ليله ب20 الف دولار حد عايز؟

[Bero]

بسم الله الرحمن الرحيم

السلام عليكم ورحمة الله وبركاتهمن فتره كنت بتفرج على التليفزيون وكان في برنامج ترفيهي على احدى القنوات الفضائيه المهم موضوع الحلقه كان عن فندق في نيويورك مش متزكره اسمه بصراحه تمن الليله الواحده 20 الف دولار :huh:

الفندق ده باه عباره عن ايه السقف بتاع الحجره كان عباره عن دهب عيار 24 (انا مش عارفه مالها بيوت الفلاحين اللي عندنا اهي كلها بتداري وتستر وخلاص rs: )

وكان في حجرات مخصصه للامراء والملوك فقط تكلفه الحجره 12 مليون دولار(الناس ديه هبله ولا احنا اللي طيبين :huh: )

ويا سلام باه لما الناس تحب تصيف يعملوا ايه

الفندق عامل شاليهات داخل المحيط الاطلنطي الارضيه بتاعته عباره عن زجاج وفيها فتحات لان الناس بتحب تاكل السمك والاكل بيجيلهم باللانش من الفندق

(مالها مصايف مصر يوم منفكر نصيف نعمل جمعيه وياااااااه لما نروح اسكندريه ايه العظمه ديه ;) )

[METALLICA]

رخيص جداً. . . . . حلو خالص . . . .

و هنروح بعيد ليه .؛ لو بصينا دلوقت في مصر فيه شقق على النيل ب 5 مليون جنيه !!!! هأ هأ . . . المصيبة إن العمارات اللى فيها الشقق الفضائية ديه ؛ جنبها على طول عمارات ساكنة وبتبص على نفس المنظر والشقة إيجار واللي ساكن فيها بيدفع 10 والا 20 جنيه في الشهر بالكتيييير !!!! rs:

تم تعديل 4 سبتمبر 2004 بواسطة METALLICA

[seastar44]

المثل بيقول .. اللى معاه قرش محيره يشترى بيه حمام ويطيره ..

الناس اللى بتلهف بالملايين .. هاتودى الفلوس اللى بتنهبها فين غير فى الاماكن دى ... اللى ييجى بالسهل يروح بالسهل ...

كلمة فى تعليقك شدتنى ...

حضرتك بتقول ان فيه شقق على النيل .. الشقة ب 5 مليون .. والعمارة اللى جنبها وبتبص على نفس المنظر وايجارها 20 - 25 جنيه ... هل من العدل أننا فى الوقت اللى جراج السيارة بيندفع فيه 60 جنيه فى الشهر على الاقل .. وايجار الغرفه فى المقابر 70 جنيه فى الشهر ... يكون هناك صاحب عماره تم اغتياله وندفع له ايجار شقة على النيل 20-25 جنيه فى الشهر ...

ليس هناك عداله .... على الاطلاق ...

ربما أكون قد خرجت عن الموضوع .. لكنها حاجه تجنن ..

[ابو يوسف]

الانسان له عمر افتراضى ..

لو حسبنا يحتاج كام خلال العمر ده علشان ياكل و يلبس و يسكن ح نلاقى الرقم مش كبير جدا (يعنى مش مفزع قوى) ..

طيب الناس اللى معاها أضعاف أضعاف الرقم ده ...

و ما يقدروش يمدوا فى عمرهم علشان يتمتعوا بيه ..

يعملوا ايه ؟؟؟؟

حقيقى مشكلة !!!

الله يكون فى عونهم ..

و سلمولنا على الغلابة !!

[disappointed]

ليله ب20 الف دولار حد عايز؟

أيوه... ys):

أنا عايز.....عايز......ممممممممم :angry:

ثانيه واحده

الكالكوليتور راح فين :huh: .....آآآآه....آهه

ممممم... :huh:

كده تمام

أيوه....

أنا عايز أحجز 4 دقائق و 27 ثانيه :lol: ....بس فى "الهاى سيزون" لو سمحتم (بفلوسى بقى wst:: lo:: )

تم تعديل 4 سبتمبر 2004 بواسطة disappointed

[صديق الحزن]

من فضلك عايز اسم الفندق ده ضررررروى اوى pmp::

و عايز اعرف لو فيه فى مصر فندق كده؟ rs:

علشان

عايز

اصيف

و خايف

لاغلط

و ادخله

تبقى مصيبه ha)