اللي نازل أجازة يسجل هنا حضور - وإنصراف - وملاحظات

[الغريب]

:aslam:

أنا عارف أن موسم الأجازات بدأ :swing: :partytime:

والكل طبعا بيشم ريحة مصر اليومين دوول ، وبيجهز الشنط

سمعت أن في ناس نازلة كمان أيام ، وأول حرف من أسمهم أحمد سيف ، وsameh magdy كمان

المهم ياريت كل واحد يدخل بهدوء ويكتب هينزل أمتى بمشيئة الله وشاف أيه في البلد

ياريت كمان لو حد يقدر يتواصل معانا مباشر من هناك ، يعني متنتظرش حضرتك لما تخلص الأجازة وتيجي تحكيلنا لأننا هنكون نزلنا أجازة ، وبالذات الناس اللي نازلة بدري

ومحدش يتحجج ويقول معنديش أنترنت في مصر ، لأن الموضوع ده بقى أسهل من السهولة وآخر حاجة الصيف الماضي كان النت على الموبايل بجنيه في اليوم :)

أنا عن نفسي إن شاء الله وقدر ، نازل في منتصف أغسطس علشان رمضان والعيد والإنتخابات البرلمانية كمان..

يلا مين هيبدأ smk:

تم تعديل 11 مايو 2011 بواسطة الغريب

[لماضة مصرية جدا]

السلام عليكم و رحمة الله و بركاته

انا حاية اسجل تأييد و تشجعيي و مؤازرتي و حاجات كتير كده فوق بعضيها

النازلين بيشجعوا و احنا معااااااااااااهم :waving:

و حيث اني شكلي كده هنزل مصر تخاطيف و لغاية دلوقتي الرؤية مش واضحة

يبقي احب اقول لكل مرتادي هذا التوبيك القادمين من اتجاه المرج او اتجاه رمسيس او من الصعيد الجواني..(وش اي عسكري مرور دخل العربيات في بعض و بلع الصفارة)

انا هقعد في التوبيك هنا و مش بعيد اطبع صفحاته و افضل ابص عليها

حتي يقضي الله امرا كان مفعولا

صباحكم....يا بلااااااااادي يا بلاااااادي انا متشتحف بعيد عنك يا بلااااااادي

[تامر مصطفى]

انا نازل ان شاء الله نهاية شهر 6 وبالسيارة كمان وربنا يسترها واعرف ارجع بيها

متتسحبش في مصر هههه

[الغريب]

انا نازل ان شاء الله نهاية شهر 6 وبالسيارة كمان وربنا يسترها واعرف ارجع بيها

متتسحبش في مصر هههه

أجازة سعيد ، بس أنا سامع أن أكثر من واحد هيأجل موضوع النزول بالسيارة هذه المرة

الأحتياط واجب بردو

[عنبو]

انا نازل على العيد ان شاء الله بس يارب الاقى حجز لانى رحت احجز ملقتش الا بعت رجال الاعمال

بس انا مش راجل اعمال فمش عارف لو حجزت على الدرجه دى هيبقى بكذب واتحمل وزر يعنى ولا يجوز

مش عارف الواحد لازم يتحرى الصدق فى كل حاجه

تحياتى

عنبو