ادعو معى ان الخبر يكون غير صحيح

[raouf]

ترددت أنباء عن هروب منير ثابت شقيق سيدة مصر الأولي سابقا سوزان مبارك عبر مطار طابا .

هروب ثابت ياتى قبل ايام من مثوله امام جهات التحقيق لسماع أقواله فى الاتهامات الموجهة إليه من التربح واستغلال النفوذ ونهب ثروات البلاد مستغلا صلة النسب والقرابة مع الرئيس المخلوع حسنى مبارك .

وكان النائب العام قد قرر منع كل من منير صالح مصطفى ثابت وابنه خالد وزوجة ابنه جيلان على رشدى الطويل، وطارق منير صالح مصطفى ثابت وزوجته غادة عبد الشافى زينهم صبيح من التصرف أيضا فى أموالهم.

وفى أول تصريح على هذه الانباء أكد منصور العيسوي وزير الداخلية فى مداخلة هاتفية لبرنامج "منتهى الصراحة" أنه لم يتأكد حتي الآن من الأنباء التي توافدت فى الساعات الأخيرة حول هروب منير ثابت شقيق سيدة مصر الأولي سابقا سوزان مبارك عبر مطار طابا

وكانت نيابة أمن الدولة العليا برئاسة المستشار هشام بدوى المحامى العام الأول للنيابات، قد بدأت التحقيق فى البلاغات المقدمة ضد منير ثابت شقيق زوجة رئيس الجمهورية السابق المتعلقة بوقائع الفساد وإهدار المال العام والتربح واستغلال النفوذ

[Dreamwithme]

يارب يكون غير صحيح بس لو الخبر صحيح هيكون في سؤال خطير

هو مش المجلس العسكري كان أصدر قرار بمنع إقلاع أي طائرة خاصة من مصر إلا بعد تصريح من المجلس

يبقي إزاي الراجل هرب عبر مطار طابا؟

[raouf]

يارب يكون غير صحيح بس لو الخبر صحيح هيكون في سؤال خطير

هو مش المجلس العسكري كان أصدر قرار بمنع إقلاع أي طائرة خاصة من مصر إلا بعد تصريح من المجلس

يبقي إزاي الراجل هرب عبر مطار طابا؟

مش كده بس

دول على قايمة المنع من السفر فى كل المطارات والموانى

يجب محاسبة كل المسئولين فى هذه القضية اذا صح الخبر

[se_ Elsyed]

الخبر شكله صحيح

ولو كان كده يبقى لازم تخرج مليونية لمحاسبة المسئولين عن هذا التهريج .. وتطير رقابهم عشان يبقوا عٍبرة لباقي الفاسدين

لإن اللي عملها مره ممكن يعملها 100 مرة تاني لو ما اتحاسبش

[Om Zayd]

تصدقوا ان معدتش مهتمة يهربوا او ميهربوش

اكيد عايزاهم يتحاسبوا و حقوقنا ترجع

بس مش عايزة يبقى التركيز كله على المعركة دي اللي بعتبرها جانبية

بالذات ان الاخبار دي بتحبط الناس

بعد الاعلام ما صور ان المليارات المهربة سيكون نصيب الفرد منها كذا و كذا

الإغراق في هذه المعركة يصرفنا -لاشعوريا- عن مزيد من البناء و العمل

-لنا حقوق منهوبة لما نرجعها كله هيبقى عال من غير شغل و لا تعب-

زي اللي مستني قضية الوقف و الفلوس اللي هتجيله منه

قلتها قبل كده

احنا ثروة مصر الحقيقية

احنا اللي بنعمل الفلوس

نركز في الشغل بقى

و الجهات المختصة وراهم متسيبهمش

و لو قصروا .. نحاسبهم