حد شاف الاعلان اللى فى المنتدى

[ابوهنا]

اعلان ظهر لى فى اعلى المنتدى وهو تريد ان تكون مسيحى

طبعا جاء فى ذهنى ربط مسار ادارة المنتدى ضد من يتكلم اى شئ عن المسيحيين بحجة الفتنه

لدرجه ان الاستاذ عادل ابوزيد اتهم احد الاعضاء بانه يقوم باشعال الفتنه لمجرد انه تكلم عن القديس ساوريس

هل مال ساويريس وصل المنتدى؟

مجرد سؤال وليس اتهام

ارجو الاجابه بهدؤ واقناع وبلاش اتحرم من المنتدى

[م تيمور المراغي]

لا يا بو هنا ساويرس ما وصلش للمنتدى

الموضع ببساطة ان المتحكم في الاعلانات وطبيعتها هي جوجل

وعن طريق تقنية معينة بترسل لكل عضو هنا نوعية تناسب اهتماماته من الاعلانات

انا مثلا بيطلع لي اعلانات الفوركس

ولما بدخل من بروكسي اللاختراق او سيرفر امريكا بيظهر لي اعلانات الهجرة

وانت عشان ليل نهار قاعد على منتديات الحوار الاسلامي المسيحي فطلع لك ساويرس قصدي اعلانات تبشيرية :happy:

آدي ,,

[أحمد سيف]

وانت عشان ليل نهار قاعد على منتديات الحوار الاسلامي المسيحي فطلع لك ساويرس قصدي اعلانات تبشيرية :happy:

بس كده عرفنا انت بتدخل على أي مواقع يا أبوهنا

أنا بقى طول الوقت تطلع لي اعلانات مواقع حجز تذاكر الطيران وشراء سيارات مستعملة في الامارات

من فتره كده كان هناك عضو بيشتكي انه دايما تطلع له إعلانات مواقع اباحيه ... تفتكروا لييييييييييه ؟

[capitshino]

الموضوع زى ما الافاصل كتبو لحضرتك ان معظم المواقع اللى حضرتك بتزورها هى مواقع لها علاقة بالاسلام والمسيحية

بس سؤال :

حضرتك تفتكر ان منتدى زى محاورات المصريين ممكن يعمل اعلانات للتنصير ؟

[ابوهنا]

شكرا للساده الافاضل على التوضيح

وانا اسف اذا كان الشيطان لعب فى دماغى

تحياتى

[Damo]

أنا بقول نعمل ملحوظة مؤقته (شكلها مش هيبقى حلو) في الصفحة الرئيسية عشان الأعضاء الحاليين.

بعد كده كل ماحد يسجل جديد تطلعلواوتوماتيك الملحوظة دي أو تتبعتلو على رسالة خاصة عشان ميتكررش نفس سوء التفاهم.

وفي نفس الوقت نحمي صورة المنتدي قدام أي حد عندو شكوك وساكت.

تم تعديل 7 مايو 2011 بواسطة Damo

[أسد]

أعوذ بالله من الشيطان الرجيم

إتفو عليك ياشيطان