استفسار عن المعادلة الكندية والدراسة فى كندا

[vitamax]

بسم الله الرحمن الرحيم

دلوقتى يا جماعة انا صيدلانية وفكرت تفكيرا جديا وقررت ان انا اخد المعادلة الكندية بس انا مش عاوزة اعمل اجزاء من مراحلها فى مصر انا عاوزة اعملها كلها فى كندا مع العلم ان انا لسه معملتش اى اجراءات فيها ولا اشتركت فيها وانا قررت اسافر فى اجازة الصيف حوالى شهر 7 بس انا مش عارفة اقدم فيزا سياحة ولا دراسة وانا عاوزة اقدم فيزا سياحة وفى نفس الوقت اعمل المعادلة هل يا ترى ينفع ؟ ودلوقتى انا اعرف ناس فى كيبيك ممكن يبعتولى دعوة زيارة واعرف برضه ناس فى تورنتو بس انا بافضل كيبيك بس انا عاوزة اخد معادلة المقاطعات الفيدرال مش كيبيك وانا كنت قرات فى المنتدى ان فيه مركز لها فى كيبيك ويا ترى لو طلع ناقص من عندى اوراق اقدر اكمل اوراقى الناقصة من السفارة المصرية ؟ وهل هو فيه قنصلية مصرية فى كيبيك ؟ وانا قررت ان انا اخد ابنى معايا لان زوجى متوفى وهو داخل على 2 ثانوى بس انا مش عاوزاه ياخد الثانوية من مصر انا عاوزاه يدرس فى كندا وهو هيبقى مرافق ليا وهل يا ترى لو منفعتش فيزا السياحة فى الدراسة بعد ما نوصل هناك نقدر نحولها الى دراسة ؟ وانا عاوزة امشى فى اجراءات الهجرة من هناك هل يا ترى هيا بتبقى اسرع لو اتعملت من هناك خصوصا من كيبيك ؟ لان انا كما ذكرت سابقا ان انا بافضل الكيبيك وما هى الفترة التى تستغرقها المعادلة الكندية يعنى 6شهور مثلا ؟ انا بافكر ان انا بعد مسافر ما ارجعش مصر تانى وافضل هناك ياترى ايه افضل وسيلة لكدا واذا حولت الفيزا من سياحة الى دراسة لابنى ينفع افضل معاه بصفتى مرافقة لان التعليم هنا فى مصر تضييع وقت

تم تعديل 11 مايو 2011 بواسطة vitamax

[Pharmaher]

بسم الله الرحمن الرحيم

دلوقتى يا جماعة انا صيدلانية وفكرت تفكيرا جديا وقررت ان انا اخد المعادلة الكندية بس انا مش عاوزة اعمل اجزاء من مراحلها فى مصر انا عاوزة اعملها كلها فى كندا مع العلم ان انا لسه معملتش اى اجراءات فيها ولا اشتركت فيها وانا قررت اسافر فى اجازة الصيف حوالى شهر 7 بس انا مش عارفة اقدم فيزا سياحة ولا دراسة وانا عاوزة اقدم فيزا

سياحة وفى نفس الوقت اعمل المعادلة هل يا ترى ينفع ؟

المعادلة مالهاش علاقة بالفيزا

ممكن تقدمي فيزا سياحة و تعملي المعادلة محدش له علاقة

ودلوقتى انا اعرف ناس فى كيبيك ممكن يبعتولى دعوة زيارة واعرف برضه ناس فى تورنتو بس انا بافضل كيبيك بس انا عاوزة اخد معادلة المقاطعات الفيدرال مش كيبيك وانا كنت قرات فى المنتدى ان فيه مركز لها فى كيبيك

ممكن تقدمي امتحان الفيدرال في مركز في كيبيك عادي

ويا ترى لو طلع ناقص من عندى اوراق اقدر اكمل اوراقى الناقصة من السفارة المصرية ؟

غالبا لأ لان معظم الورق المطلوب لازم يتعمل من الجامعة اللي اتخرجتي منها و يتبعت من الجامعة نفسها يعني القنصلية مش ح تنفع

وهل هو فيه قنصلية مصرية فى كيبيك ؟

ممكن تشوفيها اونلاين على جوجل

وانا قررت ان انا اخد ابنى معايا لان زوجى متوفى وهو داخل على 2 ثانوى بس انا مش عاوزاه ياخد الثانوية من مصر انا عاوزاه يدرس فى كندا وهو هيبقى مرافق ليا وهل يا ترى لو منفعتش فيزا السياحة فى الدراسة بعد ما نوصل هناك نقدر نحولها الى دراسة ؟

لو دخلتو كندا بفيزا سياحة مش ح يقبلوه بالمدرسة الا لما تبقو مقيمين

وانا عاوزة امشى فى اجراءات الهجرة من هناك هل يا ترى هيا بتبقى اسرع لو اتعملت من هناك خصوصا من كيبيك ؟

اوقات الانتظار ودراسة الملف المقدم من كندا اقل من الملفات المقدمة من القاهرة طبعا

لان انا كما ذكرت سابقا ان انا بافضل الكيبيك وما هى الفترة التى تستغرقها المعادلة الكندية يعنى 6شهور مثلا ؟

لو حضرتك مذاكرة جامد جدا و حتعدي كل امتحان من اول مرة و حتدخلي الامتحانين التاني والتالت مع بعض العملية بتاخد 7 شهور بس

لو لا قدر الله ما عديتيش امتحان منهم ضيفي 6 شهور لان الامتحان مرتين بالسنة بس

انا بافكر ان انا بعد مسافر ما ارجعش مصر تانى وافضل هناك ياترى ايه افضل وسيلة لكدا واذا حولت الفيزا من سياحة الى دراسة لابنى ينفع افضل معاه بصفتى مرافقة لان التعليم هنا فى مصر تضييع وقت

تحويل الفيزا من سياحة لدراسة مش ممكن لطلبة الثانوي اقل حاجة جامعة او معهد...كورسات اللغة للي اصغر من كدة مدتها قصيرة ومش بتسمحلك تكوني معاه مرافقة

الموضوع مش بالسهولة دي والا كنتي شفتي مصر كلها في كندا

كفاية ان البورد الكندي للصيادلة مش بيرد بالقبول الا بعد شهرين من ارسال الورق يعني امتحان شهر 7 الجاي مش ممكن تلحقيه اول فرصة ليكي يناير الجاي

بالتوفيق