اذهب إلى المحتوى
محاورات المصريين

تجنيد فتيات مصر اسوة بالرجال

Bero

بواسطة Bero
في سياسة داخلية

 مشاركة

Recommended Posts

Bero عضو جديد

Bero

بتاريخ:
بتاريخ:

بسم الله الرحمن الرحيم

الحقيقه وانا بتصفح بعض المواقع لفت الخبر التالي نظري

(تقدمت احدى عضواتمجلس الشعب بمشروع قانون جديد لتجنيد الفتيات اسوة بالرجال واقترحت النائبه ان يكون تجنيد الفتيات اختياريا وليس اجباريا ويكون في مجالات الاتصالات والكومبيوتر والتمريض ومحو الاميه واكدت ان الهدف من المشروع المساواه بين الرجل والمرأه وتدريب الفتيات على النظام والدقه والدفاع عن النفس والالتزام باعتبارهن خط دفاع اول اثناء الحروب والكوارث وحمايه الوطن

وقالت ان الحياه العسكريه سوف تعطي الفتاه نموا صحيا للجسد وتعودها على الرياضه التي تؤدي بالنهايه الى اللياقه البدنيه

كما اكدت ان مشروع القانون الذي تقدمت به سوف يجعل الفتاه قادره على التعامل مع المجتمع خاصة في ظل النتهاكات التي تحدث في العالم الآن)

هل المساواه بين الرجل والمرأه تصل الى حد تجنيدها في الجيش ارجو مناقشة الموضوعhttp://www.masrawy.com/News/2004/Egypt/Politics/september/4/tagg.aspx

وديه الوصله بتاعت الموقع

السر في مأساتنا

صراخنا أضخم من أصواتنا

وسيفنا أطول من قامتنا

رابط هذا التعليق
شارك
Lighthouse عضو جديد

Lighthouse

بتاريخ:
بتاريخ:

الاخت عبير

سبق وتمت مناقشة هذا الموضوع في المنتدى

صراحة انا مش فاكرة اللينك

لكن ح اشوفه ولو لقيته ح اجيبه علشان تشوفي قلنا ايه

مٌر الكلام

زي الحسام

يقطع مكان ما يمر

اما المديح سهل ومريح

يخدع صحيح ويغٌر

والكلمة دين

من غير إيدين

بس الوفا

ع الحر

رابط هذا التعليق
شارك
Lighthouse عضو جديد

Lighthouse

بتاريخ:
بتاريخ:

هذا هو الموضوع

http://www.egyptiantalks.org/invb/index.ph...topic=10995&hl=

مٌر الكلام

زي الحسام

يقطع مكان ما يمر

اما المديح سهل ومريح

يخدع صحيح ويغٌر

والكلمة دين

من غير إيدين

بس الوفا

ع الحر

رابط هذا التعليق
شارك
seastar44 عضو جديد

seastar44

بتاريخ:
بتاريخ:

الموضوع واخد الشكل الاعلامى ...

لدينا سنة الخدمة العامة .. وهى مفروضه على الخريجات الجدد .. ومن السهل وضع برامج محددة لها لتصبح كنوع من أنواع الخدمة الوطنية .. سواء فى مجال التمريض أو المعاونةوالتصرف حال وجود الازمات ...

بدل من الشكل الحالى للخدمه الذى فقد معناه ... وأصبح مجرد فتره زمنية يمضيها أو تمضيها الخريجة علشان تاخد تأشيرة تحجز لها بيها مكان فى طابور تعيينات الحكومة الوهمى ..

واذا وجدت الواسطه .. يبقى كل اللى فات مالوش لازمه ..

رابط هذا التعليق
شارك
R.M.G. عضو جديد

R.M.G.

بتاريخ:
بتاريخ:

هايل

بس ياترى هايحلقولهم زلبطه زي الشباب!!

