اشمعنى المسيحيين !

[م تيمور المراغي]

هو يوم اسود وربنا يستر يوميها ويعديها على خير

لو قالت مسيحية حتحصل مشاكل والعكس بالعكس

احمد كلامك سليم لكن التطبيق حيكون ازاي !!

ناوي تطبق القانون المصري والا الشريعة الاسلامية !

استاذ ابراهيم انا ما تجاهلتش تطبيق حد الردة عشان انفي التعصب انا فتحت التوبيك عشان نوصل لنقطة ما مستنيها

ما تستعجلش حنوصل لها ,,

ميدو الصورة مش متفبركة خدها مني ,,

يمكن مغصوبة او متهددة او واحده شبيهه انا مش قريبها

بس مش متركبة ,,

[م تيمور المراغي]

اشكرك على حرصك يا جسار بس لو ركزت حتلاقي ان قصدي هو تخفيف الاحتقان مش زيادته

اصبر و شوف ,,

[ابو محمود]

يأخ أرك انت حاطط الموضوع علشان تجر شكل ناس ما ولا طائفة ما من المسلميين ام للمسلمين جميعآ ؟

اعتقد والله اعلم يوجد فى نفسك شيء الله اعلم بة ياريت يا أرك باشا نشوف اشياء ومواضيع تنفع وطنا بدل ما تضيع وقتك الثمين فى اتهامات ليس لها اساس

الدم والعنف ليس فى الاسلام ولو كان من نصيب من يخرج منة ياريت تقرأ عن بعض الملل الاخرى والديانات الاخرى التى تعبد غير الله وتشوف حرية العبادات عندها وتقارن وبلاش والنبى علشان خاطرنا نحن المسلميين تشوية من مسلم زى حضرتك فى دين اجمعت كل العقول انة بلا زلل او بة لعب وهوى خلينا نفيد ونستفيد وبلاش نتكلم عن شيء وهمى وما يجيش منة غير الاختلاف عايز تعرف الاسلام ممكن تقرأ عنة بأستفاضة علشان دة دين مش نظريات انسانية يمكن تغيرها حسب الظروف او للتحديث ومش لعبة او لبانة يمكن التسلية بيها علشان نحترم عقول بعض لابد ان نحترم انفسنا اثناء طرح المواضيع ممكن نعمل ثورة وتنجع على حاكم بس عيب لما نفكر نعمل ثورة على دين اتمنى ان كلامى ما يكونش خارج نطاق القلب تمنياتى لك وللجميع بحسن الخاتمة

[م تيمور المراغي]

محمود انلايك

انا مش بعمل ثورة ضد الاسلام وهيا دي المزايدات اللي جبت سيرتها في الاول ,,

عاوز رد متعوب عليه انا وغيري مش حندفن رؤوسنا في الرمال

دي تساؤلات اديني رد مقنع ياريت

تحيتي يا سيدي ,,

[ابو محمود]

بس يا أرك ممكن تتجول فى المحاورات وهتلاقى كلام كتير بخصوص الموضوع بتاع حضرتك ناس تتهم الأسلاميين بس من غير اى وثائق يعتمدون اما على سمعنا او مقاطع ملفقة او فتوى مشكوك فى امرها وتنبع من نتاج تعاون أمنى ألخ ألخ

عزيزى أرك ماتدفنش رأسك واتباعك فى الرمال نصيحة منى لا تفعل هذا ابدآ لكن بعيدآ عن تشوية اى رمز أسلامى وهذة ليست نصيحة بل رجاء هدانا الله الى طاعتة والاخلاص لعبادتة تمنياتى لك بالتوفيق والسداد

[مصري أصيل]

أعتقد إن الموضوع يحتاج التصرف بحكمة وتعقل

صدقوني ذهاب كاميليا للنيابة وشهادتها بأنها مسيحية مش هتنهي الموضوع لإن ساعتها هيتقال إنها كانت مهددة مثلا بقتل ابنها أو أحد أقاربها

يبقى لازم نعمل تأمين تام لكاميليا والمقربين منها بشكل يعطيها الامان عند استجوابها أمام النيابة ولو حتى يكون على الأقل ابنها معها

