ضريبة الدخل للعاملين في الخارج

[أحمد سيف]

مبدئيا كده أنا عارف إن موضوع زي ده ممكن يثير الكثير من الجدل والانتقادات خصوصا أن عددا كبيرا من رواد المنتدى هم من المصريين العاملين بالخارج ... وأنا طبعا منهم ... لكن أنا شايف ان ده هو الوقت المناسب لطرحه علشان نعرف اللي لينا واللي علينا

دلوقت عدد كبير من المغتربين بيطالبوا بحقوق كانوا محرومين منها كمصريين طوال عقود وعلى رأسها حق التصويت في الانتخابات الرئاسية والبرلمانية وكمان هناك مطالبات بتطوير أداء السفارات والقنصليات المصرية لتكون في خدمة المغتربين ... ودي طبعا كلها مطالب مشروعة ويجب تنفيذها على الفور ... ولكن أيضا هناك واجبات على المغتربين فيما يتعلق بالمساهمة في الموازنة العامة للدولة كمواطنين يحصلون على خدمات عامة منها

هتقولي أنا عايش بره مصر ومش باستفيد من أي خدمات وبالتالي المفروض ما أدفعش حاجه ... أقولك عفوا الكلام ده مش مظبوط ... أولا كونك مصري تحمل جنسية الدولة وجواز سفرها له قيمة لو مش عارفها اسأل من هو محروم منها كإخواننا الفلسطينيين ... سعادتك معمول لك نظام سياسي وإداري من رئيس وحكومة ووزارة خارجية وغيرها تهتم بمصالحك وتحفظ حقوقك وأنت في الغربة ... وهذا له تكلفة عليك أن تحمل جزءا منها

ثانيا هناك خدمات عامة تستفيد منها سواء كنت داخل أو خارج مصر كالجيش الذي يحافظ على حدود بلدك والشرطة التي تحمي ممتلكاتك في الوطن والقضاء الذي يحفظ لك حقوقك فيجب أن تتحمل نصيبك من تكلفة هذه الخدمات

ثالثا أغلبية المغتربين بينزلوا مصر كل سنة شهر أو أكثر وبيستفيدوا من الخدمات العامة التي تقدمها الدولة للمواطنين كالطرق والمطارات ... كما يستفدون من السلع والخدمات المدعومة كالبنزين والكهرباء والمواد الغذائية ... هتقولي الخدمات كلها زي الزفت طيب ما هي على الكل يبقى المفروض على كده المصري اللي عايش جوه مصر مايدفعش ضرائب أساسا ... وبعدين الخدمات علشان تتحسن عايزه موارد فلو ماحدش دفع هنعملها ازاي

رابعا وأخيرا هناك من يترك أهله أو جزءا منهم في مصر يستفيدون من الخدمات دون دفع أي مقابل والمثال الأوضح هو من يعمل بالخارج بينما أبناؤه يتعلمون برسوم مخفضة أو أحيانا بالمجان في المدارس والجامعات المصرية

إذا كنا جميعا ننادي بأن تبادر الدولة بالاستثمار في مجالات الصناعة والزراعة والبحث العلمي وتعمل على تحسين الخدمات المقدمة للمواطنين فإن ذلك كله غير ممكن التحقق سوى بزيادة الموارد العامة ... والحمد لله بعد الثورة المباركة نحن متجهون للتخلص من السرقة والفساد التي ابتليت بهما مصر وبالتالي مافيش حد له حجه يقول أنا مش عايز أدفع ضرائب لإن الفلوس هتتسرب لبنوك سويسرا

