الحل هو الإعدام

[أحمد سيف]

على الهامش/ الحمد لله ... الأخ الثائر / احمد سيف اقتنع بأهمية الأحكام العرفية في الظروف الاستثنائية ...لكن يا ترى لو كانت الأحكام دي ... من ضمنها منع كافة أشكال التظاهر ... ومحاولة الضغط على الحكومة بأي صورة من الصور وبأي شكل من الأشكال ...

يا ترى رأيك هيكون ايه ... ؟

هضرب لها تعظيم سلام طالما بتمشي على الكل ... انما نسيب البلطجية والفلول وأعداء الثورة والمتطرفين يخربوا في البلد ونقعد في بيوتنا علشان يبقى شكلنا حلو وخايفين على مصلحة البلد يبقى لأ

على فكره الأحكام العرفية لها تعريف محدد وهي ايقاف العمل بالقوانين المدنية وتطبيق القانون العسكري

وأشكرك على وصف الثائر ولو أني لا استحقه لأني لم أشارك فعلا في الثورة ... أنا بالكثير من مجاهدي الكيبوردات ولي موضوع بعنوان (مجاهدي الكيبوردات ... تهمة لا ننفيها وشرف لا ندعيه)

لكن إن شاء الله أحاول يكون لي إسهام فعلي في الثورة يوم الجمعة القادمة في ميدان التحرير لو لم تفرض الأحكام العرفية قبلها

[MZohairy]

تأكدوا يا جماعة الخير من ان القرار بالإعدام حتى لو كان به ظلم او تجاوز نسبي في حق المحكوم عليه... الا ان نتائج القرار ستكون جباره

يعني لو اشتبهوا في واحد (مسلم او مسيحي) انه اثار او حاول يثير الفتنه (بأي طريقة كانت) و حكموا عليه بالاعدام و اعدموه

و اتضح ان الشخص ده بريئ

الله يرحمه و نعتبره من الشهداء

بس نتيجة الاعدام سترهب اي شخص يفكر و لو لثانيه واحده في اثارة الفتنه

الحل مش هو الإعدام ......

الحل هو سيادة القانون على الجميع .....

لو إن الشباب اللي راح وحاصر الكنيسة واتسبب في كل البلاوي دي ... كان عارف ومتيقن إنه لو قدم بلاغ للنيابة ... هييجي البوليس يحقق ويفتش الكنيسة زي ما بيقدر يفتش أي جامع .. ولو لقى البنت فعلا مخطوفة كان البوليس بنفسه هيخرجها ويقبض على اللي خاطفينها ...

مكنش كل ده حصل.

القانون بالطريقه الطبيعيه لن ترضي المتحيزين لدينهم من الطرفين حتى و لو كان الحق ليس معه

اي قانون في الدنيا يسمح لمسيحيين بإختطاف انسان في دور عباده؟؟

و اي قانون في الدنيا يسمح لمسلمين بمحاصرة كنيسه بحجة اختطاف انسان مسلم؟

و حتى لو معاهم دليل قوي صريح بذلك (و هو ما لم يحدث) ليس من حقهم ايضا محاصرة الكنيسه الا لو كنا في غابه

الموقف ده كان مفروض الكنيسه تتفتش و لو طلع فيها محتجزين (تحت اي دين) يتم إعدام اكبر رءوس الكنيسه المسئولين عن الإحتجاز

و لو طلع الموضوع ملفق و غير صحيح يتم اعدام كل من حاصر الكنيسه من المسلمين و كل من اثار الشائعه الملفقه

و الخطوه القادمه

في حالة تكرار نفس الموقف و ثبت احتجاز الكنيسه لمواطنه مسلمه ثم قام المسلمون بمحاصرة الكنيسه بدلا من التوجه لقسم الشرطه ...يجب ان يتم اعدام المسئولين في الكنيسه و اعدام المسلمين اللي حاصروا الكنيسه و كسروا القانون و اتبعوا طريقه خاطئه بدلا عن اللجوء للطرق الشرعيه

[Om Zayd]

[Diab]

مهما تكلف ذلك من تضحيات

واخدين بالكم

الليلة دي تتلم بالذوق بالعافية

شغل الطبطبة مش هينفع مؤقتا

ياري بقي محدش يطلع يقول لا لمحاكمة المدنيين أمام المحاكم العسكرية

[MZohairy]

هو ده اللي انا قولته من الصبح

كأني انا اللي كتبت البيان

[مغتربة]

بتمنى ان الاجراءات توسع عن كدا

بتمنى اصدار قانون يجرم الفتنه الطائفيه بكل الاشكال و الافعال التى ممكن ان تؤدى اليها بما فى ذلك كل الاقوال او الافعال التحريضيه ايا كان مرتكبها و ايا كانت الوسيله التى استخدمها بما فى ذلك كل الكتابات و الاراء والتصريحات المرئيه و المسموعه و التى تكون تحتوى على لغه تحريضيه فى وسائل الاعلام المختلفه بما فيهاالانترنت

قانون مثل هذا نحن فى اشد الحاجه اليه مع مراعاه ان تغلق الى الابد السكك القديمه فى معالجه الحوادث المشابهه من جلسات عرفيه و استعانه برجال الدين من الطرفين و صورتين حلوين فى الاعلام لا تعكس ابدا ما يغلى فى الصدور

يجب ان تكون لغه الحل من الان و صاعدا هى لغه القانون و لا شيىء غيره

و هذا على الجميع بلا استثناء

[Om Zayd]

خطوة مهمة جدا طبعا

لكن زي ما قلت قبل كده.. لا بد يصاحب هذا توضيح و تصفية لكافة الامور العالقة مهما بدت تافهة

محتاجين نبدد شكوك بعض

نفسي نتكلم بجد و بصراحة و رغبة صادقة في الاصلاح

اي اتهام يوضع في العلن و يتم الرد عليه

و الا .. فهناك شباب كثييير ممكن استغلاله بدافع الدين من الجانبين

و من يظن انه يدافع عن دينه و عن قضية لن يخيفه تشديد العقوبة

و امن الدولة لسة بيشتغل و مخترق الجماعات و الكنيسة من زماااان