الاجازات الصيفية .. والحالة الامنية .. مناقشة ذات أهمية

[لماضة مصرية جدا]

السلام عليكم و رحمة الله و بركاته

باذن الله نازلة مصر...ايه ده هو ممكن اصلا يبقي عندي اوبشن اني منزلشي....انا اموت

بس التوقيت لسه متحددشي و باذن الله يكون شهر 9 او 8...(ياااااااااااه دلوقتي حسيت انه بعيد اوي... :sad: )

بالنسبة للي مش مصريين...الصراحة بقي انا بحسكم اصحاب بيت اصلا

زمايلي الاماراتيين واحد منهم المفروض ان النهاردة في القاهرة و انا قاعدة هنا

الحقيقة رد فعل الناس اللي اعرفهم من الاماراتيين بتخليني احترمهم اوي

محدش منهم لغي اجازته لمصر

وواحد منهم...(اللي هو اللي فوق دوت)....سايب الامتحانات اللي هتبقي عندنا كمان شهر و البيه نازل يخطفله اسبوع كده في مصر و ييجي

واحد تاني....قالي بالحرف انه ناوي يشتري شقق...(وش اي حد حقود اوي....هههههههه) في مصر لانه متوقع ان الاسعار هترفع اوي بعد ما الامور تستقر

واحد تاني....قالي تفتكري اوعي تكون الثورة غيرت الحناطير :blink: احسن انا بحب اركبهم انا و العيلة

دولم الشلة اللي اعرفها...(و طبعا واضح انهم ضاربين الدنيا دماغ...زيي اصلا)

و بعدين منكن اسال سؤال اد النملة

ازاي حضرتك تبقي لوحدك في مصر اصلا...ايه ده معندكيشي جيران...

معندكيشي مرات البواب مثلا تحكيلك 76 حكاية في نفس الوقت....

معنكيشي اصحابك في المحاورات...(و انا منهم)....عندهم استعداد يقعدوا يغوا في ودانك لغاية ما تقع :)

محدش في مصر بيبقي لوحده

بس لما بيسافر بعيد عنها....بيمووووووت من الوحدة

بس خلاص

صباحكم تذكرة طيران....للبلد الوحدي الذي أحب

[engmido]

بس علشان التضخييييييييييييييييييييييييييييييم والتهوييييييييييييل

شكرااااا بس كده

مش بنقول ان البلد 100 % لا بنقول فيه قلق بس مش القلق اللى يخوف يعنى كان فيه منه قبل كده والبلد كويسة وزى الفل

بمعنى انه قبل الثورة كان بيحصل حوادث كتيييير وعادى

تم تعديل 7 مايو 2011 بواسطة engmido

[وطني حر]

بصراحه انا افكر انزل مصر السنا بعربيتي . علي اول شهر سبعه ان شاء الله

طبعا نزلت قبل كدا من سنتين تقريبا مش هو دا السؤال

السؤال هل هدفع تعريفه غير نظاميه . هل لسا طفايه الحريق بـ 200 جنيه . وهل لازم اشتري بروفايل وصوره الورق بـ 20 جنيه .

وهل لازم عشر جنيه مع كل ورقه يمضي عليها الموظف .؟؟؟ لو دا هيحصل يبقي لم تحقق الثوره اي نجاح

واعتقد هو دا المقياس الحقيقي لنجاح الثوره . وعلى الثوره السلام

[أمل حياتي]

السلام عليكم و رحمة الله و بركاته

و بعدين منكن اسال سؤال اد النملة

ازاي حضرتك تبقي لوحدك في مصر اصلا...ايه ده معندكيشي جيران...

معندكيشي مرات البواب مثلا تحكيلك 76 حكاية في نفس الوقت....

