معركة الموسكى اليوم...بالمولوتوف والاسلحة النارية واصابة 7 اشخاص

[م تيمور المراغي]

شارع عبد العزيز ده من الشوارع اللى مش باحب أمشى فيها من ساعة ما دخل فيها موضوع الموبايلات لأن للاسف معظم الموبايلات اللى بتتباع فيه مع الناس اللى واقفه وبعض المحلات بتبقى مسروقة وطبعا مش هابيعها الا حرامية وطالما فى حرامية يبقى لازم ليها قياده يعنى شيوخ منصر ( يعنى شيوخ الحرامية ) وطبعا ده بيولد بوؤر فساد زى مانتوا شايفين لان كل شيخ عايز يفرض سيطرته على المكان وطبعا كان فى مخبرين شغالين فى الموضوع وكل واحد بياخد فرده من التانى وتلاحظ وانت ماشى ان كل واحد ماسك لى ثلات اربع موبايلات فى ايده ولا بيبيع ولا بيشترى بس واقف واشكال لا تسر لا عدو ولا حبيب اللى واخد بشله وإلا ضربه مطوه فى وشه واللى مبرشم المهم اول ما يهل الزبون تبص تلاقيهم ابتدوا الشغل يقفوا جنبك ويبصوا معاك وينصحوك قصدى يحاولوا يدبسوك اشترى دة لا ده وحش وحظه حلو اللى ياخد باله ويمشى لانه ممكن يتسرق كمان.

الخلاصة اللى بيحصل على ما أعتقد تقسيم للأماكن أو إعاده نشر للقوات بين الحراميه والبلطجية ودى نقطة لازم الأمن ياخد باله منها لازم المكان ده يتم تطهيره بنقل سوق الموبايلات فى حته محترمة وفصلها عن سوق الأدوات الكهربائية والقبض على كل اللى بيشتغلوا فى المسروقات, نسيت اقول لكم ان اسمه سوق الموبايلات المسروقه وساعات بيعملوا مزادات كمان على الموبايلات المسروقة. اتمنى من كل قلبى أن يتم إعادة تنظيم منطقة وسط البلد والعتبة والحسين ووكالة البلح وكل المناطق اللى فيها أسواق عشوائية.

مافيش فايدة

سنة 2001 صممت سوق غزة امتداد شارع بورسعيد عند القصيرين كده بعد محطة غمرة ب 500 متر وكان الغرض منه نقل اسواق الموسكي وحمام التلات وتفريغ منطقة وسط البلد ودرب البرابرة والناصرية من المحلات والباعة الجائلين واتقسمت المحلات خلاص على التجار الكبار من الطوابية وكانت التصميمات ممتازة

لا الناس راحت سوق غزة ولا التجار سابوا الموسكي ولا المحلات اتشالت ,,

الطوابية زي الطوفان

لاحكومة تهم ولا اقسام تلم :happy:

[fatfouta]

انا اللى مضايقنى ان الامن المركزى يتدخل وبعدين يمشى ويسيبهم كده مولعين فى بعض بالملوتوف والسلاح النارى ولااااااا كإن فيه حاجة بتحصل

المشكلة ان الامن المركزى بقى يخاف من الناس ومابقاش يفرق اذا كانوا دول بلطجية ولا مواطنين صالحين

يا جدعااان بلطجية يعنى ياخدوا على دماغهم وماحدش هيلومكم فى دى.... فيه ايه؟؟؟

[التونسى]

(من رأى منكم بلطجياً..فليقتله)

نفسى ده يبقى شعار المرحله الحاليه .. ولو ان صعب تطبيقه .. لأن صعب الحاكم العسكرى يعطى هذا التصريح للمواطنين العاديين .. بعيدا عن الشرطه والجيش .. بس عنى شخصيا...لو أأمن على نفسى من المُسَأله او العقاب .. كنت نفذت الشعار ده بقلب وضمير مستريح .. وكنت حشترى بأى تمن مدفع رشاش .. وأخلص بيه على البلطجيه المشهورين والخطرين جداااا فى منطقتنا .. واللى بيتجمعوا دايما فى وكر لشرب المخدرات يسمى ((مخانه او غرزه)) .. على فكره أنا عمرى تقريبا ما تعاركت فى حياتى .. وعمرى ما حتى دبحت فرخه .. وحتى مدخلتش الجيش .. لكن عندى استعداد واراده وعزيمه إنى اقتل البلطجيه الخطرين دول .. لو تم السماح ليا شرعا وقانونا .. لانهم مفسدين فى الارض .. ومينفعش معاهم غير كده

