ضريبة الدخل للعاملين في الخارج

[Nileman]

طب و ليه نسيت رسوم تصاريح العمل السنوية اللي بندفعها و رسم استخراج جواز السفر و تذاكرنا على مصر للطيران مش كل ده رسوم للدولة

و كمان الرسوم المبالغ فيها للخدمات القنصلية و التي تبلغ عشرة اضعاف قيمتها داخل مصر

اظن ده كفاية علينا قوي

مش فاهم ايه علاقة تذاكر مصر للطيران بالضرائب ... حضرتك بتحصل على خدمة مباشرة من شركة الطيران مقابل اللي بتدفعه ... ما ينفعش مثلا أعفي مواطن في مصر من الضريبة لأنه بيركب الأوتوبيس

وأنا معاك في ضرورة إلغاء هذه البدعة المسماة تصريح عمل مش بس علشان الفلوس ولكن لأن فيها انتهاك لحرية المواطن في الانتقال والعمل

يا سيدي الفاضل مصر للطيران أسعارها أغلى من الطيران السعودي و بتدي وزن أقل للركاب و مع ذلك بنغصب على نفسنا و نركبها علشان نشجع اقتصاد بلدنا

[Nileman]

الكلام اللي حضرتك قلته كله كويس ... باستثناء النقطة الأخيرة

و بعدين يا اخي طالما انت ماسافرتش و عايش في مصر ما تسيب المغتربين في حالهم :)

ما هو ممكن برضه واحد عايش في مصر يقول لحضرتك لما تيجي تتكلم عن أحوال البلد خليكوا في حالكم ومالكوش دعوه باللي بيحصل في مصر ما دمت عايش في الغربه

كلنا مصريين لنا نفس الحقوق وعلينا نفس الواجبات سواء كنا تعيش داخل مصر أو خارجها

اخي الفاضل مع كل احترامي أنا لم أقصد الإساءة و بالطبع من حق كل مصري أن يقول رأيه و لكن فقط ليه يتم فرض ضرائب على المغتربين و لا يتم زيادة الضرائب على المصريين بالداخل؟

المشكلة ان فيه ناس كتير فاكرة المغتربين قاعدين يملو صناديق فلوس و الله العظيم احنا هنا عايشين كويس بس ولا تحويش ولا فلوس و لو الكفيل رحلك و لا رجعت نهائي حنبقى زي ماروحنا زي ما جينا

و لك احترامي

تم تعديل 7 مايو 2011 بواسطة Nileman