محاصرة السلفيين لكنيسة بامبابة بزعم اختطاف مسلمة .. اين سيادة القانون

[Om Zayd]

الجميع مدان في ما حدث ولا يجب ان يمر مرور الكرام

المسلمون الذين تجمهروا حول الكنيسة مدانون

المسيحيون الذين ردوا عليهم مدانون

الشرطة مدانة لانها لم تضرب بيد من حديد وتوأد الفتنة في منبعها

الجيش الذي يطبطب ويعتقد بذلك انه يقف بجانب الشعب مدان

تماااام

و المرة دي.. لازم نعرف المحرض

التوقيت مرييييييييب بشدة

و التضارب في الروايات و الاداء الاعلامي

و الاعتضام عند السفارة الامريكية

كل الامور يجب ان تتضح.. لماذا كان هناك -حسب الروايات- ضرب نار من الكنيسة او عمارة مجاورة تابعة لها

من الذي روج الاشاعة؟

يا ريييييت المرة دي-اذا مخلصين- ميسيبوش جمرة مشتعلة

ميسيبوش الامور بدون توضيح

لان تغليظ العقوبة وحده لا يكفي

ممكن يرهب البلطجية

اما "المتحمسين" من الجانبين الذين من الواضح انه يتم استغلالهم .. فلن تزيدهم الا تشبثا بموقفهم

الوضوح و تصحيح المفاهيم.. مطلوووووووووووب بشدة

[Dreamwithme]

http://www.youtube.com/watch?v=3cjbr8MzA84

[ذهبية]

طيب سؤال

فين بقى دور الامن الوطن الىل كان زمان اسمة امن دولة

مش دورة بيتهايلى حماية مصر من الارهاب

طيب اللى بيحصل دة مش ارهاب مش بيهدد امن مصر

مش المفروض ان اول ما الاحداث دى حصلت يكون هناك معلومات و بيانات من السبب و ازاى تمت

للاسف الشديد

احنا كدة سايبين الحمل كلة على الجيش و هو هيعمل اية و لااية

فين بقية اجهزة الدولة لا متهمة بالخيانة لا بالفساد لا بيتحقق مع الرؤساء الاقسام و الكل قاعد يتفرج

الالى ظاهر الان على الصورة و اجهزة الاعلام

الشيوخ و رموز الاخوان المسلمين كان الدولة تم اختصرها فى الدين

كان هيبة الدولة هى بس المؤسسة الدنية برموزها

لابد ان يعاد فلترة كلمة دولة مؤسسات

عايزة اشوف راى ناس تانية فى الاعلام غير الشيوخ و الاخوان

فين الشباب اللى عمل الثورة

فين الشباب الواعى اللى دماغة بالف من اى حد على الساحة الان

انا عايزة اشوف شباب مصر اللى دورهم اتخزل نهائى

انا مش شايفاهم

[se_ Elsyed]

تخيلوا إني سرحت في حاجه كده جانبية .. يمكن عدت علينا كلنا من غير ما ناخد بالنا

- بيقول لك إن الحريقة بدأت من مقلب زبالة جنب الكنسية .. وأمتدت للكنيسة ودمرتها وإلى البيوت المجاورة

- تخيلوا إن نفس اللي توجهوا للإفراج عن الاخت عبير المجاهدة ومن هنا أنطلقت الشرارة .. تخيلوا بقى لو هما دول أنفسهم انطلقوا في حملة لتنظيف الخرابة دي أو مقلب الزبالة والشوارع المحيطة بها .... وبالمرة أطلقوا حملة في أمبابة لها

تخيلوا أسهمهم هاترتفع قد إيه في وسط أهل المنطقة .. وفي وسط مصر كلها ؟

فكرة خيالية مجنونة .. مش كده ؟

[fatfouta]

صور من امبابة اليوم

[fatfouta]

كاهن كنيسة مارمينا: نحن على استعداد لفتح أبوابنا للتفتيش عن الفتاة "عبير"

قال القس فريج فهمي كاهن كنيسة مارمينا، في تصريحات خاصة للدستور الأصلي إن الكنيسة تسعى للمصالحة مع الأطراف الإسلامية وأكدت أنها على استعداد لفتح أبوابها والتفتيش عن تلك الفتاة التي تدعى عبير، منتقدا الاعتصام الذي قام به مجموعة من الشباب القبطي أمام السفارة الأمريكية.

