قريبا نادي الاخوان المسلمين بالدوري المصري

[م تيمور المراغي]

نبارك لجماعة الإخوان المسلمين تأسيس حزبهم السياسي الحرية والعدالة.. وخلال متابعة الأنباء عن نية الإخوان عن تأسيس نادي رياضي للمنافسة في الدوري العام, وجدنا هذه الصورة الطريفة على صفحة شباب حزب الحرية والعدالة :happy:

ودي بعض التعليقات الطريفة على الصفحة :happy: :

ما أن تواردت الأنباء عن إتجاه الجماعة لتأسيس فريق رياضى ، إلا وإمتلأت أجواء الفيس بالتعليقات الساخرة ..

ودشن نشطاء تويتر هاش تاج ينتقد بشكل فكاهى توجه الجماعة نحو فكرة الكومبوند الرياضي ..ـ

وهذه بعض تلك التعليقات الساخره :-

====================

مدحت شلبي يعلق : مولانا وبشير .. مولانا والجون

ــ عاجل : شوبير هيربي دقنة .. هيعمل برنامج الكرة مع الإمام

مناظرة بين مانويل جوزيه وصبحي صالح..

خبر : التراس الاخوان بيولعوا بخور بدل الشماريخ

وسؤال : هل يجوز أن يشجع عضو الجماعة فريق آخر

ــ محمود بكر : يغيب عن مباراة اليوم حارس المرمى الاساسى

لاستدعائه فى جهاز الامن الوطنى

ــ أبو تريكة يعلن إعتزاله في نادي الاخوان

ــ التي شيرت هيبقي عليه إعلان بلح او سواك

ــ احنا الاخوان.. بنجيب اجوان.. و برة الملعب بنجاهد كمان..

علماني علي ميين .. يا شيوعيين .. تعالو شوفو السلفييين .. أوووه

ــ وليد دعبس يعلن انطلاق قناة مودرن اخوان

ــ ليبراليين على مييييين يا موكوسييييين,تعالوا شوفوا الإسلاميين, أوووووه أوووووه

ــ ما فيش إعلانات بيبسى او كوكاكولا فيه بس إعلانات التوحيد والنور فقط لن نسعى لتدريب المنتخب .. و سنكتفى باربع لاعبين فقط فى المنتخب

ــ هل يجوز أن يشجع عضو الجماعة فريق رياضي آخر

غير فريق الإخوان أم سيكون معرض للفصل

ــ المرشد يؤكد انه لا مانع من دخول لاعب قبطي فريق الإخوان..

و باب الفريق مفتوح للجميع

ــ نحمل الكأس لكل الناس

ــ فريق الإخوان يعلن اعتكافه استعدادا للموسم الجديد

ــ كابتن الفريق قبل المباراة : العبوا مباراة مودع

ــ إنهاء التعاقد مع ابوتريكة عشان جالو رباط “صليبي”

ــ اختلاف كبير في الملعب على حكم الهجمة” المرتدة” ؟

ــ قيادة الإخوان تعد بعدم التدخل في فريق الإخوان،

فقط سيختاروا اللعيبة والمدير الفني ومجلس الإدارة

ــ لا أحد يستطيع ان ينكر فضل شباب الأخوان فى الفوز بكاس الأمم

ــ الهتاف الرسمى: ” بص شوف اخوانا بيعملوا ايه ”

ــ المرشد يؤكد أنه لا ينافس ع الألقاب,وأن فريقه سيشارك بـ 7 لاعبين فقط في أول موسمين ، وبدون حارس مرمى لطمأنة باقي الفرق وإثبات حسن النية

[se_ Elsyed]

تعليقات زي العسل

بس على فكرة .. من زمان قوي وهما لهم أندية إجتماعية مش عارف تبعهم ولا لأ وهي أندية " الشبان المسلمين "

حد يقدر يفدنا في الموضوع ده

[aimen]

نبارك لجماعة الإخوان المسلمين تأسيس حزبهم السياسي الحرية والعدالة.. وخلال متابعة الأنباء عن نية الإخوان عن تأسيس نادي رياضي للمنافسة في الدوري العام, وجدنا هذه الصورة الطريفة على صفحة شباب حزب الحرية والعدالة :happy:

ــ المرشد يؤكد انه لا مانع من دخول لاعب قبطي فريق الإخوان..

