لحل مشكلة الفتنه الطائفيه

[عنبو]

السلام عليكم ورحمة الله وبركاته

تحيه طيبه وبعد

مشكل الفتنه الطائفيه اليى بقالنا تقريبا اربعين سنه بنحاول نحلها ومش عارفين نحلها او مش عاوزين المهم

علشان نخلص من حسبة برمه او نخلص من المعادله الكيميائيه الصعبه اليى مش عارفين لا نحلها ولا نفهمها

من وجهة نظرى ان الحل يمكن فى شىء واحد فقط لا ثانى له

هو سيادة الدوله والقانون والثقافه دى لازم الشعب كله يتبعها بمعنى ايه

لما واحد يجى يقولى فيه واحده الكنيسه خطفاها قوله تمام تعالى معايا نطلع على اقرب قسم ونبلغ وهنا دورى بنتهى تماماً انا كده عملت

اليى عليا لكن اروح احاصر الكنيسه ولا اروح افتش الكنيسه ليه بصفتى ايه يعنى اروح اعمل كده هو انا جهه تنفيذيه كده مبقتش دوله

كده بقت فوضى طيب هتقولى ياعم مهو الدوله متحالفه مع الكنيسه ( كلام يعنى ) والامن الوطنى وامريكا وووو.......الخ

هقولك والله ياسيدى لما تلاقى فيه تخاذل من الدوله يبقى اطلع اعمل مظاهره ضد الدوله وليست ضد الكنيسه لان انت مالك ومال الكنيسه

انت ملكش حاجه عند الكنيسه وملكش سلطه عليها انت فيه عقد بينك وبين الدوله يبقى لما الدوله تخل بالعقد تتظاهر ضد الدوله

وطبعا متجبش سيرة الكنيسه لان مشكلتك مع الدوله ولكن اليى بنشوفه اليومين دول الناس تتظاهر ضد الكنيسه طيب ليه يعنى

هو ايه اليى بينك وبين الكنيسه علشان تتظاهر ضدها ايه اليى ليك عند الكنيسه يعنى علشان تطالبها به انا بحد مستغرب

من المنطق ده

على الجانب الاخر تلاقى واحد مسيحى يجى يقولك دول المسلمين دبحو واحد مسيحى فى عيد الاضحى اليى فات وانا شوفتهم

ولا واحد تانى يقولك دول المسلمين بيخطفوا بناتنا علشان يخلوهم يسلموا قوله طيب ياسيدى تعالى نروح على اقرب قسك شرطه

نبلغ وهنا ينتهى دورك تماماً انت ملكش حاجه عند المسلمين علشان تطلع وتتظاهر ضدهم انت المفروض تتظاهر ضد الدوله

ومتجبش سيرة المسلمين لا بحلو ولا وحش لانك ملكش حاجه عند المسلمين انت مشكلتك مع الدوله روح طالبها بيها

طيب لو الناس اليى فى الطرفين عملوا كده هل هتحصل مشاكل طائفيه طبعا لاء لانه فيه دوله قويه بتنفذ القانون

طيب هتقولى وليه ده مش بيحصل دلوقتى ؟ وايه اليى مانعه يعنى

احناعندنا دوله وعندنا جيش له ترتيب عالمى وعندى جهاز شرطه وعندنا جيش تانى من الامن المركزى وعندنا اجهزة مخابرات والامن الوطن

طيب ليه مع ده كله ده المشكله مش بتتحل هقولك روح اسأل الدوله هما ليه مش عاوزين يحلوا الفتنه الطائفيه مش تسألنى انا

لان اليى انا شايفه ان الموضوع بسيط قوى ان كل واحد يزعل من التانى او يشك فيه يروح للدوله هى اليى تحكم بينهم رضى الحكم اوكيه

مرضيش يبقى مشكلته مع الدوله مش مع الطرف التانى لاالدوله هى اليى خذلته طيب واليى يرفض يروح للدوله علشان تحكم بينهم

يتسحل علشان يعرف ان فيه حاجه اسمها دوله وسياده القانون

تحياتى

عنبو

[مغتربة]

