عبد المنعم أبو الفتوح يقرر الترشح للرئاسة رسميا

[EsoWay]

برنامج ابو الفتوح حاولت ارفعه صور عشان يسهل انتشاره

بصراحة معرفش اذا كان موجود كصور او لاء بس حبيت أبسطها للي مش بيحب يحمل ملفات pdf‎

يتبع

[EsoWay]

[EsoWay]

يتبع

[EsoWay]

الجزء الاخير

انتهى

[rewsha]

انا من مؤيدي الدكتور عبد المنعم ابو الفتوح

وباحاول اتناقش مع الناس اللي حواليه ,واللي مش فاهم بافهمه وباوعيه وباحاول اكسب صوته لصالح الدكتور ابو الفتوح

وباقول له ان من حق كل واحد يختار مرشحه لكن بلاش الثلاثي اللي مش مرح (شفيق-عمروموسى-عمرسليمان)

وفي ناس تانيه كويسه من ضمنها حمدين صباحي ,لكن الافضل اننا مانفرقش اصواتنا ونحشدها كلها لصالح مرشح واحد علشان نعديه ويكسب

ياريت كل واحد يحاول يعمل كده عاوزين نلم اصواتنا كلنا لمرشح واحد علشان يعدي ويكسب

باتمن يكون الدكتور ابو الفتوح رئيس مصر القادم من كل قلبي

وياسلام لو حمدين يبقى النائب بتاعه

مش باقلل من حمدين صباحي ,بس شايفه كل الاستفتاءات بتقول ان مؤيدي ابو الفتوح اكتر يبقى نتجمع وراؤه ونعديه علشان ماننولهاش للي بالي بالك

[ريمون]

كتير اتكلموا عن مشروعات قوميه ااتنميه زى توشكى و محور التعمير و الوادى الثانى

و بصراحه كنت شايف الكلام ده مش وقته لانها مشروعات طويله الامد و تتطلب اسثمارات كتير و ان فيه مشروعات اصغر و هتحقق عائد سربع و توفر فرص عمل و نسبه فشلها اكتر بكتير

واحد منها هو تطوير محور قناه السويس. فجزء كبير جدا من التجاره العالميه بتمر فيه و احنا بنتفرج و اخر املنا اننا نلم فلوس الكارته

بالرغم انه لو تم تطوير هذه المنطقه فكميه الشغل هناك هتبقى زى الرز لام المنطقه هتكون نقطه تلاقى للتجاره العالميه

انا مع ابو الفتوح فى تطوير محور القناه فده مشروع مضمون و متقشر و مخاطره قليله

http://www.abolfotoh.net/2011-01-15-23-49-51/fotoh-events/item/1485-%D8%AF%D8%B9%D8%A8%D8%AF%D8%A7%D9%84%D9%85%D9%86%D8%B9%D9%85-%D8%A3%D8%A8%D9%88%D8%A7%D9%84%D9%81%D8%AA%D9%88%D8%AD-%D9%82%D9%86%D8%A7%D8%A9-%D8%A7%D9%84%D8%B3%D9%88%D9%8A%D8%B3-%D9%85%D9%86%D8%AC%D9%85-%D8%A7%D9%84%D8%B0%D9%87%D8%A8-%D8%A7%D9%84%D8%B0%D9%8A-%D8%B3%D9%8A%D9%8F%D8%AF%D9%91%D8%B1-%D8%B9%D9%84%D9%89-%D9%85%D8%B5%D8%B1-%D9%A1%D9%A0%D9%A0-%D9%85%D9%84%D9%8A%D8%A7%D8%B1-%D8%AF%D9%88%D9%84%D8%A7%D8%B1-%D8%B3%D9%86%D9%88%D9%8A%D8%A7%D9%8B.html

تم تعديل 10 أبريل 2012 بواسطة ريمون

[se_ Elsyed]

انا مع ابو الفتوح فى تطوير محور القناه فده مشروع مضمون و متقشر و مخاطره قليله

بطل بقى يا عم ريمون عشان أنا مفقوع منك

أصوات كتير مسيحية دلوقت طالعه تغني وتطبل لعُمر سليمان اللي هيأكلهم مربى بالقشطة لو وصل للكرسي .. ومش عارفين إن المنفاخ مش هايفرق بين مسلم ومسيحي وكله هايتعلق من رجليه لو حصل الكابوس

إعمل حاجه يا ريمون ... روح فهم الناس إن الإستجارة من النار بالرمضاء بتبقى واحد في الأخر دي نار ودي نار .. بينما تظل هناك خيارات اخرى ...