معلش لازم نحط كل الاحتمالات بحيث نتجنب فتح الموضوع تاني

أعتقد أن معظم الناس لم تقرء المقال جيداً

كامليا لا هتروح نيابة و لا هتروح محكمة

ده كلام المحامي في المقال

هو قال أن كامليا مش راضية تظهر في أي برنامج تليفزيوني

و أنها عملتله توكيل عشان يحضر بالنيابة عنها أمام النيابة

و أن النيابة مش هتسألها أن كانت مسلمه و لا مسيحيه عشان ده مش شأن النيابه

النيابه هتسألها فقط انتي محتجزه و لا لأ

و طبعاً مش هتسألها هيه لأ دي هتسأل المحامي اللي وكلته بالنيابه عنها

و طبعاً هيكون رده أن كامليا مش محتجزه

و هيخرج زي الباشا من النيابه و كده يبقي الموضوع اتحل من وجهة النظر القانونية

و لكنه لم يحل بالنسبة لأي انسان آخر لأن برضه هتكون الشكوك لسه موجوده

لأن كامليا لا هتظهر للرأي العام و لا هتروح النيابه و لا هتروح المحكمه و اللي مش عاجبه يشرب من البحر

ده من الأخر يعني

تم تعديل 5 مايو 2011 بواسطة مصري أصيل

[م تيمور المراغي]

طلب النيابة المثول للتحقيق حيكون لسماع اقوالها هيا نفسها وليس اقوال محاميها

يعني المثول سيكون بالاصالة عنا لنفس وليس بالنيابة عن الغير

دي قضية رأي عام

[Alshiekh]

اشمعنى دى تنطبق على المسلمين والمسيحيين

المسلمون خرجوا يتظاهرون والمسيحيون خرجوا يتظاهرون

المسلمون طالبوا بعودة كاميليا

والمسيحيون طالبوا بعودة كاميليا

ورأي كاميليا وحريتها في ان تعتنق ماشائت مش مهم ، رغبتها وارادتها وحريتها تحت جزمة المتشددين من الطرفين.

انها جريمة التفكير في زمن التكفير

سلامات ياحقوق الإنسان

[م تيمور المراغي]

طيب لو حقوق الانسان تعارضت مع الشريعة !

[Alshiekh]

طيب لو حقوق الانسان تعارضت مع الشريعة !

حدد الحق وانا ارد عليك ونتناقش فيه

[ابراهيم عبد العزيز]

اشمعنى دى تنطبق على المسلمين والمسيحيين

المسلمون خرجوا يتظاهرون والمسيحيون خرجوا يتظاهرون

المسلمون طالبوا بعودة كاميليا

والمسيحيون طالبوا بعودة كاميليا

ورأي كاميليا وحريتها في ان تعتنق ماشائت مش مهم ، رغبتها وارادتها وحريتها تحت جزمة المتشددين من الطرفين.

انها جريمة التفكير في زمن التكفير

سلامات ياحقوق الإنسان

هو فى الحقيقة حاب أضيف لك انه فى الحالة دى هنقول سلامات يا تعاليم الاسلام مش حقوق الانسان بس , لان حرية الاعتناق شىء كفله الشرع .

[Simba]

بصوا بقي

الموضوع طول وباخ علي الاخر

وانا عن نفسي وزي ناس كتير اوي ما يهمناش ايه ديانتها حتي لو كانت ملحدة مش مهم نعرف اسلمت ولا لسه مسيحية

المهم انها ما تكونش محجوزة غصب عنها

وايه المشكلة انها تخرج في برنامج في التلفزيون قدام الناس مسلمين ومسيحين وتقول انها مش محجوزة ولا حاجة وديني محدش له دعوة بيه

وبس خلصت القضية

بس شكل كده فيه اطراف مش عايزة القضية تخلص والمماطلة فيها بتحفز الناس للغضب زيادة وكل شايف ان فيه حلول سهلة اوي مفيش بعد كده

انما فيديو يتعمل ولا صورة تتصور حد عارف هي مجبورة ولا مش مجبورة علي كده

ده كلام فاضي

ومرة اخيرة انا ما يهمنيش دينها قد ما يهمني حرية اي انسان

تم تعديل 5 مايو 2011 بواسطة سمبا

[مصري أصيل]

