بتختار عنوان التوبيك ازاي؟؟؟

[لماضة مصرية جدا]

السلام عليكم و رحمة الله و بركاته

لان الجواب بيبان من عنوانه

ففكرتو تساءلت و تعمقت و ابحرت و بعدين قوولت بولولوم و انا بسال نفسي

بتختاروا عنوان التوبيك ازاي

يا تري يعبر عن مضمون التوبيك؟؟؟

يا تري يكون مستفز؟؟؟ عشان الناس تخش و تقراه؟

يا تري بيكون صادم زي...اوقات كده الواحد يصحي الصبح بالليل يلاقي توبيكات عنوانها فعلا صدمة؟؟؟

يا تري بتحاول تفكر في الكي وردس اللي ممكن لو اي حد بيدور علي موضوع يلاقي الموضوع بتاعك في الموضوعات المشابهة

الحقيقة

دي ورشة عمل صغيرة....ازاي تختزل فكرتك في العنوان اللي هو مدخل مش بس للموضوع....بس كمان مدخل ان احنا نشف ترتيب الكاتب في طرح افكاره؟

و ممكن لو جابوتم الاسئلة اللي فوق

تدونا امثلة علي اكثر العناوين تشويقا

اكثر العناوين صدمة

اكثر العناوين مالوش اي علاقة باللي تحته

و كده يعني

كان معكم لماضة

ترينر علي اد حالها

[عادل أبوزيد]

أكثر ما يؤرقنى عند بدء موضوع فى محاورات المصريين هو إختيار عنوان الموضوع

ما سبق كان إستهلالا لابد منه

يكون هدفى أن أعرف بكامل الموضوع فى عنوان مختصر و فى نفس الوقت أضيع وقتا فى إختصار العنوان ثم أعيد النظر لأنى أيضا أريد جذب القارئ لتصفح الموضوع دون أن أستدرجه لقراءة موضوع به عنوان مضلل.

و كثيرا ما أؤجل كتابة الموضوع حتى أصل لعنوان ملائم و حدث كثير أننى أتأخر و ربما لا أكتب الموضوع أصلا.

و فى محاولة قديمة كتبت موضوعا بعنوان "موضوعات تبحث عن كاتب" على إعتبار وضع أفكار لموضوعات جيدة تحفز القراء للكتابة فيها و يكون عليهم إختيار أو التوصل إلى عنوان للموضوع و لم تستمر هذه التجربة كثيرا.

أنتوى العودة لهذا الموضوع لوضع عدة أمثلة من موضوعاتى و كيف توصلت إلى إختيار العنوان لها.

[Damo]

موضوع جاي في وقته

أنا بالنسبالي الباب بتاع التوبيك ليه تأثير كبير على ردت فعلي.

لو مثلا في باب الإبتسام بتوقع أي حاجة و مش شايفة مستاهلة قوانين صارمة. ونفس الحاجة على الموضوعات الشخصية أو الخفيفة.

لكن لو مثلا في باب السياسة بتنرفز قوي لو العنوان طلع بعيد عن أساس الموضوع أو بيدي انطباع إن الموضوع اكبر من الاساس.

والافظع لما العنوان اصلا مفهمش منو الموضوع بيتكلم على إيه اصلا. زي مثلا : " تعالووووووو شوفوووووو" أو " أنا مش هسكت " أو حتى " ما رد عصام شرف على هذا " أو " ما سبب اختفائه " وهكذا !!!!!!

والطريقة دي من العناوين زادت قوي الفترة اللي فاتت و بقت حاجة تنرفز

[التونسى]

السلام عليكم و رحمة الله و بركاته

لان الجواب بيبان من عنوانه

ففكرتو تساءلت و تعمقت و ابحرت و بعدين قوولت بولولوم و انا بسال نفسي

بتختاروا عنوان التوبيك ازاي

يا تري يعبر عن مضمون التوبيك؟؟؟

يا تري يكون مستفز؟؟؟ عشان الناس تخش و تقراه؟

يا تري بيكون صادم زي...اوقات كده الواحد يصحي الصبح بالليل يلاقي توبيكات عنوانها فعلا صدمة؟؟؟

يا تري بتحاول تفكر في الكي وردس اللي ممكن لو اي حد بيدور علي موضوع يلاقي الموضوع بتاعك في الموضوعات المشابهة

الحقيقة

دي ورشة عمل صغيرة....ازاي تختزل فكرتك في العنوان اللي هو مدخل مش بس للموضوع....بس كمان مدخل ان احنا نشف ترتيب الكاتب في طرح افكاره؟

