ابراهيم عبد العزيز بتاريخ: 11 مايو 2011 تقديم بلاغ مشاركة بتاريخ: 11 مايو 2011 فى حياتنا اليومية نردد أمثلة شعبية توارثناها جيلا بعد جيل , غالبيتها أمثال جميلة ولها معانى كبيرة مع بساطة فى الألفاظ , وهناك القليل منها تعتبر امثال سلبية جدا ونرددها كامثال موروثة دون ان نقف عند مقصدها لنرى سلبياتها , وانا أود انا اطرح مجموعة من هذه الأمثال التى أراها سلبية , وايضا لكى نكسر حاجز الموضوعات السياسية الغالبة فى الموقع فى الوقت الحالى كنوع من انواع التغير : (( الباب اللى يجيلك منه الريح سده واستريح )) مثال يدعو للسلبية وعدم الاكتراث وينافى حديث لرسول الله صلى الله عليه وسلم يقول فيه ( من راى منكم منكرا فليغيره .......... الى اخر الحديث )) (( يا روح ما بعدك روح )) (( ان جاك الطوفان حط ابنك تحت رجلك )) هذه امثلة تدعو للانانية الشديدة وحب الذات (( إتق شر من أحسنت اليه )) هذا المثل هو دعوة لعدم الاحسان بين بعضنا البعض (( اللى يجوز أمي أقوله يا عمي !!)) (( إن كان لك عند الكلب لقمة قوله يا سيدى !!) مثلين سيئين جدا يرددهم البعض وهما يدعوان الى ان يكون الانسان بلا مبدأ , انسان اراؤه تتحدد على حسب وجهة المصلحة أينما كانت يولي رأيه شطرها بصرف النظر عن صحته او خطأؤه , فالمهم المصلحة بصرف النظر عن احترام الانسان لنفسه ( وهذان المثلان بدون مبالغة هما سبب كثير من المشاكل والسلبيات فى الحياه ) (( أنا واخويا على ابن عمى وانا وإبن عمى على الغريب )) هذا مثل يدعو لحمية الجاهلية والعصبية مع العرق بصرف النظر عن صاحب الحق . (( صباح الخير يا جاري انت فى حالك وانا فى حالى )) ايضا واحد من الامثله السيئة جدا , حيث انه يناقض دعوة رسول الله صلى الله عليه وسلم للإحسان للجار والقرب منه , والغريب أن يصور رسول الله الجار كما لو كان وريث لى وياتى مثل ليطلب منى أن اتجنب جارى ليكون هو فى حاله وانا فى حالي !!! (( عصفورا فى اليد خيرا من عشرة على الشجرة )) مثل يدعو الى الارتكان للوضع الحالى مهما كان سلبيته , وعدم المغامرة والطموح للوصول للأفضل , ويدعو لان يظل الانسان طول عمره بين الحفر ويتناقض مع الحكمة التى تقول ( من يتهيب صعود الجبال يظل طيلة حياته بين الحفر ) هذه عينة صغيرة من الامثلة السلبية فى الحياه اليومية , وياريت اذا أحد من الأخوة الزملاء فى المنتدى عنده اضافات لامثلة سلبية فى حياتنا يضيفها كى نبتعد عنها ونلغيها من قاموس حياتنا اليومية . اقتباس رابط هذا التعليق شارك المزيد من خيارات المشاركة
Dreamwithme بتاريخ: 11 مايو 2011 تقديم بلاغ مشاركة بتاريخ: 11 مايو 2011 بعض من الأمثلة اللي ممكن تكون سيئة من وجهة نظري "علي قد لحافك مد رجليك" هو طبعا من ناحية بيدعو للقناعة بما هو موجود والتخطيط بناءا علي الواقع ولكن من ناحية أخري بيقتل الطموح :protest: طب ليه ميبقاش إشتري لحاف علي طول رجليك وسيب اللحاف اللي خانقك القصير؟ "إمشي في جنازة ولا تمشي في جوازة" "اربط الحمار مطرح ما يحب صاحبه" لو خدنا المثل من ناحية الطاعة العمياء. لو افتكرت حاجة تانية هأعود تاني تحياتي أستاذي علي الموضوع اقتباس <p class='bbc_center'><span style='color: #000080'><strong class='bbc'><span style='font-size: 14px;'>"من مدحك فإنما مدح مواهب الله فيك.....فالشكر لمن وهب وليس لمن وُهِب له" ابن عطاء السكندري<br /><br />"اللهم من ضاق صدره بنا فاجعل قلوبنا تتسع له" الامام أبو حنيفة</span></strong></span></p> رابط هذا التعليق شارك المزيد من خيارات المشاركة
ابراهيم عبد العزيز بتاريخ: 11 مايو 2011 كاتب الموضوع تقديم بلاغ مشاركة بتاريخ: 11 مايو 2011 بعض من الأمثلة اللي ممكن تكون سيئة من وجهة نظري "علي قد لحافك مد رجليك" هو طبعا من ناحية بيدعو للقناعة بما هو موجود والتخطيط بناءا علي الواقع ولكن من ناحية أخري بيقتل الطموح :protest: طب ليه ميبقاش إشتري لحاف علي طول رجليك وسيب اللحاف اللي خانقك القصير؟ "إمشي في جنازة ولا تمشي في جوازة" "اربط الحمار مطرح ما يحب صاحبه" لو خدنا المثل من ناحية الطاعة العمياء. لو افتكرت حاجة تانية هأعود تاني تحياتي أستاذي علي الموضوع أشكرك على الاضافة الجميلة يا أخت دريمز خاصة المثل (( امشى فى جنازة ولا تمشى فى جوازة !!)) مثل غريب جدا ههههههه شرفتى بمرورك وفى انتظار المزيد اقتباس رابط هذا التعليق شارك المزيد من خيارات المشاركة
باهى الطائر الحزين بتاريخ: 11 مايو 2011 تقديم بلاغ مشاركة بتاريخ: 11 مايو 2011 اللى ما تحتاج وشه تحتاج قفاه وبعد عرضه على مجلس الحكماء للتعديل بما يتناسب والحكومات المصريه السابقه اصدر السيد قراره المبجل بعد الفحص والمحص والقياس والتحليل وشرب الجنزبيل بيان التعليل والتقويل والتفعيل ، هوه واللى معاه ، المرسوم الجديد اياه اللى ماتحتاج وشه اديله على قفاه واستقبل الفرمان بالترحاب اعضاء البارمان العناب ، ممثلى الشعب الاحباب برفع الايدى بعاصفه من التصفيق والتهليل ، من القصير والنص وحتى الطويل . حتى ثار الشعب الهزيل ، واشعلت الثوره القنديل،وانزل الاصحاب والشله الهباب وكل عليل وعويل ، برتو طره النخيل ، طريح البرش او النجيل،فى انتظار سجيل. ( نظره ساخره على عقود غابره ) احترامى / لمضيفى اقتباس وكالريح لا يركن إلي جهه إلا وهيأ لأخري راحله ... رابط هذا التعليق شارك المزيد من خيارات المشاركة
ابراهيم عبد العزيز بتاريخ: 11 مايو 2011 كاتب الموضوع تقديم بلاغ مشاركة بتاريخ: 11 مايو 2011 اللى ما تحتاج وشه تحتاج قفاه وبعد عرضه على مجلس الحكماء للتعديل بما يتناسب والحكومات المصريه السابقه اصدر السيد قراره المبجل بعد الفحص والمحص والقياس والتحليل وشرب الجنزبيل بيان التعليل والتقويل والتفعيل ، هوه واللى معاه ، المرسوم الجديد اياه اللى ماتحتاج وشه اديله على قفاه واستقبل الفرمان بالترحاب اعضاء البارمان العناب ، ممثلى الشعب الاحباب برفع الايدى بعاصفه من التصفيق والتهليل ، من القصير والنص وحتى الطويل . حتى ثار الشعب الهزيل ، واشعلت الثوره القنديل،وانزل الاصحاب والشله الهباب وكل عليل وعويل ، برتو طره النخيل ، طريح البرش او النجيل،فى انتظار سجيل. ( نظره ساخره على عقود غابره ) احترامى / لمضيفى احسنت يا اخ طائر الليل الحزين , المثل الذى طرحته واحد من الامثال السلبية فى حياتنا وابدعت اكثر باستخدامه لتوصيف سلبيات فى حياتنا السياسية الماضية والتى لن تعود باذن الله . شرفت بمرورك جدا اقتباس رابط هذا التعليق شارك المزيد من خيارات المشاركة
Howayda Ismail بتاريخ: 11 مايو 2011 تقديم بلاغ مشاركة بتاريخ: 11 مايو 2011 ادى الحلق للى بلا ودان فيه اعتراض على حكم ربنا فى توزيع الارزاق اللى تغلب به العب به دعوة للفهلوة الاقارب عقارب دعوة لقطيعة الارحام جوز الاتنين ياقادر يافاجر اعتراض على شرع ربنا اكسر للبنت ضلع يطلع لها عشرة وانما قال الرسول صلى الله عليه وسلم فيما معناه خلقت المراة من ضلع اعوج فان قومته كسرته وقال رفقا بالقوارير تحياتى لحضرتك اقتباس خواطر swan رابط هذا التعليق شارك المزيد من خيارات المشاركة
لماضة مصرية جدا بتاريخ: 11 مايو 2011 تقديم بلاغ مشاركة بتاريخ: 11 مايو 2011 السلام عليكم و رحمة الله و بركاته موضوع حلو اوي استاذي ابراهيم علي فكرة ده ينفع بحث اجتماعي هايل لو حضرتك مهتم بالدراسات الخاصة بعلم الاجتماع لانك راح تكتشف كمية مهولة اوي بيعلق عليها الناس احباطاتهم خيبات املهم و كأنهم بيلاقوا في الثمل الحل السحري انهم يستسلموا من يومين كنت بتكلم انا و اختي و كانت حالتي المعنوية صفر الحقيقة لقيتها بتقولي اتلم المتعوس علي خايب الرجا...(طبعا يفترض اني حاجة من الاتنين...يا المتعوس....يا خايب الرجا...؟؟؟) لسه بحكيها اللي حصل و كدهوت لقيتها بتديني الضربة القاضية بتقولي "قليل البخت يلاقي العضم في الكرشة" يا لهوي يا انا يا ما مش عشان مش بحب الكرشة و الفشة و الامعاء و الحركات دي...بس فعلا حسيتها بتديني جعة نكد غير عادية انها تسكت ابدا و طبعا ختمت بالمثل اللوذعي الخطير "المنحوس منحوس و لو حطه علي راسه فانوس" بغض النظر اني قربت اتبري منها اصلا و خصوصا و انا عمالة اتنقل من "المتعوس"...ل "خايب الرجا"....لعم "فانوس"....زمين ده اصلا بس حسيت ان كده كتير اوي الصراحة يعني الواحد احياانا بتبقي معنوياته في الحضيض يقوم خابط في مثل واحد من دولم كفيل انه يجيبه ارض ارض و نفسي اعرف مين الكائن اللي كان قاعد عي مصطبة اليأس و بيمزمز في كوباية شاي حبر و رزعنا الامثلة اللي تحدف عشرين سنة لورا دي و المشكلة ان احنا بنرردها اوقات كتير في وقت بنبقي محتاجين فيه حاجة ترفعنا لفوق مش حاجة تشدنا لتحت شكرا علي التوبيك و معلشي اني اقحمت اختي فيه....(بس اعمل ايه...اختي و لازم استحملها :P ) مساكم طاقة...كلمات تدفعنا لقدام اقتباس رابط هذا التعليق شارك المزيد من خيارات المشاركة
