الوجه المظلم والقبيح للثورة والثوار

[tarek hassan]

http://www.youtube.com/watch?v=iYklNk-RRLk

كما علم الناس الوجه المشرق للثورة لابد وأن نعلم أن هناك وجها قبيحا للثورة فلوله أخطر من فلول الحزب الوطني

بعضهم يتصدر المشهد الآن ويستمر في التصعيد لمآرب داخلية وخارجية

إذا كان هؤلاء قد تلقوا دعما وتدريبا في أمريكا على ذلك فلماذا لا يكون مثل هذا في أمريكا نفسها إذا كان هذا هو الصواب

عجبت حينما قرأت شعار بعضهم الثورة مستمرة

لماذا ؟ وضد من ؟

تم تعديل 11 مايو 2011 بواسطة tarek hassan

[لماضة مصرية جدا]

http://www.youtube.com/watch?v=iYklNk-RRLk

كما علم الناس الوجه المشرق للثورة لابد وأن نعلم أن هناك وجها قبيحا للثورة فلوله أخطر من فلول الحزب الوطني

بعضهم يتصدر المشهد الآن ويستمر في التصعيد لمآرب داخلية وخارجية

إذا كان هؤلاء قد تلقوا دعما وتدريبا في أمريكا على ذلك فلماذا لا يكون مثل هذا في أمريكا نفسها إذا كان هذا هو الصواب

عجبت حينما قرأت شعار بعضهم الثورة مستمرة

لماذا ؟ وضد من ؟

السلام عليكم و رحمة الله و بركاته

استاذي انا لسه مشوفتش الفيديو

بس لفت نظري التوبيك

و لفت نظري الجملة اللي حضرتك بتقول فيها: "الوجه القبيح للثورة"

و لو تسمح لي

ليه بقينا عايزين نشوه كل حاجة حلوة بتحصل

حقيقي الثورة دي كانت ثورة شعب كله مش ثورة مجموعة بعينها

يقي اي تشويه ليها هو تشويه للناس الكتير اوي اللي شاركوا فيها

ليه بقينا حادين اوي في حكمنا علي الاخرين

ليه كلنا بقي ماسك كرباج يضرب بيه اللي حواليه

عايزين ننقدهم

عايزين ننقد الثورة

طبيعي

لان اول مبدا هو العدالة....و اول مبدأ ان مش هنتعامل مع حد انه إله

هننقد الثورة....هننقد حاجات كتيرة فيها

بس مش هنجلدها و لا هنجلد نفسنا.....عشان كل الطاقة دي عايزين تورح في حتة تانية

طاقة "القبح" بتخلينا نتآكل من جوانا...و نتفتت

و احنا مش هو ده اللي عايزينه

الثورة مستمرة.....مش عشان الناس مش هتلاقي حاجة تثور عليها تروح تثور علي نفسها

الثورة مستمرة.....بالروح بتاعت الميدان و ىاللي بنحاول انها ترجع في الناس تاني

عشان زي ما الشيخ الشعراوي قال....الثائر الحق هو الذي يثور علي الباطل ثم يهدأ ليبني الامجاد

هو بناء الأمجاد ده مش برضه محتاجله ثورة....بس ثورة بناء و عطاء و انتاج تشيل كل القبح اللي عشنا فيه قبل كده

سمعت كتير التناول عن التدريب من قبل مؤسسات اجنبية او امريكية

و لا اخفي حضرتك انا بتلقي تدريبات اجنبية من مختلف الجهات و لما حصل موضوع مركز "خلدون للدراسات " والدي كان خايف عليا اوي و بيقولي الناس دي بتلعب في دماغكم

طب خليهم يلعبوا في دماغ اللي عايزين يلعبوا فيها

المهم المحصلة الاخيرة ايه

انتماءنا لايه للبلد

الشباب طاقة.....اذا محدش قدر يوجهها متلوموش عليه و متوصفهوش بالقبح

حاولوا تكونوا معاه و تروضوا طاقته دي للبناء

لهدف كبير...لمشروع لمصر كلها

بدل ما نفضل طول الوقت نشكك فيهم و فينا و في كل معني كويس بنقاوم بيه كل الفتن اللي عمالين نتعرض ليها

دي وجهة نظري المتواضعة جدا

و تقبل تواجدي

[tarek hassan]

