ضريبة الدخل للعاملين في الخارج

[أحمد سيف]

خلي بالك ان كل مليم ينفقه المغترب خلال الشهر او الشهرين اجازة بالاضافة الى المصروفات الشهرية والنفقات اللي بيبعتها لعياله

هي في المجمل دخل اضافي لمصر

حتى لو حط الفلوس في البنك فهي دخل لمصر

تحياتي

خلي بالك هناك فارق بين ان الفلوس تدخل مصر ... وبين انها تدخل الموازنة العامة

المغترب عندما يدفع أموالا كسبها في الخارج للحصول على السلع والخدمات - فباستثناء ضريبة المبيعات - فإن هذه الأموال لا تستفيد منها الحكومة في تقديم الخدمات العامة ... بل إن حصوله على بعض السلع والخدمات المدعمة نظير هذه الأموال يعني أن الحكومة تدفع له جزءا من ثمنها

انتشرت مقولة خاطئة فيما سبق مفادها أن تحويلات المصريين في الخارج هي أحد أهم مصادر الدخل القومي ... والصحيح أنها أحد موارد النقد الأجنبي ولكنها فعلا لا تضيف للناتج القومي أو الموازنة العامة

ازاي يعني سيادتك مليارات بتدخل البلد في شكل مدخرات و انفاق استهلاكي على السلع و الخدمات و مابتدخلش الموازنة العامة للدولة؟؟!!

المدخرات بيتم اقراضها و استثمارها في المشروعات المختلفة و الانفاق الاستهلاكي بيخلق طلب على السلع الخدمات المحليةو في النهاية كله بيصب في الموازنة العامة للدولة سواء كضرائب أو رسوم و دمغات او ايرادات لخدمات جكومية

أنا أقصد لا تدخل بشكل مباشر ... لإن اللي حضرتك بتتكلم عنه هو استفادة غير مباشرة تحدث مع أي نشاط اقتصادي ... فلو تعاملنا بنفس المنطق مع صاحب مصنع يصدر منتجاته الى الخارج فسنجد أنه أيضا يدخل فلوس للبلد وينشط الاقتصاد ويدفع دمغات وضرائب وغيرها ولكن ذلك لا يعفيه من دفع ضريبة على دخله الشخصي

[أحمد سيف]

بصراحة الموضوع هيكون صعب جدا ومش هيكون مقبول للكثير

لان مش كل المغتربين موفقين في غربتهم وكما تعرفون الكثير من المشاكل موجودة ومنتشرة

وسعتها صعب جدا عندما يرجع هذا المغترب ان يدفع جنيه واحد لانه لم يوفق في غربته

ممكن تقولوا القانون سيراعي من هو غير موفق في غربته سعتها ستجد الكثير سيتحايل على حتى لايدفع ومن كان متشوق لدفع عندما يرى تهرب الاخرين هو كمان سيهرب

غير موافق اطلاقا

دعونا نبحث عن طرق اخرى

طيب ممكن أفهم من حضرتك تقصد ايه بمغترب عدم موفق في غربته

المفروض المغترب ده بيشتغل وياخد مرتب ... حاجه من اثنين يا إما المرتب ده أقل من حد الإعفاء الضريبي وفي الحالة دي براءه مش هيدفع حاجه ... وإما إنه أعلى من حد الإعفاء - اللي هيكون كافي جدا لتحقيق حياة كريمة له ولاسرته في الغربة - وفي الحالة دي يدفع نسبة مما زاد عن هذا الحد.

والفكرة مش بس طريقة لجمع الأموال ولكن ايضا لتحقيق العدالة بين المصريين داخل مصر وخارجها ... ما ينفعش المواطن البسيط في مصر أقطع من مرتبه نسبه علشان أدفع بيها مرتبات ضباط الشرطة والجيش والحكومة والقضاء وأشتري سلاح وأدعم البنزين والخبز والتعليم ... والمواطن اللي مقيم بره يستمتع بهذه الخدمات دون مقابل.

[أحمد سيف]

طب و ليه نسيت رسوم تصاريح العمل السنوية اللي بندفعها و رسم استخراج جواز السفر و تذاكرنا على مصر للطيران مش كل ده رسوم للدولة

و كمان الرسوم المبالغ فيها للخدمات القنصلية و التي تبلغ عشرة اضعاف قيمتها داخل مصر

اظن ده كفاية علينا قوي

مش فاهم ايه علاقة تذاكر مصر للطيران بالضرائب ... حضرتك بتحصل على خدمة مباشرة من شركة الطيران مقابل اللي بتدفعه ... ما ينفعش مثلا أعفي مواطن في مصر من الضريبة لأنه بيركب الأوتوبيس

وأنا معاك في ضرورة إلغاء هذه البدعة المسماة تصريح عمل مش بس علشان الفلوس ولكن لأن فيها انتهاك لحرية المواطن في الانتقال والعمل

[Alshiekh]

السلام عليكم

لي عدة ملاحظات على الفكرة

1- العامل بالخارج يدفع ضريبة فى الدولة التي يعمل بها.

