التصويت في الانتخابات للمغتربين مفهوم، بس الجيش والشرطة كمان!!!!!

[abdulmuttaleb]

على صفحة مجلس الوزراء على الفيسبوك

"

أقر مجلس الوزراء تعديلات على قانون مباشرة الحقوق السياسية للسماح لرجال الشرطة والجيش والمصريين بالخارج بالتصويت فى الانتخابات.

"

أنا مش فاهم القرار ده، هل ممكن يكون غلط مطبعي مثلا من بوابة الأهرام وفيسبوك مجلس الوزراء؟!

ونعمل ايه احنا لما كتيبة 88 تكون بتؤيد البرادعي وكتيبة 77 تكون بتؤيد عمرو موسى؟!

وطيب المرشحين عادي كده يعملوا دعاية انتخابية داخل الوحدات العسكرية؟!

طيب لو كتيبة أو فرقة عسكرية مؤيدة للبرادعي قالت احنا مش لاعبين لما عمرو موسى هو اللي فاز في الانتخابات؟!

طيب لو ضابط مخابرات أو أمن وطني ساعد مرشحه المفضل بمستندات ضد مرشحين آخرين؟! أو عرقل ترقية زميل له بسبب اختلاف ميولهما السياسية؟!

طيب لو ضابط مخابرات أو أمن وطني حجب معلومة أو أجهض إنجاز معين علشان يعرقل شعبية رئيس هو ما انتخبهوش عشان ما ينجحش في الفترة الثانية؟!

ده احنا بنشوف خناقات على الانترنت بين ناس عاديين عشان ده بيقول حزب وطني برة الاجتماع، وواحد تاني بيقول المفروض تسمع كل الآراء خصوصا وأنه طالما شخص لم يدان أو يحكم عليه فلا مانع أن نسمع رأيه ووجهة نظره (موضوع محافظة الإسماعيلية)، طيب ده والناس المختلفين المتخانقين مواطنين عاديين موظفين أو شباب أو عاطلين عن العمل، نعمل ايه احنا بقى لما ده يكون جوه الجيش أو الشرطة والأجهزة الأمنية؟!

حد معايا وللا أنا غلطان ومكبر الموضوع ع الفاضي؟

تم تعديل 5 مايو 2011 بواسطة abdulmuttaleb

[se_ Elsyed]

أنا مش شايف فيها حاجه يا عبد المطلب

وعلى ما أتذكر إن إعلان نتيجة إنتخابات الرئاسة الامريكية تأخر إعلانها لحد ما يحصروا نتيجة أصوات الجنود في أفغانستان والعراق

وهما مواطنين مصريين برضوا وحرام نحرمهم من حق زي ده

[م تيمور المراغي]

الحقوقيين في كل العالم بيطالبوا ببالسماح للعسكرين بحق الاقتراع ,,

لانه في الاول والاخر مواطن من حقه ينتخب من يراه الاصلح والانسب ,,

[amgadibrahim]

لأ يا أستاذ عبد المطلب حق الإنتخاب للشرطة والجيش هيكون كأفراد أو مواطنين كل على حدة مش كتشكيلات عسكرية يعني كل واحد يقول رأيه كمواطن عاااادي جدا

[se_ Elsyed]

اقرار مشاركة رجال الشرطة والجيش والمصريين بالخارج فى الانتخابات

/5/2011 7:49:00 PM

كتب- أيمن شعبان:

أقر مجلس الوزراء، يوم الخميس مجموعة من التعديلات على قانون مباشرة الحقوق السياسية، منها السماح لرجال الشرطة والجيش والمصريين بالخارج بالتصويت فى الانتخابات، وذلك بحسب ما جاء على الصفحة الرسمية لمجلس الوزراء على موقع فيس بوك.

يذكر أن أعلنت الحكومة المصرية أعلنت في وقت سابق أن المصريين المقيمين بالخارج سيتاح لهم وللمرة الأولى التصويت في الانتخابات التشريعية والرئاسية المقرر اجراؤها أواخر العام الحالي.

