محاصرة السلفيين لكنيسة بامبابة بزعم اختطاف مسلمة .. اين سيادة القانون

[مغتربة]

السلام عليكم

الأن على القاهره اليوم

و على الهواء ما فيش قصه اربعه قتلى و الروايات عن مشاجره شديده و غير معروف

تفاصيل حتى الان فهل ممكن الانتظار لمعرفه الحقائق الموثقه ؟؟؟ممكن .

على قناه الحكمه كان فيه تقرير كامل

صوت ضرب النار كان واضح جدا جدا فى التقرير

التقرير طبعا صوتى من مراسلهم هناك

[شرف الدين]

طب يا مغتربة ...

هل في كلام أكيد عن الإصابات وكده ولا ايه ؟

وهل في بيان لأعداد القتلى ؟

[fatfouta]

رصد | مصر | اللجان الشعبية بكثافة فى امبابة وتحديدا فى شارع الاقصر حول كنيسة مارى مينا وتتعالى الهتافات مسلم ومسيحى ايد واحدة

ياريت نبقى ايد واحدة.....ياريت نبقى ايد واحدة وكفاية كده بقى ونفوق بلدنا محتاجانا دلوقتى بجد

لعن الله من ايقظ الفتنة.....لعن الله من ايقظ الفتنة أيا ان كان

[مغتربة]

طب يا مغتربة ...

هل في كلام أكيد عن الإصابات وكده ولا ايه ؟

وهل في بيان لأعداد القتلى ؟

لا مفيش حتى الان

و عن نفسى بدعى ربنا بجد انه ميكونش فيه و لا حاله سواء اصابه او لا قدر الله وفاه

بجد يا رب يا رب تكون كل دى اشاعات

يا رب ميكونش فيه مصرى واحد ايا كان اتصاب

[fatfouta]

ربنا يستر.......ربنا يستر

http://www.youtube.com/watch?v=vGImBee3foQ&feature=uploademail

تم تعديل 7 مايو 2011 بواسطة fatfouta

[مغتربة]

الى قريته ان قناه مودرن حريه عليها متابعه

لسه مجرتش ادور على القناه عندى

لكن دا ترددها الى لقيته

تردد القناه 12476 راسي

[fatfouta]

ودايما فيكى خير بلدى بإذن الله

مصر|شباب امبابه يبدأون فى حشد انفسهم ليبدأو بعمل لجان شعبيه حول الكنيسه والمنشأت من حولها(حفظكم الله ياشباب مصر)

[fatfouta]

إصابة 10 في مصادمات بين سلفيين وأقباط بإمبابة.. ومئات الأهالي يهتفون للوحدة الوطنية

شهد شارع الأقصر بمنطقة إمبابة تبادلاً لإطلاق النار بين مجموعات من السلفيين والأقباط، مساء السبت، بعدما تجمهر العشرات من السلفيين أمام كنيسة مارمينا واتهموها باحتجاز فتاة أشهرت إسلامها.

أفادت التحريات الأولية وأقوال شهود العيان بأن أنباء زعمت قيام إحدى الفتيات المسيحيات بإشهار إسلامها وأن الكنيسة منعتها من الخروج واحتجزتها مما أثار غضب السلفيين، ووصلت قوات من الجيش إلى الموقع في محاولة للسيطرة على الاشتباكات التي لا تزال متواصلة حتى التاسعة والنصف مساء.

وأسفر إطلاق النار المتبادل بين مسلحين مجهولين من فوق أسطح المنازل عن إصابة 10 أشخاص على الأقل بحسب شهود عيان.

وأطلقت قوات الجيش النار في الهواء، كما استخدمت القنابل المسيلة للدموع لتفريق المشاركين في الاشتباكات.

واشتعلت النيران في جزء من مدخل الكنيسة وفي عدد من المنازل القريبة منها بسبب إلقاء زجاجات «مولوتوف»، فيما نفى مسؤولو الكنيسة وجود الفتاة مؤكدين أن القضية مجرد شائعة.

وتظاهر المئات من أهالي إمبابة أمام الكنيسة معلنين رفضهم محاولات إثارة الفتنة الطائفية، وهتفوا: «مسلم مسيحي.. إيد واحدة».

http://www.almasryalyoum.com/node/427166

[ozoozo]

يا من تدفعون باتجاه التصعيد وتريدون سرقة الثورة بعد أن وقفتم ضدها في البداية

الاستمرار في هذا النهج ليس في مصلحتكم ولن يحقق لكم ما تصبون اليه ... فعودوا الى عقولكم واعرفوا حدودكم

احذروا السيناريو الجزائري ... فالجيش المصري لن يصمت على عبثكم الى مالا نهاية ... والشعب من وراءه