2- الأموال التي يدخلها المغترب إلى مصر في صورة مصروف شهري لأسرته تعود بشيئ ما على الدولة في شكل من الأشكال.

3- في حالة فرض ضريبة على العاملين بالخارج ، فهذا سيمثل إزدواجا ضريبيا غير عادل وغير قانوني.

4- ماهية الآلية التي ستحدد دخل الفرد بالخارج؟

5- أرى أن الإقتراح قد تم على فرضية أن العامل بالخارج يخضع للقوانين المصرية وأن جميع العاملين بالخارج قد عملوا بناءا على تصريحات او تراخيص عمل من الحكومة المصرية، متناسين أن الغالبية قد سافرت بعقود صورية لمجرد السفر.

6- أخيرا أقترح أن تكون هناك دعوة للمشاركة فى التنمية بشراء أسهم أو سندات تنمية بعائد مادى أعلى قليلا من نسبة التضخم ، فتستفيد الدولة من ناحية ولاتتآكل القيمة الحقيقة لأموال المساهمين.

أما موضوع ضريبة جديدة على العاملين بالخارج فسيكون ظلما كبيرا.

[أحمد سيف]

والله يا جماعه أنا مبسوط من لغة الحوار الهادئة والراقية في موضوع على هذا القدر من الحساسية للكثيرين ... وكنت متوقع ردود فعل أعنف شويه على كام تقييم سلبي كده ينزلوا بيا تحت الأرض مع أخويا محمد الغنام

تحياتي لكم جميعا من اتفق معي ومن اختلف

تم تعديل 5 مايو 2011 بواسطة أحمد سيف

[أسد]

أرى أن الفكرة مقبولة جداً .. ووجيهة جداً .. وتكون لفترة مؤقتة ..

يمكن وضعها على شكل رسم تصريح عمل مرتفع من السنة الثانية للعمل ...

حتى لا تكون مرهقة على من يسافر لأول مرة

يمكن عمل رسم مغادرة ... مناسب ..

أوافق على ضريبة على أن يكونتحصيلها سهل بدون تعقيدات

أعتقد أن الجميع مستعد للمشاركة

[أحمد سيف]

السلام عليكم

وعليكم السلام ورحمة الله وبركاته

1- العامل بالخارج يدفع ضريبة فى الدولة التي يعمل بها.

3- في حالة فرض ضريبة على العاملين بالخارج ، فهذا سيمثل إزدواجا ضريبيا غير عادل وغير قانوني.

كلام سليم ... ينبغي تفعيل اتفاقيات منع الازدواج الضريبي بحيث يدفع العامل الضريبة عن دخله مرة واحدة فقط وتكون هناك معاملة بالمثل بين الدول

2- الأموال التي يدخلها المغترب إلى مصر في صورة مصروف شهري لأسرته تعود بشيئ ما على الدولة في شكل من الأشكال.

6- أخيرا أقترح أن تكون هناك دعوة للمشاركة فى التنمية بشراء أسهم أو سندات تنمية بعائد مادى أعلى قليلا من نسبة التضخم ، فتستفيد الدولة من ناحية ولاتتآكل القيمة الحقيقة لأموال المساهمين.

لا يوجد تعارض بين مساهمة المغترب في تنمية اقتصاد بلاده بالتحويلات والاستثمارات وبين أن يدفع حقا للدولة عليه مقابل الخدمات التي يحصل عليها والتي بينتها عاليه

4- ماهية الآلية التي ستحدد دخل الفرد بالخارج؟

هناك عقود العمل الموثقة من الجهات الرسمية وكشف الراتب وكشف حساب البنك الذي يثبت تحويل الراتب ... وعموما المواطن مصدّق حتى يثبت كذبه ... وحينها ينال جزاءه

5- أرى أن الإقتراح قد تم على فرضية أن العامل بالخارج يخضع للقوانين المصرية وأن جميع العاملين بالخارج قد عملوا بناءا على تصريحات او تراخيص عمل من الحكومة المصرية، متناسين أن الغالبية قد سافرت بعقود صورية لمجرد السفر.