وأضاف كاهن كنيسة مارمينا بإمبابه: "إن الكنيسة تقدر الجرح الذي يشعر به هؤلاء الشباب، ولكنهم هم يحاولون توصيل صوتهم والبحث عن حماية، لكننا نؤكد أننا نلتزم بما قاله البابا بأن ما يحدث في مصر هو شأن داخلي وأننا لا نسعى لحماية أمريكا"، وقال أنه رغم محاولات التهدئة، إلا أن بعض الشباب المسلمين حاولوا الاعتداء على الكنيسة وهم يحملون الأسلحة صباح اليوم، وقال أن من يقوم بذلك ليس مسلما ولا يفهم الإسلام الحقيقي لأنه يحمل رواية واحدة وهي أن المسيحي "كافر".

[أحمد سيف]

طيب سؤال

فين بقى دور الامن الوطن الىل كان زمان اسمة امن دولة

مش دورة بيتهايلى حماية مصر من الارهاب

طيب اللى بيحصل دة مش ارهاب مش بيهدد امن مصر

مش المفروض ان اول ما الاحداث دى حصلت يكون هناك معلومات و بيانات من السبب و ازاى تمت

تلحّ عليّ منذ سمعت بالأحداث المؤسفة فكرة الربط بين ما حدث وبين عودة جهاز أمن الدولة لممارسة مهامة - تحت اليافطة الجديدة - والتي نعرف جميعا الآن أنه كان من بينها اشعال الفتن الطائفية في البلد

يمكن حبايبنا في الأمن الوطني حبّوا بس بعرفونا انهم رجعوا شغلهم ثاني

اللهم اخزيك يا شوشو

[مغتربة]

إطلاق نار بـ"الجلاء".. واشتباكات فى التحرير بين مسلمين وأقباط

الأحد، 8 مايو 2011 - 17:31

جانب من أحداث إمبابة مساء أمس ـ صورة أرشيفية

كتبت إيمان على ومحمود حسين

سمع دوى إطلاق نار باتجاه دار القضاء العالى بعدما شهد شارع الجلاء هدوءاً حذراً بعد تراشق بالحجارة بين مسلمين وأقباط استمر لمدة زادت عن نصف ساعة أدت إلى وقوع العديد من المصابين بين الجانبين، الأمر الذى جعل عدد من الأقباط يعاودون بالتراشق بالحجارة من اتجاه شارع الجلاء أسفل كوبرى 6 أكتوبر.

من جهة أخرى، حدث اشتباكات بالطوب والحجارة بين آلاف الأقباط وبعض المواطنين أسفل كوبرى 6 أكتوبر بشارع الجلاء، ثم امتدت إلى ميدان عبد المنعم رياض، وذلك أثناء توجه أكثر من 20 ألف قبطى بمسيرة من دار القضاء العالى إلى اتحاد الإذاعة والتليفزيون، مما أدى الى إصابة العشرات من المواطنين، كما قام بعض الأقباط بالاعتداء على بعض سيارة لأحد المواطنين أثناء مرورها من شارع الجلاء.

هو محدش عايز يهدى ليه للدرجه دى البلد مش مهمه

و فين القرارات الى اعلنها المجلس الوزارى الظهر

[الغريب]

بيان من الدعوة السلفية حول أحداث إمبابة

5-جماد ثاني-1432هـ 8-مايو-2011

الحمد لله، والصلاة والسلام على رسول الله، أما بعد؛

فتستنكر "الدعوة السلفية" الأحداث الدامية التي وقعت بـ"إمبابة" مساء أمس مِن سفكٍ للدماء المعصومة واستعمال للأسلحة النارية وغيرها.. وتحذر مِن دفع البلاد إلى هاوية الفتنة، وتؤكد على أهمية التعايش السلمي بين المسلمين والأقباط الشركاء في الوطن.