معنكيشي اصحابك في المحاورات...(و انا منهم)....عندهم استعداد يقعدوا يغوا في ودانك لغاية ما تقع :)

محدش في مصر بيبقي لوحده

بس لما بيسافر بعيد عنها....بيمووووووت من الوحدة

بس خلاص

لماظه مصريه جدا

بجد انتي عسل

انا في مصر لوحدي لسه ما لحقتش اعمل علاقات هناك

ومش اي حد حتتعرفي عليه ,,,,,

في البيت مفيش مشكله باحب استقر فيه بالايام

لكن بره المشكله مش باحب اتعامل مع سواقين وغيرهم

[أمل حياتي]

بصراحه انا افكر انزل مصر السنا بعربيتي . علي اول شهر سبعه ان شاء الله

طبعا نزلت قبل كدا من سنتين تقريبا مش هو دا السؤال

السؤال هل هدفع تعريفه غير نظاميه . هل لسا طفايه الحريق بـ 200 جنيه . وهل لازم اشتري بروفايل وصوره الورق بـ 20 جنيه .

وهل لازم عشر جنيه مع كل ورقه يمضي عليها الموظف .؟؟؟ لو دا هيحصل يبقي لم تحقق الثوره اي نجاح

واعتقد هو دا المقياس الحقيقي لنجاح الثوره . وعلى الثوره السلام

عزيزي 'وطني حر'

انت مش شايف انك مستعجل على التغيير ما بعد الثوره

اعتقد ان التغيير يحتاج سنين لان كما يقال في الامثال عندنا بالخليج

الشق عود اي ان الهوه كبيره وتحتاج وقت لردمها

تفائل وستجد الخير

[hOuSsAm]

بصراحه انا افكر انزل مصر السنا بعربيتي . علي اول شهر سبعه ان شاء الله

طبعا نزلت قبل كدا من سنتين تقريبا مش هو دا السؤال

السؤال هل هدفع تعريفه غير نظاميه . هل لسا طفايه الحريق بـ 200 جنيه . وهل لازم اشتري بروفايل وصوره الورق بـ 20 جنيه .

وهل لازم عشر جنيه مع كل ورقه يمضي عليها الموظف .؟؟؟ لو دا هيحصل يبقي لم تحقق الثوره اي نجاح

واعتقد هو دا المقياس الحقيقي لنجاح الثوره . وعلى الثوره السلام

اخى الفاضل

زمن الرشاوى انتهى خلاص

معاك موبايلك فيه كاميرا

او تشترى قلم صينى اللى فيه كاميرا من فوق (انا معرفش منين) واى حد يطل منك حاجة غير قانونية تصوره وتدفلعه وبعد كدة تروح تبلغ عنه الكسب الغير مشروع

وهيتعلق هيتعلق

ولازم بقى نبجح فى العالم دى ونكلمهم بقلة زوق ونفضحهم ونلم عليهم الناس

كفاية عليهم كدة

وكمان هما لسه موجودين فى اماكنهم؟؟؟

ربنا معاك

[abdulmuttaleb]

كان هنالك موضوع عن حظر التجول وجرت فيه مداولات أختي الفاضلة عن الحالة الأمنية، الرابط هنا ومشاركتي فيه كانت التالي:

http://www.egyptiantalks.org/invb/index.php?showtopic=120858

"

وبصراحة سيبك بقى من الإعلام والتلفزيونات وأبلة منى الشاذلي وأنكل عمرو أديب، البلد أمان وده اللي احنا كلنا حاسينه، آه طبعا الناس بتحرّص أكتر بس الدنيا زي الفل

يعني كان فيه خناقة في اسكندرية في شارع بمحطة الرمل اللي فيه محمد أحمد، الخناقة كانت بين بائع متجول وصاحب محل وحد ضرب نار في الهواء فالمحلات قفلت أبوابها على من فيها، مفيش ثلث ساعة والمولد اتفض والحياة رجعت تاني

حتى حكاية شارع عبدالعزيز لما قرأت التعليقات هنا ممن عاشوا هناك أو تعاملوا، تلاقي إن الخناقات هناك كانت حاجة طبيعية يعني مش مرتبطة بانفلات أمني أو خلافه

