محاصرة السلفيين لكنيسة بامبابة بزعم اختطاف مسلمة .. اين سيادة القانون

[شرف الدين]

الصحة: مقتل شخص وإصابة 23 في أحداث امبابة

كتب - سامي مجدي:

قال وكيل وزارة الصحة في الجيزة - في تصريحات على فضائية الحياة - أن هناك قتيل واحد و23 مصاباً جراء اشتباكات "كنيسة ماري مينا" بامبابة بينهم حالتين خطيرتين، مصابين بكسر في الجمجمة نقلا إلى مستشفى القصر العيني.

وقال شهود عيان من منطقة إمبابة، حيث اشتباكات ''كنيسة ماري مينا'' أن السلفيين المتواجدين بالمنطقة بدأوا في الانصراف، بعد أن وصلت أعداد كبيرة من قوات الجيش التي استخدمت القنابل المسيلة للدموع في تقريق الاشتباكات بين السلفيين والأقباط.

وأكد اشهود أن قوات الجيش أغلقت المنطقة المحيطة بالكنيسة تماماً، وفرقت السلفيين الين اضراموا النيران في مقلب زبالة أمام الكنيسة.

وقام شباب المنطقة بعمل لجان شعبية لحماية الكنيسة ومبنى الخدمات، بعد أن حاول السلفيين اقتحام الكنيسة وإضرام النار فيها.

ووقعت اشتباكات قبل مساء يوم السبت بين سلفيين وأقباط أمام كنيسة ماري مينا بإمبابة على خلفية مزاعم بـ ''احتجاز فتاة مسيحية داخل الكنيسة قال سلفيون أنها اشهرت إسلامها''.

وأسفرت الاشتباكات عن جرح 12 شخصاً نقلوا إلى المستشفيات القريبة، قيما تردد على مواقع التواصل الاجتماعي أنباء عن ''وقوع قتلى جراء تبادل السلفيين والأقباط إطلاق النار والمولوتوف''.

وسيطرت قوات الجيش تماماً على المنطقة الموجودة بها الكنيسه ''ماري مينا''، وأفاد شهود من المنطقة إلى وجود حالات اختناق جراء إطلاق قوات الجيش القنابل المسيلة للدموع لتفريق السلفيين، فيما لوحظ تواجد سيارات الاسعاف بكثرة لنقل المصابين.

[ozoozo]

يا من تدفعون باتجاه التصعيد وتريدون سرقة الثورة بعد أن وقفتم ضدها في البداية

الاستمرار في هذا النهج ليس في مصلحتكم ولن يحقق لكم ما تصبون اليه ... فعودوا الى عقولكم واعرفوا حدودكم

احذروا السيناريو الجزائري ... فالجيش المصري لن يصمت على عبثكم الى مالا نهاية ... والشعب من وراءه

اللهم قد بلّغت ... اللهم فاشهد

فعلا لن انسي ولن اسامح

محمد حسان ولا محمود المصري اللي طلعوا علي التلفزيون المصري وطلبوا من الشباب الانصراف ولا اللي حرموا المظاهرات والخروج علي الحاكم

ولا سيدنا المفتي الملاكي اللي حرم صلاه الجمعه

كل دول في رقابهم كفل من دم الشهداء

اللهم عذبهم في النار بكفل دماء الشهداء يارب

أنا عملت موضوع قبل كده وانتقدت فعل الشيخيين وإن كانت لهم حجتهم في أن العالم والدولة كانت ستتدخل بعنف شديد بحجة عايزين يعملوا إمارة إسلامية وأنت عارف الحجة

بس طالما حضرتك لم تذكر الكنيسة وفتاويها في هذا الشأن يبقى سامحتها وأتمنى أن يشمل عفوك الشيخ حسان كمان ومعاه الشيخ المصري

ياسيدي انا لم اذكر الكنيسه لان الموضوع بيتكلم عن السلفيين

انما الكنيسه والبابا شنوده نفسه في رقابهم كلهم كفل من دم الشهداء وكل القساوسه اللي منعوا الخروج

واي نعم انا لست من اولياء الدم ولكني لن اسامحهم وسأطلب من رب العالمين يوم المشهد العظيم القصاص لدم الشهداء بصفتهم اهلي وجيراني و مسلمين