يا ياريت حضرتك كنتي تشوفي الفيديو

كل شي فيه وجه حسن ووجه قبيح وأنا أشرت للوجه الحسن وكلنا بنتكلم عنه صباح مساء

ولكن ليس هناك كمال أو هذا هو النقصان الذي في الكمال

لا أريد له أن يتصدر الصورة

ولو سمح للمنظر الذي في الفيديو أن يمدح أو أن يستمر فالدولة إلى هلاك حتمي

أنا لا أستحسن القبيح تحت أي دعوى أو أي حجة

وأنا مع الثورة السلمية وكنت معها بكل ما أملك من قوة ولكن هذه الصورة كريهة ويحتاج جزء كبير من الشعب لأن ينساها لتسير الأمور إلى الأفضل

ولا أخفي حضرتك انا بتلقي تدريبات اجنبية من مختلف الجهات و لما حصل موضوع مركز "خلدون للدراسات " والدي كان خايف عليا اوي و بيقولي الناس دي بتلعب في دماغكم

لا أظن أن هذه التدريبات على كيفية القيام بثورات

تم تعديل 11 مايو 2011 بواسطة tarek hassan

[أحمد سيف]

ليه بقينا عايزين نشوه كل حاجة حلوة بتحصل

لأ ازاي ... لازم نشوه ثورة 25 يناير علشان نعمل ثورتنا الخاصة التي نرى ملامحها تتشكل الآن بعد أن سقط النظام الذي كان يقف في وجه مشروعنا منذ عقود

ثوار يناير كثر خيرهم اسقطوا النظام المفروض دلوقت يرجعوا بيوتهم ويسلموا لنا البلد نشكلها على مزاجنا ووفق رؤيتنا ... بلا ديموقراطية بلا مدنية بلا كلام فاضي

أختي الفاضلة

الثورة التي قامت لتأسيس دولة مدنية ديموقراطية يتم الآن اخمادها لصالح ثورة أخرى تطرح مشروعا مختلفا لشكل الدولة وطبيعتها

ولا يخدعنك كل هذا الحديث عن مطالب جزئية هنا وهناك وذرائع تتخذ للتحرك فهي جزء من مخطط منظم له هدف واضح وهو منع قيام دولة مدنية

لكن اطمني جيشنا الوطني صاحي وأعلنها بصراحة أنه مع الدولة المدنية ولن يقف مكتوف الأيدي مع أية محاولات لتغيير مسار الأحداث واستغلال الفوضى الممنهجة التي يتم إثارتها حاليا

على فكره لا أتهم الاستاذ طارق شخصيا بشئ فربما يكون انتقاده لسلبيات الثورة بحسن نية - وهذا ما أرجحه - ولكني أشير لتيار عام بدأ يتشكل الآن ألاحظه على مواقع الانترنت والفيس بوك

تم تعديل 11 مايو 2011 بواسطة أحمد سيف

[tarek hassan]

ليه بقينا عايزين نشوه كل حاجة حلوة بتحصل

لأ ازاي ... لازم نشوه ثورة 25 يناير علشان نعمل ثورتنا الخاصة التي نرى ملامحها تتشكل الآن بعد أن سقط النظام الذي كان يقف في وجه مشروعنا منذ عقود

ثوار يناير كثر خيرهم اسقطوا النظام المفروض دلوقت يرجعوا بيوتهم ويسلموا لنا البلد نشكلها على مزاجنا ووفق رؤيتنا ... بلا ديموقراطية بلا مدنية بلا كلام فاضي

أختي الفاضلة

الثورة التي قامت لتأسيس دولة مدنية ديموقراطية يتم الآن اخمادها لصالح ثورة أخرى تطرح مشروعا مختلفا لشكل الدولة وطبيعتها

ولا يخدعنك كل هذا الحديث عن مطالب جزئية هنا وهناك وذرائع تتخذ للتحرك فهي جزء من مخطط منظم له هدف واضح وهو منع قيام دولة مدنية

لكن اطمني جيشنا الوطني صاحي وأعلنها بصراحة أنه مع الدولة المدنية ولن يقف مكتوف الأيدي مع أية محاولات لتغيير مسار الأحداث واستغلال الفوضى الممنهجة التي يتم إثارتها حاليا