اللهم قد بلّغت ... اللهم فاشهد

فعلا لن انسي ولن اسامح

محمد حسان ولا محمود المصري اللي طلعوا علي التلفزيون المصري وطلبوا من الشباب الانصراف ولا اللي حرموا المظاهرات والخروج علي الحاكم

ولا سيدنا المفتي الملاكي اللي حرم صلاه الجمعه

كل دول في رقابهم كفل من دم الشهداء

اللهم عذبهم في النار بكفل دماء الشهداء يارب

[se_ Elsyed]

عيب

قولنا إيه

من غير لا سحر ولا شعوذة

الناس اللي نصبت نفسها حكومة وشرطة وقضاة

مش هايسكتوا

أمبارح كاميليا

ودلوقت عبير

وولع الدنيا يا عم

[se_ Elsyed]

الحادثة دي بالذات ... ستضع البلد كلها على المحك

المجلس العسكري صرح منذ أيام إنه لن يتهاون في دعاة الفتنة الطائفية

عشان كده لو ما أتحققش في موضوع النهاردة في يوم أو يومين بالكتير ..

واللي إتسبب في الفتنة دي مهما كان .. سلفي قبطي .. عفريت أزرق ...

يتعدم في مكان الفتنة نفسها وأمام الجميع

غير كده يبقى سلم على البلد كلها من أسوان لحد إسكندرية

يعني نظام وحدة وطنية .. وإفطار وشاي وكيك ...

يبقى مع السلامة

[fatfouta]

مصر|الوضع الان هادئ جدا فى امبابه والجيش سيطر على المناطقه والاهالى تهتف (مسلم ومسيحى ...ايد واحده)

[مغتربة]

http://www.youtube.com/watch?v=97hvKnJ26mQ&feature=player_embedded

[tarek hassan]

يا من تدفعون باتجاه التصعيد وتريدون سرقة الثورة بعد أن وقفتم ضدها في البداية

الاستمرار في هذا النهج ليس في مصلحتكم ولن يحقق لكم ما تصبون اليه ... فعودوا الى عقولكم واعرفوا حدودكم

احذروا السيناريو الجزائري ... فالجيش المصري لن يصمت على عبثكم الى مالا نهاية ... والشعب من وراءه

اللهم قد بلّغت ... اللهم فاشهد

فعلا لن انسي ولن اسامح

محمد حسان ولا محمود المصري اللي طلعوا علي التلفزيون المصري وطلبوا من الشباب الانصراف ولا اللي حرموا المظاهرات والخروج علي الحاكم

ولا سيدنا المفتي الملاكي اللي حرم صلاه الجمعه

كل دول في رقابهم كفل من دم الشهداء

اللهم عذبهم في النار بكفل دماء الشهداء يارب

أنا عملت موضوع قبل كده وانتقدت فعل الشيخيين وإن كانت لهم حجتهم في أن العالم والدولة كانت ستتدخل بعنف شديد بحجة عايزين يعملوا إمارة إسلامية وأنت عارف الحجة

بس طالما حضرتك لم تذكر الكنيسة وفتاويها في هذا الشأن يبقى سامحتها وأتمنى أن يشمل عفوك الشيخ حسان كمان ومعاه الشيخ المصري

تم تعديل 7 مايو 2011 بواسطة tarek hassan

[se_ Elsyed]

بقى لي ييجي إسبوع كل يوم بأستمع شخص إسمه " الدكتور حسام البخاري " المتحدث الاعلامي لحركة المسلمين الجدد

مش عارف مين دول بصراحة .. ومش عارف إيه الوجه العابث على طول والصوت العالي ده والتطاول على الجميع

نقارن بينه وبين الشيخ محمد حسان طليق الوجه والسمح

كشف الدكتور حسام أبو البخارى المتحدث الإعلامى باسم ائتلاف دعم المسلمين الجدد، عن تقدمهم بطلب إلى النيابة، لتوقيع كشف طبى على كاميليا شحاتة، للتأكد من عدم تعرضها للتعذيب بدنى أو إكراه معنوى قبل ظهورها عبر فيديو مسجل عبر قناة مسيحية.

وشدد البخارى على أن الائتلاف لا يعتد بالفيديو الذى ظهرت فيه كاميليا مساء اليوم، ووصفه بـ"المستفز" للمسلمين، مطالبا بظهور كاميليا أمام النيابة.

وفى سياق آخر، أكد البخارى أن الفتاة التى يتهم السلفيين الكنيسة باختطافها فى حى إمبابة بعد إشهار إسلامها، أكد أن اسمها عبير طلعت خيرى وقد أشهرت إسلامها فى الأزهر الشريف قبل 7 أشهر ثم تعرضت للاختطاف على يد أهلها وبمعاونة الكنيسة شهر مارس الماضى فى حين لم يتسن لـ"اليوم السابع" التأكد من صحة روايته.