وبعدين في ملاحظة جادة هل المرأة المصرية قادرة على كتم الأسرار؟ دي الواحدة من دول لا يمكن يجيلها نوم وهي عارفه سر ومش ناشراه على الملأ يعني م الآخر كل اسرار جيشنا سيتم تداولها بعون الله في النوادي والسوبرماركتات والكوافيرات

ياجماعه الموضوع ده تهريج رسمي وشعبي

رابط هذا التعليق
شارك
Cleo عضو جديد

Cleo

بتاريخ:
بتاريخ:

منذ فترة شاهدت حلقة من برنامج أوبرا وينفرى و كانت الحلقة عن اغتصاب المجندات فى الجيش الأمريكى الذى أصبح من "أساسيات" تجنيد الفتيات هناك... وكيف أن التى تشتكى أو تصرح بأنه قد تم اغتصابها فى الجيش ينكل بها أشد تنكيل و يتم فصلها من "الخدمة" ..!!

هل إذا تم تجنيد الفتيات فى مصر سيتعرضن لنفس الظروف؟؟

هل سيتم إرسال الفتيات لمعسكرات فى الصحراء و الأرياف و المناطق النائية لأداء فترة تجنيدهن؟؟

هل منا من تأمن على نفسها أو من يأمن على أخته أو زوجته أو أى واحدة تخصه فى مثل هذه الظروف؟؟

لا أظن.. rs:

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:
هايل

بس ياترى هايحلقولهم زلبطه زي الشباب!!

وبعدين في ملاحظة جادة هل المرأة المصرية قادرة على كتم الأسرار؟ دي الواحدة من دول لا يمكن يجيلها نوم وهي عارفه سر ومش ناشراه على الملأ يعني م الآخر كل اسرار جيشنا سيتم تداولها بعون الله في النوادي والسوبرماركتات والكوافيرات

ياجماعه الموضوع ده تهريج رسمي وشعبي

والله إنت عسل يا أر إم جي ...

معليش بقى القافية بتحكم .. انا متخيل سناريو وحوار بين واحده وجارتها بهذا الخصوص : ( أم عبدو ظابط برتبة نقيب .. وأم إبراهيم ست بيت معاها الإعدادية )

أم عبدو : يا أم إبراهــــــــيم يا أم إبراهـــــيم

أم هيما تطل من البلكونة : أيوه يا ام عبدو .. خير ياختشي كفالنا الشر .. العيال جرالهم حاجة ؟

أم عبدو : لأ ياختشي بعد الشر .. سمعتيش عن صفقة الأسلحة اللي مصر جابتها من الصين الأسبوع اللي فات .

أم هيما : أسلحة ؟ !!! يا ساتر يارب ... يعني ساكاكين وسواطير وكده ياختشي ؟

أم عبدو : سكاكين إيه يا وليه يا أم مخ بتلو ... ده احنا جبنا أسم الله على مقامك شوية صواريخ على مدافع ميدان على مضادات للدبابات .. وكده يعني .

أم هيما : طب وجنب الحاجات دي ماجبتولناش فوانيس رمضان على قلمة رصاص وأساتيك ؟ كل سنة وإنتي طيبة إحنا في اواخر رجب ورمضان هالل علينا مع دخول المدارس .

ام عبدو : تصدقي بالله .. انا غلطانة إني بأكلم واحده جاهلة زيك ... يا ولية بقى أنا بأكلمك عن صواريخ ومعارك وأسلحة وذخيرة .. تقومي إنتي تدخليني في ياميش رمضان ومرايل تيل نادية ... يالله إمشي أدخلي شقتك وكملي تقلية الملوخية .. جاتك الهم وليه معندهاش ريحة الثقافة العسكرية .

وطبعاً كان الحديث ده يدور من خلال البلكونات وأمة لا إله إلا الله سامعة الحوار ومتخيلة حجم الأسلحة ومتصورة الخطط العسكرية اللي بتتكلم عنها ام عبدو .. يعني بكده هانبقى وفرنا ميزانية جهاز المخابرات العامة ونقوم بسحب مجموعة رأفت الهجان اللي شغالة في تل أبيب لأن مابقاش عندنا أسرار ومش محتاجين حد يتجسس علينا لأن الموضوع بقى على عينك يا تاجر rs:

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
Farida عضو جديد

Farida

بتاريخ:
بتاريخ:

ايه ده يا جماعه الموضوع قلب تهريج مش عارفه كليو ساكته ليه عن الخروج عن النص بالشكل ده .....عموما بعيدا عن ام عبده و ام ابراهيم و بعيدا عن الأعاده الى ما كانت تفعله السيدات ايام الرسول ..و عن ان المرأه انها تستطيع ان تكتم السر السيده عائشه هى الوحيده دونا عن الصحابه كلهم كانت تعلم بفتح مكه ....ام حرام لها قبر فى جزيرة مالطه و كانت من اوائل المسلمن الذين عبروا البحر .....ما علينا

حد شاف محاضرة مهاتير محمد فى مكتبه الأسكندريه هى دى الناس بقه اللى ما تعرفش التريقه و التهريج و لكن الشغل و العمل ....الراجل ذكر اشياء كتير عملها فى ماليزيا و جعلها دوله من دول العالم الأول و فى نفس الوقت لها شخصيتها المميزة المستمده من الدين الحنيف كما كان يطبق على ايام الرسول و قبل ما يتحول الى فرق و شيع ...و كفيانا بقه كلمة نطبق الدين ازاى زى ما كان على ايام الرسول دون وجود الرجال الذين كانوا على ايام الرسول .....شوف ازاى ....الراجل طبق ديموقراطيه بطريقه تناسب ماليزيا المسلمه و طبق اقتصاد يناسب ماليزيا المسلمه و تكلم عن وجود المرأة فى الجيش و ان هذا كان يتم ايام الرسول و لكن بطريقه ايضا تناسب ماليزيا المسلمه .....ياريت نتعلم و نقرا و نبطل تريقه ...

الشيخ الغزالى فى كتبه دايما يشير الى ضرورة تدريب المرأة عسكريا و ان النساء فى فلسطين اكيد كانت حا تفرق معاهم كتييييييير لو كانوا مستعدين و مدربين ....

.نرجع بقه لأبو العربى ..يوه قصدى ام عبده

*اللهم انى اشكو اليك ضعف قوتى و قلة حيلتى و هوانى على الناس

*اللهم و لى امورنا خيارنا و لا تول امورنا شرارنا

* الساكت عن الحق شيطان أخرس

* الشعوب تستحق حكامها

رابط هذا التعليق
شارك
Cleo عضو جديد

Cleo

بتاريخ:
بتاريخ:
مش عارفه كليو ساكته ليه عن الخروج عن النص بالشكل ده .....

أصل مفيش فايدة... وعلى رأى فيروز......

ولا بلاش. rs:

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
R.M.G. عضو جديد

R.M.G.

بتاريخ:
بتاريخ:

ياجماعه الموضوع لاتهريج ولا دياولو انتو ليه قلبتوها تراجيدي كده انا قلت انها ملاحظة جاده وانا مصمم على رأيي إنه إذا كانت كل النساء تصلح للجندية فنساء مصربالذات لا يصلحن لأنهن أقدر نساء العالم على عدم كتم الأسرار وهو ألف باء الجندية

أما عن وجودهن في الجيش في اعمال اخرى كالسكرتارية العسكرية والتمريض والتطبيب فهذا موجود بالفعل ولا جديد فيه وأنا شخصيا لي جارة اسمها العقيد عزيزة وده بجد مش تهريج

أما مداخلة الأخ س س فهي أجمل ما كتب في هذا الموضوع الى الآن ويجب ألا ننظر إلى المزاح على أنه سخرية فالفارق كبير جدا وبيكون واضح جدا جدا وس س بالذات كل كلامه خفيف الظل حتى لو اتكلم في الكيمياء

مش كده ولا ايه؟

رابط هذا التعليق
شارك
ابو يوسف عضو جديد

ابو يوسف

بتاريخ:
بتاريخ:

بعيداً عن الكلمات الانشائية عن الجيش المصرى ..

سؤال برىء

ما جدوى تجنيد الرجال ؟؟؟

ولماذا يطلق عليها (خدمة) عسكرية ؟؟

من يخدمون ؟

أما عن تجنيد النساء ..

ففى اعتقادى أن هذا يحدث فى البلاد التى عدمت رجالها !!!

أحاول إحراقَ كلِ النصوصِ التي أرتديها.

فبعضُ القصائدِ قبْرٌ،

وبعضُ اللغاتِ كَفَنْ.

وواعدتُ آخِرَ أنْثى...

ولكنني جئتُ بعد مرورِ الزمنْ...