وبعدين حتى الحرامي، يعني مثلا صديق في بنها قبيل الفجر فوجئوا باتنين (يطفشوا) قفل المحل اللي في الدور الأرضي، حد من الجيران كان قايم للفجر انت يا ولد بتعمل ايه واحدة من الجيران رقعت بالصوت من بلكونة عمارة مقابلة، هوب يا جدع وحد من السكان ضرب نار في الهوا العيلين الحرامية اخدوا بعضهم وهربوا، فيعني حتى المجرم بيكون قلبه ضعيف جدا، والمجرم المصري بقى فيه ميزة، إنه لو انت عاملته راس براس يعني فكرته بربنا وإنك عارف إنه جايز محتاج فلوس وممكن تساعده بالحلال ح يتحول لبني آدم مسالم وممكن يعيط في حضنك كمان؛ لأن معظم البلطجية عيال بتكون فعلا فقيرة ومحتاجة وعايز يرجع بعلاج لأمه أو أكل لبيته اللي فيه 20واحد

معلهش طولت في الرغي بس أنا مزاجي النهاردة عال العال كنت بأسمع نشرة الأخبار ع الراديو من البرنامج العام والأخبار واحد عن جهود مصر في المصالحة وواحد عن ليبيا ومفاوضات بين القذافي والثوار، وواحد عن العراق ورابع عن الجزائر، زي نشرة الأخبار أيام مبارك يوم السبت بالذات مبيكونش فيه أنشطة حكومية أوي، فيعني الحمد لله بدأت الحياة تعود لمجاريها

على الله بس الإعلام يتهد ويوعي الناس بالاقتصاد والإنتاج، امبارح كنت بشوف ع اليوتيوب وزير المالية مع عمرو الليثي بيقول سواقين التاكسي الجديد ضمن اعتراضهم عايزين يغيروا اللون بتاع النقط أبيض وأسود! والإعلام المصيبة إنه قاعد ينقل وتظاهر آلاف ويا ريته حتى يقول طلباتهم ايه عشان الناس تنزل تديهم على دماغهم.

والله حكاية إنك تشيل سلاح دي تعتمد، يعني لو أنك رجل يأكل الطعام ويمشي في الأسواق - أقصد يعني بتركب المواصلات العادية بتاعت المواطنين- فمش ضروري أوي سلاح، ولو تعرف تضبط سفرياتك داخل مصر على القطر يكون أفضل،

لكن لو ح تؤجر عربية مرفهة شوية مثلا فيفضل أن تحمل سلاحا أو حتى مسدس صوت،

واحد قريبي زرته من كام يقوم لقيته حاطط المسدس على المكتب، بس هو بيسافر كتير على الزراعي من القاهرة للمنوفية والعكس،

بلاش الله يكرمك تروح تشتري حاجة غالية من حد متعرفهوش، يعني حكاية شراء وبيع العربيات دي بلاش منها خالص لأن ممكن يكون الطرف الآخر عصابة أو مجرمين، إلا لو شخص انت عارفه وواثق منه،

خليك برضه على تواصل مع أقاربك أو معارفك لما تيجي تخرج وللا حاجة بحيث تطمئنهم باستمرار كل كام ساعة، وأدعية الصباح والمساء وتوكل على الـلـه،

معظم كلامي أعلاه عن القاهرة والإسكندرية، أما مثلا محافظة زي المنوفية الناس هنالك مش حاسين بالآثار السلبية بتاعت الثورة أساسا إلا اللي شغالين في القاهرة والمدن كموظفين قطاع خاص، أما ما عدا ذلك فلا قلق نهائيا.

هو بس أيام انتخابات مجلس الشعب والرئاسة الواحد قد يكون متخوف منها، وربما تكون مجلس الشعب بروفة للرئاسة من حيث الانضباط الأمني، ويا ريتهم عملوها في رمضان علشان الناس تبقى صايمة ومؤدبة.

"

[أمل حياتي]

عزيزي abdulmuttaleb

مفيش غير اغني اغنية ام كلثوم

ما بين بعدك وشوقي إليك وبين قربك وخوفي عليك

دليلي احتار وحيرني

لحد ما آخد قرار هههههه

[MemoG]

ممكن تنزلي في الشتاء لو مش عندك التزامات زي المدارس

او تنزلي في اجازة نصف العام وبردو هيكون الوضع اختلف بعد الانتخابات

تم تعديل 7 مايو 2011 بواسطة MemoG

[أمل حياتي]

