الاجازات الصيفية .. والحالة الامنية .. مناقشة ذات أهمية

[engmido]

ماتخافيش يا امل مصر بإذن الله آمنة مهما ان سمعتى من اى وسيلة اعلام عن حادثة او خلافه

هى بس المشكلة اننا ناخد اخبار مصر من الاعلام وبس

اصحابى واخواتى لما بسألهم بحس انهم مش واخدين المسألة ذي المصريين اللى عايشين برا او غير المصريين كمان

بالعكس بيقولوا الدنيا ماشية ايوه طبعا هو لسه الامور ماستقرتش قوى بس مصر ان شاء الله دايما بخير

انا همووووت وانزل مصر بعد الثورة واشوف احالها وازور كل مكان فيها وبالذات طبعا ميدان التحرير

ومش خايفة عن نفسى من اى حاجة واللى هيسرى عليا هيسرى على غيرى عادى

أدخلوا مصر إن شاء الله آمنين

تمااااااااااااام

[hOuSsAm]

طيب لو سائح او اجنبى مش مصرى مغترب هو اللى بينزل هل الوقت الحالى مناسب لنزول مصر؟

هترد عليه تقول ايه؟

تم تعديل 6 مايو 2011 بواسطة hOuSsAm

[أمل حياتي]

ماتخافيش يا امل مصر بإذن الله آمنة مهما ان سمعتى من اى وسيلة اعلام عن حادثة او خلافه

هى بس المشكلة اننا ناخد اخبار مصر من الاعلام وبس

اصحابى واخواتى لما بسألهم بحس انهم مش واخدين المسألة ذي المصريين اللى عايشين برا او غير المصريين كمان

بالعكس بيقولوا الدنيا ماشية ايوه طبعا هو لسه الامور ماستقرتش قوى بس مصر ان شاء الله دايما بخير

انا همووووت وانزل مصر بعد الثورة واشوف احالها وازور كل مكان فيها وبالذات طبعا ميدان التحرير

ومش خايفة عن نفسى من اى حاجة واللى هيسرى عليا هيسرى على غيرى عادى

أدخلوا مصر إن شاء الله آمنين

عجبتيني يا فتفوته وريحت قلبي ورفعتي معنوباتي شويه ههههه

[se_ Elsyed]

في أثناء ذروة أشتعال الثورة .. كنت تسمع إشاعات من نوعية قعدات الفسحة ... يعني ليس لها أي أساس

- إلحققققققققققققققققق .. هجموا على مدينة الرحاب ودمروها وأستولوا على الفلل والشقق اللي هناك

- حد يتصل بالبرامج ... ألحقوووووووووونا بيضربوا نار في الشارع وبيموتوا في الناس

وكل ده طلع على فشوش وتهويل وإنعكاس لحالة الناس الغير مستقرة

معاكم إن في حوادث حصلت ... لكن نصورها بقى إننا لا قدر الله - وربنا معاهم ويزيح عنهم - زي العراق مثلاً والناس بالمئات بيتدبحوا في الشوارع والجثث مالية الطرقات ؟

هذا لم يحدث ولن يحدث بإذن الله

من حق كل واحد يقلق على الحالة الامنية

لكننا يجب أن نضع الأمور في حجمها الطبيعي

ولابد إننا نتعاون مع بعض ومع الشرطة كمان عشان نعدي المرحلة دي على خير

[hOuSsAm]

السؤال ده اتكلمن فيه النهاردة فى قهوة المغتربين

ودى كانت بعض ردودى

عالعموم انا هقولك نصيحتى مع انى بقولها من ورا قلبى بس ده عين العقل واللى الواقع بيفرضه علينا - متحاوليش تقفى قدام التيار وتنزلى مصر فى الوقت الحالى - كتير من اصدقائى خارج مصر سالونى هل ممكن ينزلوا مصر للسياحة حاليا وكلهم شوق وامل انهم ينزلوا مصر حتى من فيهم سوف يلغى رحلته السنوية لوطنه من اجل زيارة مصر بس انا نصحتهم انهم ياجلوا الرحلة دى حتى تستقر الامور - مش عشان يدخل اقتصادى شوية دولارات فى الوقت قصير المدى اعرض حياتهم او ممتلكاتهم للخطر - اه الدنيا مش سودة بس فيه احتمالات ولو بنسبة صغيرة انهم يحصلهم حادث وبالتالى ستقل السياحة فى مصر اكتر ماهى قليلة