وانا فعلا لحزين ان اضع محمد حسان وطلعت زكريا والبابا شنوده وعلي جمعه في نفس الاناء

بس للاسف اللهم احسن خواتيمنا

تم تعديل 7 مايو 2011 بواسطة ozoozo

[مغتربة]

احنا احسن شعب يحب اللت والعجن

واعلامنا ايضا اعلام يميل الى اللت والعجن ولا اجد فرق لين القنوات الفضائية وجريدة اخبار الحوادث او بعض الجرائد الاخري التي تقرأ في صفاحتها الاولى عناوين رنانة ومثيرة وبعدين تخش تقرأ الخبر تلاقيه قصة هايفة ممكن تحدث كل يوم

لت و عجن ايه استاذ ابو ريم

دلوقتى على برنامج منى الشاذلى انا سمعاه بودنى اتصال مع صحفى فى جريده الشروق موجود هناك

اطلاق النار الكثيف حسب وصف الصحفى استمر خمس ساعات كااااااااااااامله و مازال حتى الان حسب شهاده الصحفى

و عدا اطلاق النار قنابل المولوتوف

اكثر من 100 مصاب حسب شهادته ايضا

و قتيل واحد مسيحى موجود فى الكنيسه

ايه كميه السلاح دى

و ازاى ضرب نار يقعد خمس ساعات

و كل دا على اشاعات محدش عارف صدقها من كذبها

هى مصر رايحه لفين

يا مصريين ايا كان دينكم

ارحموا بلدكم ارحموووووووووووووووووووها

حرام حرام و الله العظيم الى بتعملوه فيها دا

[tarek hassan]

وأكد اشهود أن قوات الجيش أغلقت المنطقة المحيطة بالكنيسة تماماً، وفرقت السلفيين الين اضراموا النيران في مقلب زبالة أمام الكنيسة.

يعني الحريق اللي كان في الفيديو بتاع قناة الطريق كان في مقلب زبالة وكانت قناة الطريق بتكذب وتقول بيحرقوا بيوت المسيحيين

كويس إنه طلع مقلب زبالة

[ozoozo]

الى قريته ان قناه مودرن حريه عليها متابعه

لسه مجرتش ادور على القناه عندى

لكن دا ترددها الى لقيته

تردد القناه 12476 راسي

حتي لا ننسي

قناه مودرن دي اللي يوم ماتش الزمالك والافريقي التونسي كان المخرج بيسخن المذيع ويقوله قول مش هم دول شباب الثوره اللي وقفنا وراهم

ده غير الناس اللي طلعت تشتم بعد كده

يبقي اشمعني دي القناه الوحيده اللي بتغطي

الحدق يفهم

[tarek hassan]

ياسيدي انا لم اذكر الكنيسه لان الموضوع بيتكلم عن السلفيين

انما الكنيسه والبابا شنوده نفسه في رقابهم كلهم كفل من دم الشهداء وكل القساوسه اللي منعوا الخروج

واي نعم انا لست من اولياء الدم ولكني لن اسامحهم وسأطلب من رب العالمين يوم المشهد العظيم القصاص لدم الشهداء بصفتهم اهلي وجيراني و مسلمين

وانا فعلا لحزين ان اضع محمد حسان وطلعت زكريا والبابا شنوده وعلي جمعه في نفس الاناء

بس للاسف اللهم احسن خواتيمنا

آمين

شكرا للتوضيح

[التونسى]

شكلها كده قله من السلفيين .. فى طريقهم لتشويه ..او حتى للاجهاز على التيار بأكمله .. والتاريخ شكله بيعيد نفسه من غير ما حد يتعظ .. اللى بيحصل ده فكرنى باللى اتعمل فى الاخوان المسلمين سنة 1954 .. ووقوعهم فى الفخ اللى اتنصب لهم .. بداية من تورطهم ((او توريطهم)) فى حادث المنشيه الشهير .. اللى تعرض فيه عبد الناصر للاغتيال .. ومن يوميها ماشفش الاخوان خير ..وتم تشويههم وتخويف المصريين منهم .. على مدار اكثر من نصف قرن .. لحد ان اطلق عليهم الجماعه المحظوره .. لحد ما جت الثوره وخلتهم يشموا نفسهم تانى ويشتغلوا فى النور