وبعدين يا سيدي ما فيش مانع أبدا أن يتم إقرار قانون خاص لضريبة الدخل للعاملين بالخارج يراعي تكلفة المعيشة خارج مصر والتزاماتهم ونسبة استفادتهم من خدمات الدولة ... يعني مثلا ممكن ندي إعفاء ضريبي بمقدار 3000 جنيه شهريا للفرد وألف جنيه شهريا لكل فرد إضافي في الأسرة ... يعني لو شاب أعزب حديث التخرج بيشتغل عامل بـ 2000 ريال في السعودية ما يدفعش ضرايب ... ولو رب أسرة عنده زوجه واربع ابناء يبقى ندي له ما يعادل 8000 جنيه شهريا كحد إعفاء واللي فوق كده يدفع عليه 10% ... يعني لو شغال مدير مثلا ومرتبه 10000 ريال هيدفع 400 ريال شهريا ضريبه ... شفت العمليه سهله ازاي ... وفي المقابل هيدخل أبناءه المدارس المصرية بالمجان وهيتعالج في المستشفيات المصرية بالمجان هو وأسرته هيستفيد من كل الخدمات التي تقدمها الحكومة ... وفوق كده هيحس بإنه بيساهم في بناء وتطور وتقدم بلده

ايه رأيكم في الكلام اللي أنا بقوله؟

[تامر مصطفى]

خلي بالك ان كل مليم ينفقه المغترب خلال الشهر او الشهرين اجازة بالاضافة الى المصروفات الشهرية والنفقات اللي بيبعتها لعياله

هي في المجمل دخل اضافي لمصر

حتى لو حط الفلوس في البنك فهي دخل لمصر

تحياتي

[ابوهنا]

اعتقد ان الموضوع ده مش جديد وطبق فى احد الحكومات السابقه والمحكمه الدستوريه حكمت ببطلانه

[ozoozo]

انا هاكون سعيد بيه جدا وهاكون مبسوط وانا بدفع

واقترح انه يكون بدون اعفاء ولا اوعيه وتكون نسبه بسيطه

واحد في الميه مثلا

100 جنيه شهريا في 5مليون علي الاقل

يعني 500 مليون شهرياا

يعني اكتر من 6 مليار سنويا

يعني زبادي في الخلاط

تم تعديل 5 مايو 2011 بواسطة ozoozo

[capitshino]

الموضوع ممكن يكون باكثر من صورة

زى انك تكفل يتيم من خلال الجمعيات ودور العبادة المنتشرة فى مصر .

اعتقد ان الايتام فى مصر لن يتعدى عددهم ال 5 مليون شخص

والمبلغ زهيد جدا يا اخوان . بيكون فى حدود 50 جنيه شهريا لكل يتيم.

[أحمد سيف]

خلي بالك ان كل مليم ينفقه المغترب خلال الشهر او الشهرين اجازة بالاضافة الى المصروفات الشهرية والنفقات اللي بيبعتها لعياله

هي في المجمل دخل اضافي لمصر

حتى لو حط الفلوس في البنك فهي دخل لمصر

تحياتي

خلي بالك هناك فارق بين ان الفلوس تدخل مصر ... وبين انها تدخل الموازنة العامة

المغترب عندما يدفع أموالا كسبها في الخارج للحصول على السلع والخدمات - فباستثناء ضريبة المبيعات - فإن هذه الأموال لا تستفيد منها الحكومة في تقديم الخدمات العامة ... بل إن حصوله على بعض السلع والخدمات المدعمة نظير هذه الأموال يعني أن الحكومة تدفع له جزءا من ثمنها

انتشرت مقولة خاطئة فيما سبق مفادها أن تحويلات المصريين في الخارج هي أحد أهم مصادر الدخل القومي ... والصحيح أنها أحد موارد النقد الأجنبي ولكنها فعلا لا تضيف للناتج القومي أو الموازنة العامة

[أحمد سيف]

اعتقد ان الموضوع ده مش جديد وطبق فى احد الحكومات السابقه والمحكمه الدستوريه حكمت ببطلانه

ماهو الدستور هيتغير يا افندم ... وبعدين الموضوع دلوقت مش هيكون جبايه وفرده زي ما كان بيحصل زمان والفلوس لا رقابة عليها ... لأ دلوقت كل مليم هيدخل أو هيخرج هتكون عليه رقابة ومحاسبة والشعب هو اللي هيختار الحكومة اللي هتتصرف في الفلوس دي وهيحاسبها