و ممكن لو جابوتم الاسئلة اللي فوق

تدونا امثلة علي اكثر العناوين تشويقا

اكثر العناوين صدمة

اكثر العناوين مالوش اي علاقة باللي تحته

و كده يعني

كان معكم لماضة

ترينر علي اد حالها

قبل ما اخوض فى الموضوع .. انا شايف ملامح وبوادر لرياح تغيير .. والناس بدات تنوع المواضيع . يا مسهل يا رب .. عشان نريح الجمجمه شويه من السياسه ((ودماغنا متضربش )) مع الاعتذار لسمير غانم فى المتزوجون

شوفى يا لماضه هانم .. اختيار العناوين بشكل عام هو (((فن))) ..و((ملكة))) ..و(((موهبه))) ..سواء عناوين توبيكات .. عناوين كتب .. عناوين قصائد... او قصص .. او حتى عناوين الصحف .. سواء العناوين الرئيسيه ...خصوصا عناوين الاخبار اللى فى الصفحه الاولى .. او حتى الفرعيه .. وعناوين الفقرات كمان .. وفى الصحافه فيه عناوين ثابته .. مع تغير فحوى المقال ..زى عناوين االاعمده اليوميه والاسبوعيه وكده .. زى عمود ((اصطباحه)) لبلال فضل .. وهكذا

طبعا انا علاقتى بالعناوين علاقه متلازمه .. لانى من هواياتى الكتابه بكافة اشكالها ..وكمان انا ليا تجربة فى العمل الصحفى .. وكنت محرر تحقيقات .. واتعلمت فى الكليه ان اختيار العناوين عامل مؤثر جدا من عوامل جذب القارئ .. لشراء ولقراءة المطبوعه الصحفيه .. وبفضل الله كنت متميز جدا بشهادة مدير التحرير .. وكانت عناوينى بتنزل تقريبا زى ما انا صايغها ... وده شئ مش من السهل يحدث .. وعلى فكره .. فيه فى معظم الجرائد والمجلات .. واحد بيبقى تخصصه اختيار ووضع العناوين الجذابه .. غالبا بيكون سكرتير التحرير او رئيس التحرير نفسه .. يعنى مش لازم كاتب الموضوع الصحفى هو اللى يكتب عناوين موضوعاته ..

يرجع مرجوعنا للمحاورات .. انا عن نفسى لما بختار عناوين الموضوعات هنا .. بيبقى على حسب كل موضوع .. وعلى حسب اهميته .. وعلى حسب هدفى منه .. ساعات اتعمد انى اخليه عنوان جذاب وساخن .. زى موضوع مره كتبته اسمه((سر اختفاء العضو التونسى)) وكنت متعمد العنوان ده عشان اعرف الناس هنا انى غبت فتره بغير ارادتى بسبب ان المحاورات مكنتش بتفتح معايا وانا بره مصر .. .. اوساعات اتعمد يكون صادم .. وساعات استخدم اسلوب السجع ... وساعات انزل بعنوان تقريرى جدا ومباشر مفيهوش ((لعب)) او لف ودوران ...لكن فيه اساسيات بحاول بقدر الامكان الالتزام بيها .. العنوان يكون مختزل.. ومختصر ..ومكثف.. وقليل الكلمات بقدر المستطاع .. وفى نفس الوقت جامع مانع شامل .. للفكره الرئيسيه للتوبيك .. ولا يخرج عنها .. أى يكون العنوان قمة البلاغه فى صياغته ((((ما قل ودل)))) ..

موضوع انى اجيب امثله عايز وقت وتفرغ يا لماضه .. وبعدين ممكن يزعل ناس منا .. بصراحه فى الاونه الاخيره .. فيه عناوين موضوعات تصيبك بالهلع والفزع والاكتئاب .. من قبل ما حتى تدخلى تقريها .. طبعا انا بعذر الناس .. لان فعلا الظروف اللى بتمر بيها مصر ..هى اللى متحكمه فى مشاعر الواحد .. لكن عايز اذكر الناس .. احنا فىيما يشبه بحالة حرب يا جماعه .. ولازم نحاول نرفع من الروح المعنويه لبعض.. وبث روح الامل والتفاؤل .. والبحث عن موضوعات لطيفه وخفيفه ومفرحه وساره .. ونقلل شويه من حدة الموضوعات الجاده .. حتى لو الاخبار كلها سيئه .. دا يعنى يجوز الكذب على المريض لرفع حالته المعنويه

قبل ماانسى فكرة الموضوع جميله جدا تسلمى عليها لماضه هانم