طلب النيابة المثول للتحقيق حيكون لسماع اقوالها هيا نفسها وليس اقوال محاميها

يعني المثول سيكون بالاصالة عنا لنفس وليس بالنيابة عن الغير

دي قضية رأي عام

طيب ما ده اللي المفروض يحصل يا مهندس تيمور بس المقال بيقول غير كده

وعن مثولها أمام النيابة أضاف أن كاميليا شحاتة ليست متهمة أو شاهدة، وعلمت من النيابة أن استدعاءها لن يتناول التحقيق في مسألة عقيدتها هل هي مسيحية أم مسلمة، لأنه أمام القانون وبموجب الدستور (المادة 64) حرية العقيدة مكفولة تماما لجميع المواطنين، والنيابة طالبت بمثولها لسؤالها فقط فيما قدم بشأنها من بلاغات من البعض تشير إلى أنها محتجزة من قبل الكنيسة ومقبوض عليها فهي أمام النيابة تعتبر مجنيا عليها فقط،

وبالتالي وبموجب التوكيل الرسمي العام الذي استصدرته لي، فإنه يتيح لي الإقرار في أي محضر جلسة سواء أمام النيابة أو القضاء بأنها ليست محتجزة

كل ده عشان تفضل القضية شاغله الرأي العام و عشان الحقيقه تفضل غايبه عن الجميع

المحامي بتاعها في أكتر من مداخله تليفزيونيه أكد أن الحل القانوني سيتم طرحه في اقرب فرصه و حل سيرضي الجميع فهل هذا هو الحل الذي يرضي الجميع؟

تم تعديل 5 مايو 2011 بواسطة مصري أصيل

[م تيمور المراغي]

تسلم استاذ مصري ,,

وانا ردي كان بنفس الخصوص انه هو يقول ما بداله المهم اللي حيحصل يوميها

تحيتي ,,

[مغتربة]

بالنسبه للموضوع فهو مبنى على كلام لم يثبت صحته من عدمه بعد و صوره يسهل فبركتها

الفيصل مثولها امام النيابه للتاكد من انها لم تتعرض لاحتجاز او اكراه

و لو قالت ساعتها امام النيابه انها مازالت مسيحيه خلاص الموضوع انتهى و تاكدنا بما لا يدع مجال للشك

اما استمرار المهاترات فلن يزيد النار الا اشتعالانحن لا نريد اثبات اسلامها من عدمه نحن نريد ان نتاكد من عدم احتجازها

اما بخصوص باقى الموضوع فلا اعلم على ما استند فلكى يكون الكلام موضوعى نريد حاله واحده محدده اعدمت لانها تحولت عن الاسلام

و الا سيكون كلام مرسل

لانه للاسف لدينا وقائع مثبته لا تحتمل التاويل تثبت العكس

سواء العكس هذا مسيحين اسلموا فتم قتلهم لذلك او مسلمين تنصروا و لم يحدث لهم شيىء رغم جهرهم بذلك و جههم بالعداوه للاسلام

كل الباحثين عن الحقيقه بيقولو ذى حضرتك كده بالظبط

قضية كاميليا بالنسبه لهم قضية حريه و عدل و اثبات ان مافيش حد فوق القانون

وفى ناس تانيه كتير كامليا بالنسبه لهم استعراض قوه

و كسر عين

للكنيسه

و لوخرجت كامليا تكدب قصة اسلامها

و قالت مثلا انها كانت خايفه للمسلمين يقتلوها

و الكنيسه ماحبستهاش

فى تخوف كبير من ردة فعل المتعصبين للقضيه فى حال ماصدقوهاش

( و على فكره انا كمان مش هبقى مصدقها بس الحوار عندى هيخلص بكلامها )

كلامك كان يمكن ان يصدق اذا لم يكن هناك سابقه قبل تلك

وفاء قسطنطين اعتقد انه لا يستطيع احد ان ينسى قصتها بسهوله

و كانت هى اول حجر فى تلك المياه

و لكن ماذا حدث

بمجرد ان شهدت امام النيابه انها مازالت مسيحيه

انتهت قصتها و لم يهدر دمها احد و لم يفتى احد بقتلها

رغم اليقين الذى لدى الاغلبيه انه مورس عليها ضغوط شديده حتى تشهد بتلك الشهاده

و لكن عفوا يجب على الجانب الاخر ان يكون هناك احترام لعقولنا

فعندما يشهد اثنان من موظفى الازهر الشريف امام النيابه فى محضر رسمى ان كاميليا ذهبت فعلا لاشهار اسلامها و انه تم ممارسه ضغوط من امن الدوله عليهم حتى لا يشهروا اسلامها اعتقد ان الجميع يجب ان يغير و لو قليلا من موقفه من القضيه

[مغتربة]

لو حد وعد وعد رسمي لبيع او شرا أو أو أو ورجع فيه ... فبيتوقع عليه عقوبات بالتأكيد ..