[م تيمور المراغي]

شهود عيان

الشرطة جت وحاولت تفض الاشتباك ولما ماقدروش دخلو القسم وقفلوا على نفسهم وبعض المواطنين عملوا دروع بشرية لتأمين القسم

حلو جدااا لما بقينا احنا اللى بنحمى الشرطة مش هما اللى بيحمونا...عجبى

حد يفهمني ... الشرطة بتاخد مرتبات عشان تعمل ايه؟

ما نوفر فلوسنا ولا نديها لحد شايف شغله.

فسم الموسكي حالة خاصة ,,

كبار عائلات الطوابية هما اللي وقفوا يحموا الظبط بتوعه لانهم في حمايتهم

كل يوم كان الواجب بيطلع لظباط القسم حسب اصول الضيافة

[mamdowh]

(من رأى منكم بلطجياً..فليقتله)

نفسى ده يبقى شعار المرحله الحاليه .. ولو ان صعب تطبيقه .. لأن صعب الحاكم العسكرى يعطى هذا التصريح للمواطنين العاديين .. بعيدا عن الشرطه والجيش .. بس عنى شخصيا...لو أأمن على نفسى من المُسَأله او العقاب .. كنت نفذت الشعار ده بقلب وضمير مستريح .. وكنت حشترى بأى تمن مدفع رشاش .. وأخلص بيه على البلطجيه المشهورين والخطرين جداااا فى منطقتنا .. واللى بيتجمعوا دايما فى وكر لشرب المخدرات يسمى ((مخانه او غرزه)) .. على فكره أنا عمرى تقريبا ما تعاركت فى حياتى .. وعمرى ما حتى دبحت فرخه .. وحتى مدخلتش الجيش .. لكن عندى استعداد واراده وعزيمه إنى اقتل البلطجيه الخطرين دول .. لو تم السماح ليا شرعا وقانونا .. لانهم مفسدين فى الارض .. ومينفعش معاهم غير كده

والله انا عندى إقتراح يمكن تسخروا منى بس هو ده الحل السريع للوضع الحالى وهو عودة الفتوات بتوع زمان هو ده اللى هايعدل المعادلة بس من غير ضرب

:sofa:

[ozoozo]

انا عشت فتره كبيره من حياتي في المناصره اللي هي اخر درب المهابيل -درب المهابيل شارع صغير يصل بين عبد العزيز ومحمد علي -

الخناقات دي طبيعي جدا ودول مش بلطجيه بالمعني المفهوم يعني مش نازلين للسطو المسلح علي المحلات لكنها خناقات بين تربيطات وعائلات مختلفه ومعظمهم صعايده لو تفتكروا سنه 2000 تقريبا كان في خناقه بالرشاشات جوه الموسكي بتاع الهدوم وفاكر كويس ان الامن المركزي جه قفل المحلات حوالي اسبوع وكان مجرد العبور في الشارع ممنوع الا لسكانه وياما شاهدت بعيني خناقات بالسنج والسلاح واصابات بالجمله

باختصار اللي بيحصل طبيعي

مش زي مانتم فاهمين انه هجوم للبلطجيه

[م تيمور المراغي]

انا عشت فتره كبيره من حياتي في المناصره اللي هي اخر درب المهابيل -درب المهابيل شارع صغير يصل بين عبد العزيز ومحمد علي -

الخناقات دي طبيعي جدا ودول مش بلطجيه بالمعني المفهوم يعني مش نازلين للسطو المسلح علي المحلات لكنها خناقات بين تربيطات وعائلات مختلفه ومعظمهم صعايده لو تفتكروا سنه 2000 تقريبا كان في خناقه بالرشاشات جوه الموسكي بتاع الهدوم وفاكر كويس ان الامن المركزي جه قفل المحلات حوالي اسبوع وكان مجرد العبور في الشارع ممنوع الا لسكانه وياما شاهدت بعيني خناقات بالسنج والسلاح واصابات بالجمله

