صدقونى حاسة بالخجل قبل مااحط الخبر

[Howayda Ismail]

هو ده الفرق بينا وبين الدول المتقدمة العظيمة دى

دا الفرق بين شعوبنا وشعوبهم

فى الوقت اللى احنا بتقاتل عشان كاميليا وعبير وسلفى وعلمانى وقبطى واخوانى

وفى الوقت اللى اقتصادنا فيه بينهار

وفى وقت خروج عشرات الاحتجاجات والمظاهرات الفئوية

واخرها ممن يفترض فيهم قمم المجتمع العلمى والثقافى وهم فئة الاطباء عشان زيادة المرتبات

تخرج علينا شعوب اقل مايقال تشعرنا بالخجل من انفسنا وبما نفعله فى بلدنا

اهى ناس لااهل ذمة ولادين لكنها ناس بتحب بلدها بجد

قرر اليابانيون زيادة ساعتين عمل بدون مقابل لمجابهة اثار الزلزال المدمر وذلك للنهوض باقتصاد البلد

وطبيعى معروف مدى تقديس اليابانيين للعمل وشغل يعنى شغل مش عندنا يمضى ويمشى وكمان يزودوا ساعتين

صحيح الموظف عندنا بيروح الشغل 8 ساعات بيشتغل منهم مش اكتر من 20 دقيقة وادمتم

ياريت نتعلم ويبقى عندنا دم ونحس بالكوارث اللى هلا علينا بانهيار اقتصادنا

ياريت نفوق قبل مانقعد على الحدود نمد ادينا نشحط من اللى يسوى واللى ميسواش

لامظاهرات ولا فتن حتزيد دخل ولا مرتبات بالعكس كل ده تعطيل لعجلة الانتاج وزيادة التضخم

[محمد حامد الغنام]

حاجة جميلة جداااا

بس معتقدشى ان مصر هتعمل كدة

حتى لو حصل عندهم مليون زلزال

لان واضح جداااا انى اغلب المصريين لم يتغيروا الى الأحسن ابداا

ومازالوا فى ضلالهم القديم

(( ان الله لا يغير ما بقوم حتى يغيروا مابأنفسهم ))

للأسف الشديد مازل الناس وهو يسيرون فى الطريق ومنهم من يلقى الزبالة فى الطريق

على الرغم من

هناك صندق للقمامة امامة

ولكن لااعرف لماذا لم يتغير المصريين

- اتمنى التغير للأفضل

- فاتذكر ماقالة السادات حول هذا الموضوع

لما قامت عصر النهضة فى عهد محمد على وكانت اليابان قد بدات معانا عصر النهضة

اليابان وصلت ونحن لم نصل ابدااا ونقف ونرجع الى الوراء

وعندما قام عصر النهضة فى عهد الرئيس عبدالناصر

وكانت الهند قد بدات معنا فى عصر النهضة

فوصلت الهند ونحن وقفنا محلك سر

ولم نتقدم

- انا دائما على اقتناع تام بان الشعب اذا اراد ان ينضج فكريا ويتقدم علية بالتغير بنفسة اولا

- وليترك الشعارات الرنانة كاسياسة التغير الأوبامية والبرادعية التى لا اعرف ماالذى تم تغيرة الى الأن

حقيقه لابد ان اصارح نفسى واصارحكم بها باننى لم ارى اى تغير ابدا قد طرا على المصريين

فكما قلت فى السابق انهم مازالوا فى ضلالهم القديم

والأسعار قد زادت بمعدل غريب الشكل

وقد ضاعت هيبة الدولة

ادعوا الله ان يوفق مصر ويأخذ بها حتى تصل الى الطريق السليم

[شرف الدين]

عارفة يا أخت هند

تاني يوم تنحي مبارك ... انتشرت في مصر رسايل على الموبايل ( اليوم نصر وغدا نبني مصر )...

كنت رومانسي كده زي ما كنت رومانسي أيام الثورة ... وكنت متخيل أن اول طلب هنقدمه لحكومة عصام شرف هو طلب زيادة عدد ساعات العمل ل 8 ساعات مثل اليوم الأوربي ... اليوم المصري عندنا 6 ساعات ... في اوربا 8 ساعات ..