والله انا بقول كده من منطلق خوف عاللى ممكن يجرا للتيار السلفى بسبب هذه الحماقة ((عفوا)) التى يتم بها معالجة ..أو التعامل مع الامور من قله من السلفيين .. ومازلت مصمم على انها قله فعلا . لان اللى يعتدى ويخرب ويحاول يقتل مش ممكن يكون سلفى معتدل وذو عقل وعلم وثقافه وكياسه وسياسه

البلد مش حتضيع باذن الله .. بس انتوا اللى ممكن تضيعوا يا سلفيين .. وبأيديكم

اضافه : على فكره حلوه اللعبه دى ..واحد من اللى عايزينها تخرب ما تعمر ..يتصل باى حد من السلفيين ويقول له إلححححححق دا فيه واحده مختطفه فى كنيسه ..اجرى يا جدع هات المجاهدين بالسيوف يحرروا الاسيره من الكفار.. وبعد كده يسيبه يتعامل .. واشمتى ياللى منتيش غرمانه

تم تعديل 7 مايو 2011 بواسطة التونسى

[abaomar]

وأكد اشهود أن قوات الجيش أغلقت المنطقة المحيطة بالكنيسة تماماً، وفرقت السلفيين الين اضراموا النيران في مقلب زبالة أمام الكنيسة.

يعني الحريق اللي كان في الفيديو بتاع قناة الطريق كان في مقلب زبالة وكانت قناة الطريق بتكذب وتقول بيحرقوا بيوت المسيحيين

كويس إنه طلع مقلب زبالة

يعنى يا طارق كده تبوظ السليوه بتاعه النهارده عن السلفيين الهمجيين الدمويين

يا ريتكم سمعتم إتصال عصام العريان على الاوربت مع التافه عمرو اديب الذى يرغى و يزبد

منذ بدايه الحلقه و نازل تشويه و قله أدب فى السلفيين هو و الاخ اللى قاعد بجانبه

و باين عليهم محروقين جدا من السلفيين مش عارف ليه كده و ضحكت عندما ذكر عصام العريان

ردا عليهم انه فى بدايه المشاجره توجه مجموعه من الشيوخ السلفيين لصرف الشباب و إقناعهم

بعدم العنف إلا انهم جميعا فوجئوا بحدف الطوب و المولوتوف من المنازل حول الكنيسه

و هذه كانت الشراره التى طالت الجميع بما فيهم هؤلاء الشيوخ و العريان الإخوانجى ينفى و بشده تورط السلفيين

فى هذه الاحداث و يشير الى النيه المبيته لإحداث هذه المشاجره عقب ظهور فيديو كاميليا و ان هناك

من جهز المولوتوف و السلاح من قبلها و اشار بارتياب الى المكالمه القادمه من عبير كما قال ..

[Diab]

مصر مش دولة مؤسسات

مصر بتاعة ائتلافات

تم تعديل 7 مايو 2011 بواسطة Diab

[Abu Reem]

يا اخت مغتربة / ايوه صدقيني كثره التركيز علي الحدث في جميع وسائل الاعلام وفي المنتديات وفي الفيس بوك يعمل اكثر من كده

يعني انا دلوقتي مثلا ممكن جدا اتفق مع عشر بلطجية وادفع لهم كويس وافول لهم روحوا اعملوا مظاهرة امام اي مسجد مشهور ورددوا عبارات ضد الاسلام وكمان اخليهم يحدفوا شوية طوب ويولعوا في شوية مصاحف

وفي نفس الوقت اكون متصل باي مراسل من اي جريدة واقول له روح الحق هذا السبق الصحفي ، مع اتصالين علي بعض القنوات الفضائية وكلمتين علي الفيس بوك. وشوفوا ايه اللي هيحصل بعد كده

مش بس هتلاقي قنابل مولوتوف هتلاقي حرب ومئات الالاف بتضرب في بعض

ويمكن يصل الامر الي حرب لن تنتهي وانتقامات بين المسلمين والمسيحيين

- رغم ان موقف زي ده علاجه هو ببساطة لما نلاقي اي تصرف زي ده نتصل بالامن او بالمجلس العسكري ونترك له التصرف

- واذا لم يتصرف الامن فلنتجاهل هذا الفعل حتي يهدأ وينتهي، اما التصرفات العنترية التي يحركها الوازع الديني احيانا فقد يكون نتائجها اسوأ بكثير من نتايج الحدث الاصلي نفسه

- واحيانا كثرة نقل الاخبار عن مثل هذه الحوادث يحرك ناس كتير للمشاركة فيها بدافع الحمية وهذا يؤدي الي كوارث

فياريت نتعامل بهدوء مع مثل هذه الاحداث بل رايي نتجاهلها لانها كلها استفزازية واغراضها ليست سليمة

[Ahmed Anwer]

أنا اصدق مين بقه !!!!