و باب الفريق مفتوح للجميع

ــ

ما عدا حارس المرمى

[م تيمور المراغي]

تعليقات زي العسل

بس على فكرة .. من زمان قوي وهما لهم أندية إجتماعية مش عارف تبعهم ولا لأ وهي أندية " الشبان المسلمين "

حد يقدر يفدنا في الموضوع ده

ميرسي على زوقك انت اللي عسل ,,

ده لينك عن التاريخ الرياضي للاخوان وفيه كلام عن الشبان المسلمين ,,

الإخوان المسلمون والرياضة.. بداية مبكرة

[عادل أبو عمر]

هي التعليقات طبعا تعكس خفة دم الشعب المصري في كل وقت ... حتى في عز الثورة

لكن سرد التعليقات وطلب المزيد يوضح الغرض من الموضوع اللي محطوط في موضوعات خفيفية لكن مكانه الافتراضي في موضوعات السياسة الداخلية

أخشى إن الاختلاف السياسي مع فكر الإخوان و نقد تصرفاتهم و الاستهزاء منها يصل إلى دفع البعض عن غير قصد للاستهزاء بالإسلام نفسه ..

بالتأكيد لا اخوان و لا سلفيين و لا عمرو خالد و لا غيرهم يمكن أن يحصر عليهم الاسلام .. فالإسلام أعلى من ذلك و الله وحده يعلم من ضل عن سبيله وهو اعلم بالمهتدين .

لكن إيه مش لاقي تفسير لاستخدام هذه الألفاظ في التعليقات :

هل يجوز- لا مانع - سواك - اعتكاف ...

وهل كان السواك و الاعتكاف و الجواز و المنع ... اختراع إخواني

والأخطر من يرتضي و يستحسن الاستهزاء بحديث الرسول صلى الله عليه و سلم : صل صلاة مودع و تحريفه إلى هذا المعنى السخيف ... العبوا مباراة مودع

و بعدين ممكن سؤال بسيط ... هو فيه حد مقتنع فعلا إن الدين له دخل بلعب الكورة ؟ ... طبعا لأ

طب ممكن نراجع مع بعض

أبو تريكة لما كان بيسجد شكر لله بعد الجون ... ليه مسمعناش حد ضحك أو اتريق عليه من خفافات الدم دول

المنتخب المصري الفائز بكأس أفريقيا ثلاثة مرات متتالية .. العالم كله قال عليه منتخب الساجدين .... مشفناش حد يعني هنا أو ع الفيس بوك قال نكت أو اتريق على تدين اللاعبين ..

محمود بكر لما اتريق مرة على دقن حارس مرمى على إنها سكسوكة الناس حست بقلة ذوقه ...

لإن مش هي دي أصول التعليق الرياضي .. فهو كمعلق أو متفرج او ناقد لا يعنيه سوى الكرة داخل الملعب ولياقة وسلوك و مهارة اللاعب و تكتيكات المدربين فقط خلال 90 دقيقة .

غير كدة في كلمة بتقول واحد مربي دقنه التاني زعلان ليه

[م تيمور المراغي]

التعليقات منشورة في صفحة شباب الاخوان المسلمين

عارف انها حزب الحرية والعدالة بس هم في الاصل شباب الاخوان

هما خدوها ببساطة من غير اي حساسيات ودي صدقني قربتهم في ناس كتيره اكتر واكتر ,,

كان الرسول الكريم يمزح احيانا ولا يقول الا الصدق ,,

اقدر اجيبلك مزحاته عليه الصلاة والسلام بس احب تكون في توبيك منفصل المهم

ماحدش قال انه بيسخر وا يهزأ او ان الاسلام في خطر بسبب نكتة !