ممكن تنزلي في الشتاء لو مش عندك التزامات زي المدارس

او تنزلي في اجازة نصف العام وبردو هيكون الوضع اختلف بعد الانتخابات

اختي ميمو انا بانزل دايما بس مصر بعد الاحداث

صعب اننا نحس انها زي زمان

من نواحي كتير لان الاعلام بيأثر علينا مهما قلنا لأ

[الرويناء]

احييك على الموضوع اللى بمنتهى الصراحه شاغل ناس كتير وزى مقولنا مش كلنا هنصبح ملايكه يعنى ناس كتير هتخاف تنزل لان الجو مش مستقر ومش هيبقى الجو ظريف للفسح

ومفكروش فى اللى دفعوا حياتهم تمن مش لقوا الجو مش كويس للفسح يعنى انا واحده قالتلى ايام حظر التجوال ايه ده كده مش هنعرف نتسحر بره فى رمضان يايي

انا عن نفسى هنزل باذن الله واعتقد ميعاد نزولك موافق عيد الفطر علشان كده غالى

وبالنسبه للامن انا سألت ناس كتير وشايفه ان الامور معقوله يعنى طبعا فيه ناس بتبالغ وتحسسك انها مبتنزلش من بيوتها وفى حوادث اكيد بتحصل بس هو من امتى مكنش فيه بلد بيحصل فيه سرقه وخطف وكده

انا السنه اللى فاتت بيقولى هتنزلى بالاولاد لوحدك ايدك تموت عليهم ياحسن الاولاد بيتخطفوا على طول وحسسونى ان مافيش طفل بينزل الشلرع

ودلوقتى يقولك ديه الناس بتركن صف تانى وتالت فى الشارع والدنيا مهرجله طب ماطول عمر الناس بتركن صف تانى وتالت

انا عارفه ان اكيد الحاله مستقرتش بس يعنى لو لاقدر الله اى واحد مننا حصله مشكله فى شغله واتفنش هيقولهم لا مقدرش ارجع بلدى الدنيا مش مستقره ولا هيطلع على بلد تانى

وبالنسبه للتذاكر انا الصراحه بحجز بدرى جدا علشان السعر يكون كويس فانا حاجزه من اخر ديسمبر وطبعا كان رخيص بس انا عرفت ان الت اكر غليت عن كل سنه وحاجه تانيه الاوزان قلت فياريت كل واحد قبل ميسافر يراجع شركه لطيران ويتأكد من الوزن

(وربنا يسهل لنا جميعا السفر ونسعد فى بلدنا وبحريتنا ومنساش( ادخلوا مصر ان شاء الله امنين

تم تعديل 7 مايو 2011 بواسطة الرويناء

[أمل حياتي]

اختي الرويناء

اشكرك على مشاركتك الجميله التي تحكي كل هواجسنا

اولا نفسي اسال ما هو معني اسمك ؟؟؟؟؟

ثانيا الاحساس المسيطر علي انا شخصيا ان البلد مفيش فيها كبير

ليه ما اعرفش الخوف فعلا اني اروح وما اعرفش ارجع

قلت لناس مصريين معايه في الشغل طيب لو حصل حاجه وبقى فيه صعوبه في الرجوع

والذهاب للمطار وكل ما تتطلبه رحلة العوده اعتمادا على ما سمعت من اقارب لي عما تكبدوه

من مصاعب اثناء الاحداث ورحلة العوده ....

فردوا على اصحابي المصريين مفيش حاجه حتحصل اسوأ مما حصل

هل تعتقدون فعلا بذلك ؟؟؟؟؟

[الرويناء]

شكرا ليكى انت

الاسم ده اسم بنتى وانا كنت بدور على اسم وانا حامل وقالولى على النت برضه ان معناه اشجارالجنه وبعدين اتضح انه النجم الامع فى السماء

وفعلا مافيش حاجه هتحصل اكتر من اللى حصل يعنى لما الشرطه انسحبت فى ايام الثوره حتى من المطارات وطبعا الشوارع ولا الوقت دلوقتى بصى انا مؤمنه انه لن يصيبنا الا ماكتبه الله لنا يعنى لو مكتوبلى شئ هشوفه لو قاعده فى قلعه محصنه ومع ذلك الحرص واجب يعنى انا مثلا من القاهره الجديده التجمع الخامس وديه منطقه تعتبر جديده برضه وعادتى كل صيف اخد الاولاد ورايحين جاى على النادى فى الرحاب وتمرينات فى مدارس جنب الرحاب وكنت بمشى فى شوارع غير مئهوله لان اغلب المنطقه تحت الانشاءوارجع بالليل مع لموزين بتعامل معاه من سنين او تاكسى