- وتستنكر "الدعوة السلفية" موقف "الإعلام المغرض" الذي يزج باسم "السلفية"، و"السلفيين" في مشاكل ليست مِن صنعهم، ولا توجيههم، ولا منهجهم في الدعوة إلى الله بالحكمة والموعظة الحسنة، والاجتهاد في نفع المجتمع، والحض على سلامة أفراده.

- نؤكد مِن جديد: خطورة "الاستقواء بالخارج"، و"جريمة المطالبة بالتدخل الأجنبي في شئون مصر"؛ فأبناء مصر قادرون على حل مشاكلهم بأنفسهم، وحماية جميع أبناء البلاد على اختلاف أديانهم.

- ونؤكد أن العلاج لمثل هذه المشاكل إنما هو في بسط سلطة الدولة على جميع الأماكن، والأفراد وألا يكون أحد فوق المسائلة القضائية على ما يُرتكب مِن مخالفات، وضرورة التخلص مِن ممارسات "النظام السابق"؛ الذي أشعل نار الفتنة بـ"تسليم مواطنين مصريين" لجهات ليس لها حق احتجازهم.

- ونطالب مجددًا بضرورة جمع الأسلحة خاصة خاصة النارية من جميع مَن ليس له صفة شرعية في حملها وضرورة تفتيش المساجد والكنائس والمؤسسات؛ للبحث عن الأسلحة ومصادرتها لمنع ارتكاب الجرائم الدموية.

- كما نطالب بمحاكمة عاجلة سريعة للمشتركين في سفك الدماء بغير حق وإنزال العقوبة الرادعة بمن تثبت إدانته.

- ونناشد جميع الاتجاهات أن تحافظ على سلطة الدولة وعدم محاولة أخذ ما يرونه حق لهم بأنفسهم؛ لأن ذلك يؤدي إلى الفوضى. ونحذر كذلك مِن أي تصرف دون الرجوع لأهل العلم.

اللهم احفظ مصر آمنة مطمئنة رخاء وسائر بلاد المسلمين.

الدعوة السلفية بالإسكندرية

كما وافق عليه أيضًا:

فضيلة الشيخ/ محمد عبد المقصود

فضيلة الشيخ/ محمد حسان

فضيلة الشيخ/ صفوت حجازي

فضيلة الشيخ/ محمد عبد السلام

[مغتربة]

طيب معلش يعنى اسمحولى

من ساعه الموضوع ما حصل امبارح و الاغلبيه اجمعت على انه حادث مدبر

لكن اكل اتفق على التدبير و اختلف فى ذات الوقت مين هى الجهه التى قامت بالتدبير

فريق مقتنع ان الحادث من تدبير فلول الحزب الوطنى و الثوره المضاده و فريق بيقول لا دى من تدبير اسرائيل للرد على نجاحنا فى القضيه الفلسطينيه و فريق بيقول لا يا جماعه دا من تدبير الاقباط انفسهم علشان يلقوها حجه يطلبوا الدول الغربيه انها تتدخل فى مصر و فريق يرد عليه و يقوله لا هى فعلا من تدبير الاقباط لكن علشان يغلوشوا على موضوع كاميليا بعد ما طلعوا دوبليره ليها علشان ميكونش فى مسلم يستجرى بعد كده يسال عنها و لا يقول ليه مرحتش النيابه بعد الى حصل و فريق بيقول لا دول بتوع جهاز الامن الوطنى بيعرفونا بس انهم راجعين و ناس يقولوا لا دول السلفيه و ناس تقول البلطجيه ناس و ناس

مليون جهه تدبير خرجت من امبارح للنهارده و كل واحد و حسب هو اميل يصدق انهى نظريه نتيجه لعوامل كتيره و هلم جره

طيب ليه الكل اتفق على فكره المؤامره و الكل اختلف برضه مين الى وراها

ممكن جدا تكون احد السيناريوهات الى فاتت صح

لكن ممكن برضه يكون السيناريو الطبيعى الى كلنا تابعناه هو الى صح

و هو ببساطه ان المحرض الرئيسى لكل هو ببساطه الحاله العامه الى بقى الاحساس الوطنى عليها اليومين دول