Alattar بتاريخ: 11 مايو 2011 تقديم بلاغ مشاركة بتاريخ: 11 مايو 2011 السلام عليكم و رحمة الله و بركاته موضوع حلو اوي استاذي ابراهيم علي فكرة ده ينفع بحث اجتماعي هايل لو حضرتك مهتم بالدراسات الخاصة بعلم الاجتماع لانك راح تكتشف كمية مهولة اوي بيعلق عليها الناس احباطاتهم خيبات املهم و كأنهم بيلاقوا في الثمل الحل السحري انهم يستسلموا من يومين كنت بتكلم انا و اختي و كانت حالتي المعنوية صفر الحقيقة لقيتها بتقولي اتلم المتعوس علي خايب الرجا...(طبعا يفترض اني حاجة من الاتنين...يا المتعوس....يا خايب الرجا...؟؟؟) لسه بحكيها اللي حصل و كدهوت لقيتها بتديني الضربة القاضية بتقولي "قليل البخت يلاقي العضم في الكرشة" يا لهوي يا انا يا ما مش عشان مش بحب الكرشة و الفشة و الامعاء و الحركات دي...بس فعلا حسيتها بتديني جعة نكد غير عادية انها تسكت ابدا و طبعا ختمت بالمثل اللوذعي الخطير "المنحوس منحوس و لو حطه علي راسه فانوس" بغض النظر اني قربت اتبري منها اصلا و خصوصا و انا عمالة اتنقل من "المتعوس"...ل "خايب الرجا"....لعم "فانوس"....زمين ده اصلا بس حسيت ان كده كتير اوي الصراحة يعني الواحد احياانا بتبقي معنوياته في الحضيض يقوم خابط في مثل واحد من دولم كفيل انه يجيبه ارض ارض و نفسي اعرف مين الكائن اللي كان قاعد عي مصطبة اليأس و بيمزمز في كوباية شاي حبر و رزعنا الامثلة اللي تحدف عشرين سنة لورا دي و المشكلة ان احنا بنرردها اوقات كتير في وقت بنبقي محتاجين فيه حاجة ترفعنا لفوق مش حاجة تشدنا لتحت شكرا علي التوبيك و معلشي اني اقحمت اختي فيه....(بس اعمل ايه...اختي و لازم استحملها :P ) مساكم طاقة...كلمات تدفعنا لقدام أيون خدي الموضوع بتاع الراجل و اعملي عليه بحث و اكسبي منه فلوس كتييير..و الراجل ما يستفيدش أي حاجة ما انا أصلي عارف الحركات دي اقتباس (( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ)) رابط هذا التعليق شارك المزيد من خيارات المشاركة
ابراهيم عبد العزيز بتاريخ: 11 مايو 2011 كاتب الموضوع تقديم بلاغ مشاركة بتاريخ: 11 مايو 2011 ادى الحلق للى بلا ودان فيه اعتراض على حكم ربنا فى توزيع الارزاق اللى تغلب به العب به دعوة للفهلوة الاقارب عقارب دعوة لقطيعة الارحام جوز الاتنين ياقادر يافاجر اعتراض على شرع ربنا اكسر للبنت ضلع يطلع لها عشرة وانما قال الرسول صلى الله عليه وسلم فيما معناه خلقت المراة من ضلع اعوج فان قومته كسرته وقال رفقا بالقوارير تحياتى لحضرتك تحية للاخت هند , فى الحقيقة أثريتى الموضوع بامثلة معبرة جدا عن موضوع النقاش خاصة هذا المثل العجيب : (( جوز الاثنين يا قادر يا فاجر !!!؟ )) ( طيب لو جوز الاثنين يا قادر يا فاجر , اومال جوز الأربعة يكون ايه !!؟ ) شكرا جزيلا على مساهمتك وشرفتى بمرورك اقتباس رابط هذا التعليق شارك المزيد من خيارات المشاركة
