D9%85%D8%AD%D8%A7%D9%84-%D8%AA%D8%AC%D8%A7%D8%B1%D9%8A%D8%A9-%D8%A8%D8%B4%D8%A7%D8%B1%D8%B9-%D8%B9.aspx

تم تعديل 4 مايو 2011 بواسطة fatfouta

[fatfouta]

شهود عيان

الشرطة جت وحاولت تفض الاشتباك ولما ماقدروش دخلو القسم وقفلوا على نفسهم وبعض المواطنين عملوا دروع بشرية لتأمين القسم

حلو جدااا لما بقينا احنا اللى بنحمى الشرطة مش هما اللى بيحمونا...عجبى

[fatfouta]

الجيش يتدخل لفض حرب شارع عبد العزيز

http://www.youtube.com/watch?v=wqAiGNVRB34&feature=player_embedded

[م تيمور المراغي]

المنطقه دي انا عارفها كويس اوي ,,

البلطجية حيروحوا فين من الطوابية دول 60 الف

والمدد زمانه جاي من الصعيد ,,

بكره الصبح الموضوع حيتلم ياما حصل ده كتير واحكيلكم لو عاوزين ,,

فينك يا ياسر

[م تيمور المراغي]

هما ليه الناس كل مايشوفوا دبابة او مدرعه يطلعوا فوقيها ؟؟

[Ahmed Anwer]

دووول بلطجية عبط !!!

بلطجية ايه اللي عايزين يبلطجوا علي شارع عبد العزيز و الموسكي !!

[fatfouta]

الشرطة تفشل فى السيطرة على إطلاق النار بين عدد من تجار الموسكى

[م تيمور المراغي]

تعجبني يا احمد ,,

فتفت انتي مش قلتي الجيش نزل ؟؟

طيب خبر الشرطة ده بقى منسوخ

[fatfouta]

تعجبني يا احمد ,,

فتفت انتي مش قلتي الجيش نزل ؟؟

طيب خبر الشرطة ده بقى منسوخ

يعنى إيه خبر الشرطة منسوخ؟؟؟ ما الفيديو موجود اللى فيه نزول الجيش

بس بعد ما الشرطة فشلت فى فض الاشتباك

وضح كلامك

اذا كنت تقصد انى حطيت فيديو الجيش قبل خبر ان الشرطة فشلت يعنى ايوه صح دى لانى لقيت الخبر اللى بيأكد كلام شهود العيان ان الشرط انسحبت من المكان

بعد مالقيت فيديو الجيش

تم تعديل 4 مايو 2011 بواسطة fatfouta

[م تيمور المراغي]

تعجبني يا احمد ,,

فتفت انتي مش قلتي الجيش نزل ؟؟

طيب خبر الشرطة ده بقى منسوخ

يعنى إيه خبر الشرطة منسوخ؟؟؟ ما الفيديو موجود اللى فيه نزول الجيش

بس بعد ما الشرطة فشلت فى فض الاشتباك

وضح كلامك

منسوخ يا فتفت معناه جاء بعده ما يبطله ,,

ماسمعتيش عن الناسخ والمنسوخ ؟؟

مش منسوخ معناه كوبي :happy:

روقي مش تقفشي بسرعه كده ,,

[capitshino]

انا حاسس ان الحوادث رجعت تزيد تانى بعد ما كانت الامور من اسبوعين بدءت تهدى

من ساعة تقريبا كان فى معركة فى شبرا بالاسلحة النارية بين بلطجية مع بعض

والمشكلة ان لا فى شرطة ولا جيش .

وتقريبا الذخيرة اللى معاهم خلصت فانتهت المعركة بعد ارهاب الناس .

[م تيمور المراغي]

البلطجية حيعملوا ايه مع ملايين الشعب ,,

اهي شوية خناقات ,,

المنطقة دي صممت فيها 12 محل تقريبا و قعدت اشتغل فيها اربع سنين مع مهندس صلاح زكي كبير الطوابية

وعارفها بمحلاتها و ترتيبات انتخاباتها وبلطجيتها وفتواتها ,,

فينك يا جابر

قلب البوكس بتاع البوليس قدام عيني لما مسكوا اخوه :happy:

[fatfouta]

انا حاسس ان الحوادث رجعت تزيد تانى بعد ما كانت الامور من اسبوعين بدءت تهدى

من ساعة تقريبا كان فى معركة فى شبرا بالاسلحة النارية بين بلطجية مع بعض

والمشكلة ان لا فى شرطة ولا جيش .

