التضارب المستمر في الأخبار..هل هو مقصود؟

[Alattar]

الفترة اللي فاتت لاحظت تضارب في الاخبار بشكل ملحوظ..وغير مسبوق

كل يوم نقرأ خبر في جريدة أو موقع ما..و نلاقي بعدها بسويعات قليلة..أو أيام قلائل..نفي لهذا الخبر

أيام الثورة لما كنت بقرأ خبر عن أحوال اقتصادية معينة..أو هروب الرئيس..أو قرب تنحيه..و بعد كده نلاقي نفي للخبر ده..كنت بقول..يمكن نوع من جس النبض..و محاولة دراسة رد فعل الحدث..لإتخاذ قرار بفعله..أو منعه

لكن اليومين دول الموضوع أصبح ملحوظ جدا..أخبار عديدة يتم نشرها..و بعدين..يتم نفيها..و أحيانا يكون النشر و النفي من مصدر رسمي!!

زي خبر ان الوزارة تكلفت الدفاع عن حبيب العادلي..وخبر ان بريطانيا قامت بمقاضاة مصر أمام محكمة انجليزية

و الكثير من الأخبار

تفتكروا ان الموضوع ده جاء عفو الخاطر كده..يعني اشاعة انتشرت لرغبة صحفي أو ناشر ما في عمل فرقعة اعلامية..و بعدين تطلع المصادر الرسمية تنفي؟

ولا الموضوع مقصود..وله غرض ما نحن لا نعلمه؟

[لماضة مصرية جدا]

السلام عليكم و رحمة الله و بركاته

عارف يا استاذي هو لو حصل مرة و لا اتنين يبقي اكيد هنرتكن لحسن النية

لكن المنهج دلوقتي هدفه الفوضي و بيمشي ليها بخطوات منظمة جدا

1- ينزل خبر

2- الناس تنفعل مع الخبر.

3- يقيس رد فعل الناس...اللي هو في الغالب بيكون غاضب.

4- ينزل تكذيب للخبر...الناس تهدي

يا اما متعمدين عشان يخلوا كل روح الميدان و غضب الجماهير تتفتت في امور و شئون تانية جانبية

يا اما متعمدين ان نصل الي مرحلة عدم الثقة و عدم تصديق اي خبر عشان لما ينزل خبر حقيقي و بجد نبقي برضه خلاص وصلنا لحالة الشك في كل شيء و كل حاجة و بالتالي عدم اخذ اي ردة فعل

الحل ببساطة جدا...و ابسط مما نتخيل

يكون فيه قناة واحدة فقط لاذاعة وتلقي الاخبار

المصدر اللي بيطلع خبر و بعدين بينفيه....محدش بيحاسبه لفاية دلوقتي و ده مش حل رادع طب ايه اللي يمنعه انه يمشي علي نفس المنهج سواء بقي بحسن نية او بسوءها

فخلاص كل مصدر اعلامي عايز يبقي ليه السبق

في ايه مش عارفة

و نسيوا ان مصداقية المصدر اهم مليون مرة من توقيت الخبر

الحل بقي لو اني بني ادم عادي بيتحرق دمي كل يوم بمعدل معلقة علي غيار الريق و معلقة قبل ما انام

بتابع الجزية وثائقية...(انبارح كان هعارضين فيلم توحفة عن السمك المدخن :P )

الحل فعلا اني بخفف من التمعق اوي في تحليل و تفنيد الاخبار...اسمع الخبر...اخده من زاويتين و هو يوم او اكتر و هتلاقي كل شيجين انكشفن و بان

و في نفس الوقت....طول الوقت بفكر....ايه علاقة الخبر دوت بالثورة...لو هيزقها قدام بدوس فيه...لو هيحدفنا عشرين سنة ورا فطبقه و احطه في عروة الزوكتة

و دي وجهة نظري مقدرشي افرضها علي حد

بس مريحاني

تحياتي

و متاسفة اني رغيت

[Om Zayd]

ذو صلة

فوضى اعلام بعد الثورة

عارفين.. لقيت ناس كثير الاخبار المتلاحقة و الازمات و متابعة التحليلات.. أثرت على حياتهم الشخصية

طبعا ده غير قلة التركيز في الشغل

و الرعب اللي بقوا عايشين فيه و معيشين اسرهم فيه

اللي زي دول لازم يقللوا متابعتهم شوية

لحد ما يهدوا و يشوفوا الامور اوضح و اشمل

من الآخر.. الحل ان مش كل اللي نقراه او نسمعه نصدقه و ننشره