رئيس الوزراء يؤجل جولته بالخليج لبحث تداعيات أمبابة

[se_ Elsyed]

حسبي الله ونعم الوكيل في المخربين واللي بيعشقوا الدم والنار

دعا رئيس مجلس الوزراء، الدكتور عصام شرف، إلى عقد اجتماع طارئ لمجلس الوزراء، صباح اليوم الأحد، لمناقشة تداعيات الأحداث المؤسفة فى إمبابة.

صرح بذلك الدكتور أحمد السمان، المستشار الإعلامى لرئيس مجلس الوزراء، وقال "إن الدكتور شرف قرر تأجيل زيارته لمملكة البحرين التى كان يعتزم القيام بها اليوم إلى وقت لاحق".

كما قرر الدكتور عصام شرف، رئيس مجلس الوزراء، تأجيل جولته الخليجية التى كان مقررا أن تبدأ اليوم "الأحد" لكل من البحرين ودولة الإمارات العربية المتحدة، وذلك لمتابعة الموقف الداخلى وأحداث إمبابة.

الراجل كان متجه نجو الخليج اللي عرض مساعدة مصر بمبلغ 90 مليار جنية ... يالله خليها تخرب عشان تتبطسوا

[عنبو]

اخطر حاجه سابها النظام البائد انه ساب اشباه متدينين واشباه مثقفين واشباه متعلمين

وللاسف دول اذا لم نتعامل معاهم بشده وحسم البلد هتولع وهتضيع

اغلب الناس دى جاهله وساذجه ويتم الضحك عليهم وتسخينهم باسم الدين سواء الاسلامى او المسيحى

لازم اى واحد يستعمل الدين لتكوين شعبيه وعاوز يبقى شيخ قبيله يتم التخلص منه فوراً

ايه الكلام الفاضى ده هى الناس دى مش عارفه ايه اليى فى البلد وايه اليى احنا مقبلين عليه

وايه اليى احنا عاوزين نحققه

للاسف طول ما ولاء المسليمن للمسج ( متمثل فى شيخ ما )د وولاء المسيحين للكنيسه ( متمثل فى قسيس ما )

امال مين اليى هيبقى ولائه للبلد !!!!!!!!!!!!!!!!!!!!!!!!!!

تحياتى

عنبو

[se_ Elsyed]

بالأمس قام وفد إقتصادي على أعلى مستوى بجولة بالخليج تستمر هذا الأسبوع لدعم البورصة المصرية وجذب إستثمارات ....

اليوم وبتاثير الخبر ... البورصة فتحت على إنهيارررررررررررررررررررررررررر

وخلي الحلوين يفرحوا ويبتسموا وضمائرهم ترتاح

[لماضة مصرية جدا]

السلام عليكم و رحمة الله و بركاته

ع فكرة الغاء الزيارة اكتر من مرة بسبب التوترات الداخلية ده شكله وحش اوي اوي اوي

و علي الله حد يطلع علينا بعد كده يقول الامارات و لا الخليج هما اللي اجلوا

متقباش اللخبطة عندنا جوه البيت و هنرميها علي اللي بره

و حرام و ربنا اللي بيحصل دوت

[se_ Elsyed]

أنا بس بأقارن بين المخربين المجرمين القتلة

وبين الناس المخلصة اللي عاوزة تعمل حاجه لبلدها

يوم الجمعة كلنا عارفين إن الوفد الشعبي زار السودان وأستقبلوهم هناك إستقبال الفاتحين ولأول مرة منذ قيام ثورة 52 يتم إثارة موضوع " الوحدة بين مص روالسودان على المستوى الشعبي والرسمي "

وقام رجال الاعمال من البلدلين بمناقشة مشروع زراعة مليون فدان في السودان

وأمس قام وزير الخارجية السوداني بمقابلة عصام شرف في مصر لتفعيل كل الأتفاقيات التي تم التوصل إليها بين الطرفين

أحكموا إنتم مين المخرب ومين المًصلح المخلص

[Nileman]

محتاجين رئيس وزراء متخصص في ادارة الأزمات واحد شخصيته قوية و معاه وزير داخلية شخصيته من حديد

يجب الإصرار على تنفيذ القانون بلا هوادة

بالطريقة اللي ماشية بيها البلد دلوقتي ماعتقدش ان مصر حيبقى ليها مستقبل أفضل من الصومال و العراق

تم تعديل 8 مايو 2011 بواسطة Nileman

[amgadibrahim]

بلد ماشية بنظام معين من أكتر من 30 سنة

تم فيها قهر فئات من الشعب مثل آي معارض أو آي اسلامي سواء كان متشدد أو معتدل

وتم فيها تربية جيل أو أكثر من البلطجية اللي عددهم بالآلاف وكان كل واحد منهم له دخل شهري كبير وحماية قوية

وجاءت الثورة فقلبت الأوضاع ..........بالطبع للأفضل ولكن تقبل الوضع الجديد عند الفئات المختلفة لن يكون بالسهل

اللي كان مقهور ومش بيفتح بقه حاسس إن دي فرصته يطلع كل اللي جواه

واللي كانوا عايشين في خير وعز النظام السابق..............برضه مش هيرضوا باأمر الواقع بسهولة

ما يحدث في مصر لم ولن ينتهي في أيام أو أسابيع بل يمكن يحتاج إلى سنين ليتعايش الجميع مع عهد ما بعد الثورة

احنا مش هنخلص .................شوية بلطجة................شوية مظاهرات فئوية..........وشوية فتنة طائفية

وبعدين الموضة بتاعة كل شوية واحدة مسيحية بقت مسلمة او العكس او الكنيسة مختطفة مسلمة وهكذا حلها سهل جداا اللي عنده مشكلة من هذا النوع عليه التوجه للشرطة وطبعا لاااااااااااااازم يتلغي موضوع ان الكنائس لا تفتش من قبل الشرطة لأطبعا زيها زي المساجد

وده هيكون أحسن ما يتجمع اعداد كبيرة وتقتحم الكنيسة.

موضوع الفتنة من زمان أوي ولازم يحصل معاه وقفة اليومين دول والا هيزيد اكتر واكتر

وبصراحة الله يسامحهم المسلمين والمسحيين اللي بيتجوزوا بعض ..........يعني خلاص الدنيا ضاقت عليهم .....احنا ناقصين مشاكلهم

[saqr el arab]

> ");} // --> ' alt='script> '>