وأكد البخارى فى تصريحات خاصة لـ"اليوم السابع"، أن الفتاة هربت من منزل أهلها فى ساحل سليم بكفر شحاتة بمحافظة أسيوط وأقامت فى بنها لدى شخص اسمه ياسين ثابت، والذى ساعدها فى إنهاء إجراءات إشهار إسلامها مشيرا الى أنها كانت على وشك الزواج.

وقال البخارى: "تمكن أهلها الفتاة من الوصول إلى مقر إقامتها واختطفوها بالتحديد فى 3 مارس الماضى لكنها تمكنت من الاتصال بياسين الذى كانت تقيم لديه فى بنها وأخبرته بأنها متواجدة فى منزل بشارع الأقصر بجوار كنيسة مارى مينا "مشيرا إلى أنه حصل على معلومات بان هذا المنزل مملوك للكنيسة".

وأكد البخارى، أن ياسين جمع بصحبته مجموعة من الشباب واتجهوا إلى المنزل لـ"تحرير" الفتاة بحسب تعبيره وهناك وقعت اشتباكات بين المسلمين والمسيحيين، وأوضح أن شهود العيان سمعوا دوى إطلاق نيران كما رجح سقوط قتلى فى المواجهات ولفت فى الوقت ذاته إلى أن قوات الجيش تحفظت على ياسين بينما لا يعرف أحد مصير الفتاة.

واحد النهاردة برضوا قريت إسمه .. وحد يفسر لي الإسم الله يخليكم

وأضاف "الأترج هديم البراجى" عضو ائتلاف الدفاع عن المسلمات الجدد، أنه بمجرد محاولة دخول الشيوخ الثلاث برفقة القساوسة وبعض أفراد القوات المسلحة للكنيسة بدأت تتدفق عليهم زجاجات مولوتوف وحجارة، وضربات ضدهم، مما أشعل الاشتباكات مرة أخرى وتجمع العشرات.

اومال فين إئتلاف الدفاع عن مصر كلها ؟

والدفاع عن المصايب اللي فيها البلد

حسبي الله ونعم الوكيل في أي حد عاوز يشعللها ويقف يتفرج على النار وهي بتحرق الجميع

[مغتربة]

بقى لي ييجي إسبوع كل يوم بأستمع شخص إسمه " الدكتور حسام البخاري " المتحدث الاعلامي لحركة المسلمين الجدد

مش عارف مين دول بصراحة .. ومش عارف إيه الوجه العابث على طول والصوت العالي ده والتطاول على الجميع

http://www.youtube.com/watch?v=-tkU1jQs-Z0&feature=player_embedded

[م تيمور المراغي]

كده بردوا يا مصريين !

[Dreamwithme]

ياريت يا جماعة نفتكر بجد الكلام اللي كان بيتقال من ناس كتير جدا منهم بلال فضل

مع يسري فودة علي أون تي في علي إن هناك مخطط لإجهاد الثورة تمهيدا لإجهاضها

وكان إحدي المراحل اللي اتكلموا عنها هو ملف الفتنة الطائفية

يعني إشمعني دلوقتي بعد إذاعة اللقاء الخاص بكاميليا شحاتة وتأكيدها علي إنها لازالت مسيحية وغير مختطفة

تيجي دلوقتي مكالمة من عبير إنها مخطوفة في كنيسة في إمبابة؟!

إحنا في حد بيلعب بينا أحلي لعب ولعب علي كبير وياريت بقي المسئول عن البلد حاليا وهو المجلس العسكري

يحدد هو مع مين بالضبط .....هيعيد هيبة الدولة اللي راحت خالص ولا هيسيب الخطة تنفذ بكل مراحلها فيكون شريك فيها؟

[tarek hassan]

أنا انتهز الفرصة وأشكر الزميلين ريمون ورار وإن كانا غير موجودين لأنهما قالا لي نحن نؤيدك في أنه لابد وأن تظهر كاميليا وتعلن رأيها صراحة

وأنتهز الفرصة وأشكر جميع المسيحيين الذين لم يستجيبوا للدعوة أمس للقيام بمظاهرات في مواجهة المطالبة السلفية بإخراج كامليا شحاته وظهر العشرات أو المئات فقط

ولكن البعض كالعادة ينتهز الفرصة ويكيل للسلفيين بحجج قديمة على جديدة على طريقة من أنتم وأين كنتم لما كنت أنا وعبد القادر شايلين السلاح

كالعادة البعض يظهر من نفسه بطلا متحدثا باسم مصر والحرص عليها ويجتزئ الوطن في نفسه