خليك ايزي يا عادل التعليقات دمها خفيف وبابليك جدا

[عادل أبو عمر]

يا تيمور أعتقد ده هيكون رد فعلك لو شفت عادل إمام أو واحد ممثل سخيف تاني هم بيقلدوا الدكتور عمرو خالد بطريقة وقحة لا تتناسب مع قيمة ما يقدمه واحترامنا له ...

عمرك أبدا ما هتضحك و لا هتبقى إيزي يا تيمور لو حسيت إن فيه حد بيستهزأ بشخص تحبه ..

فما بالك بدينك وبرسولك عليه الصلاة والسلام وذكرت لك الألفاظ بالتحديد

سبب تعليقي إني لا أستطيع المرور على هذا التعليقات دون النصيحة لأخي ثم معذرة إلى الله ...

تقبل كل التحية و الاحترام

تم تعديل 5 مايو 2011 بواسطة عادل أبو عمر

[م تيمور المراغي]

حنبقى ملكيين اكتر من الملك يا عادل !

هما اصحاب الشان وهما اللي نشروا التعليقات الطريفة في صفحتهم الشخصية

يعني لو عمرو خالد فتح توبيك جايب تعليقات طريفة لناس بتمزح معاه ادخل انا اقول له غلط !

انا شايف انها كلها مقبوله وتعدي

وعموما رايك يقدر ويحترم وممكن تقوله لشباب الاخوان على صفحتهم لو حبيت ويشيلوا التعليق اللي مداييقك

ده الرابط

تقبل التحية ,,

صفحة شباب الحرية والعدالة

[عادل أبو عمر]

حنبقى ملكيين اكتر من الملك يا عادل !

هما اصحاب الشان وهما اللي نشروا التعليقات الطريفة في صفحتهم الشخصية

يعني لو عمرو خالد فتح توبيك جايب تعليقات طريفة لناس بتمزح معاه ادخل انا اقول له غلط !

انا شايف انها كلها مقبوله وتعدي

وعموما رايك يقدر ويحترم وممكن تقوله لشباب الاخوان على صفحتهم لو حبيت ويشيلوا التعليق اللي مداييقك

ده الرابط

تقبل التحية ,,

صفحة شباب الحرية والعدالة

يا تيمور كلامي مالوش علاقة نهائيا بالإخوان ... إنت ليه ماشي في الاتجاه ده و بتقترح إني أروح صفحتهم

بقولك إنت ناقل استهزاء بحديث شريف " صل صلاة مودع " فيه تعليق بيقول " العبوا مبارة مودع "

تقول : كلها مقبولة و تعدي ... حنبقى ملكيين اكتر من الملك ؟؟؟

يعني لو الإخوان سكتوا على نكتة تستهزأ بسنة رسولنا الكريم صلى الله عليه و سلم يبقى احنا كمان نسكت ؟

طب ده حتى لو سكتنا ممكن ده اللي يعدي و يكون عذر و يبقى أضعف الإيمان

لكن ننشر النكتة و نطالب بالمزيد من التعليقات الجامدة و نصف التعليقات بأنها دمها خفيف وبابليك جدا ... كل ده بدون أي تحفظ ؟؟

[fatfouta]

تعليقات من جريدة الدستور

ألتراس إخوان بالفيس بوك..تطبيق الحدعندالإصابة بالرباط الصليبي والزي من التوحيدوالنور!

البخور بدلا من الشماريخ.. والمرشد يعلن انضمام الشيخ "ماجد".. وانضمام اللاعبين للمعتقل قبل المباريات المهمة بدلا من المعسكر

اضافه قانون روح استغفر ربنا 5 دقايق برّه وسيتم تنفيذه فى حاله عمل فاول متعمد وتم اعتماد القانون من جانب اتحاد الكره

أي لاعب سيصاب برباط صليبي سوف يقام عليه الحد

احنا الاخوان.. بنجيب اجوان.. وبره الملعب بنجاهد كمان.. علماني علي ميين.. يا ملحديين.. تعالوا شوفوا السلفيييين.. أوووه

المرشد العام .. فريق الاخوان فريق مدني بمرجعيه اسلامية.. يمكن ان يدربه قبطي

تعلن آلتراس إخوان عن تقديمها دروسا مجانية لجماهير الأهلى والزمالك لهديهم إلى الفريق الصحيح وسيتم الإعلان قريباً عن المكان والمواصلات مؤمنة من مكتب الإرشاد.