ابراهيم عبد العزيز بتاريخ: 11 مايو 2011 كاتب الموضوع تقديم بلاغ مشاركة بتاريخ: 11 مايو 2011 السلام عليكم و رحمة الله و بركاته موضوع حلو اوي استاذي ابراهيم علي فكرة ده ينفع بحث اجتماعي هايل لو حضرتك مهتم بالدراسات الخاصة بعلم الاجتماع لانك راح تكتشف كمية مهولة اوي بيعلق عليها الناس احباطاتهم خيبات املهم و كأنهم بيلاقوا في الثمل الحل السحري انهم يستسلموا من يومين كنت بتكلم انا و اختي و كانت حالتي المعنوية صفر الحقيقة لقيتها بتقولي اتلم المتعوس علي خايب الرجا...(طبعا يفترض اني حاجة من الاتنين...يا المتعوس....يا خايب الرجا...؟؟؟) لسه بحكيها اللي حصل و كدهوت لقيتها بتديني الضربة القاضية بتقولي "قليل البخت يلاقي العضم في الكرشة" يا لهوي يا انا يا ما مش عشان مش بحب الكرشة و الفشة و الامعاء و الحركات دي...بس فعلا حسيتها بتديني جعة نكد غير عادية انها تسكت ابدا و طبعا ختمت بالمثل اللوذعي الخطير "المنحوس منحوس و لو حطه علي راسه فانوس" بغض النظر اني قربت اتبري منها اصلا و خصوصا و انا عمالة اتنقل من "المتعوس"...ل "خايب الرجا"....لعم "فانوس"....زمين ده اصلا بس حسيت ان كده كتير اوي الصراحة يعني الواحد احياانا بتبقي معنوياته في الحضيض يقوم خابط في مثل واحد من دولم كفيل انه يجيبه ارض ارض و نفسي اعرف مين الكائن اللي كان قاعد عي مصطبة اليأس و بيمزمز في كوباية شاي حبر و رزعنا الامثلة اللي تحدف عشرين سنة لورا دي و المشكلة ان احنا بنرردها اوقات كتير في وقت بنبقي محتاجين فيه حاجة ترفعنا لفوق مش حاجة تشدنا لتحت شكرا علي التوبيك و معلشي اني اقحمت اختي فيه....(بس اعمل ايه...اختي و لازم استحملها :P ) مساكم طاقة...كلمات تدفعنا لقدام حياكى الله اخت لماضة : عندك حق هذا الموضوع واسع جدا ولو تبحرنا فيه يحتاج لمجلدات لتنقيح قاموس امثالنا من الامثال السلبية وكما تفضلتى وقلتى انها تحتاج لدراسة فعلا بواسطة علماء الأجتماع , أما مصدر هذا النوع من الامثال السلبية فهناك اقاويل متعددة حول هذا الامر ولكن الاكثر تداولا هو ان هذه الامثال الشعبية زرعتها قوى الاحتلال وخاصة الاحتلال الانجليزى بين اوساط الشعب ولكن طبعا هذا التحليل لم يثبت صحته . وأنتى يا اخت لماضة أعطيتينا ثلاث نماذج لامثلة فى حياتنا وهى أمثلة من النوع المثبط ( تدى للواحد جرعة احباط مركزة !! ) وهى فعلا من الامثلة السلبية فى حياتنا تحية عطرة وطيبة لكى وشكرا على مساهمتك وطبعا قبل ما انسى ( سلام كبير أوى لأختك الفاضلة اللى ساهمت معانا فى موضوع النقاش بدون ان تشعر هههههههههه ) اقتباس رابط هذا التعليق شارك المزيد من خيارات المشاركة
ابراهيم عبد العزيز بتاريخ: 11 مايو 2011 كاتب الموضوع تقديم بلاغ مشاركة بتاريخ: 11 مايو 2011 الأخوة الاعزاء من الزوار اضافوا أمثلة متعددة من الامثال السلبية فى حياتنا وكانت اضافاتهم مميزة وهنا سأسرد مجموعة اخرى من هذه الامثلة السلبية : (( العلم فى الراس مش فى الكراس )) مثل يدعو للفهلوة والارتجال وتنحية العلم جانبا ( وعن والفهلوة وما سببته فى المجتمع المصرى فحدث ولا حرج ) (( يا مخلف البنات يا شايل الهم للممات )) مثل يتناقض مع حديث حديث رسول الله صلى الله عليه