مشكله مع الكفيل بالسعوديه عن مواعيد العمل؟

[abodeuf]

السلام عليكم ورحمه الله وبركاته

ااولا ارجوا سعه صدركم لى لانى محتاج اجابات كثيره

ـــــــــــــــــــــــــــــــــــــــــــــــــ

اولا انا شاب اعذب قادم من مصر للعمل بالسعوديه

مكان العمل بالجنوب منطقه خميس مشيط وسيوجهنى لمنطقه جيزان

جاى على تاشيره عامل تربيه مواشى

ولكنى اشتغل معاه محاسب فى مكتبه نقليات سيارات

انا معايا ليسانس اداب علم نفس جامعه اسكندريه سنه 2009

الراتب 1700 وهو يريد زياده ساعات العمل الى 10 و 12 ساعه بدون زياده الراتب

ما العمل الان

وانا اعمل منذ اسبوعين فقط ولم يصدر لى اقمه حتى الان

ولم نقم بكتابه عقد للعمل حتى الان؟

فاذا اردت النزول لمصر فما هى الاجراءات

وما الانسب لى لفعله؟؟

وارجو من عمالقه المنتدى الرد على بيقين

واشكر سعه صدركم

مع العلم بانى احتفظ بجواز سفرى

تم تعديل 6 مايو 2011 بواسطة abodeuf

[Nileman]

أولا نت غلطت غلط كبير لأنك قبلت تيجي بالمهنة دي

عندك حلين يا ترجع مصر فورا أو تشتكى في مكتب العمل و تبلع الملحق العمالي في القنصلية المصرية بجدة أو الرياض

[abodeuf]

أولا نت غلطت غلط كبير لأنك قبلت تيجي بالمهنة دي

عندك حلين يا ترجع مصر فورا أو تشتكى في مكتب العمل و تبلع الملحق العمالي في القنصلية المصرية بجدة أو الرياض

ينفع ارجع مصر على طول ولا فى اجراءات لازم اعملها

واحد قالى لازم يكتبلك الكفيل خروج عشان تعرف تمشى

مع العلم ان جواز سفرى معايا ولم اقم باستخراج اقامه

ارجو المساعده

[Nileman]

لازم الكفيل يعملك خروج و خد بالك ممكن يبلغ عنك هروب و في الحالة دي حتتسجن الأحسن خلص الموضوع معاه ودياً أو زي ماقلتلك اشتكي في مكتب العمل و بلغ القنصلية المصرية

تم تعديل 8 مايو 2011 بواسطة Nileman

[eng hoss]

علشان يعملك الاقامه

لازم يمضيك على عقد عمل

ماتوقعش عليه

وبلغه انك مش هتشتغل غير اللى تم الاتفاق عليه فى مصر

وقوله اذ كان عاجبك على كده مش عجباك نزلنى مصر او هضطر اشتكيك فى مكتب العمل ووضحله انك فاهم

ومتحاولش تديله الجواز غير لما المشكله تتحل وتتقفوا

بالنسبه للنقطه التانيه

الراتب قليل جدا

اتمنى اعرف ليه بترخصوا قيمة المصريين بالموافقه على الرواتب دى

مهنتك محاسب اقل حاجه 2500 ريال

والكفيل اللى بيعرض الرواتب دى يبقى معروف من الاول نواياه وبخله

ومكتب النقليات مكاسبه هائله