طبعا حضرتك ناسي أو متناسي إن أنا كنت مع الثورة ومن سنوات وقبل أن تبدا وأثناءها كما هو معلوم وأظن حضرتك دكتور وصاحب منهج علمي المفروض ألا تخرج عن الموضوع ومش أنا اللي هقولك

أنتم لازم تتكلموا كأن الثورة بتاعتكم مش بتاعة كل الشعب

يا دكتور : أحمد بطلوا تبقوا أوصياء على خيار الشعب بطلوا اللغة المتعالية المتعجرفة دي وإنكم تتكلموا باسم الجميع

ما تريدونه أنتم كليبراليين هو الانقلاب وأنتم تعلمون خيار الشعب جيدا وتعلمون خيار الثورة

لماذا تضحكون على أنفسكم ؟ لن تضحكوا على أحد

تحالفوا مع من شئتم ولكنكم في النهاية أقلية أقلية ليس لكم وجود في الشارع

مش عايز أقولك اليبراليين متحالفين مع مين الوقتي

تم تعديل 11 مايو 2011 بواسطة tarek hassan

[doctor ayman]

عنوان الموضوع لايدل علي مافيه عامل ذي الصحافه الصفراء اللي بتختار مانشيتلت لاتدل علي الموضوع

وبعدين هل كل من كان موجدا ايام الثوره من الملائكه ؟ طبعا كان فيه بلطجيه وحراميه وكل الاصناف

فمن سرق المتحف المصري ليسوا هم الثوار ومن حرق اقسام الشرطه كانوا من البلطجيه

ومع ذلك ما يظهر في الفيديو مجموعه شبلب يقذفون سيارات الشرطهبالطوب وممكن تكون هذه السيارات قد اطلقت النار عليهم قبل تصوير هذا المقطع ويكون مات منهم

ناس كتير وما تعرضه حضرتك هو الجزء الثاني او رد الفعل

اجوك بلاش العناويين اللي تخض دي بدون اي داعي

وبعدين خلينا دلوقتي فيما بعد الثوره والمشاكل الرهيبه الموجده اليوم

انته اه اللي خلارك ترجع الشريط

[tarek hassan]

انتهى إيه اللي خلاك ترجع الشريط

سؤال كويس

السبب هو إن الوجه القبيح ده هو اللي متصدر المشهد الآن وهو من يريد الانقلاب على ما تحقق لأغراض داخلية وخارجية

ياريت كله يفهم النتيجة دي

تم تعديل 11 مايو 2011 بواسطة tarek hassan

[ozoozo]

الله اكبر ماشاء الله

تسلموا ياشباب ياريتني كنت موجود وكنت دبحتلي اتنين من العساكر دول وعملت عليهم طبق ملوخيه بالعساكر تحفه

هم دول رجاله مصر اللي ماخافوش ووقفوا ادام الظلم

وتأكدوا لو كان الامن قدر علي المتظاهرين كان دورو فيهم الدبح

الشباب دول نزلوا وهما عارفين انهم ممكن في اي وقت قناص يضرب رصاصته في دماغ اي واحد فيفتحها نصين

لكنهم بمنتهي الشجاعه وقفوا امام اله القتل

الا قولولي الشيخ الجليل محمد حسان كان فين ساعتها

اه افتكرت كان قاعد في التلفزيون يقول ارجعوا ياشباب مصر دي امكم حد يعمل كده في امه واللي يتجوز امي اقوله ياعمي ولازم كلنا نقول لمبارك ياعمي

[tarek hassan]

الله اكبر ماشاء الله

تسلموا ياشباب ياريتني كنت موجود وكنت دبحتلي اتنين من العساكر دول وعملت عليهم طبق ملوخيه بالعساكر تحفه

الظاهر إنك فعلا شفت الفيديو ودخلت في الموضوع

أنت ترى أن هذا وجها مشرقا وأنا أراه وجها مظلماعادي جدا كل واحد ووجهة نظره شكرا على المشاركة أيا كان رأيك

[عنبو]

بصراحه انا مش شايف انا الفيديو فيه اى مشكله يا اخ طارق

يعنى العربيات كانت بتفعص فى الناس وضرب نار عليهم اكيد لازم يكون ليهم رد فعل مهم مش ملايكه يعنى

