مش كل اليى اطلق اللحيه ولبس جلابيه بقى سلفى

[مغتربة]

الحل أنك تعرف السلفيين ومواقفهم من خلال تصريحات رموزهم ومشايخهم

هتقولي طيب ما هم مختلفين في وجهات النظر إلى حد ما ..

اسمحلى استاذ غريب

لكن كلام حضرتك بالشكل دا من حيث وجود رموز و مشائخ خاصيين بالسلفيه بيؤكد انهم بحد ذاتهم تيار

و دا الى لما بنيجى نقوله نسمع الاجابه الخالده بتاعه لا السلفيه معناها اتباع السلف يعنى اى مسلم بيتبع السلف يكون سلفى

و نفضل فى المشكله اياها

الاشكاليه جايه من التوصيف الى السلفيه انفسهم مش عارفين يتفقوا عليه

هما ايه بالضبط فى المجتمع

تيار دينى محدد له مدرسته الفكريه مستقله و متمايزه عن غيرهاو يريد ان يكون له مكان فى الساحه المصريه سواء الاجتماعيه او السياسيه و بالتالى له من يمثله و يتحدث عنه كما كلنا نرى

و لا فعلا و لا تيار و لا حاجه و كل مسلم فى حاله كدا بيطبق فهم السلف يكون سلفى و بس

لان كل اجابه من دول بيترتب عليها اساليب تعامل مختلفه كل الاختلاف عن الاخرى

لذا اعتقادى الشخصى ان دعاه السلفيه انفسه هم من يريدون ترك الامور مائعه بهذا الشكل ليسهل التحرك بين التوصيفين بما يحقق اكبر استفاده ممكنه

هما عايزين يفهموا الناس انهم مش تيار مستقل علشان دا بيدى حريه اكبر فى التحرك لكن فى نفس الوقت كل التصرفات الى بتحصل بتدل على انهم فعلا تيار منظم نفسه و متمايز فكريا و توجها عن باقى التيارات الاسلاميه التى تلعب سياسه كالاخوان المسلمين مثلا

و على ذلك السؤال سيظل لا اجابه محدده له على ارض الواقع ابدا

من هو السلفى؟

لانه لن يستطيع احد ان يجيب عنه الا اذا اجاب قبلا عن السؤال الاهم ما هى السلفيه

هل يقصد بها تمايز ام لا

و حتى هذا الحين سيظل هذا الانفصام بين الاجابات المحفوظه و بين ما يراه اى متابع محايد على ارض الواقع

تحياتى

[عنبو]

الشيخ محمد عبدالمقصود (( فقيه مصر ))

ده وجه مشرف جداً للسلفيه وعلشان كده انا عملت التوبيك ده علشان اقول ان فيهم ناس كتير قوى

ممتازين وان فيه منهم ليهم اراء واضحه جداً وقويه جداً مش زى لما الناس فاكره

شوفوا رأى الشيخ وتعليقه فى احداث امبابه وابو انس السلفى

http://www.youtube.com/watch?v=nVHRspqWCNk

وشوفوا كمان رايه فى غزوة الصناديق

http://www.youtube.com/watch?v=8xVmt8JfL5c

فيه حاجه عاوز اقولها تانى ان طول ما احنا ماشين بطريقة القوالب المحفوظه عمرنا ما هنتقدم

كل واحد فينا جواه خير اين كانت نسبته وعلى الشخص المسؤل ( القيادى ) ان يستخدم الخير ده فى النفع

يعنى السلفيون او الاخوان او مجدودن او صناع الحياه او..الخ

الناس دى احنا ليه مش نستفيد منهم ولكن بشكل رسمى بدل ما يكون العمل بشكل تطوعى لا يبقى فى اطار

رسمى ترعاه الدوله يعنى الناس بيحبوا الشيخ فلان او الداعيه فلان

الدوله ليه مش تستغل الحب ده فى الانتاج وفى خدمة المجمتع ليه نضيق عليهم

لحد لما يرحوا يكونوا جماعات سريه ويبقى الموضوع مبهم لكتير من الناس

اعتقد ان سياسية الدوله فى التعامل مع كثير من الامور لازم تتغير عاوزين ناس بتفكر وناس مجدده

مش عاوزين ناس اداريين يعنى زى وزير الماليه اليى هيقترض 12 مليار انا فى نظرى ان ده حل تقليدى

جداً ليه ميكنش فيه ابتكار احنا فى ازمه مش عاوزين حلول تقليديه عاوز ناس مبتكره

والا البلد هتنهار لو فضلنا ماشين بالحلول التقليديه دى لان دى مش حلول دى مسكنات

وتقبلوا تحياتى

عنبو

تم تعديل 14 مايو 2011 بواسطة عنبو

[احمد هادي]

http://www.youtube.com/watch?v=4GjBCV4O0SU

http://www.youtube.com/watch?v=a9qfSjk7KQg

الدرس الأول من يسري فودة واحد من أهم الاعلاميين للأخوة السلفيين

تم تعديل 16 مايو 2011 بواسطة احمد هادي