و هو تراجعه عند ناس كتير للمراتب التانيه او ما بعد فى سلالم اهتماماتها

و بقى الاهم ان كل فئه متحزبه لشكل دينى او فكرى معين هما الاول هو ازاى اثبت قوه هذا التوجهه الذى اعتقده و سيطرته على المشهد المصرى و دا طبعا علشان يستطيع ان يحقق له اكبر قدر من المميزات سواء يستحقها او لا ما مصر اصبحت تورته و التيار الشاطر الى يعرف يطلع باكبر قطعه منها فى نصيبه

واحد زعق فى الناس مراتى اتخطفت طيب التصرف الطبيعى ان الناس تبلغ الامن و لا تروح بنفسها تحاصر اماكن عباده

ناس فى اماكن عبادتها و لقت ناس من ديانه تانيه جايه تحاصر المكان بتاعها تستنجد بالامن و لا تشتبك مع المحاصريين

دول يهتفوا اسلاميه و دول يهتفوا نفديك يا صليب

و يختلط الحابل بالنابل

و مفيش حد يفكر للحظه هو بافعاله دى بيودى البلد على فين

عن نفسى مش حابه اتعلق بنظريه مؤامره من الى طلعوا من امبارح للنهاره حتى لو كانت صحيحه لانى عارفه انها هتكون زى البروفين الى بيسكن علينا الالم لكن مش بيعالجه

حتى لو كان فى مؤامره مكنتش هتنجح غير لما الناس استجابت ليها

لازم منلومش الا نفسنا لان حتى لو هناك جهه حركت الاحداث فاحنا الى تسببنا فى مجاح مخططهم و خروجه بشكل يمكن افضل بمراحل من الى كانوا بيتمنوه

زمان كنا بندرس فى المدرسه ماده رخمه و تقيله على قلبنا اسمها التربيه القوميه دلوقتى بقول يا ريت كل الحصص الى فى المدارس دلوقتى يخصصوها بس للماده دى لانها طلعت فعلا اهم ماده محتاجيين نركز عليها الفتره الى جايه

دا لو احنا فعلا عايزين نطلع ببلدنا لقدام مش نرجع بيها للخلف

و عذرا على الاطاله

[أحمد سيف]

اللي حضّر العفريت ... يصرفه.

وأنا شايف العفريت اتحضّر يوم الاستفتاء المشؤوم.

الاستفتاء الذي كان الهدف منه شقّ صفوف الثورة فاتسع الشق ليشمل الوطن كله.

تم تعديل 8 مايو 2011 بواسطة أحمد سيف

[Alattar]

راجل ماشي مع مراته و بنته و أخته في زحمة و ناس بتعاكس الحريم اللي معاه..جه عيل رخم ضرب الراجل علي قفاه..الراجل ساب مراته و بنته و أخته وسط التحرشات..و طلع يجري ورا العيل اللي ضربه

العيل : هو كل من يريد إجهاض الثورة

الأم و الأخت و البنت : يعني ..مصر

الراجل : أتركها لكم

[fatfouta]

شهادات أهل امبابة تؤكد أن السلفيين هم الذين اطفأوا حريق الكنيسة‎

http://www.youtube.com/watch?v=ZdkSv8g9_n4&feature=share

[م تيمور المراغي]

مش عارف اذا كان حد نزل البيان ام لا ,,

ده بيان من "الدعوة السلفية" تستنكر احداث الامس وتطالب بتوقيع اقصى العقوبة على كل من شارك في الفتنة ,,

الحمد لله، والصلاة والسلام على رسول الله، أما بعد؛

- فتستنكر "الدعوة السلفية" الأحداث الدامية التي وقعت بـ"إمبابة" مساء أمس مِن سفكٍ للدماء المعصومة، واستعمال للأسلحة النارية، وغيرها، وتحذِّر مِن دفع البلاد إلى هاوية الفتنة، وتؤكد على أهمية التعايش السلمي بين المسلمين والأقباط الشركاء في الوطن.

- وتستنكر "الدعوة السلفية" موقف "الإعلام المغرض" الذي يزجُّ باسم "السلفية"، و"السلفيين" في مشاكل ليست مِن صنعهم، ولا توجيههم، ولا منهجهم في الدعوة إلى الله بالحكمة والموعظة الحسنة، والاجتهاد في نفع المجتمع، والحضِّ على سلامة أفراده.