الإعلام و تويتر و المحاورات و كله بيدين السلفيين

و في حين مصادر آخري بتقول إن المعركة حاليا بين الجيش و الكنيسة و بيت فيه مسلحين بجوار الكنيسة

و إن ضرب النار ابتدي من داخل الكنيسة

[شرف الدين]

أنا اصدق مين بقه !!!!

الإعلام و تويتر و المحاورات و كله بيدين السلفيين

و في حين مصادر آخري بتقول إن المعركة حاليا بين الجيش و الكنيسة و بيت فيه مسلحين بجوار الكنيسة

و إن ضرب النار ابتدي من داخل الكنيسة

صدق وائل غنيم ..........

يا أخ / أحمد

الإشاعات بتزيد قوي في الظروف دي

والله اعلم الحقيقة فين.

[مغتربة]

الصحة: قتيلان و20 مصاب في اشتباكات كنيسة امبابة

شارك

اضغط للتكبير

اشرف حاتم وزير الصحة

اطبع

أضف تعليق

ارسل

5/7/2011 10:28:00 PM

كتب - أحمد الشمسي وسامي مجدي :

أصدرت وزارة الصحة بياناً، مساء السبت، أكدت فيه سقوط قتيلين وإصابة 20 اخرين في الاشتباكات التي شهدتها منطقة امبابة.

وكان مجموعة من السلفيين قد تبادلوا في وقت سابق من مساء السبت إطلاق الأعيرة النارية مع مجموعة من الأقباط أمام كنيسة ماري مينا بمنطقة إمبابة بالجيزة. مما أدى إلى وقوع مصابين في حالة خطيرة.

وأفاد شهود عيان بمنطقة إمبابة بالجيزة إلى أن هناك مجموعات من السلفيين تقف أمام مداخل ومخارج المنطقة وأمام الشوارع، مشيرين إلى أن قوات الجيش وصلت للمنطقة وتعمل على تفريق السلفيين المتظاهرين.

وأكدوا أن كتيبة من القوات المسلحة وصلت للمنطقة وتعمل على السيطرة على الأمر وتفريق المتظاهرين بالقنابل المسيلة للدموع، في الوقت الذي تم فيه قطع التيار الكهربائي عن شارع ألأقصر الواقعة به كنيسة ماري مينا بإمبابة.

وأضاف الشهود أن هناك مصابين من الجانبين لم يعرف عددهم حتى الآن، ملفتين إلى أن الأمر قد يتدهور أكثر من ذلك، مشيرين إلى أن الكنيسة ماتزال محاصرة من قبل السلفيين المتواجدين ''بكثرة في شارع الأقصر المتواجد به الكنيسة''.

منقول من مصراوى

[مغتربة]

أنا اصدق مين بقه !!!!

الإعلام و تويتر و المحاورات و كله بيدين السلفيين

و في حين مصادر آخري بتقول إن المعركة حاليا بين الجيش و الكنيسة و بيت فيه مسلحين بجوار الكنيسة

و إن ضرب النار ابتدي من داخل الكنيسة

لا يا استاذ احمد

احنا لما بننقل الاخبار مبيكونش لاننا عايزيين نثبت تهمه على طرف

احنا عايزين نلفت النظر لخطوره الفتنه المتكونه

علشان نشوف ايه هى التحركات السريعه الى ممكن توادها مش تشعللها

[fatfouta]

وزير الداخلية لـ«المصري اليوم»: 4 قتلى و35 مصاباً في أحداث إمبابة

قال اللواء منصور العيسوي، وزير الداخلية، في تصريحات خاصة لـ«الـمصري اليوم» إن عدد القتلى في الاشتباكات الطائفية بإمبابة وصل إلى 4 من المسلمين والأقباط، والمصابون 35 بينهم 20 مسلماً و15 قبطياً.