باختصار اللي بيحصل طبيعي

مش زي مانتم فاهمين انه هجوم للبلطجيه

عارف قصتها يا اوزو ولا احكيها انا ؟؟

وانا اقول اوزو قلبه ميت ليه هههه :happy:

[capitshino]

(من رأى منكم بلطجياً..فليقتله)

نفسى ده يبقى شعار المرحله الحاليه .. ولو ان صعب تطبيقه .. لأن صعب الحاكم العسكرى يعطى هذا التصريح للمواطنين العاديين .. بعيدا عن الشرطه والجيش .. بس عنى شخصيا...لو أأمن على نفسى من المُسَأله او العقاب .. كنت نفذت الشعار ده بقلب وضمير مستريح .. وكنت حشترى بأى تمن مدفع رشاش .. وأخلص بيه على البلطجيه المشهورين والخطرين جداااا فى منطقتنا .. واللى بيتجمعوا دايما فى وكر لشرب المخدرات يسمى ((مخانه او غرزه)) .. على فكره أنا عمرى تقريبا ما تعاركت فى حياتى .. وعمرى ما حتى دبحت فرخه .. وحتى مدخلتش الجيش .. لكن عندى استعداد واراده وعزيمه إنى اقتل البلطجيه الخطرين دول .. لو تم السماح ليا شرعا وقانونا .. لانهم مفسدين فى الارض .. ومينفعش معاهم غير كده

والله انا عندى إقتراح يمكن تسخروا منى بس هو ده الحل السريع للوضع الحالى وهو عودة الفتوات بتوع زمان هو ده اللى هايعدل المعادلة بس من غير ضرب

:sofa:

بس دول ماتو وشبعو موت

فريد شوقى و عادل ادهم وحمدى غيث وعزت العلايلى و على جمعة

بس انت بتتكلم جد ولا بتهزر

[raouf]

السلام عليكم

الموضوع كله غلط وفيه خطأ اعلامى يا فتفوته

الموضوع مش كده خالص

اللى حصل ان اصحاب محلات عبدالعزيز وبعض التجار الصغار قامو بفرش البضاعة بعرض الشارع ومنعوا الساكنين من التحرك فى الشارع او ركن سياراتهم

واحد من قاطنى الشارع ركن سيارته تخت بيته وقام صاحب المحل بضربه هو والعاملين

اتلم اهله وباقى السكان اللى زهقوا من الانر وتزلوا كسروا بضاعة التاجر اللى بره المحل

وكده بقوا فريقين السكان اللى بيدافعوا عن حقهم واصحاب المحلات اللى استغلوا غياب الامن واحتلوا الارصفة

ولو تلاحظوا فى الفيديو الشارع مقسوم جزؤين يعنى ولا بلطجية ولا يحزنون

هذا ما وصلنى والله اعلم

شايفين الاعلام يقدر يعمل ايه

نص اللى احنا فيه بسبب انصاف الصحفيين اللى بيالفوا وخلاص للاسف

[م تيمور المراغي]

مايمكن اللي وصلك هو اللي غلط يا رؤوف والصح هو اللي اتقال من مصادر متعددة وانا برجح كده لان خناقات بالحجم ده ووقوع قتلى بيكون وراها ناس اكبر من جيران اتخانقوا على ركن العربية اساسا الشارع هناك مافيش مكان تركن والعمارات كلها مخازن للمحلات تحت

[ozoozo]

انا عشت فتره كبيره من حياتي في المناصره اللي هي اخر درب المهابيل -درب المهابيل شارع صغير يصل بين عبد العزيز ومحمد علي -

الخناقات دي طبيعي جدا ودول مش بلطجيه بالمعني المفهوم يعني مش نازلين للسطو المسلح علي المحلات لكنها خناقات بين تربيطات وعائلات مختلفه ومعظمهم صعايده لو تفتكروا سنه 2000 تقريبا كان في خناقه بالرشاشات جوه الموسكي بتاع الهدوم وفاكر كويس ان الامن المركزي جه قفل المحلات حوالي اسبوع وكان مجرد العبور في الشارع ممنوع الا لسكانه وياما شاهدت بعيني خناقات بالسنج والسلاح واصابات بالجمله

باختصار اللي بيحصل طبيعي

مش زي مانتم فاهمين انه هجوم للبلطجيه

عارف قصتها يا اوزو ولا احكيها انا ؟؟

وانا اقول اوزو قلبه ميت ليه هههه :happy:

والله مش فاكر بالظبط بس انا كنت اعرف احد الاطراف معرفه شخصيه وكان اخوه ضابط شرطه وكان مشارك بالمعركه وكانو اصحاب محل ملابس في الموسكي -الشارع الواصل بين ميدان العتبه وشارع بور سعيد اللي علي ناصيته اجزاخانه المواطنين

علي فكره اخر محل بوظه بالقاهره بشكله الكلاسيكي كان في درب المهابيل اللي فيه القرعه الفخار وحصر مفروشه علي الارض وتلاقي معظم رواده من الصعايده مرتدي الجلاليب ولكن للاسف تم قلبه لمحل اجهزه كهربيه او قهوه -مش فاكر-من حوالي 5 او 6 سنين

[abdulmuttaleb]

انا عشت فتره كبيره من حياتي في المناصره اللي هي اخر درب المهابيل -درب المهابيل شارع صغير يصل بين عبد العزيز ومحمد علي -

الخناقات دي طبيعي جدا ودول مش بلطجيه بالمعني المفهوم يعني مش نازلين للسطو المسلح علي المحلات لكنها خناقات بين تربيطات وعائلات مختلفه ومعظمهم صعايده لو تفتكروا سنه 2000 تقريبا كان في خناقه بالرشاشات جوه الموسكي بتاع الهدوم وفاكر كويس ان الامن المركزي جه قفل المحلات حوالي اسبوع وكان مجرد العبور في الشارع ممنوع الا لسكانه وياما شاهدت بعيني خناقات بالسنج والسلاح واصابات بالجمله

باختصار اللي بيحصل طبيعي

مش زي مانتم فاهمين انه هجوم للبلطجيه

عارف قصتها يا اوزو ولا احكيها انا ؟؟

وانا اقول اوزو قلبه ميت ليه هههه :happy:

لأ بعد إذنك لازم تحكيها يا باشمهندس أركتكت، وكمان ايه حكاية الراجل اللي قلب البوكس دي، كلنا آذان صاغية عشان لو حكيت أنا عندي حكايتين صغنططين عن شرطة المرافق واحدة حكاها لي جدي حصلت في القاهرة وواحدة في الإسكندرية كنت شاهدا عليها.

[fatfouta]

الموضوع كله غلط وفيه خطأ اعلامى يا فتفوته

والله يا رؤوف انا شوفت فيديو فيه ناس بتضرب بعض بالقنابل الملوتوف والاسلحة النارية

وهو ده اللى وجع قلبى وخوفنى

انما ماقلتش ايه سبب الخناقة على فكرة

ولعلمك كل جريدة كاتبة سبب الخناقة مختلف عن التانية خالص

لكن المهم والضرورى اللى انا بتكلم عليه حضرتك ان فيه معركة حصلت بين فريقين

ولا دى كما مش موجودة؟؟؟؟

تم تعديل 4 مايو 2011 بواسطة fatfouta

[raouf]

وادى رواية ثانية من مصراوى مع انه من ساعة فقط كاتب انهم بلطحية

شهدت منطقة الموسكى بالقاهرة معركة بالأسلحة النارية والبيضاء والطوب والحجارة بين أصحاب محلات التليفونات المحمولة بشارع عبد العزيز وأهالي منطقة درب المهابيل.وتبين أن سبب المشاجرة قيام أحد أصحاب محلات الموبايل يدعى سنتر سما للتليفونات المحمولة بالتعدي بالضرب على شابين بسبب الخلاف على دفع مبلغ 10 جنية فتوجه الشاب الى أسرته بمنطقة درب المهابيل وحكى لهم ما حدث فتوجه أكثر من 100 شخص الى صاحب محل الموبايلات الذى استغاث بأصدقائه وأصحاب محلات الموبايلات بشارع عبد العزيز لتندلع معركة بين الطرفين بالأسلحة النارية والبيضاء والطوب والحجارة بالإضافة إلى زجاجات المولوتوف الحارقة.

نتج عن المعركة إصابة ضابط شرطة برتبة نقيب يدعى ماجد .م بمرور الموسكى و6 مجندين أخرين بالشرطة، كما أصيب 23 أخرين من الطرفيين كما احترقت سيارة ملاكي وتهشمت سيارتين أخرتين كما تحطمت أكثر من 50 واجهة محل لبيع التليفونات المحمول والأدوات الكهربائية بالشارع.