كل مصري بالداخل أو بالخارج يخضع بشكل ما للقوانين المصرية بحكم الجنسية ... والعمل في كل دول العالم لا يحتاج تصاريح عمل من الحكومة سوى للموظفين الحكوميين ... ولكن رغم ذلك الجميع يدفع الضريبة

هذا موقع الضرائب الأمريكية التي يبين الضرائب التي يدفعها الأمريكيون العاملون بالخارج ... للمقارنة

وشكرا لحضرتك على المشاركة

[عادل أبوزيد]

تمت محاولتان لفرض ضريبة على العاملين بالخارج و فى الحالتين تم الحكم بعدم الدستورية و لم يتم إستعادة المبالغ المحصلة إلا لمن خاصم الحكومة فى دعوى اللادستورية أما الباقين فكان عليم إقامة دعوى اللادستورية منفصلة لكل منهم و هى الحيلة القانونية للتهرب إعادة الأموال المحصلة بغير وجه حق و التى إبتكرها الدكتور الرزاز للتهرب من الإلتزام بإعادة حصيلة ضريبة التركات لأصحابها و كان قد صدر حكم بعدم دستورية ضريبة التركات.

ما سبق كان إستهلالا لابد منه

المشكلة أصلا ترجع لعدم إمكانية تحصيل تلك الضريبة لأن دول الخليج كلها لا تؤمن بأى أنظمة ضريبية ليس هذا فقط بل أن ثقافة الضرائب نفسها غير موجودة ناهيك عن الإعتقاد الدينى شبه السائد بحرمة الضرائب و المكوس.

و عند محاولة تطبيق تلك الضرائب كانت النتيجة مثيرة للسخرية فكانت المبالغ المستقطعة من العاملين بالخارج مبالغ هزيلة لأنه لا توجد أى آلية لتحصيل أو إستقطاع الضريبة على أساس الدخل.

و إذا تحدثنا على هذه الضريبة بالنسبة للعاملين فى غير الدول العربية فالأمر لا يستقيم حيث يمتنع قانونا - فى العالم كله - الإزدواج الضريبى.

هناك تجربة لمثل هذه الضريبة تخضع لها الجاليات السودانية فى الخارج و ليس لدى علم بتفصيلاتها.

فى تصورى الشخصى - ما زلت أفكر فيها - هو فرض ضريبة على الأرباح من الثروة العقارية فالسائد الآن أن جل العاملين بالخليج بستثمرون فى شراء عقارات ثم إعادة بيعها و كله يتم بتوكيلات و ربما هذا من أسباب الإرتفاع الجنونى فى أسعار العقارات.

[shawshank]

أستاذنا الفاضل أحمد سيف

هي فكرة جميلة ومليئة بالوطنية. لكن فيه جزئية فنية أشار لها الزملاء.

حضرتك قلت إن المغترب بيستفيد بخدمات كتير في البلد، وعليه لازم يدفع ضرائب. في الحقيقة فيه مواطنين كتير مصريين ومش مغتربين بيتمتعوا بكل الخدمات اللي حضرتك قلتها، ومع ذلك ليست عليهم ضرائب دخل. بل فيه ناس كتير قوي معدمين أو من محدودي الدخل، ويتمتعون بنفس الميزات والخدمات ولا يدفعون مليم واحد ضرائب.

الأصل في تبرير أحقية الدولة في ضريبة الدخل ليس التمتع بالخدمات. اللي بيدفع ضريبة دخل هو اللي بيستفيد من البلد استفادة تحقق له مكاسب مالية تتعدى حدًا أدنى معين. (خد بال حضرتك إن الأجنبي برضه بيدفع ضرائب ... والسبب إن البلد وفرت له مناخ مناسب للاستثمار). فالسبب الأصلي في دفع الضرائب عن الدخل هو توفير الدولة مناخًا ملائمًا للمواطنين يحققوا من خلاله دخولاً مالية تفوق حدودًا معينة. فبيدفع ضريبة الدخل نظير هذا المناخ. ثم تنفق الضرائب في خدمات وغيره، يتمتع بها دافعو الضرائب ومن ليست عليهم أصلا ضرائب. بل إن التكافل هو إحدى فلسفات الضرائب. يعني أنا بشتغل وبستثمر فلوسي أو مجهودي أو علمي ... الخ في مناخ وفرته لي البلد، أدفع ضرائب يستفيد منها المصريين اللي مالهمش نفس فرصة الاستثمار اللي أنا أخدتها. ده على اعتبار إن مصر بلدهم، وليهم حق في المكاسب دي. لكن لظروف كتير ماعرفوش يحققوا مكاسب، بالتالي بتعوضهم البلد من جيب الراجل اللي كسب. سواء كان الراجل ده مصري أو أجنبي.