[الغريب]

والله العظيم أنا راضي الدولة تمص دمي بس أهم حاجة يرجع بنتيجة على البلد

الحال دلوقتي أتغير ويفترض أننا بنثق في الدولة

يفترض أن في وزير مالية صاحب مصداقية ، وليس كالحرامي السابق اللي كان زي المنشار

المغتربين محتاجين "المجلس الأعلى للمغتربين المصريين"

يكون ليه بعثة بالسفارة في دول الخليج وبعض دول أوروبا وأمريكا المتمركز فيها المصريين بأعداد كبيرة ، وينسق فقط في كيفية تبادل المنفعة بين المواطن وبلده على كافة المستويات (الإستثمار وتعليم الأولاد والعودة للبلد و و و و )

ونسيب الإجراءات الروتينية الرسمية للسفارات وساعتها مش هننتظر منهم أي حاجة

تحياتي

تم تعديل 5 مايو 2011 بواسطة الغريب

[se_ Elsyed]

فكرة ممتازة

ولتكن حتى بقانون مؤقت لمدة 3 سنوات

وبعدين ما احنا كنا بندفع بتاع عبيط كده إسمه تصريح العمل حوالي 100 ج وازيد

وبالتالي ممكن نعمل الضريبة دي بحيث تبقى 100 ج على كل شهر يقضية المغترب في الخارج ... واللي عاوز يدفع اكثر يبقى براحته

[Om Zayd]

السلام عليكم و رحمة الله و بركاته

الفكرة جميلة طبعا

لكن تحتاج للتسويق الجيد و سط المغتربين أولا حتى لا يسارعوا برفضها

يا حبذا لو المغتربين نفسهم هما اللي يبعتوا الاقتراح ده لدكتور عصام شرف

[mustafagamiel]

بصراحة الموضوع هيكون صعب جدا ومش هيكون مقبول للكثير

لان مش كل المغتربين موفقين في غربتهم وكما تعرفون الكثير من المشاكل موجودة ومنتشرة

وسعتها صعب جدا عندما يرجع هذا المغترب ان يدفع جنيه واحد لانه لم يوفق في غربته

ممكن تقولوا القانون سيراعي من هو غير موفق في غربته سعتها ستجد الكثير سيتحايل على حتى لايدفع ومن كان متشوق لدفع عندما يرى تهرب الاخرين هو كمان سيهرب

غير موافق اطلاقا

دعونا نبحث عن طرق اخرى

[ابراهيم عبد العزيز]

السلام عليكم سيد احمد ,

اقتراحك جميل طبعا ولا يوجد من سيتاخر عن شىء فيه دعم لموازنة مصر بعد الثورة , ولكن انا أفضل انه يكون شىء اختيارى يا سيد احمد وليس اجبارى بشكل ضريبة , لان الضريبة لها قواعد وهى ان الانسان يدفع الضريبة على دخله لأنه يحقق دخله هذا من خلال استغلال خدمات او موارد فى الدولة , وفى حالة المغتربين فإن الدولة المستقبلة للمغترب ( باستثناء دول الخليج ) تحصل فعلا على ضريبة دخل منه للسبب الذى ذكرته سابقا, واوربا وصلت فيها ضريبة الدخل لتقريبا 10% من الشريحة الخاضعة للضريبة , اما اقرار ضريبة دخل على المغتربين المصرين لا ينطبق عليه شرط ان الضريبة تدفع مقابل استغلال خدمات الدولة لتحقيق هذا الدخل , كما انه سيخلق ازدواج ضريبى على المغترب المصرى فسيكون مطالبا على سداد ضريبة دخل فى الدولة المقيم فيها واخرى لمصر .