مش هقولك هقعد فى البيت ومش هاخرج لا بس هاروح النادى الا بالنهار ومش هاودى تمرينات بره الرحاب ومش هاتعامل الا مع اللموزين اللى اعرفه ومش هاللبس دهب ولا هانزل بيه اصلا وربنا يحمى بلدنا ويحمينا جميها ويرزقنا الامان فى اوطاننا

[MemoG]

طبعا مش اقدر الومك علي خوفك من الاجازة خاصة بعد الاحداث الاخيرة في مصر

من سرقات ومظاهرات طائفية وموضوع الكنيسة اللي في امبابة

انا مش متابعة الموضوع بتاع الكنيسة من الاول بس لما عرفتو خوفت وحسيت باحساسك

وكل ما الواحد يقول ان الوضع استقر في مصر تحصل حاجات توترك اكتر

فعلا الدنيا تحسي انها سلطة يمكن انا مش قلقانة زيك لاني مش نازله

السنة دي في الصيف لكن يمكن علي الشتاء انزل وبقول يمكن الاوضاع تتغير بعد الانتخابات

انت ممكن تنزلي ولو لقيتي الوضع غير مريح بالنسبالك احجزي وارجعي

لان كل منطقة تختلف عن غيرها

وطبعا الحاجات دي تعتبر نسبيه من شخص لاخر

(الخوف والاحساس بالامان )

[أمل حياتي]

طبعا مش اقدر الومك علي خوفك من الاجازة خاصة بعد الاحداث الاخيرة في مصر

من سرقات ومظاهرات طائفية وموضوع الكنيسة اللي في امبابة

انا مش متابعة الموضوع بتاع الكنيسة من الاول بس لما عرفتو خوفت وحسيت باحساسك

وكل ما الواحد يقول ان الوضع استقر في مصر تحصل حاجات توترك اكتر

فعلا الدنيا تحسي انها سلطة يمكن انا مش قلقانة زيك لاني مش نازله

السنة دي في الصيف لكن يمكن علي الشتاء انزل وبقول يمكن الاوضاع تتغير بعد الانتخابات

انت ممكن تنزلي ولو لقيتي الوضع غير مريح بالنسبالك احجزي وارجعي

لان كل منطقة تختلف عن غيرها

وطبعا الحاجات دي تعتبر نسبيه من شخص لاخر

(الخوف والاحساس بالامان )

عزيزتي ميمو

والله انا لسه باشاور نفسي والصراحه نفسي اروح قلبي هناك

ههههه لكن خايفه من الصعوبه لو لا سمح الله حصل شي

عموما انا حاعمل استخاره واشوف الاوضاع بعد شهر

ربنا يهدي جميع المسلمين

[drTOTA]

فهل اعود مثلا لمطار برج العرب واجد نفس الوضع والامان واتحرك في الدوله.....

وانا فعلا متردده في النزول لان اهلى رافضين النزول وانا حاضطر اكون لوحدي

فيه توبيك ممتاز مفتوح عن إن المصريين ينزلوا و يشتروا الهدايا من مصر عشان يساعدوا في إنعاش السوق و الاقتصاد المصري و دي فكرة ممتازة لأنها تخطت أساسا فكرة قرار النزول من عدمه و تحدثت عما بعد النزول

هم كدة المصريين و هي دي نفس روح الشباب اللي وقف في التحرير

لكن الوضع الأمني في مصر لم يصل بعد لدرجة مطمئنة للمصريين و هو واضح في حوارتهم اليومية

فما بالك بغير المصريين و خصوصا حالة حضرتك لأنك بتقولي حاضطر اكون لوحدي

وأيضا حضرتك حددتي مطار برج العرب علما بأن الطريق لمطار برج العرب غير آمن حاليا عن أحداث موثقة آخرها الأسبوع الماضي

رأيي كمصري إن سلامة حضرتك و أي زائر لمصر عند المصريين هي الأهم لذلك أنصح حضرتك بعدم السفر بمفردك هذا الصيف

وبإذن الله الصيف اللي بعده لما هتنزلي مصر هتشوفيها غير مصر اللي شوفتيها طول عمرك

مصر بإذن الله هتبقى أحسن و أحلى ..