في حالة المغترب، هو لم يستفد شيئًا من الأموال في مصر. لأن مصدر أمواله من خارج مصر وممكن جدًا يكون بيدفع ضرائب عن الأموال دي في الدولة اللي هو فيها (مثلما ذكر الأفاضل). وكون الدولة اللي هو فيها تنازلت عن حقها في ضريبة الدخل، أو قررت عدم تحصيلها لأي سبب كان، لا يعطي الحق لدولة أخرى (مصر) في تحصيل هذه الضريبة. بالتالي أنا شايف إن المغترب ممكن جدًا يساهم مفيش مشكلة. بس ماينفعش تحت اسم ضريبة دخل لأنه مالوش أصلاً دخل من مصر. وبالتالي زيه بالظبط زي المعدم أو محدود الدخل، ماستفادش من البلد في تحقيق مكاسب مالية تجعله مدينًا بضريبة دخل. فهو يتمتع بكل الخدمات لأنه مواطن مصري ليه حق في كل ثروات البلد، لكن ليس عليه ضريبة دخل.

عميق تحياتي

تم تعديل 5 مايو 2011 بواسطة shawshank

[Alshiekh]

هذا موقع الضرائب الأمريكية التي يبين الضرائب التي يدفعها الأمريكيون العاملون بالخارج ... للمقارنة

وشكرا لحضرتك على المشاركة

قمت بعمل اتصال بإدارة الضرائب واستفسرت منهم عن هذا الموضوع

العاملون بالخارج يقدمون اقرارا ضريبيا ، يذكرون فيه دخلهم وباقي البيانات

نأتي للضريبة

الضريبة على الدخل بالنسبة للأمريكي العامل بالخارج - غير تابع للقوات الأمريكية بالخارج أو بسفاراتها أو أي عمل رسمي - ويعمل عمل حر أو لحساب شركات فى الخارج ، يكون حد الإعفاء الضريبي للشخص الأعزب يصل إلى 91500 دولار لعام 2010 ، وهو مايماثل عشرة اضعاف حد الإعفاء لمن يعمل على الأرض الأمريكية.

بمعى أوضح الضريبة تفرض على ذوي الدخول المرتفعة تجنبا لوقوع ازدواج ضريبي على الأفراد .

وهذه هي الصفحة التى تبين الإعفاء

[eslam elmasre]

احييك اخي الفاضل احمد سيف علي شعورك الوطني ومحاولتك التعبير عن حبك وتعاطفك مع الوطن بطرحك لهذه الفكرة

لكن اسمح لي ان اشاركك التفكير بصوت عالي واحتاج لاجابة عن تساؤلات تدور في ذهني واجد صعوبة في الرد عليها

اولا

حضرتك بتتكلم عن ضريبة علي الدخل ام ضريبة علي الاجور والمرتبات لانه ليس كل المصريين يعملون في اطار الوظيفة ويحصلون علي مرتبات بطريقة مقننة لكن الحقيقة ان هناك مستثمرون ورجال اعمال يحققون ارباح نتيجة تجارتهم او استثماراتهم وكذلك افترضت انهم جميعا اوضاعهم القانونية مقننة لكن هناك من يخرج للعمل في بلدان دون تقنين وضعه او الحصول علي عقد معترف به امام الجهات الرسمية ويعمل في الخارج وقد يتحصل علي ارباح اكثر من الذي قنن وضعه ولن تستطيع الحكومة مطالبته بتلك الضريبة ولاحظ انني اتكلم عن فئة غالبة يعني هناك حوالي 2 مليون مصري يعملون في ليبيا كم منهم سافر للعمل بعقد عمل محدد المدة ؟ اعتقد انهم اقلية ولا انكر في ذات الوقت ان هناك الكثير منهم يتحصلون علي ارباح كثيرة ولا تستطيع الدولة حصرهم وتقديرهم بدقة مما يكون داعي لظلم طائفة المقننين علي حساب غيرهم من غير المقننين والتجار ورجال الاعمال

ثانيا

لا تستطيع ان تحدد حجم العباء العائلية التي تخصم من صافي الوعاء الضريبي بعدالة لاختلاف ظروف كل بلد عن الاخري فلا يعقل ان نتعامل مع المقيم في السعودية كالمقيم في السودان او المقيم في الولايات المتحدة ولا تستطيع ان تعاملهم بمثل المعاملة التي يتعامل بها المصريون في مصر للاختلاف التام في الظروف