أرى أن تقوم الحكومة المصرية بعمل قوانين وتسهيلات تساعد المغترب المصرى المقتدر على الاسثتمار فى بلده وتحويل ممتلكاته لداخل الوطن وعندما سيجد ذلك ستستفيد الدولة .

وفق الله مصر لما فيه الخير

وشكرا على موضوعك

[Nileman]

طب و ليه نسيت رسوم تصاريح العمل السنوية اللي بندفعها و رسم استخراج جواز السفر و تذاكرنا على مصر للطيران مش كل ده رسوم للدولة

و كمان الرسوم المبالغ فيها للخدمات القنصلية و التي تبلغ عشرة اضعاف قيمتها داخل مصر

اظن ده كفاية علينا قوي

[ابوهنا]

ومش كفايه علينا الغربه وعايشين حياه غير حياتنا

اللى سايب مصر علشان رفاهيه يدفع ضرايب

لكن اللى سايبها علشان ملاقاش فيها حياه كريمه يبقى هيدفع ليه

[Nileman]

خلي بالك ان كل مليم ينفقه المغترب خلال الشهر او الشهرين اجازة بالاضافة الى المصروفات الشهرية والنفقات اللي بيبعتها لعياله

هي في المجمل دخل اضافي لمصر

حتى لو حط الفلوس في البنك فهي دخل لمصر

تحياتي

خلي بالك هناك فارق بين ان الفلوس تدخل مصر ... وبين انها تدخل الموازنة العامة

المغترب عندما يدفع أموالا كسبها في الخارج للحصول على السلع والخدمات - فباستثناء ضريبة المبيعات - فإن هذه الأموال لا تستفيد منها الحكومة في تقديم الخدمات العامة ... بل إن حصوله على بعض السلع والخدمات المدعمة نظير هذه الأموال يعني أن الحكومة تدفع له جزءا من ثمنها

انتشرت مقولة خاطئة فيما سبق مفادها أن تحويلات المصريين في الخارج هي أحد أهم مصادر الدخل القومي ... والصحيح أنها أحد موارد النقد الأجنبي ولكنها فعلا لا تضيف للناتج القومي أو الموازنة العامة

ازاي يعني سيادتك مليارات بتدخل البلد في شكل مدخرات و انفاق استهلاكي على السلع و الخدمات و مابتدخلش الموازنة العامة للدولة؟؟!!

المدخرات بيتم اقراضها و استثمارها في المشروعات المختلفة و الانفاق الاستهلاكي بيخلق طلب على السلع الخدمات المحليةو في النهاية كله بيصب في الموازنة العامة للدولة سواء كضرائب أو رسوم و دمغات او ايرادات لخدمات جكومية

[Mr MAGED]

كلامك جميل يا أستاذ أحمد .. بس بتهيألي ده ممكن يتنفذ لما يكون الوضع نموذجي

يعني لما الاقي خدمات محترمة مافيش مانع ابدا اني ادفع ضريبة

ثانيا انا مثلا عندي وظيفة حكومية وزوجتي كذلك ... وواخدين أجازات وبندفع مقابلها

معاشات وتأمينات وحاجات تانية كده .. مبالغ كبيرة مش قليلة

في الحالة دي يفترض اني ادقع مرتين ؟؟؟

وده اكيد بينطبق علي كل واحد له وظيفة حكومية وطالع أجازة

[amgadibrahim]

السلام عليكم سيد احمد ,

اقتراحك جميل طبعا ولا يوجد من سيتاخر عن شىء فيه دعم لموازنة مصر بعد الثورة , ولكن انا أفضل انه يكون شىء اختيارى يا سيد احمد وليس اجبارى بشكل ضريبة , لان الضريبة لها قواعد وهى ان الانسان يدفع الضريبة على دخله لأنه يحقق دخله هذا من خلال استغلال خدمات او موارد فى الدولة , وفى حالة المغتربين فإن الدولة المستقبلة للمغترب ( باستثناء دول الخليج ) تحصل فعلا على ضريبة دخل منه للسبب الذى ذكرته سابقا, واوربا وصلت فيها ضريبة الدخل لتقريبا 10% من الشريحة الخاضعة للضريبة , اما اقرار ضريبة دخل على المغتربين المصرين لا ينطبق عليه شرط ان الضريبة تدفع مقابل استغلال خدمات الدولة لتحقيق هذا الدخل , كما انه سيخلق ازدواج ضريبى على المغترب المصرى فسيكون مطالبا على سداد ضريبة دخل فى الدولة المقيم فيها واخرى لمصر .