معلش ممكن اعرف طريق مطار برج العرب ايه مشكلته؟؟؟؟ اصلي نازلة بالأولاد لوحدي بعد 20 يوم ان شاء الله على مطار برج العرب,,, وحضرتك كده قلقتني

تم تعديل 11 مايو 2011 بواسطة drTOTA

[الغريب]

عاوز أقولك نصيحتي في الموضوع ده

تاخدي العائلة الكريمة وجري على الإسكندرية

متشليش أي هم

البلد زي الفل ، وأنا بتابع مع الأهل كل يوم الأخبار

متقلقيش المصريين بيخافوا على أكل عيشهم

والكل منتظر موسم الصيف لأنه بيعمل رواج في البلد

المشكلة في مصر هو الإعلام الذي لا يختلف كثيرا عن جريدة (الوطن الكويتية) :)

بيدور على أي مشكلة ويكبرها

أنا نازل أنا وأسرتي إن شاء الله في منتصف أغسطس ، والحجز على الكويتية بس معرفش أخبار الأسعار أيه.

أجازة سعيدة أن شاء الله ، ومتنسيش أن المحاورات ليها فرع كبير في الإسكندرية هيكونوا معاكي لما تحتاجي أي خدمة

مدام هند علي وأستاذ إسلام المصري وأستاذ أبو محمد وناس كتير أفاضل هنا

تحياتي وتمنياتي بأجازة سعيدة

تم تعديل 11 مايو 2011 بواسطة الغريب

[alaly]

( ادخلو مصر انشاء الله امنين)

يا جماعة مصر والله امان لو احنا اهلها وهنخاف الغريب يعمل ايه فيه ناس بتسافر دول لا تعرف عنها شىء وبالرغم ذلك بتسافر

فالان نخاف نسافر بلدنا بلدك هى اامن مكان اهلك وناسك وهو هنا تامن على نفسك ولا فى بلدك ؟ !!!!!!!!!

وانشاء الله قريبا ههنزل كلنا ونستقر فيها

[أمل حياتي]

'الغريب'

عاوز أقولك نصيحتي في الموضوع ده

تاخدي العائلة الكريمة وجري على الإسكندرية

متشليش أي هم

البلد زي الفل ، وأنا بتابع مع الأهل كل يوم الأخبار

متقلقيش المصريين بيخافوا على أكل عيشهم

والكل منتظر موسم الصيف لأنه بيعمل رواج في البلد

المشكلة في مصر هو الإعلام الذي لا يختلف كثيرا عن جريدة (الوطن الكويتية) :)

بيدور على أي مشكلة ويكبرها

أنا نازل أنا وأسرتي إن شاء الله في منتصف أغسطس ، والحجز على الكويتية بس معرفش أخبار الأسعار أيه.

أجازة سعيدة أن شاء الله ، ومتنسيش أن المحاورات ليها فرع كبير في الإسكندرية هيكونوا معاكي لما تحتاجي أي خدمة

اخي الغريب

شجعتني وطمنتني واكيد معايه اخواني واخواتي في المنتدى

وهناك ايضا غيرهم كثيرون

بعد شهر من الان ستتضح الصوره

[Simba]

با مدام امل حياتي

حضرتك ما تقلقيش كل اللي بيحصل في مصر الايام دي عفن جروح سابها النظام اللي فات والشعب كل يوم بيبقي عنده وعي لمصالحه ومستقبله اكتر من اليوم اللي قابله

وزي ما حضرتك قولتي الصورة هتبان بعد شهر فاحنا متفائلين ان مصر هتتعافي وترجع احسن من الاول بكتير

لكن ما اظن ان الصورة الكاملة هتبان بعد شهر لسه لحد انتخابات مجلس الشعب وانتخابات الرئاسة هيحصل شد وجذب وبعدها الامور تستقيم