كلام سليم استاذ غنبو اؤيدك فيه

و ادى كمان حزمه قرارات الحكومه اليوم التى ادعو الله ان تفعل بصدق و الا تظل حبر على ورق

الحكومة تقر قانونا موحدا لدور العبادة وآخر يجرم التمييز الطائفي

5/11/2011 3:37:00 PM

كتب احمد الليثي

عقد الدكتور عصام شرف رئيس مجلس الوزراء اجتماعا الاربعاء مع أعضاء لجنة العدالة الوطنية بمقر بحضور السادة وزراء التنمية المحلية والعدل والداخلية.

واقر مجلس الوزارء قانونا موحدا لبناء دور العبادة، كما اقر قانونا جديدا لمكافحة التمييز الطائفي.

واتفق شرف خلال اللقاء على تشكيل لجنة "العدالة الوطنية بمجلس الوزراء" لصد محاولات الفتن الطائفية، والظلم الاجتماعي بكافة اشكاله، ورسم خريطة للمشاكل والقضايا المتعلقة بهذا الملف واقتراح الحلول الفعالة وسرعة تنفيذها.

وكلف مجلس الوزارء تلك اللجنة بإعداد مشروع يجرم كافة اشكال التمييز ضد كافة المواطنين المصريين عملا بنصوص المواد الواردة فى الاعلان الدستورى وذلك لضمانه حقوق وحريات الجميع، وتكليف اللجنة بدراسة مشروع القانون الموحد لبناء دور العبادة، على أن يتم انجازهما خلال ثلاثين يوما.

كما كلف مجلس الوزراء جهات التحقيق بموافاته بنتائج التحقيقات في حوادث كنيسة القديسين بالاسكندرية وكنيسة صول بأطفيح واحداث منشأة ناصر وأحداث أبى قرقاص، وامبابة واعلان نتائج التحقيقات على الرأي العام فور انتهائها دون الإخلال بسرية التحقيقات.

كما قرر المجلس الاستجابة لطلبات فتح الكنائس المغلقة بعد دارسة كل حالة على حدة من قبل هذه اللجنة.

وقرر مجلس الوزارء ترميم كنيسة العذراء بامبابة واعادتها لحالتها قبل الاحداث وبناء مطرانية مغاغة والعدوة بالمنيا، استجابة لطلبات ابناء المحافظة.

كما قرر المجلس منع التظاهر او التجمهر امام دور العبادة وتفعيل القوانين التى تحظر استخدام الدعاية الدينية في الانتخابات او العمل الحزبي.

وقال بيان صحفى صادر عن مجلس الوزراء إن المجلس يقدر المجهود المبذول من كافة قوى الشعب وقيادات الرأى العام لدرء الفتن التى تحاول النيل من وحدتنا الوطنية ونسيجنا الاجتماعى الذى صاغه المصريون جيلا وراء جيل.

وأشار البيان إلى أن مصر شهدت أحداثا مؤسفة هددت أمنها الوطنى وروح المودة والتسامح بين أبناء شعبها، وان توالى هذه الأحداث يؤكد أن هذه القضايا تحتاج إعمالا تاما بالقانون ووجود لجنة دائمة لمتابعة كل ما يؤدى إلى تهديد وحدتنا الوطنية.

وأكدت الحكومة المصرية إلتزامها بالوقوف بكل حزم ضد التحريض على الكراهية والطائفية والتمييز، وتعلن أنها ستمضى قدما فى اصدار قانون موحد لدور العبادة وقانون آخر ضد التمييز والتحريض الدينى والوقوف على القضايا التى أهملها النظام السابق.

