محاصرة السلفيين لكنيسة بامبابة بزعم اختطاف مسلمة .. اين سيادة القانون

[eslam elmasre]

ممكن بجد تدعوا اوي اوي اوي

يا رب احفظنا

يا رب رد كيدهم في نحورهم

يا رب هيئ لنا من امرنا رشدا

يا رب سترك

ربنا ياخذهم ويريحنا منهم ومن شرهم

المشرحة مش ناقصة قتله

ياخد مين ولا مين بالضبط

والله الواحد خلاااص جاله احباااااااااط

كل واحد بيقول انا وبعدي الطوفان

كل واحد بيدوس علي مصالح العباد وبيخرب في البلد تحت اي مسمي

كل واحد بيحارب الناس في اكل عيشها وبيدمر مصر من تحت وبينخر فيها زي السوس

كل واحد عايز ينفذ اجندته وبيطفوا علي السطح زي حتة الفل لما بتطفوا علي سطح الماء

كل واحد مفكر اننا ياما هنا وياما هناك وقاعدين علي تل فلوس مابيخلصش

كل واحد مابيفكرش ازاي يشارك في بناء الدولة وبناء الوطن اللي خلاص كمان كام يوم هانشحت وكمان كام يوم ليه احنا فعلا بنشحت دلوقتي

[Simba]

كده بقي

الواحد فعلا يبدأ يندم علي ايام مبارك وامن الدولة

[eslam elmasre]

كده بقي

الواحد فعلا يبدأ يندم علي ايام مبارك وامن الدولة

هما فعلا عايزنا نوصل للمرحلة دي ونسلم بالكلام ده لكن لن يحدث هذا

الشعب نفسه هو من سيتصدي لهم اذا لزم الامر

الجيش مازال يطبطب ويدلع لكن صبره له حدود واذا لزم الامر سيتحول

[capitshino]

كده بقي

الواحد فعلا يبدأ يندم علي ايام مبارك وامن الدولة

ايام مبارك ولا ايام قرية الكشح

مش انت اللى تقول كده يا سمبا

[شرف الدين]

آخر رقم قريته دلوقت

75 مصاب أغلبهم في حالة خطيرة

6 قتلى

[مغتربة]

الاشتباكات تنتقل لكنيسة ''العذراء'' بامبابة

شارك

اضغط للتكبير

صورة أرشيفية لكنيسة

اطبع

أضف تعليق

ارسل

5/8/2011 12:23:00 AM

كتب - أحمد الشمسي :

أكد أحد شهود العيان وجود اعتداءات على كنيسة آخرى بمنطقة امبابة وهي كنيسة ''العذراء'' بشارع الوحدة بمنطقة امبابة.

وأضاف أن بعض الأشخاص قاموا بالقاء بعض قنابل المولوتوف على كنيسة العذراء، لكنه لم يُتأكد من وقوع إصابات من عدمه.

[Ahmed Anwer]

حدث فى امبابه

من Mahmoud Hafez‏ في 08 مايو، 2011‏، الساعة 12:25 صباحاً‏‏

الحكايه بقا اصلها ايه

اصلا البصراوي دى كمنطقه جوا امبابه الشرطه والمباحث بيخافو يدخلو هناك عشان فبها صعايده -احدع ناس طبعا - وتجار مخدرات ومسجلين خطر بالعبيط دا هما عادي كده وقبل كده فى ظابط شرطه وخمس عساكر حبوا يقبضوا على واحد جوا من عيله كبيره الظابط والعساكر خرجوا جثث دا بس عشان تعرفوا طبيعه المكان

واحده اصلا قبطيه اسلمت من فتره واتجوزت واحد مسلم ودا نقلا عن الناس هناك بلسانهم قالو انها اتصلت بي واحدمن سلفيين المنطقه بعد صلاه المغرب بربع ساعه وقالتلو ان اهلها خطفوها ورجعوها الكنيسه وقعدت تصوتلو فى التليفون الراجل طبعا خدته الشهامه ولم الناس وطلعو على الكنيسه واول ماوصلو ضرب نار اتفتح عليهم من فوق الكنيسه والعماره الاي قدامها وفى ناس جريت على الكنيسه وقالت الحقو السلفيين جاييين يهدو الكنيسه قاموا قافلين الكنيسه من جوا واتقطع النور عن المنطقه