- نؤكد مِن جديد: خطورة الاستقواء بالخارج، وجريمة المطالبة بالتدخل الأجنبي في شئون مصر؛ فأبناء مصر قادرون على حل مشاكلهم بأنفسهم، وحماية جميع أبناء البلاد على اختلاف أديانهم.

- ونؤكد أن العلاج لمثل هذه المشاكل إنما هو في بسط سلطة الدولة على جميع الأماكن والأفراد، وألا يكون أحد فوق المساءلة القضائية على ما يُرتكب مِن مخالفات، وضرورة التخلص مِن ممارسات "النظام السابق" الذي أشعل نار الفتنة بتسليم مواطنين مصريين لجهات ليس لها حق احتجازهم.

- ونطالب مجددًا بضرورة جمع الأسلحة -خاصة النارية- مِن جميع مَن ليست له صفة شرعية في حملها، وضرورة تفتيش المساجد والكنائس والمؤسسات؛ للبحث عن الأسلحة ومصادرتها؛ لمنع ارتكاب الجرائم الدموية.

- كما نطالب بمحاكمة عاجلة سريعة للمشتركين في سفك الدماء بغير حق، وإنزال العقوبة الرادعة بمَن تثبت إدانته.

- ونناشد جميع الاتجاهات أن تحافظ على سلطة الدولة، وعدم محاولة أخذ ما يرونه حق لهم بأنفسهم؛ لأن ذلك يؤدي إلى الفوضى، ونحذِّر كذلك مِن أي تصرف دون الرجوع لأهل العلم.

اللهم احفظ مصر آمنة مطمئنة رخاء وسائر بلاد المسلمين.

الدعوة السلفية بالإسكندرية

كما وافق عليه أيضًا:

فضيلة الشيخ/ محمد عبد المقصود.

فضيلة الشيخ/ محمد حسان.

فضيلة الشيخ/ صفوت حجازي.

فضيلة الشيخ/ محمد عبد السلام.

www.salafvoice.com

موقع صوت السلف

[abdulmuttaleb]

الزميلات والزملاء المحتارين في البحث عن فاعل يلبس القضية، هو معلهش احنا ليه مش عايزين نعترف إن مظاهرات الشوارع بيكون فيها عناصر مختلطة وناس طايشة وبلطجية وصيع وطلاب ثانوي وناس أميين.

بلاش ندفن راسنا، والدليل على كده التحرش بالصحفية لارا لوجان والتحليل الاجتماعي لشرائح متظاهري التحرير خصوصا الأسبوع الأخير وفي رأيي ناس بسطاء كتير تم استغلال عواطفهم وابتزازهم بمانشيتات ثروة مبارك والظلم الاجتماعي والبطالة وكلنا دلوقتي بندفع التمن.

تم تعديل 8 مايو 2011 بواسطة abdulmuttaleb

[aimen]

شهادات أهل امبابة تؤكد أن السلفيين هم الذين اطفأوا حريق الكنيسة‎

http://www.youtube.com/watch?v=ZdkSv8g9_n4&feature=share

http://www.youtube.com/watch?v=CBRCgtz0Ofk

[aimen]

http://tahyyes.blogs...og-post_09.html

انا ماليش فيه.. دلوقت انا لا باكلم الجيش، ولا باكلم العيسوي، ولا باكلم النائب العام

انا باكلم الناس اللي عملت الثورة، والمصريين اللي البلد دي مسئوليتهم يحموها ويحافظوا عليها

كنت في اعتصام ماسبيرو والوضع مش لطيف، مش لطيف ابدا

اولا، الاعلام المصري بقى قذر اخر تلات حاجات

مش صحيح ان كان فيه ضرب مولوتوف عند ماسبيرو، انا عند ماسبيرو من الساعة ستة ونص لحد الساعة حداشر ومافيش اي حاجة من الكلام ده