[عنبو]

حاجه تانيه مهمه قوى لازم ايضا نخلى بالنا منها

دلوقتى لو فيه حد لقى فيديو على اليوتيوب لقس او اى واحد مسيحى بيسب فى المسلمين على طو يروح واخده وجرى بقى على الفيس بوك

والمنتديات وانا معايا ملف خطير وانا وانا ويقعد بقى يعمل ليله على الفيديو اليى معاه ويتكلم ويقول هما دول المسحين لازم

نوقفم عند حدهم ويقعد يسخن فى الناس ويولع فى الناس ويخلى الناس يحصل عندها حالة احتقان اكتر من الموجوده

وطبعا الاخ افتكر نفسه كده انه جاب التايهه يعنى وانه بقى بطل وبقى مثقف ...........الخ

ولكنه نسى حاجه مهمه انه كده محلش المشكله كده ولع المشكله كده عمل فتنه والاسلام بيقولنا اننا لابد ان نكون ايجابين ومنسبش حقنا

يبقى الواحد لما يلاقى ملف بيدين قس او اى واحد مسيجى اخده واروح على الجهات المختصه واعمل بلاغ باسمى وبكده اكون ايجابى

ويبتدى الموضوع ياخد مجراه لكن اقعد اسخن فى الناس وازود احتقانهم وفى الاخر ينتهى الموضوع بفتنه طائفيه وخراب البلد

طيب ده يرضى الاسلام اذا كنت حقاً متدين وتخاف الله لانه هيسالك على كل كلمه كتيتها خليك اجيابى وروح بلغ الجهات المختصه

النت مش مجهه مختصه

ونفس الكلام للاخوه المسيحين تلاقى واحد جايبلك فيديو لشيخ بيسب فى المسيحين ويقعد بقى يقول دول المسلمين وووو...الخ

ونفس الحوار يسخن فى الناس ويخلى الناس تشيل من بعضها ونبقى ماشين جنب بعض مش طايقين بعض

طيب ياعم انت مش حليت المشكله دلوقتى انت خليتيها ...............

روح بلغ الجهات المسؤله عن الموضوع ده لكن مش تقعد تنشر فى فيديوها وتعمل فتنه وانت قاعد في بيتكم وعملى فيها

زعيم المسحين ولا زعيم المسلمين

اتقوا الله فى البلد اليى يلاقى فيديو او اى حاجه وعاوز ياخد ضده موقف يطلع على الجهه المختصه ويبلغ لكن مش تيجى تعمل

راجل على الانترنت وتعمل فتنه وانت اساسا بتخاف تعدى من قدام القسم وبتخاف تقول كلمة الحق

ياريت نتقى الله فى البلد دى

نتقى الله فى موضوعتنا وكل كلمه بتكتبها

واعرف ان المشكله مش هتتحل على الانترنت المشكله هتتحل على ارض الواقع روح بلغ وامشى فى الاجراءات لو انت فعلا ايجابى

وعاوز الخير للبلد دى

تحياتى

عنبو

[eslam elmasre]

سيادة الدوله والقانون

الله يفتح عليك

انت جبت من الاخر

[ابو محمود]

للتخلص من الفتنة

ان يعرف كلآ منا نفسة كويس وهو حجمة اية الا يطالب من الاخر بشيء يعجزة كالتخلص من فئة ما لا تعجبة او ان يتهم فئة ما بمحاكمتها او يثير فى اوقات غير مناسبة مطالب تعد كأنها استعجال وضغط ليكون لة نصيب اكبر

التخلص من التبعية للخارج والعمل على اثبات انة من نسيج هذة الامة عدم الاعتراف او التشكيك فى عروبة الدولة وانها ليست دولة عربية

الاثبات للاخر بان ما نال من تدليل من نظام فاسد انما كانت بضغوط خارجية ليس لة يد بها (سياسة )

عندها سيكون الاخر متفهم لانة يعلم جيدآ من كان يتشفى فية اثناء سحلة وتعذيبة بل وقتلة والتنكيل باسرتة

هكذا تتحول المشادة والفتنة الى تراحم وينتهى المولد بأن مصر عربية وليست غير ذلك واننا نحترم الاقلية كما يجب ان تحترم الاقلية الاغلبية ونقف لبناء الدولة لا لهدمها

[pink rose]

ان تخضع الكنيسة و الازهر لسلطة القانون

دا هايخفف من مظاهر الاحتقان كتير جدا

لاننا هانحس ان ما فيش حد في البلد دي على راسه ريشه