ما بالنا لو الوعد ده كان لربنا ؟

الدين مش لعبة ادخل الاسلام النهاردة .. وبعد بكره أرجع للمسيحية ... وبعد أسبوع أبقى بهائي

إيه في إيه ؟

هو الدين لعبة ؟

وما علاقة كل هذا بحرية العبادة ؟

هل الحرية معناها الفوضى ؟

ولا نعمل زي المشخصاتية المعروفين واللي أعف عن ذكر أسماءهم واللي بيغيروا ملتهم ودينهم عشان أغراض زواج وطلاق وميراث و و و

ذكرتنى بقصه حدثت لدينا فى الشارع الذى كانت تقطن فيه جدتى و الحادثه حتى الان مشهوره بين كل اهل الشارع

و يشهد الله اننى لم ازد حرفا واحدا عليها و انها صحيحه مائه بالمائه

فهم اناس نعرفهم معرفه شخصيه

باختصار هو شخص مسيحى متزوج و له اسره كان يسكن مدينتنا و لكن اصوله من الصعيد

فى الصعيد له قطعه ارض يتنازعها مع شخص مسيحى اخر كلا منهم يدعى ملكيته لها و القضيه اخذت سنوات طوال فى المحاكم بلا حسم

احد اصدقائه اشار عليه بخطه جهنميه

هو مسيحى و خصمه مسيحى لذلك اشار عليه صديقه ان يشهر اسلامه كذبا لمجرد ان يحنن قلب القاضى المسلم و يقول له ان خصمه يضهده لانه غير دينه الى الاسلام

و فعلا فعل هذا و غير اسمه و غير اسماء اولاده و استخرج لهم شهادات ميلاد اسلاميه

و بعد مده ربح القضيه دون ان ادرى هل فعلا لتعاطف القاضى معه ام لانه كان يستحقها

و بعدها !!!!!!!!!!!!!

بالتاكيد معروف الباقى رغم ان اوراقه و اوراق اولاده ظلت اسلاميه لكنه عندما مات دفن حسب الشعائر المسيحيه و لا يسالنى احد كيف و تزوجت اكبر بناته من مسيحى فى بلدهم و عادت لاسمها القديم و لا احد يسال ايضا كيف

و تبقت زوجته و باقى اولاده و لا احد يدرى عنهم شيىء اقتصروا عن الناس و لا احد يعلم ان كانوا مازالوا مسلمين ام عادوا للمسيحيه

هذه القصه حقيقيه مائه بالمائه و اعتقد انها يمكن ان تبرهن بشكل واضح حول كيف يمكن ان يكون تغير الدين باب لتحقيق مارب دون اقتناع حقيقى

و لا يسعنى ان انسى ان اذكر ايضا قصص المسلمين الذين غيروا دينهم على اساس ان يسهل لهم السفر الى اوروبا بدعوى اضطهادهم بسبب تنصرهم و عندما دخل المسئول المسيحى على احدهم الحجره فى السفينه وجده يصلى صلاه الاسلام

ليست كل قصص التحول من دين لاخر بريئه او رائعه و قائمه على الاقناع فقط فنحن بشر

لذلك من حق الدين ان يضع لنفسه سياج يحميه من المتلاعبين

[engmido]

المهم انها ما تكونش محجوزة غصب عنها

ايوووووووووووووة كده بالضبط

لا اكتر ولا اقل

----

بالنسبة لاركتكت

الصورة قد تكون قديمة ولكن انا لا اعتقد انها صورتها وبكامل قواها العقلية دون ضغط

ثم انت جبت التأكيد ده منين

---------- ومتشكرين عالرد بتاع رسالتنى

ههههه

تم تعديل 5 مايو 2011 بواسطة engmido

[مغتربة]

حتى الان لا استطيع ان اضع يدى على اساس الموضوع فهل هو تنظيرى يتحدث عن النظريات و الحدود المختلف فيها او المعطله

ام يتحدث عن الامور التطبيقيه على ارض الواقع

حد الرده فى الاسلام حد الرده فى الاسلام

اولا حدود الرده لم تقتصر على الدين الاسلامى فقط و من الاديان الابراهييه الاخرى يشاركه فيها الدين اليهودى