...

! !

من قصيدة " متى يعلنون وفاة العرب؟؟"

لنزار قبانى

رابط هذا التعليق
شارك
ahmous_25 عضو جديد

ahmous_25

بتاريخ:
بتاريخ:
ياجماعه الموضوع لاتهريج ولا دياولو انتو ليه قلبتوها تراجيدي كده انا قلت انها ملاحظة جاده وانا مصمم على رأيي إنه إذا كانت كل النساء تصلح للجندية فنساء مصربالذات لا يصلحن لأنهن أقدر نساء العالم على عدم كتم الأسرار وهو ألف باء الجندية

المشكلة دية مش في نساء مصر بس دة في اي حتة في العالم :huh:

لدرجة ان في ةمثل امريكي بيقول : لو كنت عايز تنشر خبر قولة لواحدة ست و قولها ان دة سر خطير :rolleyes: swar:: mfb:

رابط هذا التعليق
شارك
kfaya عضو جديد

kfaya

بتاريخ:
بتاريخ:

يا محمااااد .....

أأمرنى يا باشا ........

سمعت عن حكاية تجنيد البنات دى يا محمد ؟؟؟؟

أيوة يا باشا ....... الدراسة فى مراحلها الأخيرة و يمكن تطبق من السنة اللى جاية ..

اهى دى الوشوش اللى تفتح النفس على الشغل , و الواحد يصطبح بيها و يعرف يشتغل كويس ... مين يا محمد اللى ماسك شؤون التوزيع ؟؟؟؟

تامر بيه يا فندم .....

دفعتى .... حبيبى ... ماقالوش يا محمد هيدونا كام واحدة ؟؟؟؟؟

سعادتك لسة بدرى على الكلام ده ,,,,,, فين لما يدخلوا ,,,, و بعدين يقضوا فترة التدريب ,,,,, و بعد كده التوزيع ....

يا محمد الحاجات دى ما بتستناش ,,,,,,,

احنا عندنا كام قفص مانجو اللى مسكناهم مع البياعين اللى من غير رخص ؟؟؟؟؟

حوالى عشرين سعادتك ...

نقى قفصين يكونوا عويس او تيمور و ترح بنفسك لتامر بيه و تمسى عليه و تقوله خالينا فى باله .... وقوله بس يكون " بينك و بينه " ...... بلاش محجبات ...

رابط هذا التعليق
شارك
Bero عضو جديد

Bero

بتاريخ:
  • كاتب الموضوع
بتاريخ:

بسم الله الرحمن الرحيم

السلام عليكم ورحمة الله وبركاته

الحقيقه يا جماعه انا لما طرحت الموضوع ده هنا في المنتدى كنت عايزه نناقشه بجديه ومش عارفه انتو خدتوا الموضوع بتهريج وهزار

وتقريبا لاحظت ان معظم اللي علق على الكلام رجال وفي تحامل منهم على المرأه انها لا تؤتمن على سر مع ان المرأه ديه والدتك واختك وزوجتك وبنتك

فاتمنى يا جماعه نتكلم جد

السر في مأساتنا

صراخنا أضخم من أصواتنا

وسيفنا أطول من قامتنا

رابط هذا التعليق
شارك
kfaya عضو جديد

kfaya

بتاريخ:
بتاريخ:

العزيزة بيرو ...

أولا أنا ما رحبتش بيكى لغاية دلوقتى مع انى متابع مداخلاتك , و كلها ظريفة و دمها خفيف و انشاء الله هتاكلى عيش معانا هنا ..

طبعا عشان المراة هى أمى و أختى و أبنتى , وزوجتى و أنا عارفها كويس قدرت أحكم من منطلق خبرة و معايشة و قلت أن السر معاها مش ممكن يبقى سر ...

روقى يا بيرو .. يعنى هى خلاص كملت المعانى و مش ناقص غير ان البنات يدخلوا الجيش ؟؟؟؟

رابط هذا التعليق
شارك
R.M.G. عضو جديد

R.M.G.