وفى الزحمه الناس قعدت تلطش فى بعض

والجيش وصل

انا وصلى الخبر من تويتر وقت صلاه العشاء نزلت اصلى وطلعت على هناك وصلت تقريبا على 8:30 كان فى ناس متجمعه قدام الكنيسه من اهل المنطقه و3 مدرعات من الجيش وضرب نار كتير متواصل بين الجيش وناس مسلحين فوق الكنيسه وفوق بيت قدامها والكنيسه اصلا فى شارع صغير جانبى والجيش ماكانش عرف يتدخل من كتر الرصاص اللى كان جاي من فوق العماره دى والكنيسه وكانو معاهم مولوتوف حدفوه على كوم زباله كبيير قوى قدام الكنيسه فالنار ولعت فيه كله

شوفت بعينى 2 مصابين وكان هناك 3 عربيات اسعاف خدو مصابين ومشيوا

بعد كده فى قناصه من الداخليه جم كانو لابسين مدنى وخدوا اتنين من شباب المنطقه طلعوهم على سطوح اعلى من العماره ولما طلعوا ضرب النار بقى متواصل بغزاره من الجيش واستعملو رشاشات الالى بتاعت المدرعه وبعد كده فى فرقه حاولت تقتحم الكنيسه والمطافى جت وبدأت تطفى النار المولعه اللى قدامها وفضلنا نسمع صريخ من جوا الكنيسه لمده 10 دقايق والضرب بره بردو كان شغال على فترات وهديت الدنيا خالص بعد كده ورجع نور الكنيسه ينور ودخلت 3 مدرعات الشارع الصغير بتاعها واول ما دخلو المسلحين اللى كان على العماره بدأؤ يحدفو مولوتوف على المدرعات فابأو يرجعو تانى

اهل المنطقه لما لقو المدرعات بترجع اتجمعوا وبدأو يهتفوا "مسلم ومسيحى ايد واحده " وجرى قدامى واحد سلفى بدقن معاه سكان اقباط من البيت اللى قدام العماره اللى فيها المسلحين وكسروا الباب وخدوا معاهم عساكر شرطه عسكريه وطلعو فوق السطوح وشويه عيال عفاريت من المنطقه عملو مولوتوف فى ثوانى وطلعو وراهم وفضلو يحدفو على المسلحين اللى فوق العماره والناس اللى فى الشارع جابو موتوسيكلات وسلطو النور بتاع الكشافات على العمارهدى فالمسلحين مابقوش عارفين يضربوا نار خالص والمولوتوف فضل نازل عليهم لحد ما الجيش اقتحم العماره دى نفسها والقناصه والجيش انتشرو على كل بيت حوالين العماره دي وبعد كده الدنيا هديت تماما والامن المركزي اللى كان وصل على 9:30كده بدأ يعمل كردون حوالين المكان

والناس فضلت تهلل للجيش والكلام دا على الساعه 10:30

بعد كده انا مشيت والناس بدأت تروح بس الاغلبيه لسه واقفه

اللى انا مستغربله كميه الرصاص اللى اتدربت من المسلحين دول

وباب العماره اللى كانو قافلينو وحطين وراه متاريس كأنهم كانو مستنين حاجه تحصل

والناس مش عارفه اصلا هما مين

أقباط ومسلمين سلف وغيرهم كانو وقفين حنبى كله بيقول ميين دول

واشمعنا البنت دى تتصل بعد المغرب بربع ساعه الوقت اللى معظم السلفيين بيقضوه فى المسجد دروس ووعظ وكده

مش عارف انا هاروح تاني الصبح عشان اعرف الدنيا وصلت لحد فين

بس المهم ان اهل المنطقه اقباط ومسلمين كانو جنبى كتف فى كتف وهتفوا

لا اله الا الله

مسلم ومسيحي ايد واحده

وطز فيككو يا بتوع الطائفيه مش هتعرفوا تولوعو بيننا

منقووووووووووووووول

https://www.facebook.com/note.php?saved&&note_id=10150243901378413

[fatfouta]

صور من مكان الحادث

[مغتربة]

واشمعنا البنت دى تتصل بعد المغرب بربع ساعه الوقت اللى معظم السلفيين بيقضوه فى المسجد دروس ووعظ وكده

ما دا الى بنقوله

الموضوع مريب

فى ايد خفيه حركت الاحداث

لكن كان يمكن وقفها اذا اهتم الناس بالتاكد قبل التصرف

و تركوا الموضوع للجيش و الشرطه

ان كان هناك كمين اعدته جهه ما

فالناس تلقفوا الطعم بسهوله غريبه

[مغتربة]

على فكره فى تغطيه للموضوع دلوقتى على القناه الاولى المصريه و الفضائيه المصريه و اون تى فى

و فى صور مباشره من موقع الحدث

[fatfouta]

عندما قال مبارك....أريد ان ارحل لكنى اخشى الفوضى من بعدى

هل كان يهدد ام يتنبأ؟؟؟؟

احذروووا يا مصريين

[fatfouta]

أحد قيادات الأمن لـ(بوابة الشروق): أحداث إمبابة مخططة وهناك عمليات تحريض لإثارة الفتنة الطائفية

صرح أحد لواءات الشرطة لبوابة الشروق بأن ما يحدث في إمبابة الآن هو عملية مخططة ومدروسة والغرض منها إثارة الفتنة الطائفية والتحريض على العنف.

