اذهب إلى المحتوى
محاورات المصريين

الداخلية تناشد القوى السياسية وقف مسيرات غزة

Alattar

بواسطة Alattar
في سياسة داخلية

 مشاركة

Recommended Posts

Alattar عضو جديد

Alattar

بتاريخ:
بتاريخ:

الخبر من مصراوي

أهابت وزارة الداخلية بكافة الأطراف والقوى السياسية التي تعتزم تنظيم مسيرات إلى قطاع غزة يوم 15 مايو الجاري، بالنظر بموضوعية إلى الظروف الدقيقة التي تمر بها مصر، وأن ''توقف تلك المسيرات تغليباً للمصالح العليا للبلاد''.

وأكد الداخلية حرصها على مناصرة الشعب الفلسطينيي ودعمه فى سبيل حصوله على حقوقه المشروعة والعادلة وشددت على إعتزازها البالغ بالدور المصرى البارز الذى تابعه العالم بأثرة مؤخراً فى ونجاح جهودها فى تحقيق المصالحة الفلسطينية والسعى الى رفع المعاناة على سكان قطاع غزة وفتح المعابر.

وأوضح بيان صادر عن الداخلية - تلقى ''مصراوي'' نسخة منه – أن مناشدة القوى السياسية وقف المسيرات إلى قطاع غزة يأتي درءاً لأي تداعيات أو مخاطر محتملة قد تنتج عن ذلك التحرك وتلك المسيرة.

وكانت بعض القوى الوطنية قد وجهت دعوى إلى تنظيم العديد من المسيرات الاحتجاجية وحشد الجماهير من أجل التحرك فى مسيرة شعبية ضخمة من المصريين والعرب تخرج من ميدان التحرير بالقاهرة ومن عدة محافظات أخرى للتوجه إلى الحدود المتاخمة لقطاع غزه بهدف دعم ومناصرة القضية الفلسطينة .

وقال بعض منظمي المسيرة إنها تهدف إلى ''تأكيد حق العودة لجميع اللاجئين الفلسطينيين والمطالبة بفتح معبر رفح بشكل دائم ووقف تصدير الغاز المصري لإسرائيل والإفراج عن جميع المعتقلين الفلسطينيين في السجون المصرية وإنهاء الاحتلال الاسرائيلي لفسلطين ومناصرة أهالي غزه فى ظل الحصار الإسرائيلي المفروض عليهم''.

الكلام اللي تحته خط ده هو أبرز ما في الموضوع

كلام الشباب فعلا جميل..و الأهداف نبيلة..لكن رد فعل الطرف الآخر غير متوقع..و اسرائيل دي عاملة زي اللي معاه شهادة معاملة أطفال..ليس عليها حرج

تعمل كل مصيبة و التانية..و ما حدش بيحاسبها

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

رابط هذا التعليق
شارك
Alattar عضو جديد

Alattar

بتاريخ:
  • كاتب الموضوع
بتاريخ:

بص يا تيمو

أنا مش هختلف معاك في حتة ان بعض عناصر المجلس العسكري أعطوكوا الضوء الأخضر..

مش هتكلم معاك فيها كتير

لكن..حد يقدر يتوقع رد فعل اسرائيل..وزي ما قلت في بداية الموضوع..اسرائيل دي تقريبا معاها شهادة معاملة أطفال..يعني تعمل كل عملة سودا و التانية..و ما حدش بياخد علي كلامها ولا أفعالها .. لأنها ليس عليها حرج

فيه حد عمل حساب النقطة دي؟؟

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

رابط هذا التعليق
شارك
Howayda Ismail عضو جديد

Howayda Ismail

بتاريخ:
بتاريخ:

انتشر على الفيس فيديو مدى رعب وخوف اسرائيل من المسيرة

بالفيديو.. حاخام: مصر قادرة على محو إسرائيل ويحذر من إنتشار الحكم الإسلامى

بث القائمون على صفحة الانتفاضة الفلسطينية الثالثة مقطع فيديو لحاخام يهودى يحذر فيه من الزحف المليونى العربى يوم الـ 15 مايو المقبل الذى يوافق ذكرى “النكبة”واحتلال إسرائيل للأراضى العربية عام 1948.

الجدير بالذكر أن الجيش الإسرائيلى وأجهزة الدفاع والأمن الإسرائيلية أعلنت حالة التأهب والاستنفار القصوى لمواجهة إحياء الفلسطينيين ذكرى يوم النكبة فى 15 مايو المقبل، فى الوقت الذى هدد فيه نشطاء فلسطينيون على شبكات التواصل الاجتماعى وموقع “الفيس بوك” وصفحة “الانتفاضة الثالثة” التى بلغ عدد أعضائها أكثر من 300 ألف عضو بإشعال انتفاضة ثالثة فى وجه إسرائيل بذكرى يوم النكبة.

http://www.youtube.com/watch?v=vmCKDQgsYsU

شكلها كده مش حتعدى على خير

ربنا يستر ومندفعش احنا التمن زى كل مرة

خواطر swan
رابط هذا التعليق
شارك
rewsha عضو جديد

rewsha

بتاريخ:
بتاريخ:
حركات

انت قابلت محمد الغنام؟

اقصد قعدت معاه يعني

بس اظن الموضوع ده مابيعديش (مش مُعدي يعني)