انتقلت قوات الشرطة وعدد من القوات المسلحة الى مكان الحادث وتم إلقاء القبض على عدد من الطرفيين وتم إحالتهم الى النيابة والسيطرة على الموقف وإعادة الهدوء مرة أخرى الى المنطقة وتواصل الأجهزة الأمنية تمشيط المنطقة بحثا عنهم لتقديمهم للمحاكمة.

إلى ذلك، أكد مصدر أمنى مسئول أن كافة المصابين في مشاجرة شارع عبد العزيز غادروا المستشفيات الأربعاء ولم يتبق الا اثنان في مستشفى المنيل الجامعي .

الظاهر ان المراسلين بيكتبوا من بيوتهم او بيالفوا الأخبار من دماغهم

[ozoozo]

مايمكن اللي وصلك هو اللي غلط يا رؤوف والصح هو اللي اتقال من مصادر متعددة وانا برجح كده لان خناقات بالحجم ده ووقوع قتلى بيكون وراها ناس اكبر من جيران اتخانقوا على ركن العربية اساسا الشارع هناك مافيش مكان تركن والعمارات كلها مخازن للمحلات تحت

فعلا لا يوجد مكان لركن السيارات والاماكن كلها مخصصه لتحميل وتنزيل البضائع وركن السيارات معظمه بيكون حوالين عمر افندي بخمسه جنيه في اليوم واصلا لا يوجد سكان وان وجدوا فهم من التجار المتفهمين لطبيعه المنطقه ومعظم الشقق مخازن او عيادات او مكاتب استيراد وتصدير

[م تيمور المراغي]

انا عشت فتره كبيره من حياتي في المناصره اللي هي اخر درب المهابيل -درب المهابيل شارع صغير يصل بين عبد العزيز ومحمد علي -

الخناقات دي طبيعي جدا ودول مش بلطجيه بالمعني المفهوم يعني مش نازلين للسطو المسلح علي المحلات لكنها خناقات بين تربيطات وعائلات مختلفه ومعظمهم صعايده لو تفتكروا سنه 2000 تقريبا كان في خناقه بالرشاشات جوه الموسكي بتاع الهدوم وفاكر كويس ان الامن المركزي جه قفل المحلات حوالي اسبوع وكان مجرد العبور في الشارع ممنوع الا لسكانه وياما شاهدت بعيني خناقات بالسنج والسلاح واصابات بالجمله

باختصار اللي بيحصل طبيعي

مش زي مانتم فاهمين انه هجوم للبلطجيه

عارف قصتها يا اوزو ولا احكيها انا ؟؟

وانا اقول اوزو قلبه ميت ليه هههه :happy:

لأ بعد إذنك لازم تحكيها يا باشمهندس أركتكت، وكمان ايه حكاية الراجل اللي قلب البوكس دي، كلنا آذان صاغية عشان لو حكيت أنا عندي حكايتين صغنططين عن شرطة المرافق واحدة حكاها لي جدي حصلت في القاهرة وواحدة في الإسكندرية كنت شاهدا عليها.

اوك عبد المطلب ,,

كان يوم جمعه ,,

وكان الحاج احمد كامل وهو من كبار عائلات الطوابية يستقل تاكسي ونزل ادام المحل بتاعه اللي هو قبل درب البرابرة بشارعين على ناصية الموقف اللي في تقاطع شارع الجيش مع الازهر ,,

المهم خلاف على الاجرة عادي بين الحاج كامل وسواق التاكسي

قام الحاج دخل محله وساب السواق

قام السواق داخ وراه المحل ومعلي صوته فالعمال اتجمعوا عليه وضربوه علقة موت ,,

الواد اتاريه دكر من فتوات درب الميضة و عيلته كلها فتوات

نزلوا على الشارع ودخلوا محل الحاج احمد بالسنح والسيوف ومعاهم 30 واحد تقريبا

طبعا الطوابية هناك اتلموا عليهم قتلوا منهم اتنين بس كانت مجزرة اتقفل فيها الموسكي يومين تقريبا ده اللي انا فاكره من الحكاية ’’