وعلى صعيد متصل نجحت قوات الجيش والشرطة في فض الاشتباك المسلح بين مسلمين ومسيحيين حول كنيسة مارمينا بإمبابة، بعد أن اقتحمت الشارع الذي تتواجد فيه الكنيسة، حيث توقف إطلاق النار وتم السيطرة على الحريق في مبنى مجاور للكنيسة.

على صعيد آخر، سمع دوي إطلاق نار كثيف في محبط كنيسة أخرى في شارع الوحدة بإمبابة أيضا، وهو ما دفع مدرعتين تابعتين للقوات المسلحة التوجه إلى هناك للتعامل مع هذه الاشتباكات، فيما صرح اللواء فارق لاشين مدير أمن الجيزة لـ"بوابة الشروق"، أنه جاري التنسيق بين الشرطة والجيش للسيطرة على الاشتباكات وإعادة الهدوء للمنطقة.

[ozoozo]

الحكايه بقا اصلها ايه اصلا البصراوي دى كمنطقه جوا امبابه الشرطه والمباحث بيخافو يدخلو هناك عشان فبها صعايده -احدع ناس طبعا - وتجار مخدرات ومسجلين خطر بالعبيط دا هما عادي كده وقبل كده فى ظابط شرطه وخمس عساكر حبوا يقبضوا على واحد جوا من عيله كبيره الظابط ...والعساكر خرجوا جثث دا بس عشان تعرفوا طبيعه المكان واحده اصلا قبطيه اسلمت من فتره واتجوزت واحد مسلم ودا نقلا عن الناس هناك بلسانهم قالو انها اتصلت بي واحدمن سلفيين المنطقه بعد صلاه المغرب بربع ساعه وقالتلو ان اهلها خطفوها ورجعوها الكنيسه وقعدت تصوتلو فى التليفون الراجل طبعا خدته الشهامه ولم الناس وطلعو على الكنيسه واول ماوصلو ضرب نار اتفتح عليهم من فوق الكنيسه والعماره الاي قدامها وفى ناس جريت على الكنيسه وقالت الحقو السلفيين جاييين يهدو الكنيسه قاموا قافلين الكنيسه من جوا واتقطع النور عن المنطقه وفى الزحمه الناس قعدت تلطش فى بعض والجيش وصل انا وصلى الخبر من تويتر وقت صلاه العشاء نزلت اصلى وطلعت على هناك وصلت تقريبا على 8:30 كان فى ناس متجمعه قدام الكنيسه من اهل المنطقه و3 مدرعات من الجيش وضرب نار كتير متواصل بين الجيش وناس مسلحين فوق الكنيسه وفوق بيت قدامها والكنيسه اصلا فى شارع صغير جانبى والجيش ماكانش عرف يتدخل من كتر الرصاص اللى كان جاي من فوق العماره دى والكنيسه وكانو معاهم مولوتوف حدفوه على كوم زباله كبيير قوى قدام الكنيسه فالنار ولعت فيه كله شوفت بعينى 2 مصابين وكان هناك 3 عربيات اسعاف خدو مصابين ومشيوا بعد كده فى قناصه من الداخليه جم كانو لابسين مدنى وخدوا اتنين من شباب المنطقه طلعوهم على سطوح اعلى من العماره ولما طلعوا ضرب النار بقى متواصل بغزاره من الجيش واستعملو رشاشات الالى بتاعت المدرعه وبعد كده فى فرقه حاولت تقتحم الكنيسه والمطافى جت وبدأت تطفى النار المولعه اللى قدامها وفضلنا نسمع صريخ من جوا الكنيسه لمده 10 دقايق والضرب بره بردو كان شغال على فترات وهديت الدنيا خالص بعد كده ورجع نور الكنيسه ينور ودخلت 3 مدرعات الشارع الصغير بتاعها واول ما دخلو المسلحين اللى كان على العماره بدأؤ يحدفو مولوتوف على المدرعات فابأو يرجعو تانى اهل المنطقه لما لقو المدرعات بترجع اتجمعوا وبدأو يهتفوا "مسلم ومسيحى ايد واحده " وجرى قدامى واحد سلفى بدقن معاه سكان اقباط من البيت اللى قدام العماره اللى فيها المسلحين وكسروا الباب وخدوا معاهم عساكر شرطه عسكريه وطلعو فوق السطوح وشويه عيال عفاريت من المنطقه عملو مولوتوف فى ثوانى وطلعو وراهم وفضلو يحدفو على المسلحين اللى فوق العماره والناس اللى فى الشارع جابو موتوسيكلات وسلطو النور بتاع الكشافات على العمارهدى فالمسلحين مابقوش عارفين يضربوا نار خالص والمولوتوف فضل نازل عليهم لحد ما الجيش اقتحم العماره دى نفسها والقناصه والجيش انتشرو على كل بيت حوالين العماره دي وبعد كده الدنيا هديت تماما والامن المركزي اللى كان وصل على 9:30كده بدأ يعمل كردون حوالين المكان والناس فضلت تهلل للجيش والكلام دا على الساعه 10:30 بعد كده انا مشيت والناس بدأت تروح بس الاغلبيه لسه واقفه اللى انا مستغربله كميه الرصاص اللى اتدربت من المسلحين دول وباب العماره اللى كانو قافلينو وحطين وراه متاريس كأنهم كانو مستنين حاجه تحصل والناس مش عارفه اصلا هما مين أقباط ومسلمين سلف وغيرهم كانو وقفين حنبى كله بيقول ميين دول واشمعنا البنت دى تتصل بعد المغرب بربع ساعه الوقت اللى معظم السلفيين بيقضوه فى المسجد دروس ووعظ وكده مش عارف انا هاروح تاني الصبح عشان اعرف الدنيا وصلت لحد فين بس المهم ان اهل المنطقه اقباط ومسلمين كانو جنبى كتف فى كتف وهتفوا لا اله الا الله مسلم ومسيحي ايد واحده وطز فيككو يا بتوع الطائفيه مش هتعرفوا تولوعو بيننا