أرى أن تقوم الحكومة المصرية بعمل قوانين وتسهيلات تساعد المغترب المصرى المقتدر على الاسثتمار فى بلده وتحويل ممتلكاته لداخل الوطن وعندما سيجد ذلك ستستفيد الدولة .

وفق الله مصر لما فيه الخير

وشكرا على موضوعك

أنا أتفق مع الأستاذ إبراهيم .........مفيش داعي ندور على مصدر دخل إجباري للبلد ونفتح باب نسبة الضريبة ....هتبقى شرائح ولا مبلغ موحد لإن أكيد ظروف المغتربين تختلف من شخص لشخص

أكيد كلنا نفسنا نعمل حاجة للبلد ونساعد على قد ما نقدر وده ممكن من خلال عمل مشروعات قومية يساهم فيها لمصريين بالخارج ورجال الأعمال وتخدم هذه المشروعات الطبقة الفقيرة

وتكون المساهمة في المشروع مفتوحة بآي مبلغ وهي مشروعات لا تهدف للربح يعني رأس المال يظل كما هو ثم يدخل في دورة أخري

مثلا كان فيه فكرة عملها بعض الشباب قبل الثورة إشتروا جاموس أو أبقار وقاموا بذبحها وبيع اللحوم بسعر التكلفة وده وقف رخيص جدا على ما أتذكر على المستهلك لو الفكرة دي اتعملت على نطاق واسع نخلص من جشع الجزارين واستغلالهم والمبالغة في الاسعار اللي تعجز بعض المواطنين من شراء كيلو لحمة ولا اتنين في الشهر

ممكن نعمل مشروع اسكان شباب حقيقي مش مشروع اسكان شباب رجال الاعمال اللي كان موجود والشقة تعدي مبالغ ضخمة مش في قدرة آي شاب وندي الشباب الشقق باسعار معقولة مع تسهيلات في السداد

مثل هذه المشاريع غير ربحية في نفس الوقت هي مش تبرعات يعني رأس المال المدفوع هيخرج من مشروع ليدخل في آخر

حاجة تانية

أنا متأكد إن المعظم بيكون حائر مثلي في موضوع اخراج زكاة المال للمستحقين وفي الآخر إما نوزعها على المساجد أو في الحسابات الخيرية في البنوك لمعهد الاورام او سرطان الأطفال

لو اتعمل مشروع حقيقي لإنفاق زكاة المال على مستحقيها ووضعها في مصارفها الشرعية أكيد ده هيحل مشاكل ناس كتير لإننا للأسف بنخرج الزكاة للناس اللي حوالينا واللي كل الناس بتديهم في حين مبنعرفش نصل للمستحقين الحققيقين

أتمنى اننا نقدر نعمل حاجة والله الموفق

:egyflag:

تم تعديل 5 مايو 2011 بواسطة amgadibrahim

[rewsha]

اقتراح بسيط

طب ممكن الضريبه دي تُفرض على اللي بقاله اكتر من 5 سنوات مسافر

ويكون في حدود للمرتبات اللي هاتدفع الضريبه دي

يعني

المغترب يكون مسافر بقاله 5 سنوات ويكون مرتبه فوق 4000 ريال مثلا

ولو واحد مرتبه 10000 مثلا يبقى ياخد اعفاء من الضريبه اول سنتين

مش عارفه قدرت اوصل الفكره وله لاْ :wub:

[أحمد سيف]