ثالثا

هناك فئة لا تسطيع الوصول اليها مطلقا وهم المهاجرون والذين اصبحت صلة الوطن بهم صلة انتمائية وليست صلة مسؤولة ومشاركة في اعباء الوطن كمواطن كامل المواطنة ورغم ذلك هم ممن استفادوا بخدمات الدولة من تعليم وصحة واستخدام مرافق الدولة ومشاريعها ورغم ذلك فهم اختاروا طريقا يبعدهم عن التفاعل التام والكامل مع مشاكل الوطن والمشاركة في دعم الموارد المالية للدولة بصورة الزامية

رابعا

وهو الاهم حيث ان المباديء الضريبية والتي تتصف بها الضريبة كوسيلة مالية من وسائل الدولة الحديثة تعد مورد من موارد الدولة تضع مبدا في غاية الاهمية وهو مبدأ اقليمية الضريبة حيث ان الضريبة لا تفرض ولا تحصل الا في المكان الذي يقيم فيه المواطن بصرف النظر عن كونه مواطن او مقيم او مهاجر المهم هو الاقامة ومكان الحصول علي الايراد او تحققه وهنا تفرض الضريبة حتي ان هناك موطنون امريكيون يفضلون العمل خارج الولايات المتحدة لتمكنهم من الحصول علي مرتباتهم دون الوقوع في شرائح الضرائب في الولايات المتحدة والتي تتصف في بعض الاحيان بالمغالاة من وجهة نظر المواطن الامريكي

هذا علي عجل وانتظر ردودك ومداخلاتك الرائعة

[se_ Elsyed]

1

- العامل بالخارج يدفع ضريبة فى الدولة التي يعمل بها

لإ إحنا ما بندفعش حاجه في السعودية يا محمد بيه

[Alshiekh]

1

- العامل بالخارج يدفع ضريبة فى الدولة التي يعمل بها

لإ إحنا ما بندفعش حاجه في السعودية يا محمد بيه

كلام جميل جدا أن كل واحد يقول المعلومات المتوافرة عنده

عموما

المفروض كل اسرة مصرية تقوم بتقديم اقرارها الضريبى كل سنة وتوضح فيه قيمة دخلها والمصاريف التى تم صرفها فى اوجه محددة يحددها القانون زى مصاريف التراخيص والعلاج والتأمين الصحي والتأمين على الحياة والسيارات وهكذا

ويتم ذلك على كل المستويات ، عاملين بالخارج ومقيمين بمصر

وتحدد شرائح عادلة للعاملين بالخارج كل على حسب الدولة التي يعمل بها ،

فمثلا واحد زيي بيدفع ضريبة واشتراك معاش تقاعدى لامريكا يبقى له حد معين من الإعفاء

واحد زي سين سين بيشتغل فى بلد لاتقوم بتحصيل ضريبة أو اشتراك معاش تقاعدى للسعودية ، يدفع ضريبة واشتراك معاش تقاعدي فى مصر

وبالتالى يكون هناك عدل وضمان اجتماعي لمن يصاب بشيئ يقعده عن العمل .

وياريت الإعلام يقوم بدور فى حث الناس على فكرة انهم يقدموا اقرارات ضريبية لضمان حق الدولة من ناحية وحقهم فى المعاش لما يكبروا فى السن او يعجزوا عن العمل.

[hOuSsAm]

موضوع جميل جدا احييك اخى الفاضلل عليه واحيي اراء باقى الاخوة

من رايي اول حاجة سيتم معاملة كل بلدكوحدة منفصلة بمعنى ان كل بلد سيكون للمصريين المقيمين بها وعاء ضريبى مختلف عن البلاد الاخرى لان لكل دولة عملتها ومعدل انفاقها بمعنى ان المواطن الذى يعيش بالفين ريال (او ما يعادلهم 3000 جنيه) فى السعودية ربما لا يستطيع العيش بنفس المبلغ فى انجلترا

سيتم توجيه مندوب من وزارة المالية للعمل تبع وزارة الخارجية فى القنصليات والسفارات المصرية لان هذا العمل غير مقدور عليه داخل مصر لانه من السهل جدا التهرب منها داخل مصر بشتى الطريق

الالية هتكون فى الزام وزارة الخارجية الحكومات الاجنبية عدم الاعتراف باقامة المواطن المصرى الا فى حالة اعتماده من قبل السفارة (يعنى بطاقة الاقامة مش هتصدر الا لما السفارة تختم)

وطبعا عشان ياخد الاعتماد ده لازم يملى الابلكيشن بتاع السفارة ويرفق به عقده اللى فيه تفاصيل راتبه ويكون طبعا موثق من الغرفة التجارية (فى البلد الذى يعيش فيها المواطن)

