رسالة شهيد

[dr gml]

صبحت ف يوم

لقيت مكتوب على قلبى

أكون إنسان

على صوت انكبت فيا

يفور بركان

على الصورة الرمادية

تزهزه تانى بالألوان

ف شِلت ولادى على كتفى

ودمى راية ف إديّا

ولا خفنا ساعتها الموت

وطن مكتوف

بنهتف له بأعلى الصوت

يانهر وعارف المنبع

معانا حلم حرية

وضحكة طفل عفوية

وأغنية

جميع الشعب رددها

بنفس اللحن والمطلع

وصورة مصر كت طالة

شهيد سابق بالعلم ملفوف

طريقى بالخطر محفوف

سنين الصبر ويا الخوف

وانا ضهرى ياناس مكشوف

وجلادى أنا عارفه

ولا بيرحم ولا بيسمع

ولا بيشوف

شكله م البشر لكن

عنده ف الضلوع أحجار

يصوب بين عيون النار

يسيل الدم ف الميدان

يصحّى الآهة ف الحنجرة

ودمعة أم متحجرة

ويقهر خوفنا م السجان

دى لحظة فارقة من وقتى

مابين الدبح وشهادتى

لقيت الصبح بيخطى

وجاى ليكى

رفعت صباعى بشهادتى

أناديكى

خلاص يامة أنا جايلك

أبات فى حضنك الأخضر

أبوس فى كفك العنبر

وأتمدد على ترابك

أنا منك

أنا فداكى

أنا ليكى

أمانة عليكو يا خوانى

تزفونى لحد الجنة

بالأفراح

و ترووا بالحنان زرعى

بكلمة باقولها لولادى

وانا مرتاح

-برغم محاولة التشويش

على صوتى-

أموت فى حبكم دايما

وأرجع أتولد تانى

ف كل صباح

[زهرة الجبل]

ياااااااااااااااه

الله الله الله الله الله

و الله حقاً من أجمل ما قرأت

سلمت يمينك و سلم قلمك

و دام مداده بهذه الروعه و الزخم و الشفافيه و الشعور

شكراً بمقدار كل حرف قرأته هنا

تقبل مروري و تحيتي

أم كريم

[الســـاري]

وأنا ايضا من اجمل ما قرأت

الله يعطيك العافية يارب .. احساس جميل جدا

راااائعة بمعنى الكلمة

تحياتي لك

[dr gml]

ياااااااااااااااه

الله الله الله الله الله

و الله حقاً من أجمل ما قرأت

سلمت يمينك و سلم قلمك

و دام مداده بهذه الروعه و الزخم و الشفافيه و الشعور

شكراً بمقدار كل حرف قرأته هنا

تقبل مروري و تحيتي

أم كريم

شكرا أختى الفاضلة

سعدت جدا بشهادتك

التى اعتبرها تاجا على جبين النص

لك التحية والامتنان

[dr gml]

وأنا ايضا من اجمل ما قرأت

الله يعطيك العافية يارب .. احساس جميل جدا

راااائعة بمعنى الكلمة

تحياتي لك

شكرا أخى الفاضل

الرائع حقا هو مرورك من هنا

لك التحية والامتنان

شكرا جزيلا