وسلم الذى بشر فيه من رزقه الله بثلاث بنات فأحسن تربيتهم فله الجنة (( ديل الكلب عمره ما يتعدل )) (( اللى فيه داء مبيبطلوش )) مثلين مردود عليهم تماما , وكم من انسان هداه الله فتبدل حاله من حال الى حال بين عشية وضحاها , والانسان مدعو دائما لمراجعة نفسه وتقويمها أولا بأول واصلاح السلوكيات الخاطئة , ورسول الله بعث الى قوم كانوا يعيشون فى الجاهلية فعلمهم مكارم الاخلاق وأصبحوا الصحابة الذين نقتدى بهم الان . (( الجنازة حارة والميت كلب !!)) لا تعليق (( كثر السلام يقل المعرفة )) بالعكس تماما فكثر السلام يزيد المحبة والود بين الناس مصداقا لقول المصطفى ( ألا ادلكم على شيئا إن فعلتموه تحاببتهم فقال أفشوا السلام بينكم ) اقتباس رابط هذا التعليق شارك المزيد من خيارات المشاركة
ابراهيم عبد العزيز بتاريخ: 25 يونيو 2011 كاتب الموضوع تقديم بلاغ مشاركة بتاريخ: 25 يونيو 2011 ( جات الحزينة تفرح ملاقتلهاش مطرح !!) مثل يدعو للاحباط ويثير الحزن فى نفس الشخص المستقبل له (واش تعمل الماشطة فى الوجه العكر ) وهل خلق الله وجه عكر ؟؟؟ اعتقد أن العكارة هى عكارة النفس وليس عكارة الوجه ( إضرب المربوط يخاف السايب ) أرى فيه أنه مثل يدعو للإستئساد على الضعيف حتى يتم ايصال رسالة للقوى اقتباس رابط هذا التعليق شارك المزيد من خيارات المشاركة
Obied Allah بتاريخ: 25 يونيو 2011 تقديم بلاغ مشاركة بتاريخ: 25 يونيو 2011 (معدل) السلام عليكم , موضوع جامد جدا والامثال حلوة قوى واحب اضيف: اللى يعوزوه البيت يحرم ع الجامع الرد الرخم والغير مباشر لما واحد يكون رافض حاجة لله اصرف ما فى الجيب يأتيك ما فى الغيب دعوة للاستهبال :D كل برغوت على اد دمه يعنى هتفضل زى ما انت , مش هيكون عندك دم زيادة فى يوم من الايام اللى يبص لفوق يتعب امى على طول بتقولهولى وانا على طول باصص لفوق برده مفيش فايدة ان عشقت اعشق قمر, وان سرقت اسرق جمل مش متفق مع الجزء الاول نظرا لانى رومانسى وحسى مرهف :D والعشق مش جمال وبس ( العشق , يا سلام ع العشق , اسألونى انا عن العشق ), ومش موافق على الجزء التانى برده, كده الواحد يشوف اتين شبيحة ( البلطجية باللجهة السورى , معلش الكلمة عاجبنى) ويروح على بنك ويأشطه ان فاتك الميرى اتمرمغ فى ترابه امــــــــــــــــــــــوت واعرف ايه اللى حلو فى الميرى ( انا دخلت جيش يا جماعة) وبكره الميرى والشغل الحكومى, وكمان بيخلى الناس تفضل الوظيفة الميرى حتى لو مرتبها ضعيف ومفيهاش طموح وتعلم مهارات جديدة والبلد اللى محدش يعرفك فيها شلح واجرى فيها ههههه, المثل ده طبعا سىء جدا , المفروض ان الواحد ينقل صورة كويسة لنفسه والبلد اللى جاى منها لو راح بلد تانى انا هاجرى بقى نوا (بس من غير تشليح :D) واشفكم على خير تحياتى تم تعديل 25 يونيو 2011 بواسطة Obied Allah اقتباس خير الناس انفعم للناس رابط هذا التعليق شارك المزيد من خيارات المشاركة