[مغتربة]

حريق بكنيسة العذراء بإمبابة.. وشهود عيان: البلطجية أشعلوها

الأحد، 8 مايو 2011 - 01:16

جانب من أحداث إمبابة

كتب كريم صبحى

تحاول سيارات الإطفاء بمساعدة الأهالى السيطرة على الحريق الذى شب بكنيسة العذراء، بشارع الوحدة بإمبابة، والذى أتى على محتويات كنيسة بالكامل.

وقال شهود عيان، إنهم شاهدوا مجموعة من البلطجة، يحملون الأسلحة النارية والموتولوف وقد اقتحموا الكنيسة، وقاموا بإشعال النيران فيها، ولاذوا بالفرار.

[fatfouta]

عاجل|نقلا عن التليفزيون المصري| نشوب حريق في كنيسة اخرى في شارع الوحدة بامبابة و لا انباء عن اصابات حتى الان

[masraweya]

على اون تي في

حالا .. شهود عيان بتقول ان البلطجية هما اللي بدأوا

و خوفوا الناس بالسلاح و هربوا بسرعة بعد ما بدأوا الحريق

[masraweya]

تحقييييييييييييييييييييق

و عقاب صاااااااااااااااارم

إذا عايزين يثبتوا ان مفيش تواطؤ من الدولة

[fatfouta]

تحقييييييييييييييييييييق

و عقاب صاااااااااااااااارم

إذا عايزين يثبتوا ان مفيش تواطؤ من الدولة

ايوه يا مصراوية

وكمان بيقولوا ان البلطجية اللى حرقوا من خارج امبابة وان ده مخطط له وان اهالى امبابة هما اللى وقفوا وحموا الكنيسة واستغاثوا بالجيش

ايه اللى بيحصل ده فى اييييييييييه؟؟؟؟؟؟؟؟؟؟؟

تم تعديل 7 مايو 2011 بواسطة fatfouta

[fatfouta]

وحرقوا كمان كنيسة العذراء دلوقتى

الظاهر بينقوا الكنيسة اللى مافيش حواليها زحمة فى الوقت ده ويحرقوا ويجروا

دول مأجورين اكيد اه يا ولاد ال.........

[شرف الدين]

عندما قال مبارك....أريد ان ارحل لكنى اخشى الفوضى من بعدى

هل كان يهدد ام يتنبأ؟؟؟؟

يهدد بماذا يا فتفوتة

مبارك الآن تحت الإقامة الجبرية في شرم الشيخ ... وأولاده في السجن .. وجميع أركان النظام السابق قبعوا في السجون ...