وأوضح أن ما يقرب من 3 آلاف سلفي مازالوا موجودين أمام كنيسة ماري مينا حتى الحادية عشرة من مساء اليوم وأنهم يحاولون اقتحام الكنيسة إلا أن القيادات الأمنية بالتنسيق مع القوات المسلحة تحاول منعهم من اقتحامها.

وأضاف العيسوي أن حقيقة الواقعة تتمثل في ارتباط شاب مسلم من منطقة ساحل سليم بأسيوط بفتاة تدعى «عبير» منذ 6 أشهر، وأنه تزوجها وكان يقيم معها في مدينة بنها، وأنها هربت منه ثم تلقى اتصالاً هاتفياً يوم 3 مايو الجاري، أفاد أن زوجته محتجزة داخل أحد المباني في منطقة إمبابة خلف كنيسة ماري مينا بالمنيرة الغربية، مما دفعه للاتصال بالجماعات السلفية وحاولوا اقتحام مبنى الكنيسة.

وأشار العيسوي إلى أن أجهزة الأمن والقوات المسلحة تبذل قصارى جهدها لإعادة الأوضاع إلى طبيعنتها، وأن مدير أمن الجيزة موجود بالكنيسة في محاولة لتهدئة الأوضاع، مطالباً أجهزة الإعلام بتوخي الحذر، والتأكد من مصادر المعلومات، منعاً لإثارة الفتنة.

[مغتربة]

يا اخت مغتربة / ايوه صدقيني كثره التركيز علي الحدث في جميع وسائل الاعلام وفي المنتديات وفي الفيس بوك يعمل اكثر من كده

يعني انا دلوقتي مثلا ممكن جدا اتفق مع عشر بلطجية وادفع لهم كويس وافول لهم روحوا اعملوا مظاهرة امام اي مسجد مشهور ورددوا عبارات ضد الاسلام وكمان اخليهم يحدفوا شوية طوب ويولعوا في شوية مصاحف

وفي نفس الوقت اكون متصل باي مراسل من اي جريدة واقول له روح الحق هذا السبق الصحفي ، مع اتصالين علي بعض القنوات الفضائية وكلمتين علي الفيس بوك. وشوفوا ايه اللي هيحصل بعد كده

مش بس هتلاقي قنابل مولوتوف هتلاقي حرب ومئات الالاف بتضرب في بعض

ويمكن يصل الامر الي حرب لن تنتهي وانتقامات بين المسلمين والمسيحيين

- رغم ان موقف زي ده علاجه هو ببساطة لما نلاقي اي تصرف زي ده نتصل بالامن او بالمجلس العسكري ونترك له التصرف

- واذا لم يتصرف الامن فلنتجاهل هذا الفعل حتي يهدأ وينتهي، اما التصرفات العنترية التي يحركها الوازع الديني احيانا فقد يكون نتائجها اسوأ بكثير من نتايج الحدث الاصلي نفسه

- واحيانا كثرة نقل الاخبار عن مثل هذه الحوادث يحرك ناس كتير للمشاركة فيها بدافع الحمية وهذا يؤدي الي كوارث

فياريت نتعامل بهدوء مع مثل هذه الاحداث بل رايي نتجاهلها لانها كلها استفزازية واغراضها ليست سليمة

مفيش اختلاف استاذ ابو ريم

لكن لما يكون فيه اطلاق نار متواصل لمده اربع ساعات قبل ما خبر واحد ينزل

اعتقد ان موضوع بحجم زى دا هيكون اكبر من ان يتم تجاهله

[abdulmuttaleb]

شكلها كده قله من السلفيين .. فى طريقهم لتشويه ..او حتى للاجهاز على التيار بأكمله .. والتاريخ شكله بيعيد نفسه من غير ما حد يتعظ .. اللى بيحصل ده فكرنى باللى اتعمل فى الاخوان المسلمين سنة 1954 .. ووقوعهم فى الفخ اللى اتنصب لهم .. بداية من تورطهم ((او توريطهم)) فى حادث المنشيه الشهير .. اللى تعرض فيه عبد الناصر للاغتيال .. ومن يوميها ماشفش الاخوان خير ..وتم تشويههم وتخويف المصريين منهم .. على مدار اكثر من نصف قرن .. لحد ان اطلق عليهم الجماعه المحظوره .. لحد ما جت الثوره وخلتهم يشموا نفسهم تانى ويشتغلوا فى النور

