حرام عليكم لمصلحة مين اللى بيحصل فى البلد ده

[Howayda Ismail]

ليه اختيار مكان المكتبة وعشرات السياح هناك ليل نهار مش دى اسهل وسيلة لضرب السياحة واقتصاد البلد

http://www.youtube.com/watch?v=0C4DZCT0yYY&feature=player_embedded

انا معدتش فاهمة حاجة ولا عارفة سبب الى بيحصل كل يوم والتانى

لمصلحة مين الخراب اللى بيحصل فى محاولة لبث القلق والخوف فى نفوس الاهالى عاوزنا تانى نقول الله يرحم

الامن وايام مبارك لأ الله يجحمهم هم الاتنين حتى لو مش هم ورا اللى بيحصل لكنهم السبب فى حالة الصرع

اللى جت للناس المكبوتة 30 سنة وخرجت تصرخ على اى حاجة وكل حاجة لمجرد التنفيس

لمصلحة مين ضرب السياحة وترويع السياح كان مصر اصبحت عراق آخر او صومال تانية كاننا فى

صراعات عرقية وطائفية والمتربصين بالبلد بيسموها حرب اهلية

فى دلوقت مصريات متزوجات من عرب اتمنعوا من نزول مصر وزيارة اهلهم بقررات حكومية عندهم خوف من البلد

واللى بيحصل فيها شايفين مصر معدتش امان

الاف السياح امتنعوا والغوا رحلاتهم لمصر عشان اللى بيشفوه ويسمعوه فى وسائل الاعلام عن حال البلد

الهمجية وسوء النية والغوغاء حيضيعوا البلد ويرجعونا مش عشرات السنين لأ مئات ويمكن الاف السنين لورا

احنا كلنا محتاجين محو امية من اول وجديد مش قراية وكتابة

لأ محو امية سياسية واجتماعية لزرع المحبة جوانا تانى لبلدنا ومنعملش زى الدبة اللى قتلت صاحبها

الناس مش فاهمة ان اللى بيعملوه ده خراب لاقتصاد البلد ومصلحة للحرامية اللى خربوا البلد لتعطيل

مجرى التحقيقات والغطرشة عليها باشعال فتنة هنا او زق بلطجية هناك لازم الناس تفوق قبل فوات الاوان

لازم يكون الجيش اقوى من كده ويتصرف احسن من كده زى ماعمل محاكمات عسكرية سريعة بعد منتصف الليل

يعمل دلوقت لرؤوس الفتنة من داخل طرة او حتى من قيادات مسلمة او مسيحية محاكمات عاجلة ان شاالله توصل

للاعدام مش حيكونوا احسن ولا اغلى من شهداء الثورة اللى باين كده دمهم راح هدر وببلاش

لازم الناس تفهم ان تجمعهم حتى لو كان بحسن نية يشوفوا ايه اللى بيحصل فى اى مكان بيدى فرصة للمخربين

لاستغلال التجمعات دى لصالحهم يبقى مانتجمعش على كل حاجة فى الشارع وبكده تنحصر اعدادهم وميلقوش فايدة

لانهم مش حيلاقوا اللى يداروا وراه وحينفضح امرهم وكمان يبقى سهل محاصرتهم والقبض عليهم

يبقى يصدر قرار عسكرى بمنع التجمعات لاكثر من اربع او خمس افراد والا تعرضوا للمساءلة والسجن

مش حنرجع نتحصر على مبارك وايام مبارك عاوزين نبنى البلد مش لينا لأ للجيل اللى اتسرق زمان لما باعوا

مستقبله ودلوقت بيتسرق تانى لما بيحاولوا يبيعوا نجاح ثورته