وبكدة ضمنا وجود داتا بيز فى القنصلية بمرتبات المصريين فيها وطالما هو مقييم نظامى فى البلد ده فمفيش واحد هيعدى من تحت ايد السفارة الا لما تكون بياناته كلها موجودة وليكن بتاريخ 1 مايو 2011

لو فرضنا ان مدير مرتبه 25 الف ريال شهريا وحد الاعفاء له بما انه عازب 5000 يعنى الدخل الخاضع للضريبة هيبقى 20 الف شهريا

لما يجى المدير فى شهر مايو 2012 ينزل اجازة وعشان ياخد تاشيرة الخروج والعودة (بالاتفاق بين الحكومة المصرية والسعودية) لازم يروح ياخد الختم من السفارة وعشان ياخد الختم لازم يكون مصفى زمته المالية كدة الوعاء الخاضع للضريبة 240 ريال سنويا بعد استقطاع مبلغ المعيشة وبكدة ضمنا انه يتم تحصيل مبالغ الضرائب داخل السفارات بكل سلاسة وليونة والكنترول هيبقى عالى عليها جدا

طبعا هيتم المعاملة بعملة البلد (وليس الجنيه المصرى) ويتم وضع الشرايح طبقا للقوة الشرائية لكل عملة وحسب ظروف كل بلد هيكون فيه عدالة ومساواة واحنا كمصريين ممكن نستفيد من انظمة دول الخليج اللى مفهاش ضرايب اننا نفرض احنا الضرايب ونستفيد بالدخل ده لبلادنا

---------------

بالنسبة للناس اللى بتقول ان المغتربين مش مستفيدين من خدمات مصر عشان هما طول السنة بره مصر فيه نسبة ومش قليلة من المغتربين من اللى بيقضوا شهر فى مصر وشهر فى الخليج ومرتبهم بياخدوه من الخليج وبمبالغ مش قليلة فدول احق بان يستقطع منهم مبلغ ضريبى

--------------

طبعا انا ارفض وبشدة الازدواج الضريبة يعنى البلاد اللى بتفرض ضرايب خلاص كفاية كدة وخبطتين فى الراس بتوجع

-------------

هتبقى فيه مشكلة ان ناس كتيرة بتشتغل بدون عقود وده كله هيسهل الكنترول عليه مع البدء فى العمل بمعنى ان فى اول سنة هتبقى الحصيلة 100 مليون وفى تانى سنة هنلاقيها 130 مليون مثلا

-----------

طبعا هيبقى فيه حد للسماح وعلى حسب ظروف كل دولة - اكيد الحكومة مش هتبدح الناس او هتيجى على واحد دخله 1500 ريال وتقطع منه كمان اظن ان الاستاذ احمد قصده عالناس اللى مرتباتها معدية محدودى ومتوسطى الدخل بحيث انه بيقدر يعمل بيه وفورات كبيرة ماشاء الله

---------------

طبعا جزاكم الله كل خير على فتح هذا الموضوع واللى هيكون فيه فايدة كبيرة لمصرنا

ربنا يسامحك يا استاذ احمد احنا بقينا بنكح تراب واسفلت كمان نقوم ندفع ضرايب :closedeyes:

تم تعديل 6 مايو 2011 بواسطة hOuSsAm

[Nileman]

خلي بالك ان كل مليم ينفقه المغترب خلال الشهر او الشهرين اجازة بالاضافة الى المصروفات الشهرية والنفقات اللي بيبعتها لعياله

هي في المجمل دخل اضافي لمصر

حتى لو حط الفلوس في البنك فهي دخل لمصر

تحياتي

خلي بالك هناك فارق بين ان الفلوس تدخل مصر ... وبين انها تدخل الموازنة العامة

المغترب عندما يدفع أموالا كسبها في الخارج للحصول على السلع والخدمات - فباستثناء ضريبة المبيعات - فإن هذه الأموال لا تستفيد منها الحكومة في تقديم الخدمات العامة ... بل إن حصوله على بعض السلع والخدمات المدعمة نظير هذه الأموال يعني أن الحكومة تدفع له جزءا من ثمنها

انتشرت مقولة خاطئة فيما سبق مفادها أن تحويلات المصريين في الخارج هي أحد أهم مصادر الدخل القومي ... والصحيح أنها أحد موارد النقد الأجنبي ولكنها فعلا لا تضيف للناتج القومي أو الموازنة العامة

ازاي يعني سيادتك مليارات بتدخل البلد في شكل مدخرات و انفاق استهلاكي على السلع و الخدمات و مابتدخلش الموازنة العامة للدولة؟؟!!