مدحت شلبي يعلق: مولانا وبشير .. مولانا والجون

قيادة الإخوان تعد بعدم التدخل في فريق الإخوان، فقط سيختاروا اللعيبة والمدير الفني ومجلس الإدارة

التي شيرت هيبقي عليه إعلان بلح او سواك

وليد دعبس يعلن انطلاق قناة مودرن اخوان

التراس الاخوان بيولعوا بخور بدل الشماريخ وسؤال: هل يجوز أن يشجع عضو الجماعة فريق آخر

ــ محمود بكر : يغيب عن مباراة اليوم حارس المرمى الاساسى لاستدعائه فى جهاز الامن الوطنى

أعلنت جماعة الإخوان المسلمين عن إنشائها فريق كرة قدم و سيتم.. استبدال ال"كابتن" ب"شيخ" الفريق، وسينادي اللاعبون ع بعضهم ب باسي يا أخي شوت يا أخي، وسيتم تغيير منصب المدير الفنى و سيصبح "أمير" الفريق، والمرشح له بقوة أبوتريكة بعد اعتزاله، سيتم عقد أخوية بين الفريق و الفرق "الحمساوية" في فلسطين، ممنوع ع أي لاعب بأي شكل من الأشكال أن يحترف في بلاد الكفار كانجلترا وأسبانيا، أما بالنسبة للجماهير فإن نشيد الألتراس سيصح "ع القدس رايحين شهداء بالملايين" و هتافات الفوز "الله أكبر و لله الحمد".

[fatfouta]

إخوان يونايتد الرياضي يتعاقد رسميـــاً مع كابتـن ماجد، وقد أعلن ماجد أنه سيقطع علاقته مع صديقه ياسين وعلاقاته النسائيه بعد إنضمامه لإخوان يونايتد وظهر ماجد لأول مره في تدريبات الفريق مرتديا الزي الرسمي

فى حالة المكسب هيوزعوا مكافآت فوز "تـمـر" وفى حالة الهزيمة هيقيموا ع اللعيبة الحد !

تحريم الترقيص .. واباحة المراوغه

التسلل مباح لأن .. الحرب خدعة

لامانع من ادخل الكرة للهدف باليد .. مادام اللاعب قد سمى الله قبل ادخالها

الشعار.. الليلة الليلة جينا و الدورى إن شاء الله لينااااااا لا زمالك و لا اسماعيلى الاخواااااان هو نادينا

لا هجومية ولا دفاعية,عاوزينها كورة دينية

عاجل جماعة الاخوان تعلن ان فريقها الكروى يستعد للمشاركة بنسبة 45 % من منتخب مصر .. عملا بمبدأ المشاركة لا المغالبة .. معلنين ان الفوز ببطولة الدورى ليس من أولوياتهم فى هذه المرحلة

يا اخوان يا مدرسة... دين و فقه و هندسة

الإخوان يغيرون إسم "حارس المرمي" إلى "مرابط الثغر" .. تماشيا مع أسلمة الكرة ومفاهيمها و الحقل الدلالي لها

الأخوان يعلنون الجهاد في أول مبارياتهم مع نادي الشرطة ، وشعارهم : لا نجونا إن نجوا

خلاف بين السلفيين و الإخوان حول موقفهم من الهجمات المرتدة ، و الإخوان يؤكدون اننا ملتزمون بقوانين الإتحاد الدولي ، والسلفيون يتهمون الإخوان بالمداهنة

سجل أهدافا لا تيأس لا تخش الأهلي

كن حسن الخلق مع الخصم أنت إخوانجي

كابتن ماجد كابتن ماجد

...