وقال وزير العدل المستشار عبد العزيز الجندي إن المصريين داخل مصر وخارجها سيكون بوسعهم التصويت ببطاقة الرقم القومي، أو جواز السفر، بعد أن وافقت الحكومة على تعديل قانون تنظيم ومباشرة الحقوق السياسية.

وقال أحمد السمان المتحدث الإعلامي باسم رئيس الوزراء عصام شرف إن المصريين بالخارج سيتاح لهم التصويت في سفارات مصر بالدول التي يعيشون فيها

[se_ Elsyed]

لأ يا أستاذ عبد المطلب حق الإنتخاب للشرطة والجيش هيكون كأفراد أو مواطنين كل على حدة مش كتشكيلات عسكرية يعني كل واحد يقول رأيه كمواطن عاااادي جدا

الله ينور عليك

ومستحيل نلاقي دعاية إنتخابية في داخل أقسام شرطة او وحدات عسكرية

وفعلاً هما من حقهم كمواطنين يبقى لهم دور

واللعبة الديمقراطية بتقتضي ان أفرح بإنتصار رأيي .. والا احزن لهزيمة مرشحي ..

لإن المحصلة في النهاية بتبقى في صالح مصر

[Ahmed Anwer]

أمممممم

هما ككتلة انتخابية مش مؤثرة للدرجة

حسب ما قريت الجيش كله 500 ألف فرد ،،

يعني كتلة زي كتلة المصريين بالخارج أقوي بكثير

حوالي 7 ملايين ،،

بس الصراحة أقتنع أكثر بإن الجهات السيادية تظل حيادية

[Damo]

بالنسبة لتصويت الجيش والشرطه عليه جدل من زمان وهيفضل عليه جدل سواء حصل تعديلات أو لأ.

اللي أنا حساه غريب التوقيت.

[aimen]

ممدوح شاهين على أون تى فى نفى السماح للجيش والشرطة بالتصويت !!!!!!

#ONtveg

[م تيمور المراغي]

بالنسبة لتصويت الجيش والشرطه عليه جدل من زمان وهيفضل عليه جدل سواء حصل تعديلات أو لأ.

اللي أنا حساه غريب التوقيت.

لو قصدك انها مقصودة فالرتب من عميد وانتي نازله حتكون ضد اي توجيه مباشر من فوق لترجيح كفة مرشح معين

[م تيمور المراغي]

ممدوح شاهين على أون تى فى نفى السماح للجيش والشرطة بالتصويت !!!!!!

#ONtveg

ههههه

كده برضوا يا عبد المطلب !

:happy:

ميرسي ايمن ,,

[Damo]

بالنسبة لتصويت الجيش والشرطه عليه جدل من زمان وهيفضل عليه جدل سواء حصل تعديلات أو لأ.

اللي أنا حساه غريب التوقيت.

لو قصدك انها مقصودة فالرتب من عميد وانتي نازله حتكون ضد اي توجيه مباشر من فوق لترجيح كفة مرشح معين

حتى لو مش توجيه مباشر كنت افضل تعديل زي ده يجي بعد مالجيش يسيب السلطة. (بغض النظر عن رأيي في صلاحيتهم للتصويت )

اللي كانو مستفيدين من النظام السابق كانو بيصوتو لوحدهم مش محتاجين اوامر مباشرة.

مفيش أي مانع إن نفس السيناريو يحصل.

تم تعديل 5 مايو 2011 بواسطة Damo

[م تيمور المراغي]

بالنسبة لتصويت الجيش والشرطه عليه جدل من زمان وهيفضل عليه جدل سواء حصل تعديلات أو لأ.

اللي أنا حساه غريب التوقيت.