بالنسبة للاخ حاتم وانه عمره مسمع عن حادثة مش عارف يقصد السياح ولا المقيمين بس ان كنت تقصد المقيمين فحدث ولا حرج اما ان كنت تقصد السياحى فعندك اخى هذا السائح الامريكى اللى اخد مطوة فى ميدان التحرير وهو بيتقلب فى الكاميرا بتاعته (ميدان التحري...ر يا حاتم) تانى حاجة لو بتتكلم عالافواج فالافواج عمرهم مهيتعرضوا لنفذ الابتزاز اللى بيتعرض ليهم الافراد والافواج دى ليهم شرطة سياحة مستقلة بتحميهم وبيبقى ليهم سيستم واجراءات امن وليهم اماكن معينة للزيارة متامنة تمام كمثال يعنى لما الفوج الروسى بينزل البحر فى اسكندرية بيروح ينزل فى المنتزه اللى متامن تماما وبيبقى ليهم مناطق معينة للسباحة بها الغواصين ولو بعد عن تعليمات المرشد السياحى بيتحمل اللى يحصله - الموضوع ده عرفته من احد المرشدين السياحيى وحكالى على كمية الترتيبات اللى بيعملوها عشان تامين الفوج وتامين الافواج السياحية الاوروبية مش هتبقى بنفس كيفية تامين الاخوة الخليجين المتعودين على زيارة مصر وبيقودوا رحلتهم بنفسهم بدون مرشد او امن

ومعلهش فى الكلمة لك...ل الناس مجتش عالشهرين بتوع الصيف يبقوا فى مصر -اه مصر فى وضع اقتصادى مش كويس ومحتاجة كل سنت او قرش لكن انا مش مع تشجيع السياحة فى ظل وجود الغياب الامنى

ايوة مصر بخير وفلة شمعة منورة - بس متقوليش الحوادث فردية واحنا مش هنضحك على نفسنا وعالناس لما كل يوم تحصل حادثة بلطجة بالسلاح الالى ولو انت متابع المنتدى هتعرف - ده المعلن - مبالك اللى مش معلن والابتزاز اللى بيحصل للناس فى الشارع - لو الساي...ح ده اخوك ولا اختك هترضى تواجده فى بلد ميعرفهاش وفيها توتر امنى- هترضى تواجده فى شارع يحتمل انه يكون فيه بلطجى وحامل للسلاح او عالاقل معاه مطوة - مش كل ده محتمل الحدوث وبالذات فى حالة الانفلات الامنى - ولازم نبقى متصالحين مع نفسنا وفاهمين فعلا اننا عندنا مشكلة فى الامن - انا مش بدمر السياحة وبشجع الناس يضربوا عليها ولكن لو كانت الحكومة عايزة تشتغل وتثبت كفائتها يبقى تامن السياح والمنشات السياحية كويس - مش شطار نقول للكل الناس تعالوا مصر وهى بلد الامن والامان وتحصلنا حادثة مع فوج سياحى - صدقنى يا حاتم اللى هنبقى اتبنى فى سنين هيتهد فى حادثة واحدة والعالم كله مش هيحترمنا عشان مش هنبقى اد كلمتنا - وانما هيحترمنا لما نقولهم يا جماعة نعتذر ليكوا السنة دى على عدم استقبال السياح لوجود بعض المشاكل الامنية ولما نحلها هنعرفكوا تجيوا سياحكوا عشان ساعتها بس هنعرف نحميكوا وبالتالى العالم هيحترمنا

[أمل حياتي]

شكرا اخي حسام على النقل

نتمنى ان نرى تفاعل الجميع لنستفيد

[Om Zayd]

أمل

أحسن متنزليش لوحدك .. حتى لو الدنيا زي الفل

الأمر ميسلمش

و زي ما قلتي.. يا رب الأمور تستقر أكثر الفترة الجاية

[عادل أبو عمر]

فهل اعود مثلا لمطار برج العرب واجد نفس الوضع والامان واتحرك في الدوله.....