التعلب سليمان عامل فيها الأرنب المؤدب وبيقول إني سألتزم بما قررته اللجنة العليا للإنتخابات ومش هابدأ حملتي - العسكرية - الا بعد 31 إبريل ..

أنا خايف ينزل يستهدف المسيحيين ويحطهم في جيبه وينتزع منهم إعترفات رسميه ههههههههه.. لأ بجد .. لو أي رمز من الرموز المسيحية أيد الكائن ده ... هايجد صدى عند قطاع كبير من الناخبين زي ما حصل في إنتخابات 2005 لما البابا شنودة أيد المخلوع وأتبعه باقي رجال الكنيسة .. ومسيحيين كتير اعطوه صوتهم كأمر مقدس ....

[rewsha]

باضم صوتي لصوت سي السيد

فعلا كل ما اقعد مع حد من الاخوه المسيحين الاقيه بيقول لي ...وماله عمر سليمان ؟

انا هانتخبه .

اولهم الدكتوره بتاعتي (هيه مسيحيه على فكره) .كنت باتكلم انا وهيه لقيتها بتكلمني على ان عمر سليمان هو المنقذ

اللي هاينقذ مصر من تحكمات الاخوان

[ريمون]

:WelEgTks:

انا مع ابو الفتوح فى تطوير محور القناه فده مشروع مضمون و متقشر و مخاطره قليله

بطل بقى يا عم ريمون عشان أنا مفقوع منك

هار اسود مفقوع مننى ليه بس يا عم

صدقنى انا قاعد اقنع الناس شمال و يمين على الفيسبوك بابو الفتوح او على الاقل بلاش سليمان

و المعركه صعبه خالص فالاقباط لغايه دلوقتى مشفوش خير من الثوره و البلد حالها واقف و الامن فى الحضيض و خمس كنايس اتحرقت السنه اللى فاتت

الاخوان و السلفيين بقالهم حزب و شرعيه و قسموا التورته مع العسكر و بقوا الاغلبيه و المعارضه فى البرلمان. و دول بيعملوا ارتكاريا للقبط خصوصا لما بيشوفوا اللى حصل فى السودان و افغانستان و باكستان و ايران.

وارجوا من اخوانى المسلميين انهم يتوحدوا ورا مرشح مش اخوانى او سلفى. لانه لو كان اختيار الاقباط بين النظام القديم او الاخوان او السلفيين فمتتوقعش انهم يختاروا الاخوان او السلفيين.

و انا بحاول اكون مثال للمسلمين المعتدلين ان فيه اقباط هيئيدوا المرشح الوطنى و ان مش اختارهم الوحيد هو الشاطر لوقف عمر سليمان

فهل نأتى لكلمه سواء؟

[se_ Elsyed]

فالاقباط لغايه دلوقتى مشفوش خير من الثوره

لأ حوش الخير اللي نازل يرخ على المسلمين هههههههههههههههه

في السياسة ... الخير يعم .. والشر برضوا يعم على الكل

زي أيام المخلوع كده .. كان الخراب حاطط علينا كلنا بدون تفريق

فهل نأتى لكلمه سواء؟

بإذن الله

عندما تعلوا المصلحة العُليا للوطن على المصلحة الخاصة

حتى لو راى البعض زي بعض السلفيين والإخوان الاولوية في تطبيق شرع الله مثلاً وفضلوا يرددوا كده ليل نهار لحد البساط ما يتسحب من تحتنا ونلاقي قرد من الفلول ناطط فوق الكرسي ويسحل الكل ... ساعتها مش هانلاقي 4 حيطان نطبق فيهم شرع الله ولا هانعرف نصلي حتى ...

عشان كده تأسيس دولة قوية على أُسس قوية هو الأولوية الأولى لأي قوى سياسية عاوزه العدل والحق

والكلام ده قولناه مبكراً من بعد الثورة

وقولنا يا ناس يا هو .. إحنا المثقفين متفقين على أسس ومباديء لا خلاف عليها .. وأنا مع تطبيق شرع الله كمسلم .. والمسيحي لن يُمانع أبداً من تطبيق شرع الله الذي يضمن حرية عبادتة .. وحقه .. ويقدر زي زمان يرزع إبن أتخن تخين في مصر حتى لو كان إبن رئيس مصر بالقلم على وشه رداً على جُملته الغريبة : أتسبقني وأنا إبن الاكرمين ؟

لكن نيجي على ارض الواقع ونلاقي إن إحنا عمالين نتكلم في حاجات غريبة والناس البسيطية اللي هي الاغلبية بتسف تراب وبتتكوي بالنار ليل نهار