اما موضوع جابر وشفة

فللويك اند بقى اصل الكلام كتير ودي عاوزه روقان

فاصل ونواصل :happy:

[الغريب]

يا جماعة ده العادي من البلطجية ومفيش جديد

القاهرة كدة من زمان ، والبلطجية ربيبة عصر المخلوع مش هينفع نشيلهم من جذورهم من يوم وليلة

أنا حاسس أن زجاجات المولوتوف أول مرة الناس تعرفها من بعد الثورة!! أنا أعرفها في المشاجرات من حوالي 15 عام.. ولا أبالغ

كان فيه مشاجرة قبل كدة في منطقة مصر القديمة بين بلطجية منطقة من أخطر المناطق في مصر وهي "عزبة أبو قرن" وبلطجية مصر القديمة ، والغريب أن المشاجرة كانت خلف قسم شرطة مصر القديمة !!

البلطجية منعوا أهالي مصر القديمة من النزول من منازلهم أصلا

وقتوة "عزبة أبو قرن " أسمه عبدالنبي أبو سمرة لما نزلت الشرطة وكانت عاوزة تفض الحظر المفروض من البلطجية على المنطقة ، قال الفتوة للظابط "أطلع أنت القسم وأنا هخلص وأجيلك" !!!

ولما حاول أحد أمناء الشرطة أن يصطحبه معه للقسم قطع يده وتم نقل الأمين لمستشفى القصر العيني

والقصة دي منشورة في بعض الصحف ، ومن يريد الرابط أحضره له.

الخلاصة أن البلطجية أصبحوا هما القطط السمان في هذا العصر ، وكانوا هما أداة الداخلية في العصر البائد ، وساعد على أنتشارهم عدة عوامل منها سوء الحالة التعليمية والإقتصادية بالبلد ورضى الجهاز الأمني بأفعالهم وتعاونه معهم

وبما أني أحد سكان المناطق الشعبية بالقاهرة فأنا شاهد على تفاصيل عديدة في هذا الجانب

صبركم بالله .. مصر هتنظف إن شاء الله ، ولكن الثورة تحتاج إلى تغطية إعلامية تنشر إنجازاتها

تحياتي..

[م تيمور المراغي]

مداخلة متميزة ياغريب ممنوع من التقييم للاسف ,,

عاوزين نفتح توبيك عن فتوات وبلطجية احياء القاهرة المختلفة وكل واحد يحكي اللي عنده

[capitshino]

عاوزين نفتح توبيك عن فتوات وبلطجية احياء القاهرة المختلفة وكل واحد يحكي اللي عنده

طيب روح انت اعمل الموضوع ... وانا هاجيلك

[se_ Elsyed]

لابد من تفعيل قانون البلطجة وحمل السلاح ... وفي حالةإستخدام البلطجة مع حمل السلاح يتم إعدام البلطجي فوراً في ميدان عام

واتحدى إن ما رجع الامن في أسبوع

محاولة هروب المتهمين بقسم الطالبية والجيش يؤمن المبنى

الخميس، 5 مايو 2011 - 01:24

كتب بهجت أبو ضيف

فى حلقة جديدة من مسلسل محاولات هروب المتهمين المحتجزين داخل أقسام شرطة الجيزة حاول متهمو قسم شرطة الطالبية الهرب، وأحدثوا حالة من الشغب داخل الحجز فى محاولة منهم لإجبار المقدم أحمد النواوى رئيس مباحث القسم على فتح الأبواب لهم، إلا أن رجال المباحث تمكنوا من السيطرة عليهم.

وانتقل اللواء فاروق لاشين مدير أمن الجيزة إلى قسم شرطة الطالبية لمتابعة الحالة الأمنية وبصحبته اللواء كمال الدالى مدير الإدارة العامة لمباحث الجيزة والعميد فايز أباظة مدير المباحث الجنائية والعميد جمعة توفيق وكيل المباحث.

وإثر انتشار شائعات تفيد بإصابة عدد من المهمين بأعيرة نارية أثناء محاولتهم الهرب تجمع عدد كبير من ذويهم وأقاربهم أمام مبنى القسم وأحدثوا حالة من الضجة، مطالبين بالاطمئنان على أبنائهم، وانتقل رجال القوات المسلحة إلى محل الواقعة لتأمين المبنى ومنع اقتحامه على يد الأهالى