وانا شايف ان رد الفعل ده عامل زى لما تروح رافع ايدك ورازع واحد بالقلم على وشه قدام الناس يقوم هو يقولك انت انسان همجى

تقوم تمسك انت بقى فى الكلمه دى ازاى يقولى همجى امال عملى فيها محترم ازاى ؟

تحياتى

عنبو

[مغتربة]

دكتور : أحمد بطلوا تبقوا أوصياء على خيار الشعب بطلوا اللغة المتعالية المتعجرفة دي وإنكم تتكلموا باسم الجميع

ما تريدونه أنتم كليبراليين هو الانقلاب وأنتم تعلمون خيار الشعب جيدا وتعلمون خيار الثورةقلاب وأنتم تعلمون خيار الشعب جيدا وتعلمون خيار الثورة

و ما هو خيار الثوره

الثوره قامت من اجل دوله مدنيه تحترم فيها حريه الانسان و حقوقه الديموقراطيه و لم تقم لخلاف ذلك

و لا اعلم اى جهه التى تحاول انتزاع الوصايه على الشعب حقا تلك التى تنادى بحريه فى الاختيار

ام تلك التى لم تترك سبيل للضحك على البسطاء و محدودى الثقافه و العلم فى بلدنا و هم للاسف كثر و تقول لهم ان معنى الليبراليه ان عفوا ( امك يمشوها من غير حجاب )

و الادهى فرض الوصايه الدينه على الشعب و استخدامه فزاعه له لقسره على اختيار اختيار محدد فى الاستفتاء بالتقول كذبا بان اختيار نعم هى فقط التى مع الدين

ان كنت حضرتك تعتقد ان هذه التيارات الاسلاميه هى المسيطره على الشارع حاليا و لها الاكثريه فدعنى اقول لك انه لو صح ذلك فانه يعود للاسف لاسباب الفقر و الجهل المتفشيه فى اغلب القطاعات التى تسيطر عليها تلك الجماعات

و بانه باذن الله لو قدر الله لبلدناالحريه و استطعنا ان نصل الى تلك الفئات المهمه و نرتقى بهم ثقافيا و علميا بالتاكيد هذه النسبه ستختل

عندما يتعلم الناس ما هى فائده ادمغتهم و لا يتم تخويفهم من استخدامها سيبحثوا و يفكروا و ساعتها سيعلموا حقيقه حقوقهم وواجباتهم

[tarek hassan]

بصراحه انا مش شايف انا الفيديو فيه اى مشكله يا اخ طارق

يعنى العربيات كانت بتفعص فى الناس وضرب نار عليهم اكيد لازم يكون ليهم رد فعل مهم مش ملايكه يعنى

وانا شايف ان رد الفعل ده عامل زى لما تروح رافع ايدك ورازع واحد بالقلم على وشه قدام الناس يقوم هو يقولك انت انسان همجى

تقوم تمسك انت بقى فى الكلمه دى ازاى يقولى همجى امال عملى فيها محترم ازاى ؟

تحياتى

عنبو

عموما رأيك له احترامه وأنا مع الثوار المحترمين المسالمين من أول يوم ولكن حتى أكون متوازانا أخبرني زميل لي بهذا الفيديو ولما رأيته أقمت شهادة لله تفيد عدم رضائي عنه كما كنت دائما وما زالت غير راض عن تعامل الشرطة السابق مع المواطنين ولكن أريد أن أقول آن الأوان لأن نفتح صفحة جديدة فهم قد أخطأوا وبعضنا أخطأ وعفا الله عما سلف ومن عاد فينتقم الله منه تم تعديل 11 مايو 2011 بواسطة tarek hassan

[الدكتورة أم أحمد]

http://www.youtube.com/watch?v=iYklNk-RRLk

كما علم الناس الوجه المشرق للثورة لابد وأن نعلم أن هناك وجها قبيحا للثورة فلوله أخطر من فلول الحزب الوطني

بعضهم يتصدر المشهد الآن ويستمر في التصعيد لمآرب داخلية وخارجية

إذا كان هؤلاء قد تلقوا دعما وتدريبا في أمريكا على ذلك فلماذا لا يكون مثل هذا في أمريكا نفسها إذا كان هذا هو الصواب