كان فيه عند رمسيس هيلتون تحديف طوب، ما كانش فيه ضرب نار

خلوا بالكم بقى، عشان الظاهر ان حتى صحف زي المصري اليوم والاهرام الى جانب سوابق اليوم السائع، ضالعين في مصايب بعلمهم ولا من غير علمهم، مش اي حاجة تتكتب تصدقوها

ثانيا: الناس هناك قلبها محروق

احساسهم ان خلاص بقى.. ما فيش غيرهم في البلد دي، ايام مبارك بينضربوا، وبعد ما مبارك مشي بينضربوا، و"ايه بقى؟ الثورة عملت لنا ايه؟ عملناها ليه الثورة دي؟ كسرنا كلام القساوسة ونزلنا ننام في التحرير ومات منا الشهدا ودي اخرتها؟ كنايسنا تتحرق؟"

ده الكلام اللي قالوه

وواد قلبه محروق عشان كان في امبابه وابوه لما عرف اللي بيحصل خلا امه تكلمه وتقول له ابوك بيموت عشان يرجع بسرعة لانه لو عرف اللي بيحصل كان راح يضرب.. وقلبه محروق عشان حاسس انه متهم انه جبان وما اخدش حقه بايده وما حدش خد له حقه، وده واد من شبرا، يعني من الاخر كده ما يعرفش الكلام بتاع المسيحيين ده اللي هو "احنا مش بنرد على الشر بشر" والكلام اللي هو بيعتبره ماصخ ده، ده لا مسلم ولا مسيحي، ده شبراوي.. شبرا دي دين لوحدها زي ما كلنا عارفين

وعيال عمالين يقولوا لي: فين المسلمين؟ احنا كنا فاكرين بعد الثورة المسلمين حيبقى عددهم اكتر من المسيحيين.. ولا بقى ما كانتش المشكلة في مبارك زي ما فهمتونا.. يبقى هم المسلمين بيكروهنا فعلا؟ مش مبارك هو اللي كان بيعمل فينا كده؟ امال مشيناه ليه وكنا حنموت في الشوارع؟

وطبعا سمعنا طراش طائفي بالهبل... مفهوم، والمفروض نستحمل

وممدوح جلال من الاخوان راح ساحب معاه اتنين سلفيين وجم ودخلوا وسمعوا كلام زي الطين، واستحملوا، والمفروض ناس قدهم الف مرة ييجوا ويستحملوا اللي حيسمعوه

احنا في خطر.. احنا في خطر

اسعااااف.. اسعااااااااف.. اسعاااااااااااااااااااااااف

مصر في خطر

والنهاردة كل اللي يشوفني يقول لي: فيه حاجة غلط.. دي خطة تقسيم خارجية وبتتنفذ

مالك عدلي قال لي باللفظ: دي خطة تقسيم رسمي

ومينا زكري قال لي: انا خايف يا نوارة شكلها خطة تقسيم

وماحدش حاطط في بطنه بطيخة صيفي غير تميم البرغوتي، بس تميم حاطط في بطنه بطيخة صيفي عشان مراهن علينا.. على الشعب، وبيقول لي المصريين مش حيستكوا على كده ومش حيسمحوا للخطة دي تتنفذ

اكسفوه بقى... اكسفوه وهو حاطط كل اللي في جيبه عليكم

ومش هو بس.. مصر الغلبانة دي اللي ما شافتش يوم عدل في حياتها، حاطة حالها ومالها وصيغتها عليكم

مافيش حل غير ان بكرة عدد المسلمين قدام ماسبيرو يبقى تلات اضعاف المسيحيين

مش رايحين يطبطبوا، ولا راحين يهدوا

رايحين يقولوا: عايزين حق المصري. ويحرقوا آخر كارت لابن XXX اللي نايم في المستشفى ومش عايز يتحاكم والسعودية وامريكا صارفين مليارات.. مليارات، عشان يعملوا اللي بيعملوه عندنا ده وهو يفلت وما يتحاكمش، مش عشان سواد عينيه، عشان لما يتحاكم فضايحهم حتطلع

المظاهرة اللي في ماسبيرو لحد دلوقت طائفية، والمسلم اللي بيروح فرداني بيسمع احلى XXX، وبيستحمل، ولازم يستحمل، وغصب عن عين اللي خلفوه حيستحمل لحد ما الناس نارها تبرد، ولحد ما عدد المسلمين يبقى قد عدد المسيحيين تلات مرات هناك