فخلينا نعمل حاجات ملموسة للناس .. وبعد كده نكلمهم عن شرع الله وما إلى ذلك

وضربنامثل بأردوغان اللي كان أمام حالة مستعصية وتشيب الكتكوت

بلد يُسيطر عليها العسكر من الالف إلى الياء وقبل أول يوم له في الحكم رفضوا إن مراته تيجي معاه البرلمان عشان يحلف اليمين عشان محجبة .. ووقفوا في البرلمان مصدرين له الوش البلاستيك ... وكان قبلها وهو محافظ أسطبنول إترزع 3 شهور سجن عشان لمح بس بغلط في العلمانية

لكن الرجل صبر واحتسب وأشتغل بجد ونقل بلده نقله خرافية وتاريخية في زمن قياسي وأقل من 7 سنوات .. وعرف الدنيا كلها يعني إيه شرع الله بحق وحقيق

شرع الله هو حياة كريمة لكل مواطن مهما كان

ربنا يا ريمون لما خلقنا في أحسن صورة . ورزقنا من خيراته . مافرقش بيننا .. ده مسلم يبقى أرزقه من خيري واخليه حُر وكريم .. وده غير مسلم يبقى أمنع عنه رزقي واخليه يعيش في ذُل ... بل بالعكس .. في القران الكريم أية تقول " ولقد كرمنا بني أدم وحملناهم في البر والبحر ورزقناهم من الطيبات "

يعني جميع بني أدم بدون إستثناء وبغض النظر عن الديانة والمعتقد اللي تخص العبد وربه فقط

وعشان كده ... عُمر حد ما كان يحلم إن جميع قادة الجيش في تركيا اللي كانوا بمثابة الألهة تأمر وتحكم وتُنهي . إن خبر ييجي عنهم الأسبوع الماضي يكاد لا يُرى بالعين المجردة وهما يُقدمون للمحاكمة بتهمة الإرهاب ومحاولة قلب نظام الحكم بعد ما تم إعتقالهم من كام شهر وإترموا في السجن

وما ننساش الحالة اللي إستلم عليها تركيا وكانت من افقر ما يمكن ... وما ننساش الإنفلات الأخلاقي اللي كان موجود واللي طال كل شيء لدرجة إن الدعارة والحاجات دي كانت علانية عندهم ... وكان من ضمن أولويات الراجل إنه مش يقضي عليها مرة واحده .. ولكن على الأقل ما يخليش واحده تُركية تعمل في هذا المجال بعد اليوم .. وفعلاً عمل لهم مشروعات غزل ونسيج وتريكو . وجاب لهم خبراء أمريكان يدربوهم .. والدولة تكفلت بتسويق منتجاتهم .. وبقت الواحدة فيهم تكسب بالحلال أضعاف ما كانت تكسبه أيام الكلام الفاضي ده ..

هو مش كان ممكن كحاكم ذو خلفية إسلامية يلمهم ويطبق عليهم شرع الله ويجلدهم ويسجنهم وما إلى ذلك ؟

لكن شوفنا هو فاهم الشرع الصحيح إزاي

شوفت شرع الله الحقيقي بقى ؟

[ريمون]

لكن شوفنا هو فاهم الشرع الصحيح إزاي

شوفت شرع الله الحقيقي بقى ؟

الله ينور عليك هو ده بالضبط اللى بيعجبنى فى ابو الفتوح

انه فاهم ان شرع ربنا قائم على العدل و الحريه و الكرامه

و هدفه انه يحقق كده للمواطنين

و لما الناس تشوف كده بنفسها هتقبل على الدين مش هتنفر منه

[الدكتور ياسر]

انتخاب ابو الفتوح هو اللحاق باخر عربه فى قطار الثوره

شاهدوا هذا الفيديو من يوم 25 يناير 2011. الرجل لم ينتظر ما سيحدث فى هذا اليوم ليشارك لكنه شارك لايمانه بالثوره رغم ابعاد الاخوان نفسهم عن فعاليات اليوم. و من كلام الرجل واضح انه كان فقد الايمان فى الجماعه سياسيا

http://www.youtube.com/watch?v=SAiF7pdit3E&fb_source=message

الرجل ده اخر امل قبل ما قطر عمر سليمان يدوسنا كلنا

فالثوار يجب ان يدعموه لانه واحد منهم

الاخوان لازم يدعموه لانه ابنهم

السلفيين لازم يدعموه لأن سليمان سيقمعهم

الليبراليين لازم يدعموه لانه لن يتلقى اوامر من الجماعه و لا من العسكر

انا لاحظت ان كثير من اصدقائى المسيحيين يدعموه او لا يبغضوه على الاقل

ارجو من مرشحى الثوره الاخرين كحمدين و خالد على و ابو العز الحريرى الوقوف ورائه

ابو الفتوح ضروره

ابو الفتوح طبيبا فى المستشفى الميدانى

بالرغم أنه ليس مرشحى الأول إلا أنى أحترمه بشدة

وأعتبر وصوله إلى كرسي الرئاسة نصرا عظيما للثورة ..

