اتفرج على النمل و قل سبحان الله

[مغتربة]

اتفرجت على الفيدو الرائع دا و قلت من قلبى سبحان الله على بديع صنعه

و بعدين حسيت بالغيره

ايوه بالغيره

الغيره من مخلوق صغير ضعيف حجمه بالنسبه لاحجامنا يعتبر لا شيىء

مخلوق بيطلقوا عليه انه غير عاقل

لكن رغم صغره المتناهى و رغم ضعفه و عدم عقله الا انه بيضرب لنا اكبر مثل لتكاتف الكل من اجل الكل ايضا

الجميع يعمل الجميع يتكاتف معا و يواجهه الصعاب معا علشان فى النهايه المجتمع كله بتاعهم يعيش

يا ريت نتعلم منهم

يا ريت نحاول نقلدهم

نفسى اننا كمصريين نتكاتف و نشغل بنفس الهمه و النشاط بتاعتهم علشان مجتمعنا احنا و مصرنا احنا

معرفش يمكن الفيديو ميكونش مستحمل قوى كل الكلام و الربط دا

لكن دا فعلا الى حسيته

طيب بعد الرغى دا كله ما تيجوا نشوفه مع بعض

http://www.youtube.com/watch?v=UolD_s04JPc&feature=player_embedded

[م تيمور المراغي]

سبحان الله روعه ,,

قالت نملة يا ايها النمل ادخلوا مساكنكم لا يحطمنكم سليمان وجنوده وهم لا يشعرون !

كائنات عاقلة وامم امثالنا خلقها الله سبحانه وابدعها لتكون اية في النظام والتعاون والمثابرة ,,

شباب الثورة كده على فكره ! :happy:

لكم التحية ,,

http://www.youtube.com/watch?v=JegQqhm4cBw

[Om Zayd]

سبحان الله

سبحان الله

لسة صاحبتي باعتاهولي من شوية

تسلم الايادي يا مغتربة

عايزين فعلا نبقى كالبنيان المرصوص يشد بعضه بعضا

تعرفي .. كنت بحس دي الروح اللي كانت موجودة لما الضرب اشتد في التحرير

مش مهم انا هموت ولا اعيش .. المهم ان الهدف اللي خرجت عشانه يتحقق

عايزين الروح دي

إنكار الذات

و العمل في صمت

[م تيمور المراغي]

عايزين الروح دي

إنكار الذات

و العمل في صمت

عارفة لما مملكة النمل بتواجه اي خطر من عدو خارجي ايه بيكون رد فعلها ؟

بمناسبة التوبيك تخيلوا ان النمله هي اقوى مخلوق على وجه الارض !

عشان باستطاعتها حمل ما يزيد عن تسع اضعاف وزنها بكل يسر بينم الانسان العادي لا يستطيع حمل اكثر من وزنه هو فقط ,,

تخيلوا بني ادم شايل عربية متوسطة الحجم وماشي بيها بكل يسر وسهولة !!!