السلام عليكم سيد احمد ,

اقتراحك جميل طبعا ولا يوجد من سيتاخر عن شىء فيه دعم لموازنة مصر بعد الثورة , ولكن انا أفضل انه يكون شىء اختيارى يا سيد احمد وليس اجبارى بشكل ضريبة , لان الضريبة لها قواعد وهى ان الانسان يدفع الضريبة على دخله لأنه يحقق دخله هذا من خلال استغلال خدمات او موارد فى الدولة , وفى حالة المغتربين فإن الدولة المستقبلة للمغترب ( باستثناء دول الخليج ) تحصل فعلا على ضريبة دخل منه للسبب الذى ذكرته سابقا, واوربا وصلت فيها ضريبة الدخل لتقريبا 10% من الشريحة الخاضعة للضريبة , اما اقرار ضريبة دخل على المغتربين المصرين لا ينطبق عليه شرط ان الضريبة تدفع مقابل استغلال خدمات الدولة لتحقيق هذا الدخل , كما انه سيخلق ازدواج ضريبى على المغترب المصرى فسيكون مطالبا على سداد ضريبة دخل فى الدولة المقيم فيها واخرى لمصر .

أرى أن تقوم الحكومة المصرية بعمل قوانين وتسهيلات تساعد المغترب المصرى المقتدر على الاسثتمار فى بلده وتحويل ممتلكاته لداخل الوطن وعندما سيجد ذلك ستستفيد الدولة .

وفق الله مصر لما فيه الخير

وشكرا على موضوعك

شكرا على رد حضرتك

مقترحي أساسا متعلق بالمصريين في دول الخليج التي لا تفرض ضريبة على الدخل ... أما بالنسبة للدول التي يدفع المقيم فيها ضرائب فينظم المسألة اتفاقيات منع الازدواج الضريبي الثنائية ... والتي على اساسها يدفع الشخص الضريبة مرة واحدة فقط ... إما في بلد الموطن أو بلد الإقامة ... مع المعاملة بالمثل (يعني الأوروبي الذي يعمل في مصر يدفع الضرائب لمصر والمصري الذي يعمل في أوروبا يدفع الضرائب للبلد التي يقيم فيها ... أو العكس)

أما مسألة تحقيق الدخل داخل أو خارج الدولة فدول كثيرة مثل أمريكا وكندا تفرض على مواطنيها ضرائب على الدخل الذي يحققونه من عملهم بالخارج ... مع إمكانية الإعفاء وفق شروط وضوابط خاصة مع وقف جميع الخدمات الاجتماعية التي يحصل عليها المواطن من الدولة في حالة الإعفاء.

[أحمد سيف]

كلامك جميل يا أستاذ أحمد .. بس بتهيألي ده ممكن يتنفذ لما يكون الوضع نموذجي

يعني لما الاقي خدمات محترمة مافيش مانع ابدا اني ادفع ضريبة

ثانيا انا مثلا عندي وظيفة حكومية وزوجتي كذلك ... وواخدين أجازات وبندفع مقابلها

معاشات وتأمينات وحاجات تانية كده .. مبالغ كبيرة مش قليلة

في الحالة دي يفترض اني ادقع مرتين ؟؟؟

وده اكيد بينطبق علي كل واحد له وظيفة حكومية وطالع أجازة

في كلام حضرتك كثير من المنطق ... ولكن اسمح لي اختلف معك في مسألة ربط الضرائب بالخدمات المحترمة ... لأننا لو قبلنا بهذا المبدأ لكان من باب أولى أن نعفي المصريين المقيمين بمصر من دفع الضرائب لأنهم يحصلون على نفس الخدمات السيئة وأكثر

أما المعاشات والتأمينات فهي نوع من الادخار الإجباري وليس الضريبة والمفروض أنه لا يدخل ميزانية الدولة ولكن يوضع في صندوق خاص وتستثمر هذه الأموال حتى تعود الى الموظف بعد تقاعده أو في حالة إصابته بعجز يقعده عن العمل