لو قصدك انها مقصودة فالرتب من عميد وانتي نازله حتكون ضد اي توجيه مباشر من فوق لترجيح كفة مرشح معين

حتى لو مش توجيه مباشر كنت افضل تعديل زي ده يجي بعد مالجيش يسيب السلطة. (بغض النظر عن رأيي في صلاحيتهم للتصويت )

اللي كانو مستفدين من النظام السابق كانو بيصوتو لوحدهم بدون اوامر مباشرة.

مفيش أي مانع إن نفس السيناريو يحصل.

انتي ست العارفين يا دامو انه مش حيسيب السلطة الا بعد البرلمانية والرئاسية ,,

ودي اهم انتخابات في تاريخ مصر لانها حتحدد مستقبلنا كله

الظباط دول اخواتنا و بتوعنا ولا يكون في بالك ,,

تحيتي ,,

[م تيمور المراغي]

الخبر فشنك زي ماقال ايمن

الى اللقاء في انتخابات 2015 ان شاء الله :happy:

[Damo]

دي اهم انتخابات في تاريخ مصر لانها حتحدد مستقبلنا كله

الظباط دول اخواتنا و بتوعنا ولا يكون في بالك ,,

هو مبارك كان بيشتغل إيه قبل الرئاسة ؟

تم تعديل 5 مايو 2011 بواسطة Damo

[Alshiekh]

حد معايا وللا أنا غلطان ومكبر الموضوع ع الفاضي؟

الموضوع مش غلطان والا لأ

الموضوع انك فهمت غلط ان الكتيبة اصبحت فرد ، وهذا غير صحيح

لو كان قوام الكتيبة 1000 فرد فهم 1000 صوت لهم الحرية فى اختيار مرشحهم.

وعندما نتكلم عن الجيش والشرطة فنحن نتكلم عن رقم يتراوح بين المليون والمليوني صوت انتخابي ، وهو رقم ليس من المنطق تجاهله إلا إذا كنا سنعتبر الجيش مؤسسة خارج نطاق الدولة.

العسكريين كانوا يصوتون في الإنتخابات حتى 1971 ، سواء كانت استفتاءات أو انتخابات اتحاد اشتراكي.

[م تيمور المراغي]

دي اهم انتخابات في تاريخ مصر لانها حتحدد مستقبلنا كله

الظباط دول اخواتنا و بتوعنا ولا يكون في بالك ,,

هو مبارك كان بيشتغل إيه قبل الرئاسة ؟

كان بيشتغلنا :happy:

لا لا

كان ممثل !

http://www.youtube.com/watch?v=rvAATgBzT4E

طب بجد ,,

انا قصدي واضح يا دامو ان الرتب المتوسطة واللي تحتها هيا اللي وقفت وحتقف لاي تلاعب من اللي بالك فيهم وقتهم لسه ماجاش عشان افتح الملف بتاعهم

تحيتي ,,

[se_ Elsyed]

أيوه كده

"شرف" يكلّف وزارة الاتصالات بإجراء مناقصة أجهزة التصويت الإلكترونى

الخميس، 5 مايو 2011 - 21:35

كتب محمد الجالى

قال الدكتور أحمد السمان، المستشار الإعلامى لرئيس الوزراء، إن مجلس الوزراء كلّف وزارة الاتصالات وتكنولوجيا المعلومات بإجراء مناقصة لإعداد الأجهزة اللازمة للتصويت الإلكترونى.

وأضاف السمان، أن المجلس وافق على إدخال تعديلات فى قانون مباشرة الحقوق السياسية، تضيف لأعضاء اللجنة العليا للانتخابات أعضاءً من هيئة قضايا الدولة وهيئة النيابة الإدارية.

[se_ Elsyed]

جماعتنا في مصر مستنيين المشروع ده على ناررررررررررر.. لإن تكلفة المشروع ستصل إلى أكتر من 100 مليون جنية ....