كنت متخيل كده ... وأول ما مبارك تنحى .. قلت هنا على المنتدى .. خلاص كفاية كده مظاهرات .. وننضف الميدان ونمشي عشان نرجع نشتغل .. عشان نعوض الخساير الاقتصادية الهايلة اللي حصلت أثناء الثورة

لكن .. كنت بحلم .. وفقت من الحلم على حقيقة صعبة جدا .. وهي إننا فينا عيوب كتير قوي قوي.. للأسف كنا بنحملها على النظام وهي موجودة فينا احنا

بعد الثورة .. ايه اللي حصل .. هل الناس فاقت عشان تبني مصر ؟

لا ... الناس انقسمت

في اللي ابتدا يتخانق عشان ياخد حتة كبيرة من التورتة على اعتبار انه جاب الحرية لمصر

في اللي ابتدا يتظاهر تاني عشان يحقق لنفسه مطالب شخصية وانتهازية

في اللي ابتدا يفتح في دفاتر الماضي عشان يصفي الحسابات وينتقم .. عشان يطهر البلاد.

في اللي مسك الكالكوليتور وابتدا يحسب .. يا ترى أنا نصيبي كام من فلوس مبارك ..

في اللي ماسك ميكروفون .. وكل يوم جمعة الصبح .. ينده ( مليونية مليونية ).

وفوق من كده بوظنا كمان علاقاتنا بكل الدول اللي كان ممكن تدينا مساعدات

وادى النتيجة المؤسفة ... مصانع كتير قفلت وشركات كتير فلست وسياحة بتنهار .. وحاولنا نشحت من الدول ومعرفناش ..

انا اللي اعرفه اننا لحد دلوقت بنسحب من الاحتياطي وسحبنا 8 مليار لحد دلوقت ... والبقية تأتي ..

الألمان بعد الحرب العالمية الثانية كانوا بيشتغلوا 14 ساعة في اليوم ..

وإليك هذا المقال

[engmido]

شكراااااااا

[ozoozo]

لا حول ولا قوه الا بالله

ساعتين زياده اعوذ بالله

احنا نبعتلهم كاميليا وعبير وهما هايظبطوا الدنيا هناك وهايبطلوهم شغل خالص

[se_ Elsyed]

ندعو لوقفة مليونية للتضامن مع المأساة اليابانية

[Om Zayd]

حبيبتي هند

الخبر ده موجود على تويتر من فترة.. و زيك كنت مترددة احطه

يمكن عشان مقدرتش اوصل لاصل الخبر

و يمكن عشان احنا بالفعل حاسين اننا أقل .. ومش عايزة أزود الموضوع

.. بس الفرق كبير بين المجتمعين و تربيتهم و حسيت المقارنة هتكون نوع من جلد الذات

لسة قدامنا شوية على ما يبقى ده في الوعي الجمعي

مش هتيجي غير بالتربية و الإعلام

محتاجين شغل كثيييييييير

[م تيمور المراغي]

شعب منظم ومحترم ,,

وان شاء الله عن قريب حنكون زيهم واحسن منهم ,,

ان شاء الله ,,

[tarek hassan]

فى الوقت اللى احنا بتقاتل عشان كاميليا وعبير وسلفى وعلمانى وقبطى واخوانى وفى الوقت اللى اقتصادنا فيه بينهار

مع حضرتك في كثير مما قلتيه فعلا هناك انتهازيون وفوضويون ولكن أنا لست معك في أن المطالبة بحرية إنسانة شيء متخلف او يعوق عجلة الاقتصاد طالما الإنسان اتبع أسلوب المطالبة بالحسنى ولجأ إلى القانون وأظن حضرتك تقصدي ذلك

تم تعديل 12 مايو 2011 بواسطة tarek hassan

[losses]

كلام كويس بس فيه فرق بين ماحدث فى مصر وما جرى فى اليابان --الطبيعة ضربت اليابان بقسوة وعفوية وهم يمتلكون السيستم والارادة للرجوع انما فى مصر الامر مختلف فهناك اشباح النظام والمغفلين والحمير والبلطجية والسيكوباتيين والعبيدوالناس الهايفة وجماعة الخوازيق الجدد السلفيين سابقا اللى مش فاهمين حاجة فى اى حاجة ووزارة الداخلية الملاكى بتاعة النظام اللى مش قادرين يستوعبوا انهم مجرد موظفيين من ربع قرن بنقول الباشا الظابط ده موظف ماحدش يخاف منه---------- المهم علشان نبئى زى اليابان لازم نبئى يابانيين ده اللى كان لازم ااقوله من الاول واخلص