وانا فعلا متردده في النزول لان اهلى رافضين النزول وانا حاضطر اكون لوحدي

فيه توبيك ممتاز مفتوح عن إن المصريين ينزلوا و يشتروا الهدايا من مصر عشان يساعدوا في إنعاش السوق و الاقتصاد المصري و دي فكرة ممتازة لأنها تخطت أساسا فكرة قرار النزول من عدمه و تحدثت عما بعد النزول

هم كدة المصريين و هي دي نفس روح الشباب اللي وقف في التحرير

لكن الوضع الأمني في مصر لم يصل بعد لدرجة مطمئنة للمصريين و هو واضح في حوارتهم اليومية

فما بالك بغير المصريين و خصوصا حالة حضرتك لأنك بتقولي حاضطر اكون لوحدي

وأيضا حضرتك حددتي مطار برج العرب علما بأن الطريق لمطار برج العرب غير آمن حاليا عن أحداث موثقة آخرها الأسبوع الماضي

رأيي كمصري إن سلامة حضرتك و أي زائر لمصر عند المصريين هي الأهم لذلك أنصح حضرتك بعدم السفر بمفردك هذا الصيف

وبإذن الله الصيف اللي بعده لما هتنزلي مصر هتشوفيها غير مصر اللي شوفتيها طول عمرك

مصر بإذن الله هتبقى أحسن و أحلى ..

[hOuSsAm]

فهل اعود مثلا لمطار برج العرب واجد نفس الوضع والامان واتحرك في الدوله.....

وانا فعلا متردده في النزول لان اهلى رافضين النزول وانا حاضطر اكون لوحدي

فيه توبيك ممتاز مفتوح عن إن المصريين ينزلوا و يشتروا الهدايا من مصر عشان يساعدوا في إنعاش السوق و الاقتصاد المصري و دي فكرة ممتازة لأنها تخطت أساسا فكرة قرار النزول من عدمه و تحدثت عما بعد النزول

هم كدة المصريين و هي دي نفس روح الشباب اللي وقف في التحرير

لكن الوضع الأمني في مصر لم يصل بعد لدرجة مطمئنة للمصريين و هو واضح في حوارتهم اليومية

فما بالك بغير المصريين و خصوصا حالة حضرتك لأنك بتقولي حاضطر اكون لوحدي

وأيضا حضرتك حددتي مطار برج العرب علما بأن الطريق لمطار برج العرب غير آمن حاليا عن أحداث موثقة آخرها الأسبوع الماضي

رأيي كمصري إن سلامة حضرتك و أي زائر لمصر عند المصريين هي الأهم لذلك أنصح حضرتك بعدم السفر بمفردك هذا الصيف

وبإذن الله الصيف اللي بعده لما هتنزلي مصر هتشوفيها غير مصر اللي شوفتيها طول عمرك

مصر بإذن الله هتبقى أحسن و أحلى ..

عين العقل عادل باشا

[عادل أبو عمر]

عين العقل عادل باشا

الغالي حسام باشا

كل الاحترام و التحية ليك

وأسجل اعتزازي و تقديري

[Howayda Ismail]

صدقيني ام زيد انا غير قلقه بالنسبه للسفر نفسه كفكره

انما ما افكر به ان كل اهلي عازفين عن السفر اذا ساكون لوحدي في المصيف

وكذلك ممكن ان اعيش شهر لا اخرج لان هذه طبيعتي احب المنزل وبالتالي ستكون مشاويري قليله لجلب احتياجات الطعام مثلا .....

ولكن كيف اقضي اموري وكيف اسكن بمفردي حتى مع وجود الأمن ....

واحيانا افكر اذا حدث طاريء في البلد كيف ساخرج .....

طيب حتتوخى الحذر ازاي انت فجاه حتى راكب تكسي ممكن يطلعولك بلطجيه ويوقفوا التاكسي ده حصل مع ناس كتير

بامانة ام على الحالة الامنية فى اسكندرية دلوقت احسن كتير عن الشهور اللى فاتت

انا رجعت انزل انا وبنتى لوحدنا عند اخواتى ووالدتى ونزلنا للتسوق اكتر من مرة وبنرجع بالليل من

غير خوف ولاقلق

كمان وقت نزولك المنطقة اللى انت ساكنة فيها بتزدحم بالمصيفين واهالى اسكندرية وبتكون شغالة 24 ساعة

اهم حاجة تخدى احتياطاتك اخلعى دهبك ومتشليش فلوس كتير ولو فيزا احسن لك وبعض السيولة

لاتكونى خارج البيت فى اوقات متاخرة جدا واركبى مواصلات عامة ( مينى باص ) اضمن لك وهى سهلة

ومتوفرة لجميع المناطق

وحذارى من الميكروباصات الصغيرة ( المعروفة بالتونيات ) لانها متوفرة فى منطقتك كتير وبعضها مش مأمون

ممكن تاجرى سيارة بسواقها من مكان معروف او ليموزين لمشاوريك البعيدة

توكلى على الله هو حفيظك وربنا ييسر لك الامور

[Howayda Ismail]