وأتمنى إن يكون الموضوع به شفافية متناهية ومناقصة على حق

واعتقد إن العملية ستشهد منافسة شرسة من الهند لإن عندهم خبرة جامدة في الموضوع ده ... وسيت أب جاهز بالفعل ومتجرب

لكن .... أتمنى مرة اخرى من الحكومة إنها تفرض على أي شركة اجنبية عاوزة تقوم بالموضوع ده إن تلتزم بنسبة معينة من الخبرة المحلية ...

لإن قطاع تكنولوجيا المعلومات تضرر كثيراً في الشهور الاخيرة وبالتالي يجب تعويضهم بحاجة زي دي

وموضوع الإنتخابات الإلكترونية دي هايشغل ناس كتيرة جداً من سوفتوير وهارد وير ومبرمجين وشبكات و و و و و

أما من خلال مناقشاتي مع بعض المختصين في هذا مجال فإن فرصة التزوير موجودة واللعب في الأصوات موجود .... واعتقد إن بعد الثورة لو مازال الشك موجود حتى في صوابعنا .. يبقى على الدنيا السلام

يعني كان شكهم في إن حتى بعد عملية التصويت ما تخلص .. ممكن مبرمج يدخل ويغير في الداتا كلها

لكن ردي عليهم كان

طب معنى كده إن نفس الناس دي ممكن تدخل وتغير في الداتا الخاصة ببطاقات الرقم القومي

وبيانات عملاء البنوك

و جوازات السفر

و و و و و

وبالتالي اللي عاوز أقولة إن الأحتياطات سهلة تتعمل لمنع مثل هذا التلاعب

لكنها خطوة أكثر ممتازة وهاتوفر كتير قوي في المجهود

وستقضي تماماً على موضوع الأصوات الباطلة لإن الاوبشن هايكون نعم أو لا .. أو موضوع بسيط يعني ... ولا مجال لبطلان الصوت

يعني أنا داخل أدلي بصوتي في إنتخابات الرئاسة

وقدامي شاشة عليها الأسماء وبأختار الأسم اللي أنا عاوزه ..

وبالتالي لا مجال إني أختار إسمين مثلاً

كمان الداتا لما تكون مربوطة ببعضها .. مستحيل أخرج من لجنة واروح التانية أصوت

وكفاية بقى حبر فسفوري وكلام قديم من ده

[aimen]

مستشار الإعلامي لرئيس مجلس الوزراء: سيتم طرح الأمر للنقاش أولا في الحوار الوطني وفي حالة الموافقة عليه سيتم طرحه للاستفتاء الشعبي ثم يعرض على المجلس العسكري هل يتم السماح للجيش بالتصويت في الانتخابات؟ نفى أحمد السمان المستشار الإعلامي لرئيس مجلس الوزراء الدكتور عصام شرف ما تردد حول السماح لرجال الشرطة والجيش بالتصويت في الانتخابات.

وأكد السمان في تصريح خاص للدستور الأصلي، أن مجلس الوزراء ناقش إدخال تعديلات على قانون مباشرة الحقوق السياسية للسماح لرجال الشرطة والجيش والمصريين بالخارج بالتصويت في الانتخابات، لكنه لم يقره قانونا بعد.

وأضاف السمان، أنه سيتم طرح الأمر للنقاش أولا في الحوار الوطني وفي حالة الموافقة عليه سيتم طرحه للاستفتاء الشعبي، وفي حالة الموافقة عليه، سيعرض بعدها على المجلس العسكري.

وكان مجلس الوزراء قد نشر على صفحته الرسمية بالفيسبوك خبرا يقول "أقر مجلس الوزراء تعديلات على قانون مباشرة الحقوق السياسية للسماح لرجال الشرطة والجيش والمصريين بالخارج بالتصويت في الانتخابات".

وقد أثار الخبر فور نشره حالة من الجدل وردود الأفعال الرافضة لتسييس الجيش والشرطة وإدخالهم في الانتخابات، قبل أن يتم حذف الخبر بعدها من صفحة مجلس الوزراء.