والله انا بقول كده من منطلق خوف عاللى ممكن يجرا للتيار السلفى بسبب هذه الحماقة ((عفوا)) التى يتم بها معالجة ..أو التعامل مع الامور من قله من السلفيين .. ومازلت مصمم على انها قله فعلا . لان اللى يعتدى ويخرب ويحاول يقتل مش ممكن يكون سلفى معتدل وذو عقل وعلم وثقافه وكياسه وسياسه

البلد مش حتضيع باذن الله .. بس انتوا اللى ممكن تضيعوا يا سلفيين .. وبأيديكم

اضافه : على فكره حلوه اللعبه دى ..واحد من اللى عايزينها تخرب ما تعمر ..يتصل باى حد من السلفيين ويقول له إلححححححق دا فيه واحده مختطفه فى كنيسه ..اجرى يا جدع هات المجاهدين بالسيوف يحرروا الاسيره من الكفار.. وبعد كده يسيبه يتعامل .. واشمتى ياللى منتيش غرمانه

تعليقي على الإضافة، تصدق والله كان نفسي يكون كده، انهم يطلعوا الإشاعة دي وكل الناس الفاضيين اللي ح يروحوا يتلموا في بوكس وعلى النيابة مباشرة.

[شرف الدين]

ربنا يستر

كل شوية أعداد القتلى بتزيد

بس أنا عاجبني قوي التصريح ده

وأوضح أن ما يقرب من 3 آلاف سلفي مازالوا موجودين أمام كنيسة ماري مينا حتى الحادية عشرة من مساء اليوم وأنهم يحاولون اقتحام الكنيسة إلا أن القيادات الأمنية بالتنسيق مع القوات المسلحة تحاول منعهم من اقتحامها.

عاجبني قوي كلمة ( تحاول ).

والله وعملوها الرجالة وحاولو

[مغتربة]

وزير الداخلية لـ«المصري اليوم»: 4 قتلى و35 مصاباً في أحداث إمبابة

قال اللواء منصور العيسوي، وزير الداخلية، في تصريحات خاصة لـ«الـمصري اليوم» إن عدد القتلى في الاشتباكات الطائفية بإمبابة وصل إلى 4 من المسلمين والأقباط، والمصابون 35 بينهم 20 مسلماً و15 قبطياً.

وأوضح أن ما يقرب من 3 آلاف سلفي مازالوا موجودين أمام كنيسة ماري مينا حتى الحادية عشرة من مساء اليوم وأنهم يحاولون اقتحام الكنيسة إلا أن القيادات الأمنية بالتنسيق مع القوات المسلحة تحاول منعهم من اقتحامها.

وأضاف العيسوي أن حقيقة الواقعة تتمثل في ارتباط شاب مسلم من منطقة ساحل سليم بأسيوط بفتاة تدعى «عبير» منذ 6 أشهر، وأنه تزوجها وكان يقيم معها في مدينة بنها، وأنها هربت منه ثم تلقى اتصالاً هاتفياً يوم 3 مايو الجاري، أفاد أن زوجته محتجزة داخل أحد المباني في منطقة إمبابة خلف كنيسة ماري مينا بالمنيرة الغربية، مما دفعه للاتصال بالجماعات السلفية وحاولوا اقتحام مبنى الكنيسة.

وأشار العيسوي إلى أن أجهزة الأمن والقوات المسلحة تبذل قصارى جهدها لإعادة الأوضاع إلى طبيعنتها، وأن مدير أمن الجيزة موجود بالكنيسة في محاولة لتهدئة الأوضاع، مطالباً أجهزة الإعلام بتوخي الحذر، والتأكد من مصادر المعلومات، منعاً لإثارة الفتنة.

يعنى طلعوا اربعه فعلا

لا اله الا الله

ربنا يستر بجد و ان شاء الله تكون دى الحصيله النهائيه

[ozoozo]

اللي راح للناس في دار عبادتهم هو المعتدي. انتهى الامر، وشغلانة الجيش يقبض على كل اللي اعتدوا على الكنيسه

كلام نواره نجم دلوقتي علي تويتر

كلام منطقي ومعقول