اهلا بيكى مدام امل حياتى

وبما ان شقتك فى الاسكندرية

ممكن مدام هند على وهى اسكندرانية قديمة ومقيمة تفيدك فى الوضع الامنى واهلا وسهلا

ولكن عموما الوضع الامنى 90% كويس

ابن حلال والله يابشمهندس

انا لسة من ثوانى باطمنها من غير مااشوف مداخلة حضرتك

دلوقت المناطق كلها آمنة الحمد لله والمصيف عموما بيكون زحمة وشغال 24 ساعة الناس بتنام وش الصبح

[Howayda Ismail]

طيب لو سائح او اجنبى مش مصرى مغترب هو اللى بينزل هل الوقت الحالى مناسب لنزول مصر؟

هترد عليه تقول ايه؟

حضرتك بالنسبة للاسكندرية هى صحيح ازدحمت دلوقت بالاخوة الليبين وده اكبر دليل على شعورهم بالامان هنا

الا انك لو نزلت محطة الرمل وبحرى والمنشية ومكتبة الاسكندرية حتلاقى تواجد كبير للاجانب فى الشوارع

برضه دليل على الاستقرار والامن الحمد لله وثقة السياح فى عودة الامن لمصر

[أمل حياتي]

ربنا يطمنك عزيزتي هند

شقيقتي ستكون هناك في نهاية هذا الشهر واكيد ستنقل لنا انطباعها

اما بالنسبه لي فانا لا اخرج الا بعربيه ليموزين او سواق معرفه

من طرفنا

احنا نفسنا نسمع من المغتربين هل حجزوا عادي للنزول ؟؟؟؟

[hOuSsAm]

طيب لو سائح او اجنبى مش مصرى مغترب هو اللى بينزل هل الوقت الحالى مناسب لنزول مصر؟

هترد عليه تقول ايه؟

حضرتك بالنسبة للاسكندرية هى صحيح ازدحمت دلوقت بالاخوة الليبين وده اكبر دليل على شعورهم بالامان هنا

الا انك لو نزلت محطة الرمل وبحرى والمنشية ومكتبة الاسكندرية حتلاقى تواجد كبير للاجانب فى الشوارع

برضه دليل على الاستقرار والامن الحمد لله وثقة السياح فى عودة الامن لمصر

كويس انك طمنتينا مدام هند

وربنا يجعلها خير وامان عالطول

------------------

سؤالى عن الاخوة الليبين

هما جايين مقيمين فى مكان امن لحد ما الظروف تنتهى فى ليبيا؟

انا بسال كدة عشان اعرف ما بعد ذلك

يعنى هما اكيد مش هيشتغلوا فى اسكندرية (ولا بيشتغلوا؟)

طيب لو نفرض الموضوع طول فى ليبيا وفلوسهم خلصت هيعملوا ايه؟

تانى حاجة هل وجودهم مفيد للاسكندرية كدخل قومى؟

ولو وجودهم ادى لزيادة الاسعار زى ما العراقيين كانوا جم مصر من كام سنة؟

----------------------

حاجة كمان

اكيد مش كل الليبين اللى جايين مقتدرين ماديا - اكيد فيه ناس مش مقتدرين

الناس دى عايشة ازاى - او ازاى نقدر ندعمهم - ولو حتى معنويا - الناس دى زى لاجئيين عند اخوانهم فى مصر وعشان كدة لازم نساعدهم

ولو اسكندرية اتزحمت قبل دخول الصيف وبالذات اخوانا اللينيين زحموها - هل ممكن نوجه المصريين اللى عايزين يصيفوا يروحوا ينشطوا مصايف تانية

بمعنى انى اظن ان منطقة مطروح والاسكندرية هتبقى زحمة اوى

بعكس الغردقة والعين السخنة اللى هتبقى نايمة

فهل ممكن يحصل توجيه للناس يروحوا المناطق اللى مش زحمة او مش عليها اقبال عشان ينشطوها؟

تقبلى تحياتى

[أحمد سيف]

أنا نازل مصر الأسبوع الجاي بإذن الله

وطالما عديت من إجراءات الأمن الوطني في المطار فإن شاء الله الأمور ستكون بخير

وهنقل لحضراتكم الصورة بعد عودتي بعيون مغترب

[aimen]

أنا نازل مصر الأسبوع الجاي بإذن الله

وطالما عديت من إجراءات الأمن الوطني في المطار فإن شاء الله الأمور ستكون بخير

وهنقل لحضراتكم الصورة بعد عودتي بعيون مغترب

تروح وترجع بالسلامه يا استاذ احمد

[أمل حياتي]