هيدخل في فريق الإخوان

عاجل: صرح حذيفه(الراجل ابو جلبيه) عن رغبته في الانضمام لفريق الاخوان وانه كان لابس الزي الرسمي من زمان ونفسه يجيب جون في عبد الواحد

كابتن محمود بكر اثناء المطشات بيقول : اسمعوا منا ولا تسمعوا عنا

الدعاء الرسمى للفريق: اللهم انصرنا ... اللهم قوي من عزيمتنا .... اللهم هب لنا من لدنك كورنر وبلنتي وهب لنا مرتدة ...اللهم ابعد عنا الاصابات... والشد العضلي وبلع اللسان وتمزق الاربطة

الزي الرسمي للفرقة حيكون ماركة التوحيد و النور

امر المرشد الفني لفريق الاخوان عدم الظهور في مساء الانوار لانها تحية مخالفة للاسلام

عاجل|رصد: فريق الإخوان يعلن اعتكافه استعدادا للموسم الجديد

مفيش جدول للدورى، حنعمل إمساكية

سؤال: ومش شايفين يعني حد من لاعيبة الإخوان نزل أرض الملعب

الرد : أصلي جهاز الأمن الوطني قفشهم بيتكلموا عن خطة هجومية

الالتراس الاخوانجى تعلن انه بجانب التمر و البلح و السواك لاى عضو فى الرابطة .. هنديله ريش و بيتزا و عفاف شعيب ترد : ابن اخويا كده حيموت من الجوع

اخوان ورا اخوان ناووين على حلمنا والدوري كمان والكاس دول بقوا من حقنا

عاحل : الاقباط يؤسسون نادي ويتوعدون بهزيمه نادي الاخوان 6 -1

يتم إختيار الفريق اللي ها يسنتر الأول وفقا لمبدأ الإيثار

بيان رقم 7 من الرابطة : هيتم اختيار كابتن الفريق على اساس طول دقنه ... فاكس مهارات و أقدمية فى الفريق

هذا وقد نفى المرشد وجود أي اصابات في الرباط الصليبي لدى لعيبته مؤكدا أنهم لايمتلكون سوى أربطة هلالية

الشيوخ اللى تبع امن الدولة لما شافوا اللعيبة بيعترضوا أمن الدولة قالهم يفتوا : الاعتراض على الحكم حرام لان ده خروج على الحاكم

قبل الماتشات المهمة هانخد اللعيبة ف معتقل بدل معسكر عشان يركزوا ف الماتش

عااااااااجل مفاوضات مع الشيخ اسامة حسنى للانضمام لفريق الاخوان

لبسنا لا هيبقى من نايك ولا اديداس .. التوحيد و النور هو الحل

مدرب الإخوان يرفض تحميل الهزيمه له و للاعبيه و يؤكد: أخذنا بالأسباب

الامن الوطنى يصادر عشرون الف من البخور لدى رابطة التراس اخوان قبل مباراة الأهلي

ردا على إعلان جماعة الإخوان المسلمين عن فريق كرة قدم باسم الجماعة : الأمن الوطنى يقررالمنافسة بفريق الجهاز

شوبير هيربى دقنه و يعمل برنامج الكورة مع الامام

الاخوان ساعتها مش هيهمهم غير ماتش اتحاد الشرطة .... هياخدوا حقهم فى الملعب

ممنوع استقدام لاعبيين اجانب من الخارج ماعدا افغانستان

عاجل الغاء حارس المرمى لان الحارس هو الله

[tarek hassan]

عاجل الغاء حارس المرمى لان الحارس هو الله

موضوع جميل جدا يا أستاذه فتفوتة

وأحسن ما فيه المشاركتين الآخرتين لما فيهما من تلذذ واستمتاع بالاستهزاء والتريقة على عباد الله ( الإخوان )

بس ملحوظة بسيطة بعد إذن حضرتك

بلاش التريقة اللي فيها اسم الجلالة الله عزوجل

لأنه تعالى وتقدس وتنزه أن يوضع اسمه في مثل هذا ... لأنني لا أجد في دين الإسلام أن الله قد سمى نفسه الحارس أو سماه رسوله صلى الله عليه وسلم ( لا بمعنى حارس مرمى والعياذ بالله ولا غيره )

لا أملك إلا أن استغفر الله وله الأمر من قبل ومن بعد

تم تعديل 6 مايو 2011 بواسطة tarek hassan

[capitshino]

ادعو اخوانى واخواتى بالمنتدى التوقف عن مثل هذه التعليقات لما في بعضها من شبهات

فرب كلمة تلقي بك في قعر جهنم وانت لا تلقي لها بالاَ .