وتقريبا الذخيرة اللى معاهم خلصت فانتهت المعركة بعد ارهاب الناس .

طب وبعدين ولصالح مين؟؟؟؟؟؟؟؟؟؟وحادثتين تانى اهم

إصابة عدد من مؤيدي ومعارضي مبارك في اشتباكات أمام ماسبيرو

الأمن يفض مشاجرة فى سجن طره بقنابل الغاز

[capitshino]

البلطجية حيعملوا ايه مع ملايين الشعب ,,

اهي شوية خناقات ,,

شوية الخنقات دى هتوقف البلد

لما امس يفرجو عن الظباط اللى قتلو المتظاهرين فى امبابة وكرادسة . واهالى الشهداء يقولو انهم هيقتلو اى ضابط

شرطة فى الشارع .

ولما الاهالى يهاجمو قسم روض الفرج ويطلقو سراح البلجية .

يبقى احنا كده مش ماشيين فى السكة الصح .

[mamdowh]

شارع عبد العزيز ده من الشوارع اللى مش باحب أمشى فيها من ساعة ما دخل فيها موضوع الموبايلات لأن للاسف معظم الموبايلات اللى بتتباع فيه مع الناس اللى واقفه وبعض المحلات بتبقى مسروقة وطبعا مش هابيعها الا حرامية وطالما فى حرامية يبقى لازم ليها قياده يعنى شيوخ منصر ( يعنى شيوخ الحرامية ) وطبعا ده بيولد بوؤر فساد زى مانتوا شايفين لان كل شيخ عايز يفرض سيطرته على المكان وطبعا كان فى مخبرين شغالين فى الموضوع وكل واحد بياخد فرده من التانى وتلاحظ وانت ماشى ان كل واحد ماسك لى ثلات اربع موبايلات فى ايده ولا بيبيع ولا بيشترى بس واقف واشكال لا تسر لا عدو ولا حبيب اللى واخد بشله وإلا ضربه مطوه فى وشه واللى مبرشم المهم اول ما يهل الزبون تبص تلاقيهم ابتدوا الشغل يقفوا جنبك ويبصوا معاك وينصحوك قصدى يحاولوا يدبسوك اشترى دة لا ده وحش وحظه حلو اللى ياخد باله ويمشى لانه ممكن يتسرق كمان.

الخلاصة اللى بيحصل على ما أعتقد تقسيم للأماكن أو إعاده نشر للقوات بين الحراميه والبلطجية ودى نقطة لازم الأمن ياخد باله منها لازم المكان ده يتم تطهيره بنقل سوق الموبايلات فى حته محترمة وفصلها عن سوق الأدوات الكهربائية والقبض على كل اللى بيشتغلوا فى المسروقات, نسيت اقول لكم ان اسمه سوق الموبايلات المسروقه وساعات بيعملوا مزادات كمان على الموبايلات المسروقة. اتمنى من كل قلبى أن يتم إعادة تنظيم منطقة وسط البلد والعتبة والحسين ووكالة البلح وكل المناطق اللى فيها أسواق عشوائية.

[م تيمور المراغي]

البلد دي من الوف السنين وحالها كده

يضربها زلزال يضربها ثورة يضربها اسرائيل يضربها الجن الازرق !

تاني يوم تقوم زي الست العفية تلملم اشلائها وتغسل جراحها وتبدأ من جديد

طاحونة جبارة مايوقفهاش ولا ابليس نفسه

وقدرة غير طبيعية على احتواء اي صوت نشاز و خلطه في المفرمة المصرية

المجتمع زي ماقلت بيصلح نفسه بنفسه

وغدا يوم آخر !

[أحمد سيف]

شهود عيان

الشرطة جت وحاولت تفض الاشتباك ولما ماقدروش دخلو القسم وقفلوا على نفسهم وبعض المواطنين عملوا دروع بشرية لتأمين القسم

حلو جدااا لما بقينا احنا اللى بنحمى الشرطة مش هما اللى بيحمونا...عجبى

حد يفهمني ... الشرطة بتاخد مرتبات عشان تعمل ايه؟

ما نوفر فلوسنا ولا نديها لحد شايف شغله.

[capitshino]

مدير امن القاهرة بيتكلم عن الموضوع على الحياة الان