أليس هذا ما طالب به الأخوة الأشاوس .. وقالوا إن وضع هؤلاء في السجون هو السبيل الوحيد لعودة الأمن لساحة الوطن ...

وها هم جميعا دخلوا السجون ولم يعد الأمن ...

روح الانتقام السائدة في المجتمع يا فتفوتة هي السبب لهذه الفوضى

إحساس كل فرد أو جماعة أنه عندما يتظاهر ويقوم بفرد العضلات فإن الحكومة سترتعد وتنفذ الطلبات .. هو السبب

عندما أصبح ميدان التحرير هو الحاكم الفعلي لمصر ... هو السبب

عندما أصبحت أيام الجمع أيام تظاهر واشتباكات لا أيام عبادة وزيارات وصلات للأرحام والمودات ... هو السبب

عندما ثار المصريون ... ولم يعرفوا حتى الآن كيف السبيل لانتهاء هذه الثورة ... هو السبب.

عندما سمح للجيش لكل من خب ودب أن يتظاهر بدعوى حرية التظاهر سواء في ميدان التحرير أو في باقي مدن الجمهورية التي تحولت إلى نسخ أخرى من ميدان التحرير .. هو السبب.

حقيقة قالها أحمد شفيق .. ولم ينتبه إليها أحد

( الثورة انتهت بمجرد ما نضفنا الميدان * مش عايزين الثورة تبقى مهنة ).

لكن لم يلتفت أحد ...

وها هي النتيجة.

وحتى الآن ... الأمور لا تزال تحت السيطرة ... من الممكن إعادتها للمربع صفر مرة أخرى.

بشرط أن يلتزم الجميع بالهدوء...

ويا ريت نبطل شوية تويتر وفيس بوك وجمع وتحرير وماسبيرو ... ونتفرغ لحاجة بس واحدة ... الشغل

الشغل بيشتغل ساعة وبيقعد على الفيس بوك ساعة

معلش بلاش ساعة الفيس دي ... وخلي الشغل ساعتين.

ويا ريت نقرا المقال المفاجأة ده ... بجد كان مفاجأة بالنسبة لي لأنه كان من آخر واحد ممكن أتوقع منه الكلام ده

---------------------------------------------------------------------------------------------------------------------------------

نعفو عن السيئات ونقيل العثرات

عبود الزمر | 06-05-2011 22:50

أمة الإسلام متسامحة تعفو عمن ظلم أو أساء , بل وتدفع بالتى هى أحسن مع المسيئ , فكل ذلك من شيم الأمة وصفات المؤمنين من عباده , الذين يرجون تجارة مع الله لن تبور .

ولست بصدد إيضاح أمثلة من عفو رسولنا الكريم عمن أساء إليه أو تجاوز فى حقه , فهى كثيرة , ولست أيضاً بصدد ضرب أمثلة من عفو سلفنا الصالح عند القدرة , فهى أكثر من أن تحصى , ولكنى أود أن أوضح فى مقالى هذا أن طريق العفو والصفح وإقالة العثرات , هو سبيل الألفة والمحبة , وتحويل موقف المعادى إلى محابى مصافى فكيف بمن أراد الحق فأخطأ أو أراد المصلحة فأخفق , إننا لابد وأن نتجاوز المرحلة الماضية كى ننطلق فى ظل ثورة 25 يناير وليس بيننا أحقاد وأضغان , بل نبنى بلادنا على أساس من العدل والرحمة والمساواة , ونتعاون فيما بيننا على البر والتقوى , ونتصدى لكل عدوان على ثورتنا المجيدة , ونحول دون الفتن , ونرأب الصدع , ونساند حكومتنا التى اخترناها ورضينا بها , ونعطيها الفرصة ونهيئ لها المناخ , ونزيل من أمامها العوائق , ونفتح معها الأبواب إلى مستقبل مشرق , لتكون فيه مصرنا على المستوى اللائق بها , والذى كنا نسعى إليه , وكان حلماً مفقوداً وأملاً بعيد المنال , فأصبح اليوم فى متناول أيدينا , فلا يصح أن نضيعه بالالتفات إلى الماضى كثيراً , كى لانعكر الصفو , أو نعرقل المسيرة , وذلك لا يكون إلا بالعفو والصفح , وإقالة العثرات والتماس الأعذار فيما مضى وفات .

هذا وأسأل الله تعالى التوفيق إلى إصلاح ذات البين وسط فرحتنا بالنصر الذى يحتاج منا إلى الاجتهاد فى الشكر والحمد لله رب العالمين .