[fatfouta]

اهلا استاذ طارق

الحمد لله ان ربنا هو اللى اعلم بالنوايا وهو كمان اللى اعلم انى مش بستهزأ

لكن انا مش مضطرة اشرح لحضرتك قصدى على فكرة لان ذى ما قلتلك ان ربنا هو اللى بيحاسب وهو اللى اعلم بنوايانا

ودى مش تعليقاتى دى من جريدة الدستور ذى ما كتبت فى مداخلاتى

وبعدين الموضوع كونه جميل ده يتشكر عليه الباشمهندس اركتكت مش انا

[tarek hassan]

أهلا استاذ طارق

الحمد لله ان ربنا هو اللى أعلم بالنوايا وهو كمان اللى اعلم انى مش بستهزأ

لكن أنا مش مضطرة أشرح لحضرتك قصدى على فكرة لان زى ما قلتلك إن ربنا هو اللى بيحاسب وهو اللى أعلم بنوايانا ودى مش تعليقاتى دى من جريدة الدستور ذى ما كتبت فى مداخلاتى وبعدين الموضوع كونه جميل ده يتشكر عليه الباشمهندس اركتكت مش انا

أهلا يا أستاذة : فتفوتة طبعا مش مضطرة ولا حاجة

أنا عارف أنه مش تعليقك وعارف إنك لا تقصدين نقل تعليقات انقلب القصد فيها من السخرية والاستهزاء والتندر من الإخوان إلى التطاول على الذات الإلهية ووصف ربنا بأنه حارس مرمى نادي الإخوان الرياضي

وأنا طبعا مش بحاسبك والعياذ بالله لأن حسابنا جميعا على الله وربنا ينجينا ونعوذ به من أن نشرك به شيئا نعلمه أو لا نعلمه

[أحمد سيف]

تصدقوا أول ما سمعت الخبر جات في بالي نكتة حبايبنا اللي راحو اشتكو للريس (المخلوع طبعا) وقالولوه يا ريس النكت كلها بتطلع علينا لازم تشوفلنا حل قالهم خلاص هسألكم سؤالين لو جاوبتو عليهم محدش هيطلع نكت عليكو موافقين!!؟؟ قالولو اه موفقين

السؤال الأول:معركة بدر كانت بين مين ومين و مين انتصر فيها؟

ردو وقالو المسلمين ضد الكفار والمسلمين انتصروا

السؤال التانى: مباراة كأس العالم الأخيرة كانت بين مين ومين ومين كسب؟

ردو وقالو كانت بين الأهلى والزمالك والأهلى فاز

رد واحد فيهم قال: على كده الزمالك والكفار هيلعبو على الثالث والرابع ..

هعهعهعهع

نيجي للجد بأه ... دي خطوة كويسة جدا من جماعة الإخوان تدل على أنها تسعى فعلا للعودة الى وظيفتها الأصلية كجماعة دعوية واجتماعية وترك العمل السياسي للحزب الذي شكلته

وخطوة ذكية ايضا لأنها تكسبها شعبية إضافية في الشارع المغرم بالكرة وتكسر حواجز مع فئات اجتماعية مازالت متخوفة منها وتنظر اليها بشك وترقب

بس طبعا اللي هيكون خسران من خطوة زي دي هي الأندية ذات الشعبية كالأهلي والزمالك ... إلا إذا أعضاء الجماعة اختاروا الانحياز لانتماءاتهم الكروية القديمة ضد نادي الجماعة