تم تعديل 10 أبريل 2012 بواسطة الدكتور ياسر

[أحمد محمد]

أهم الوعود الرئاسية لـ د . أبو الفتوح

[أحمد محمد]

[أحمد محمد]

اللقاء الأول مع "إسأل أبو الفتوح"

http://www.youtube.com/watch?v=PzboqCJMGvY

[Ahmed Anwer]

http://thawret-misr.blogspot.com/2012/04/blog-post.html

[EsoWay]

اللقاء الثاني مع "اسأل أبو الفتوح"

http://www.youtube.com/watch?v=II8JyftKdvc

[أحمد محمد]

لقاء عبدالمنعم ابوالفتوح مع محمود سعد

http://www.youtube.com/watch?v=fS-TNwMZKZI&feature=relmfu

[se_ Elsyed]

الراجل بصراحة عامل شغل هايل هو وفريق العمل بتاعه بغض النظر عن العجن السياسي اللي بيحصل في مصر اليومين دول

وأكتر حاجه عاجباني في حملتة هو الأسلوب العلمي والتخصص وإنه لم يركز على الطبقة المثقفة فقط اللي أعتقد إن كتير منها معه وتفهمه .. لكن بيصول لكل محافظة في مصر عشان يشرح برنامجه .. وبقى له 3 أيام في الصعيد وبدأها بالنوبة وأسوان والأن في الاقصر ويعمل في صمت .

ربنا يوفقه ويوفق البلد لما فيه الخير

[ريمون]

من الافكار الهامه اللى طرحها دكنور ابو الفتوح هو اننا منعتمدش على امريكا بس كمصدر لتسليح الجيش. و فى الحقيقه الموضوع ده فى غايه الاهميه و محتاج فهم كويس لموضوع المعونه الامريكيه. و انا احيي ابو الفتوح على نضجه فى تناول الموضوع ده

اسمحولى اوضح فهمى للموضوع

اثناء مناقشه اتفاقيه كامب ديفيد للسلام بين مصر و اسرائيل اشتكت مصر من الدعم الغير محدود من امريكا لاسرائيل. و ان لو استمر الدعم ده فاسرائيل فى خلال كام سنه هتقدر تبنى جيش جديد تهاجمنا بيه و مصر مش هتقدر تدافع ضده. و ده هيهدد السلام الوليد.

امريكا طبعا رفضت انها توقف دعمها العسكرى لاسرائيل لكنها اقترحت انها تعطى دعم عسكرى لمصر يوازى الدعم العسكرى لاسرائيل. و بالفعل من ساعتها مصر تحصل على دعم عسكرى سنويا يقدر بمليار و ثلاثمئه مليون دولار.

امريكا اشترطت ان الدعم ده يكون عسكرى فقط و انه يتصرف على معدات امريكيه. فالامريكان مش هبل يدونا فلوس و نصرفها عند ناس تانيه. و نتيجه لكده فاغلب تسليح الجيش المصرى جى من امريكا من فلوس المعونه. و ده معناه طبعا ان مصر متقدرش تحارب اسرائيل لان قطع غيار الطيارات و الدبابات و باقى الاسلحه بتيجى من امريكا. و طبعا الامريكان هيقطعوها عننا لو دخنا حرب مع اسرائيل

ناس كتير قالت نقطع المعونه اللى بيزلونا بيها الامريكان و دى دعوه رعناء لان سواء بمزاجنا او غصب عننا احنا مذلولين لهم لاننا لازم نشترى قطع الغيار منهم لغايه ما ننوع مصدر تسليحنا. و القفا المحترم بقى لو هنقطع من دمنا الحى علشلن نشترى قطع غيار و هم قالولنا مفيش قطع غيار. يبقى ناخد قطع السلاح ده و نبيعها خرده.

يبقى الحل اننا ننوع مصدر تسليحنا و ساعتها يبقى قرارنا من دماغنا مش من واشنطن سواء اخدنا معونه او مخدناش. انا افضل تنويع مصادر تسليحنا و تحويل المعونه لمعونه اقتصاديه. لكنى اشك ان امريكا ستقبل.

عموما دكتور ابو الفتوح فاهم الموضوع كويس و ماشى فى السكه الصح.

علشان القرار السياسى المصرى يبقى مستقل لازم تسليحنا يتنوع.