ساعتها بقى مش حيبقى فيه هتاف الحماية الدولية XXXX ده

المظاهرة الطائفية ممكن تتحول لمظاهرة مصرية بكرة الصبح.. بس ده في ايد المسلمين بس

ومافيش حاجة اسمها خايف اروح لبعدين يتخانقوا معايا، ما يتخانقوا معاك يا اخي، يتخانقوا معاك وتستحمل وتسكت، يعني ما خفتش من الرصاص وخايف من اخوك يفش غله فيك؟ ما كنيسته اتحرقت.. كنيسته اتحرقت.. ده مالك عدلي بيقول لي دي عمرها ما حصلت من ايام الفتح الاسلامي، وانا مش عارفة حصلت ولا ما حصلتش من ايام الفتح الاسلامي، لكن انا ما اوعاش على كنيسة اتحرقت في عمري

حنصحى الصبح كلنا ونشرخ على اعتصام ماسبيرو بكرة

لا لنا صالح بجيش ولا بنائب عام ولا بشرطة.. لنا صالح ببلدنا وبس، مالهاش غيرنا، وطول عمرها مالهاش غيرنا، ولا حد بينفعها غيرنا

المسلمين حيروحوا اكتر من المسيحيين بكتير، والمسلم اللي مش حيروح يبقى بيخون بلده

والمسلم اللي حيروح مش حيروح يقولهم اهدوا.. عشان كده هو حيعصبهم اكتر

حيقولهم: انا جاي عشان عايزين حقنا من اللي عمل فينا كده في امبابة. بس.

المسيحيين مش عايزين حماية دولية، فعلا مش عايزينها، بس واحد بيمسك الميكروفون وXXXX والناس سخنانة بتقول وراه، لكن لما المسلمين يبقوا تلات اضعافهم ماحدش حيمسك الميكروفون ويقول الكلام ده، حنقول: عايزين حقوقنا.. احنا المصريين، عايزين حقوقنا

انا ما اعرفش حد يقعد لي على النت يشير لنكات ويقعد يحلل في XXX ويقول: اصل دي فلول، اصل دول سلفيين، اصل دول مش سلفيين، اصل مؤامرة اصل نيلة على دماغه... ده بيض ده... حي على الجهاد

حي على الجهاد بقى

مصر محتاجانا.. مصر اتكعبلت وعايزة اللي يلحق يقومها، مش يقعد يتفرج عليها وهي واقعة عشان يعرف اتكعبلت في طوبة ولا في حفرة.. المهم انها اتكعبلت وخلاص

الكورة في ملعب المسلمين.. اللي مش حيروح يبقى خانها

واي حد تشوفه بيشحن طائفي وعايز اختي وعايز بنت خالتي وشنودة يمشي وسلاح الكنيسة والقرف ده اشمطه وخلي اللي ما يشتري يتفرج عليه، ده خاين ده، خاين، زي الجاسوس الاسرائيلي، وزي الفلول، ويمكن يكون جاسوس اسرائيلي فعلا انت ايش ضمنك؟ ده خاين وقاتل.. بيقتل مصر

مصر لو اتقسمت عشان واحدة ست انا مش عايزة ابص في وش جنس مسلم مصري هنا في البلد دي.. وايوة انا باحمل المسئولية للمسلمين المصريين... المسئولية مسئوليتهم دلوقت، ومصر محتاجاهم دلوقت، ومتعلقة في رقبتهم

وروها نفسكم... وروا الدنيا نفسكم اذا كنتوا مصريين بجد ولا لا

تم تعديل 9 مايو 2011 بواسطة aimen

[aimen]

http://www.youtube.com/watch?v=AxXR7S0zgPo

يارب

[aimen]

http://www.youtube.com/watch?v=A6S4zok_lUc

[ام سلمي]

فيديو للعيسوي بيوضح ايه اللي توصلوا له في احداث امبابة لحد دلوقتي

http://www.youtube.com/watch?v=bqSjKGgGMkQ&feature=player_embedded