أنا نازل مصر الأسبوع الجاي بإذن الله

وطالما عديت من إجراءات الأمن الوطني في المطار فإن شاء الله الأمور ستكون بخير

وهنقل لحضراتكم الصورة بعد عودتي بعيون مغترب

تعود الى ارض الوطن اخي احمد سيف بكل سلامه

وتطمئنا من هناك

تم تعديل 7 مايو 2011 بواسطة أمل حياتي

[رضوي]

السلام عليكم ورحمة الله وبركاته

زمان ( قبل الثورة ) كان ممكن نسمع صوت فرقعة في الشارع وماحدش يتحرك ولا يهتم .......... لكن النهاردة لو سمعت صوت زي دة ( حتى ولو عيال بيلعبوا بالالعاب النارية ) بيحصل حالة من الخوف والقلق غرييييييييييييييييييبة

موش علشان احنا حاسين بعدم الامان ......... ولا علشان قبل الثورة كنا في استقرار وامان

بس علشان التضخييييييييييييييييييييييييييييييم والتهوييييييييييييل

ياجماعة احنا في امان جداً داخل مصر وبلاش نصدق كل كلمة بتتقال

هقولكم مثال بسيط جدا وواقعي جدا

من فترة ( قبل الثورة ) واصدقائي وزملائي في العمل في طريق عودتهم لمنازلهم وراكبين اتوبيس الشغل ........ وكانوا فاتحين باب الاتوبيس ....... المهم طلع بلطجي وشكله ( علي حد وصفهم ) انه مدمن او ماشابه ....... وطلب من السائق انه يوصله للمكان الفلاني ...... طبعاً الناس حاولوا يفهوه انه اتوبيس موظفين ومايصحش وعيب ........ ومن غير فايدة ......... ولأن الاتوبيس عدد الرجال اللي فيه قليل وكلهم من كبار السن اللي تجاوزوا الخمسين ......... والباقي يابنات صغيرين ياسيدات ......... فاضطر السائق الي الاستجابة لطلب البلطجي دة ( طبعاً لو كان فيه ساعتها حد يساعدهم كانوا لجئوا ليه ...... شرطي مثلاً واقف ف الشارع ولا حاجة ....... لكن كل اللي ف الشارع ماهم الا عساكر مرور صغيرين وعزل علي الاغلب كمان ) ودة كان قب الثورة

عدى الموضوع باستياء من الناس اتضايقوا شوية وخلاص وطلبوا من السائق انه بعد كدة يقفل باب الاتوبيس باستمرار .......... وتاني يوم كانوا بيحكولنا الموقف دة علي انه من الطرائف اللي حصلت لهم وبدأوا يضحكوا واتريقنا طبعاً علي الموقف وخلاص الموضوع خلص

من اسبوعين تقريباً ............ واحدة صاحبتي برده كانت راكبة اتوبيس الشغل ( بس طريق مختلف واتوبيس مختلف طبعاً ) وحصل انه شخص يبدوا عليه ملامح البلطجة ( شكله مش مريحهم يعني ) مجرد انا شاور للاتوبيس وحاول يركبه ( طبعاً الباب كان مقفول والسائق هرب منه ) سادت حالة من الزعر والخوف والقلق والفوضى .......... ان واحد شكله كدة حاول يركب الاتوبيس ....... اكيد كان عايز يسرقهم ويقتلهم ....... اكيد دة بلطجي من اللي هربوا من السجون ......... اكيد شايل مطوه ولا سكينة في جيبه .......... الخ

وادي الحوار دة ان اغلب اللي كانوا في الاتوبيس دة غابوا تاني يوم من الشغل نتيجة لخوفهم من الواقعة ( اللي هي ايه معرفش )

طيب التواجد الامني في الشارع شكله ايه ؟؟؟

من وجهه نظري الخاصة ......... انه اقوى من الاول ........ يعني هتلاقي تواجد للجيش في اماكن كتير جدا ........ وتواجد للشرطة برده ومسلحين ( ودة اللي انا شايفاه بعيني علي فكرة )

المشكلة في ان الناس واخدة فكرة ان الشرطة اصبحوا سلبيين ومش هيعلموا حاجة ......... وانهم بيخافوا ومش هيتدخلوا ........ وان لو حد فينا حصله حاجة ماحدش هيساعده ............ الخ

ياجماعة كفاية بقي ....... الوضع الأمني مستقر وكويس ......... صحيح كل واحد بياخد احتياطه انه مايمشيش في شارع فاضي ....... ولا يتأخر بره البيت كتير .......... وكدة يعني

لكن ماكلنا كل يوم بننزل شغلنا وننزل الاسواق نشتري احتياجتنا ونزور كمان اقاربنا وعايشين حياتنا عادي ......... سواء بعربياتنا الخاصة او بالمواصلات العامة ...........