عجبت حينما قرأت شعار بعضهم الثورة مستمرة

لماذا ؟ وضد من ؟

هذا هو النتاج الطبيعي لمهاجة أجهزة الدولة بلا وعي والتعميم وفقد الوعي بأن هذا مالنا وهذه ممتلكاتينا،

تبقى المظاهرات أقبح وأقذر وسيلة للتغيير وغير مأمونة العواقب تستغل أبشع إستغلال من المتربصين

حتى وإن أدت إلى تغيير نظام الحكم البغيض عندنا في مصر فهي حالة فريدة لم ولن تتكرر كثيرا

والشواهد كثيرة على ذلك

تم تعديل 11 مايو 2011 بواسطة الدكتورة أم أحمد

[losses]

بصراحه انا مش شايف انا الفيديو فيه اى مشكله يا اخ طارق

يعنى العربيات كانت بتفعص فى الناس وضرب نار عليهم اكيد لازم يكون ليهم رد فعل مهم مش ملايكه يعنى

وانا شايف ان رد الفعل ده عامل زى لما تروح رافع ايدك ورازع واحد بالقلم على وشه قدام الناس يقوم هو يقولك انت انسان همجى

تقوم تمسك انت بقى فى الكلمه دى ازاى يقولى همجى امال عملى فيها محترم ازاى ؟

تحياتى

عنبو

عموما رأيك له احترامه وأنا مع الثوار المحترمين المسالمين من أول يوم ولكن حتى أكون متوازانا أخبرني زميل لي بهذا الفيديو ولما رأيته أقمت شهادة لله تفيد عدم رضائي عنه كما كنت دائما وما زالت غير راض عن تعامل الشرطة السابق مع المواطنين ولكن أريد أن أقول آن الأوان لأن نفتح صفحة جديدة فهم قد أخطأوا وبعضنا أخطأ وعفا الله عما سلف ومن عاد فينتقم الله منه

الفيديو لا يحوى اكلة لحوم البشر وده رد فعل فطرى لانسان مقهور و لغةانتقاد الثورة دى هى لغة الفلول الذين لا يجرؤون على معاداة الثورة بشكل واضح---------يللا ----------

[محمد عبدالعزيز]

نفسى أفهم إيه الغرض من الموضوع, وزى ما الأخ الفاضل طارق دايماً بيقول لنا: الغرض مرض.

عموماً يعنى, اعتبرهم مستفزين وغاضبين زى العلامة أبو أنس اللى طلع على رؤوس الأشهاد يقول مانبقاش رجالة لو ماولعنا فى كنايس امبابة, وبعدين كان راجل فعلاً وتانى يوم تراجع عن كلامه وكذب وقال أنا ماقلتش الكلام ده ولو كنت قلته فأنا كنت مستفز وغاضب.

أنا عن نفسى مقدر غضب كل الناس دى ومقدر رد فعلهم, لأنى ببساطة عملت زيهم وحدفت الأمن المركزى بالطوب بعد صلاة الجمعة عند مسجد القائد إبراهيم يوم 28 يناير, وده لأن الأمن المركزى أمطرنا بوابل من قنابل الغاز بمجرد الانتهاء من الصلاة عشان يفرقنا, وسقط ناس على الأرض قدام عينى من الإغماء, وطبعاً حضرتك كمشارك فى المظاهرات عارف يعنى إيه يسقط حد على الأرض فى لحظات الهرج والمرج دى.

وأعتقد كل المظاهرات فى مصر يوم 28 شهدت مثل هذه الأحداث, مش عارف بقى حضرتك كنت فين وقتها.

أخيراً أحب أقول لك, تذكر يا أخى الفاضل كلمتك المشهورة: الغرض مرض.

تم تعديل 11 مايو 2011 بواسطة محمد عبدالعزيز

[Alshiekh]

أستاذ طارق

من الممكن أن أتفهم دفاعك عن التيارات السلفية وعن الأخوان المسلمين

من الممكن أن أتفهم تبنيك لوجهة النظر المعادية لكل ماهو مسيحي والتشهير بهم

ولكن مالا استطيع فهمه هو العداء للثورة " ثورة شعب مصر " وتبني وجهة نظر " الفلول " وانصار " احنا آسفين ياريس "

الثورة قامت ، ولو كنت تريد عمل دراسة للثورة من حيث مقدماتها ، أحداثها ، نتائجها وهل حققت المطلوب منه أم لا ، فالأسلوب بالطبع سيكون مختلفا تماما

ومجرد لصق الفيديو بهذا الشكل يضعك فى موقف المدافع وليس فى موقف من يعرض الحقائق

[ابراهيم عبد العزيز]

السلام عليكم أخ طارق :

أعتقد ان المقصود باستمرار الثورة هو مراقبة نجاحها وعدم الغفلة والتاكد من عدم انحرافها عن المسار المحدد لها وهذا مطلوب جدا لا بأس فيه فى راى المتواضع , اما ما اراه انه الوجه القبيح للثورة هم سارقى الثورة ومن ينسبونها لحسابهم ويقصون الأخرين .