المدخرات بيتم اقراضها و استثمارها في المشروعات المختلفة و الانفاق الاستهلاكي بيخلق طلب على السلع الخدمات المحليةو في النهاية كله بيصب في الموازنة العامة للدولة سواء كضرائب أو رسوم و دمغات او ايرادات لخدمات جكومية

أنا أقصد لا تدخل بشكل مباشر ... لإن اللي حضرتك بتتكلم عنه هو استفادة غير مباشرة تحدث مع أي نشاط اقتصادي ... فلو تعاملنا بنفس المنطق مع صاحب مصنع يصدر منتجاته الى الخارج فسنجد أنه أيضا يدخل فلوس للبلد وينشط الاقتصاد ويدفع دمغات وضرائب وغيرها ولكن ذلك لا يعفيه من دفع ضريبة على دخله الشخصي

الضريبة ايراد سيادي للدولة مقابل خدمات لكن لو انت عيش برة و مصدر دخلك خارجي يبقى قانونا لانخضع للضريبة و مع ذلك بندفع عوايد و دمغات و رسم تصاريح عمل مالهاش لازمة

عموما اقتراحك فيه الكثير من الوطنية و انا موافق عليه بشرط ان تكون ضريبة اختيارية مش اجبارية

[hOuSsAm]

الضريبة ايراد سيادي للدولة مقابل خدمات لكن لو انت عيش برة و مصدر دخلك خارجي يبقى قانونا لانخضع للضريبة

ايوة فعلا قانونا لا تخضع للضرايب وعشان كدة القانون ممكن يتغير مع تغيير الدستور اما بالنسبة للخدمات هو مين قالك انك مبتخدش خدمات من بلدك

مش بتستفيد من القنصليات - مش بتنزل اجازة - مش فيه شرطة وجيش بيحمول ولادك واسرتك ومملتكاتك - فيه خدمات كتيرة بتحصل عليها من الدولة وكفى رد الجميل بالتعليم اللى اخدته من مدارسها وجامعتها

و مع ذلك بندفع عوايد و دمغات و رسم تصاريح عمل مالهاش لازمة

الحمد لله مدفعتش حاجة من يوم مسافرت - قولى بس الحجات اللى بتدفعها دى فين لانى كل اللى بدفعها حجات عشان انا مقيم فى مصر ولا دخل لها برسوم غربة او كدة

انا موافق عليه بشرط ان تكون ضريبة اختيارية مش اجبارية

مفيش حاجة اسمها ضريبة اختيارية وليست اجبارية والا هكون اول واحد مش هدفعها

لازم الاجبار والالزام فى الحجات دى لتحقيق العدالة والمساواة

[eslam elmasre]

الضريبة لا تدفع مقابل خدمات مباشرة لانها وسيلة من ضمن وسائل عدة لتنمية موارد الدولة وذلك للصرف علي احياجات الدولة من بناء بنية تحتية او صرف مرتبات العاملين في الدولة ....الخ

أي انني لا ادفع الضريبة حتي يتم زرع شجرة تحت منزلي او وضع صندوق قمامة امام منزلي بمجرد ان اقوم بدفع تلك الضريبة ولكن تعود علي المجتمع بصفة عامة وتنفذ وفق خطة تنتهجها الدولة

الضريبة تستحق في حالة وحيدة وهي تحقق الايراد

أي واحد كسب فلوس يبقي يدفع عنها ضرائب بعد خصم الاعباء العائلية وخلافة من الخصومات القانونية

الضريبة تفرض علي ايراد تحقق علي نفس البقعة او نفس البلد التي استطاع فيها المواطن تحقيق هذا الايراد واستخدم بنيتها التحتية في تحقيق هذا الايراد وهذا مبدأ عام تطبقة غالبية الدول لان هناك ايضا غير مصريين يقيمون في مصر ويحققون ايرادات من عملهم في مصر وبالتالي تحصل منهم ضرائب أي تقوم الحكومة المصرية بتحصيل ضرائب منهم عن تلك الايرادات التي تحققت علي اراضيها وبناء علي ذلك يمكنهم التضرر من ذلك لانهم يومين وماشين ومش هايستفيدوا من خدمات الدولة

كما ان هناك احكام كثيرة صدرت بعدم دستورية تحصيل ضريبة من العاملين المصريين بالخارج لاسباب كثيرة اهمها الخروج عن المباديء الضريبية وهي اقليمية الضريبة

[Nileman]