ابراهيم عبد العزيز بتاريخ: 26 يونيو 2011 كاتب الموضوع تقديم بلاغ مشاركة بتاريخ: 26 يونيو 2011 (معدل) السلام عليكم , موضوع جامد جدا والامثال حلوة قوى واحب اضيف: اللى يعوزوه البيت يحرم ع الجامع الرد الرخم والغير مباشر لما واحد يكون رافض حاجة لله هو مثل يقال لتبرير عدم مساعدة واراحة الضمير ويتنافى مع قول الله سبحانه وتعالى ( وَيُؤْثِرُونَ عَلَى أَنْفُسِهِمْ وَلَوْ كَانَ بِهِمْ خَصَاصَةٌ وَمَنْ يُوقَ شُحَّ نَفْسِهِ فَأُولَئِكَ هُمُ الْمُفْلِحُونَ ) اصرف ما فى الجيب يأتيك ما فى الغيب دعوة للاستهبال :D بالاضافة لأنها دعوة للإستهبال كما تفضلت وقلت , فهى دعوة للتواكل أيضا كل برغوت على اد دمه يعنى هتفضل زى ما انت , مش هيكون عندك دم زيادة فى يوم من الايام أى تظل طول عمرك فى حالة جمود ( محلك سر ) ان عشقت اعشق قمر, وان سرقت اسرق جمل مش متفق مع الجزء الاول نظرا لانى رومانسى وحسى مرهف :D والعشق مش جمال وبس ( العشق , يا سلام ع العشق , اسألونى انا عن العشق ), ومش موافق على الجزء التانى برده, كده الواحد يشوف اتين شبيحة ( البلطجية باللجهة السورى , معلش الكلمة عاجبنى) ويروح على بنك ويأشطه هذا مثل يعطى المبرر للسرقة اذا كانت سرقة كبيرة ( وتملى العين !!) ان فاتك الميرى اتمرمغ فى ترابه امــــــــــــــــــــــوت واعرف ايه اللى حلو فى الميرى ( انا دخلت جيش يا جماعة) وبكره الميرى والشغل الحكومى, وكمان بيخلى الناس تفضل الوظيفة الميرى حتى لو مرتبها ضعيف ومفيهاش طموح وتعلم مهارات جديدة دعوة للتبلد والركود والبلد اللى محدش يعرفك فيها شلح واجرى فيها ههههه, المثل ده طبعا سىء جدا , المفروض ان الواحد ينقل صورة كويسة لنفسه والبلد اللى جاى منها لو راح بلد تانى انا هاجرى بقى نوا (بس من غير تشليح :D) واشفكم على خير هذا هو أسوأ نموذج للامثله السلبية , ففعلا نجد أشخاصا اذا سافروا لدولة لا يعرفهم فيها أحد , فإنه يأتى بأفعال لم يكن ليأتى بها فى دولته ابدا ( لأن الناس تعرفه) وبالتالى هو يكون شخص منافق لانه ياتى فى العلن بأفعال وفى الخفاء بأفعال أخرى , تحياتى شكرا جزيلا على اضافاتك المميزة جدا يا اخ عبيد الله وفعلا انت ضربت نماذج لأمثلة شعبية من النوع سلبى فعلا وانا علقت على كل مثال انت تفضلت بضربه داخل الاقتباس الخاص بك وتحية لك تم تعديل 26 يونيو 2011 بواسطة ابراهيم عبد العزيز اقتباس رابط هذا التعليق شارك المزيد من خيارات المشاركة
Obied Allah بتاريخ: 26 يونيو 2011 تقديم بلاغ مشاركة بتاريخ: 26 يونيو 2011 شكرا جزيلا على اضافاتك المميزة جدا يا اخ عبيد الله وفعلا انت ضربت نماذج لأمثلة شعبية من النوع سلبى فعلا وانا علقت على كل مثال انت تفضلت بضربه داخل الاقتباس الخاص بك وتحية لك ربنا يكرمك يا استاذ ابراهيم وان شاء الله هأكمل بالليل To Be Continued .... اقتباس خير الناس انفعم للناس رابط هذا التعليق شارك المزيد من خيارات المشاركة
Recommended Posts
انضم إلى المناقشة
You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.