تم تعديل 11 مايو 2011 بواسطة ابراهيم عبد العزيز

[شرف الدين]

هل تعلمون ... أخشى ما أخشاه هو أن تثبت الأيام صحة مقولة .. ابن تيمية رحمه الله

[ وقلّ من خرج على إمام ذي سلطان إلا كان ما تولد على فعله من الشر أعظم مما تولد من الخير ]

[ssmaly]

بالأضافة لك ماقيل من السادة الاعضاء من اجتزاء مقطع فيدو بدون مانشوف ماذا فعلوا قوات الامن فيهم وماذا فعلوا بسياراتهم فيهم

وبالاضافة عن مكان تواجد نجوم التلفزبون الان اثناء الثورة وهم الان متصدرين حل المشاكل ومنهم من يريد ان يكون رئيسامصر بعد ان قامت الثورة بازاحاة جبال من طريقه وبالاضافة ان كل من فى الثورة بشر عادين بعضهم كان عنده وعى كافى وكان بيحاول الدفاع عن الشرطى الى ضربه ومنهم لم يستطيع ان يمسك نفسه فى ضرب الشرطة وحرق السيارة اللى كانت بتدوس الثوار

انا لى سؤال لك ياستاذ طارق لماذ لم تفتح توبك وتقول فيه (الوجه القبيح للسلفيين فى احداث امبابة) وماقاموا به من حرق لدار عبادة وهذا لم يحدث من ان جاء الاسلام الى مصر وتعلق على السلفى الذى يدعوا الى حرق الكنائس وعن تغير معتقادات السلفيين فى عدم التظاهر والخروج على الحاكم وقيامهم الان كل يوم فى مظاهرة لاجل واحدة الله اعلم سبب اختفاءها

وطبعا الامثلة كثيرة تستطيع ان بنفسك اذا كنت منصف ان تسوقها اكثر منى للاستدلال عن ان مش كل سلفى ملاك او مش كل سفلى سلفى كما تعتقد

[se_ Elsyed]

إتقوا الله شويه ده أنتوا شككتوني في الإسلام وفي المسلمين وكرهتوا الدنيا كلها فينا

انا شوفت الفيديو يا أخ طارق

بقى زعلان على شوية عربيات وجايب .. الياي العيال الثورجية وهما بيكسروها ؟

ومش زعلان على 800 شهيد

مش زعلان على شهادة ناس اجانب وهم وفد طبيي جاي من النمسا يعالج مصابي الثورة اللي لسه متلقحين في المستشفيات بين الحياة والموت وصرحوا أمبارح إنهم لم يتوقعوا ان تكون الاصابات بالبشاعة دي ووعدوا إنهم هايرجعوا تاني بوفد أكبر الشهر القادم

كل ده لم يهز فيكم شعره ؟

مش دي السيارات اللي دهست إخواتك .. قصدي دهست الثوار .. أسف على كلمة إخواتك لو هاتجرح شعورك

مش هي دي السيارات اللي دهست الناس وهما بيصلوا على كوبري قصر النيل وكأنهم كفره ولا يعرفوا ربنا ولا يعرفوا حُرمه للصلاة ..؟

ما شوفتش الفيديوهات اللي ختلت العالم كله يحرتم ثورتنا وينحني لنا تقديراً ؟

إنتوا بتعملوا كده ليه وعاوزين إيه سواء كنتوا سلفيين ولا جايين من المريخ ؟

إنتوا بتنتعشوا وبتبقوا في أشد حالات الفرح لما تشوفوا منظر الدم ؟

رأيك إيه يا أخ طارق فيما قاله المجاهد المنفعل أبو أنس رضوا الله عليه ؟