الضريبة ايراد سيادي للدولة مقابل خدمات لكن لو انت عيش برة و مصدر دخلك خارجي يبقى قانونا لانخضع للضريبة

ايوة فعلا قانونا لا تخضع للضرايب وعشان كدة القانون ممكن يتغير مع تغيير الدستور اما بالنسبة للخدمات هو مين قالك انك مبتخدش خدمات من بلدك

مش بتستفيد من القنصليات - مش بتنزل اجازة - مش فيه شرطة وجيش بيحمول ولادك واسرتك ومملتكاتك - فيه خدمات كتيرة بتحصل عليها من الدولة وكفى رد الجميل بالتعليم اللى اخدته من مدارسها وجامعتها

و مع ذلك بندفع عوايد و دمغات و رسم تصاريح عمل مالهاش لازمة

الحمد لله مدفعتش حاجة من يوم مسافرت - قولى بس الحجات اللى بتدفعها دى فين لانى كل اللى بدفعها حجات عشان انا مقيم فى مصر ولا دخل لها برسوم غربة او كدة

انا موافق عليه بشرط ان تكون ضريبة اختيارية مش اجبارية

مفيش حاجة اسمها ضريبة اختيارية وليست اجبارية والا هكون اول واحد مش هدفعها

لازم الاجبار والالزام فى الحجات دى لتحقيق العدالة والمساواة

لتاني مرة الضرائب ايراد سيادي يعني مرتبط بسيادة الدولة و مصر ملهاش سيادة خارج اراضيها و محل واقعة اكتساب الدخل خارج الأراضي المصرية اذن غير خاضع للضريبة و حتى لو طلع قانون بفرض ضريبة على العاملين بالخارج حيتلغي في اول جلسة في المحكمة الدستورية زي ما إتلغى قبل كده

بالنسبةة للي بندفعة فالعملين في الخارج بيدفعو 135 جنيه كل سنة مقابل حاجة وهمية اسمهاتصريح العمل بالخارج (مع ان سبب سفرنا اننا اصلا مش لاقيين عمل بالداخل)

بندفع رسوم نظافة و عوايد على شققنا رغم اننا مش عايشين فيها (بس ده زي مانت قلت عشان الجيش و الشرط وكده يعني)بس احنا بندفع فعلا

بنستحمل ارتفاع اسعار تذاكر مصر للطيران عن اي شركة طيران عربية اخرى بس عشان مصر

بالنسبة للتعليم مش كلنا تعليمنا حكومي يعني فيه كتير مننا تعليمهم خاص بمصاريف باهظة من الحضانة للجامعة ولا انت عايز نفرض رسوم على خريجي التعليم الحكومي بس؟!

و حضرتك قلت بنستفيد من القنصليات - هنا لينا وقفة كلنا (المصريين بالخارج) - يا سيدي الفاضل القنصليات هي اللي بتستفيد مننا يعني تصريح العمل لو عملته في القنصلية حتدفع ثلاث أضغاف ثمنه في مصر ناهيك عن الأسعار المبالغ فيها لرسم شهادات الميلاد و جوازات السفر سوء المعاملة من موظفي القنصليات

غير كده مافيش خدمات يعني لو عندك مشكلة مع كفيلك ابقى قابلني لو السفارة قالتلك حتى صباح الخير

و انا قلتلك ضريبة اختيارية عشان لو اجبارية حتبقى غير قانونية و حنطلب الغائها

و بعدين يا اخي طالما انت ماسافرتش و عايش في مصر ما تسيب المغتربين في حالهم :)

[أحمد سيف]

الكلام اللي حضرتك قلته كله كويس ... باستثناء النقطة الأخيرة

و بعدين يا اخي طالما انت ماسافرتش و عايش في مصر ما تسيب المغتربين في حالهم :)

ما هو ممكن برضه واحد عايش في مصر يقول لحضرتك لما تيجي تتكلم عن أحوال البلد خليكوا في حالكم ومالكوش دعوه باللي بيحصل في مصر ما دمت عايش في الغربه

كلنا مصريين لنا نفس الحقوق وعلينا نفس الواجبات سواء كنا تعيش داخل مصر أو خارجها

[hOuSsAm]

و بعدين يا اخي طالما انت ماسافرتش و عايش في مصر ما تسيب المغتربين في حالهم

ياعمى انا سافرت و متغرب اهو وطالع عينى من ساسى لراسى

والحمد لله عارف المغتربين كويس جدا ودارسهم من اول عرعر لحد عدن ومن الدوحة لحد جدة

وعارف انا بقول ايه كويس ومسئول عنه

تقبل تحياتى