الحوادث اللي بتحصل فردية فردية فردية ......... وكانت بتحصل قبل الثورة وكان فيه تعتيم اعلامي عليها

لكن النهاردة فيه تضخيم اعلامي مغرض

انزلوا وعيشوا واستمتعوا باجازتكوا بس خدوا احتياط شوية ......... بلاش تأخير برة ....... بلاش نمشي في شارع فاضي ...... الخ

زي ماكنا ايام الثورة ........ الناس خايفة تنزل الشوارع ....... وقاعدة ادام التليفزيون مرعوووووووووووبة من الدمار اللي في الشارع

واول لما نزلوا زال الخوف ومابقاش فيه حاجة

بلاش خوف ......... مصر هتفضل طول عمرها بلد الامن والامان

وربنا الحافظ

بس خلاص

[Howayda Ismail]

سؤالى عن الاخوة الليبين

هما جايين مقيمين فى مكان امن لحد ما الظروف تنتهى فى ليبيا؟

انا بسال كدة عشان اعرف ما بعد ذلك

يعنى هما اكيد مش هيشتغلوا فى اسكندرية (ولا بيشتغلوا؟)

طيب لو نفرض الموضوع طول فى ليبيا وفلوسهم خلصت هيعملوا ايه؟

تانى حاجة هل وجودهم مفيد للاسكندرية كدخل قومى؟

ولو وجودهم ادى لزيادة الاسعار زى ما العراقيين كانوا جم مصر من كام سنة؟

----------------------

حاجة كمان

اكيد مش كل الليبين اللى جايين مقتدرين ماديا - اكيد فيه ناس مش مقتدرين

الناس دى عايشة ازاى - او ازاى نقدر ندعمهم - ولو حتى معنويا - الناس دى زى لاجئيين عند اخوانهم فى مصر وعشان كدة لازم نساعدهم

ولو اسكندرية اتزحمت قبل دخول الصيف وبالذات اخوانا اللينيين زحموها - هل ممكن نوجه المصريين اللى عايزين يصيفوا يروحوا ينشطوا مصايف تانية

بمعنى انى اظن ان منطقة مطروح والاسكندرية هتبقى زحمة اوى

بعكس الغردقة والعين السخنة اللى هتبقى نايمة

فهل ممكن يحصل توجيه للناس يروحوا المناطق اللى مش زحمة او مش عليها اقبال عشان ينشطوها؟

تقبلى تحياتى

هو اللى شفناهم لحد دلوقت وعرفنا انهم ليبين كلهم مقتدرين لان سيارتهم مازالت بلوحة الجماهيرية الليبية

وحتى سهل معرفتهم من لغتهم ولبسهم المميز فى منطقة سوق ليبيا والمغاربة بالمنشية

لكن سمعنا ان اغلبهم فى ضيافة اقاربهم بدو وعرب فى العامرية وبرج العرب

وبطبيعة الحال اسعار السلع كلها ارتفعت بحجة انهم السبب رغم تواجد سلع ليبية بكثرة مهربة

تباع ارخص من المصرى

ممكن يكون تواجدهم بصورة اكبر فى محافظة مطروح لوجود علاقات قرابة ونسب مع اهالى وبدو مطروح

لكن اعتقد تواجدهم فى مناطق بعيدة عن المصايف لان معظهم سكنهم فى اطراف البلد بعيد عن الشواطئ

ومعظم البدو اللى فى مطروح بيكون ده موسهم الوحيد للعمل على الشواطئ والمحلات فى الاسواق وسهل جدا

بالنسبة لهم توفير اقامة وعمل للاخوة اللبيين

لو حد عنده رغبة ينزل مطروح الصيف ده الموسم حيكون مرييح جدا زى السنة اللى فاتت عشان رمضان جى بدرى

وكمان امتحانات الثانوية العامة ومعظم الكليات جاية متاخرة

وفى احتمال كبير قرى الساحل الشمالى وخاصة مارينا وماراقيا تكون فاضية بعد استضافة معظمهم فى بورتو طرة

وهرب غيرهم للخارج