بتاريخ:
بتاريخ:

الأستاذه بيرو تحياتي اولا

معلوماتي عن المرأة وأنها لاتكتم سرا استقيتها ممن ذكرت أمي وأختي وابنتي وزوجتي فلم أجد بينهن من تكتم سرا مهما كانت أهميته وهذا يؤكد انهن يتمتعتن بكامل الأنوثه ويوم اكتشف أن زوجتي تستطيع كتم السر فأنا أول من سينادي بتجنيدها بل وسأسلمها بنفسي ل س 28 شرطة عسكرية ليتم ترحيلها بمعرفتهم

رابط هذا التعليق
شارك
Bero عضو جديد

Bero

بتاريخ:
  • كاتب الموضوع
بتاريخ:
وهذا يؤكد انهن يتمتعتن بكامل الأنوثه ويوم اكتشف أن زوجتي تستطيع كتم السر فأنا أول من سينادي بتجنيدها بل وسأسلمها بنفسي ل س 28 شرطة عسكرية ليتم ترحيلها بمعرفتهم

والله يا جماعه منكم نستفيد يعني عدم كتمان الاسرار اصبح من علامات الانوثه

على فكره انا ضد فكره تجنيد المرأه ورافضاها تماما لان المرأه لها العمال اللي بتناسبها بتناسب طبيعتها كام مينفعش تكون بتحارب او بتضرب (او حتى بتشيل حديد تحت مسمى الرياضه )متهيالي اذا كان الهدف انها تدافع عن نفسها فهيا بتقدر تدافع عن نفسها كويس انما ده كدا هتبقى عنيفه جدا وده عكس طبيعتها وعكس الوظيفه اللي ربنا خلقها عشانها

السر في مأساتنا

صراخنا أضخم من أصواتنا

وسيفنا أطول من قامتنا

رابط هذا التعليق
شارك
DARWEEN عضو جديد

DARWEEN

بتاريخ:
بتاريخ:

أنا شخصيا تجنيدي كان في منطقة قيادة وكان فيه مجموعة كبية جدا من السيدات والبنات من جميع الرتب يشغلن الوظائف الإدارية والطبية أتذكر منهن عقيد كانت في منتهى الشدة وكان هناك أيضا الرقيب ناديه بأبتسامتها الظريفه وتهريجها مع الجميع بأدب وكان هناك الجيد والرديء منهن مثلهن مثل الرجال كانت هناك المحترمة وكانت هناك ماهي غير ذلك

لكن رأيي أنا الشخصي عن الموضوع فأنا أعترض تماما وأقثولها عن خبرة فالمرأة المصرية طبيعتها لا تصلح للسلك العسكري

القسوة أن ألقاك غريبا ... في وطن ناء عن وطنك

والأقسى غربة أنفاس ... بين الخلان وفي أهلك

رابط هذا التعليق
شارك
mohamed عضو جديد

mohamed

بتاريخ:
بتاريخ:

طيب السؤال دلوقتى

هو الرجالة كانو عملوا ايه فى الجيش عشان الحريم تدخله ؟؟

يعنى اقصد هل جد جديد حتى يكون هناك مطلب بادخال النساء فى الجيش ؟؟؟؟؟؟؟؟

ما هو الرجالة بيدخلو الجيش ولا بيعملوا حاجة

ده انا سمعت ان فى اقتراح انهم هيخلوا الجيش 5 سنوات بيقولك عشان البطالة منتشرة فنشغل الشباب

اه والله شوف العالم اللى بتستعبط

بقى بدل اما يقضوا ع البطالة ويعملو مصانع يضيعوا عمر الشباب

رابط هذا التعليق
شارك
kfaya عضو جديد

kfaya

بتاريخ:
بتاريخ:

R.M.G. كتب :

الأستاذه بيرو تحياتي اولا

معلوماتي عن المرأة وأنها لاتكتم سرا استقيتها ممن ذكرت أمي وأختي وابنتي وزوجتي فلم أجد بينهن من تكتم سرا مهما كانت أهميته وهذا يؤكد انهن يتمتعتن بكامل الأنوثه ويوم اكتشف أن زوجتي تستطيع كتم السر فأنا أول من سينادي بتجنيدها بل وسأسلمها بنفسي ل س 28 شرطة عسكرية ليتم ترحيلها بمعرفتهم

هى مش س 28 اللى فى طريق جسر السويس بجوار فندق السلام ؟؟ ؟؟؟

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...