كما انه يمثل جزء من العهد القديم المقدس لدى المسيحيين و بصرف النظر عن فكره انه نسخ حكمه عندهم ام لا

فيكفى اقرارهم انه حد سنه الرب فى وقت من الاوقات

و بالتاكيد استحاله ان يسن الرب شيىء ليس فيه خير البشر او شيىء يكون خاطىء

و بالتالى فهذا الحد على الاقل مذكور فى الاديان السماويه الثلاثه بغض النظر هل هو نسخ ام لا

الحديث عن حد الرده الغير مطبق الان فى مصر يشبه الحديث عن الجزيه او حليه امتلاك العبيد و ما غير ذلك من امور لم تعد تطبق فعليا على ارض الواقع و بالتالى فهو رفاهيه فكريه قليلا بالنسبه للامور التى تمر بها البلد

و العجيب انه على ارض الواقع فالامر معكوس عما هو تنظيريا لذا لن نستطيع مناقشه الاتجاهين التنظيرى و الفعلى بشكل واحد لان كلا منهم نقيض الاخر فالذى يؤمن لا يطبق و الذى لا يؤمن يطبق و الاحوال بحق معكوسه

[م تيمور المراغي]

حتى الان لا استطيع ان اضع يدى على اساس الموضوع فهل هو تنظيرى يتحدث عن النظريات و الحدود المختلف فيها او المعطله

ام يتحدث عن الامور التطبيقيه على ارض الواقع

حد الرده فى الاسلام حد الرده فى الاسلام

اولا حدود الرده لم تقتصر على الدين الاسلامى فقط و من الاديان الابراهييه الاخرى يشاركه فيها الدين اليهودى

كما انه يمثل جزء من العهد القديم المقدس لدى المسيحيين و بصرف النظر عن فكره انه نسخ حكمه عندهم ام لا

فيكفى اقرارهم انه حد سنه الرب فى وقت من الاوقات

و بالتاكيد استحاله ان يسن الرب شيىء ليس فيه خير البشر او شيىء يكون خاطىء

و بالتالى فهذا الحد على الاقل مذكور فى الاديان السماويه الثلاثه بغض النظر هل هو نسخ ام لا

الحديث عن حد الرده الغير مطبق الان فى مصر يشبه الحديث عن الجزيه او حليه امتلاك العبيد و ما غير ذلك من امور لم تعد تطبق فعليا على ارض الواقع و بالتالى فهو رفاهيه فكريه قليلا بالنسبه للامور التى تمر بها البلد

و العجيب انه على ارض الواقع فالامر معكوس عما هو تنظيريا لذا لن نستطيع مناقشه الاتجاهين التنظيرى و الفعلى بشكل واحد لان كلا منهم نقيض الاخر فالذى يؤمن لا يطبق و الذى لا يؤمن يطبق و الاحوال بحق معكوسه

في الدولة المدنية اللي عاوزينها وبننادي بيها مش حينفع يكون لمجموعة ما مميزات عن مجموعة او طائفة اخرى اخرى بمعنى

لازم الكل يكون سواسية امام القانون اللي بيسري على الجميع خصوصا العقوبات على الافراد ودي اشكالية فتحت التوبيك عشان نناقش اولا قضية الارتداد الشائكة واختلاف تنفيذ العقوبة فيها بين الدين والدولة ,,

كمان الكلام بيجيب بعضه كنت عاوز اقول للسلفيين من الجميل انك تفكر وتنظر من وجهة نظر الاخر اليك ولا تنظر نظرة احادية للامور يعني دايما حط نفسك مكان الاخر وشوف ردود الافعال حتكون مرضية ليك ام لا ,, دي هي قمة المساواة في اكمل صورها ان تضع نفسك دوما مكان الاخر وتحكم حينئذ ,,

سعيد بالتفاعل جدا لكن يبقى السؤال المحير بلا اجابة ,,

دولة مدنية ام دينية

ننزل شوية

حرية الانسان ام تطبيق الشريعة

ننزل اكتر ,,

قبول الاخر ,,

تحيتي وتقديري ,,

[Simba]

كلام كلام

تحليلات ومقالات ومظاهرات ومع وضد واحتقان

فين بقي كاميليا !!!!!!!!!!!!!!!!!