البعض مازال على مصرا على التعليق على شماعة الفزاعات يا جماعة

مصر ضد الفتن

مصر بلد الأمان

مصر دولة لن تقوم إلا على الحق وسيادة القانون

يا جماعة مصر ستسير للأفضل ومحدش هيرجعنا للوراء أنا متأكد خلاص

أما أعداء الوطن فهم مهما تسموا فإني أراهم يرقصون رقصتهم الأخير وهي كرقصة الطير فالطير يرقص مذبوحا

تم تعديل 7 مايو 2011 بواسطة tarek hassan

[Abu Reem]

احنا احسن شعب يحب اللت والعجن

واعلامنا ايضا اعلام يميل الى اللت والعجن ولا اجد فرق لين القنوات الفضائية وجريدة اخبار الحوادث او بعض الجرائد الاخري التي تقرأ في صفاحتها الاولى عناوين رنانة ومثيرة وبعدين تخش تقرأ الخبر تلاقيه قصة هايفة ممكن تحدث كل يوم

- والغريب ان احنا كشعوب عربية نحب نتكلم ونتدخل في كل حاجة واللي مش مصدق يدخل المواقع الاخبارية علي النت ونلاقي اي خبر تجد اسفله مئات التعليقات والغريب ان تلاقي 90٪ منها كلام مكرر ولكن بصياغة اخرى. ، لان طبعا كل واحد لازم يترك بصمة

- يعني لو طلع خبر عن بن لادن تلاقينا كلنا بنتكلم علي بن لادن رغم انه بقاله سنين مطارد من امريكا وقتل الالاف في بلادهم تحت حجة البحث عنه ولما طلع خبر. موته نجد مطاهرات امام السفارة الامريكية مش عارف يعني هتفيدنا بايه

- ولو طلع خبر عن ان هناك ناس تتظاهر امام كنيسة او امام مسجد نجد كله واحد شاهر سيفه وعاوز يشارك ويمكن مش عارف اساسا ايه المشكلة

- ولو طلع خبر عن اعتداء علي لاعبي كرة في مباراة في احد الدول تلاقينا كلنا عاوزين نشارك في الحدث والاعلام كله تلاقيه بيسخن في الامور وكان القيامة قامت والدنيا تولع

(( ياعالم مش لازم اي قضية تثار مش لازم نتحمس كلنا ونشارك ونعترض ونتظاهر ويمكن نحارب بعض ،،، وانا باقول ده علشان فيه احداث كتير بتحصل وهي في ظاهرها حوادث طبيعية ولكنها في الاساس بتكون مدبرة. ويقوم من دبروها بشعال الفتيل فقط ويتركوا الباقي للشعب الثائر والمتحفز وهم يقوموا بالباقي))

- والاعلام عاوز يشتغل ويكسب السبق ويكسب الاعلانات ونسب المشاهده فحال البلد والاقتصاد في انهيار ةهذه القنوات ان لم تعمل وتكسب ستغلق ابوابها

- صدقوني اسهل شئ الان لافساد نجاح الثورة هو جعل الشعب المصري مستثار علي الدوام وفي حالة صراع مع نفسه ،، ( واعني هنا بين مسلم ومسيحي ، او اخواني وسلفي او بين علماني وسني ) وهكذا

--- ارجوكم وارجوا الاعلام ان يتجاهل اي احداث تحدث بين المصريين وبعضهم ونعتبر هذه الاحداث كاي خناقة عادية ونترك الامور للامن لكي يقوم بدوره ولا نشعل الامور بكثرة الكلام وتسليط الضوء على هذه الاحداث

انتبهوا يا مصريين انتبهوا

مصر وتونس افلتتا بنجاح ثورتيهما

وهناك دول اخرى لن تنجح في التخلص من الانظمة المستبدة لان القوى الكبرى لن ترضى بهذا. وانظروا حولنا جيدا لتعرفوا ان الدول المجاورة لنا حتى الان لم تستطيع النجاح فيما وصلت اليه مصر وتونس

لذلك حافظوا علي الانتصار الذي تحقق لنا بفضل الله

واعلموا ان العمل وعدم الالتفات الي الاحداث المتتالية المفتعلة وعدم الحديث المستمر عنها هو الحل لاجهاض هذا المخطط

اتركوا المشاحنات للدولة وللامن وللمجلس العسكري فالعنترية ستصل بنا الى نتايج سيئة

والتفتوا الي العمل ولا تلتفتوا الا عبارات الاستفزاز الذي يسمعها المسيحي من المسلم او المسلم من المسيحي او السلفي من العلماني او العكس لاننا لن ننتهي ابدا لو استمرينا علي هذا النحو وسنجد كل يوم قصة جديدة مختلفخ من تاليف واخراج.......؟؟؟؟؟!!!!

كملوا انتوا!!!!

تم تعديل 7 مايو 2011 بواسطة Abu Reem