تسمح لي اقول لك

ارجع لعقلك يا باش مهندس

ده بدل ما تحاول تقنع اللي هايروحوا انهم يتراجعوا ,عمال تقاوح معانا هنا وتقنعنا ان ده الصح

ربنا يستر

407086_10150519470631088_583296087_9114843_428326208_n.jpg
رابط هذا التعليق
شارك
rewsha عضو جديد

rewsha

بتاريخ:
بتاريخ:
انتشر على الفيس فيديو مدى رعب وخوف اسرائيل من المسيرة

بالفيديو.. حاخام: مصر قادرة على محو إسرائيل ويحذر من إنتشار الحكم الإسلامى

وليه مايكونش الفيديو ده انتشر علشان يسخن المصريين اكتر ؟

مهو كل اللي هايسمع ان اسرائيل بتعد العده وانها خايفه

يقوم هوه تاخده الجلاله ويطلع مع اللي رايحين

407086_10150519470631088_583296087_9114843_428326208_n.jpg
رابط هذا التعليق
شارك
rewsha عضو جديد

rewsha

بتاريخ:
بتاريخ:

ان شاء الله ماحدش من شباب مصر الواعى هيخرج

واللى هيخرج اخرهم السويس او العريش باذن الله . لان الجيش لن يسمح بهذه المهذلة .

يارب ...هوه ده املنا الوحيد

407086_10150519470631088_583296087_9114843_428326208_n.jpg
رابط هذا التعليق
شارك
amgadibrahim عضو جديد

amgadibrahim

بتاريخ:
بتاريخ: (معدل)

موضوع رعب اسرائيل مننا ده يا ريت محدش ياخد بيه

واحنا زهقنا من الاسلوب المتكرر ده

ولو ناسيين تذكروا الكلام اللي كان بيتقال عن العراق وقوتها العسكرية وتسليحها وأنها رابع قوة عسكرية في العالم

حتى أصبحنا منتظرين أن تهزم الأمريكان في حرب الخليج الأولى شر هزيمة وتبهدلهم أمام العالم

وكلنا شفنا اللي حصل للقوة العظيمة اللي ماطلعلهاش طيارة واحدة في السما

خلونا واقعيين ولا ننسي إن الاسرائليين يهود وأسلوب الدهاء بتاعهم ده من زماااااااااااان أوي كانوا بيعملوه مع أنبيتهم ومع ربنا سبحانه وتعالى ولا نسيتوا أصحاب السبت

فيا ريت لا ننساق وراء تصريحاتهم ونتنفخ على الفاضي وهم يا عيني الغلابة اللي هيلموا العالم حواليهم ويتعاطف مع دولتهم المسكينة أمام مصر الأسد المفترس الجديد

تم تعديل بواسطة amgadibrahim

لا إله إلا أنت سبحانك إني كنت من الظالمين

رابط هذا التعليق
شارك
rewsha عضو جديد

rewsha

بتاريخ:
بتاريخ:

موضوع رعب اسرائيل مننا ده يا ريت محدش ياخد بيه

واحنا زهقنا من الاسلوب المتكرر ده

ولو ناسيين تذكروا الكلام اللي كان بيتقال عن العراق وقوتها العسكرية وتسليحها وأنها رابع قوة عسكرية في العالم

حتى أصبحنا منتظرين أن تهزم الأمريكان في حرب الخليج الأولى شر هزيمة وتبهدلهم أمام العالم

وكلنا شفنا اللي حصل للقوة العظيمة اللي ماطلعلهاش طيارة واحدة في السما

خلونا واقعيين ولا ننسي إن الاسرائليين يهود وأسلوب الدهاء بتاعهم ده من زماااااااااااان أوي كانوا بيعملوه مع أنبيتهم ومع ربنا سبحانه وتعالى ولا نسيتوا أصحاب السبت

فيا ريت لا ننساق وراء تصريحاتهم ونتنفخ على الفاضي وهم يا عيني الغلابة اللي هيلموا العالم حواليهم ويتعاطف مع دولتهم المسكينة أمام مصر الأسد المفترس الجديد

. bv:-

اعتقد ان التصريحات دي ممكن تكون مقصوده منهم

علشان يسخنونا

وشبابنا يفتكر انه هايعمل اللي ما اتعملش قبل كده (وان اسرائيل خايفه فعلا)

يقوم الشباب يطلعوا على غزه

واسرائيل تاخدها حجه وتضرب فينا

ويبقى هيه اللي حددت الوقت اللي تضرب فيه .وعندها مبرراتها

وخلتنا نعمل اللي هيه عاوزاه ....بمزاجنا

407086_10150519470631088_583296087_9114843_428326208_n.jpg
رابط هذا التعليق
شارك
capitshino عضو جديد

capitshino

بتاريخ:
بتاريخ:

وايه موضوع صلاة فجر مليونية لهز الكيان الصهيونى

ايه علاقة صلاة الفجر بالكيان الصهيونى .. ومش مفروض اننا بنصلى الفجر يوميا بالمسجد ؟

واحد معلق على الخبر وكاتب "يا جماعة اللى بتعملوه ده خراب على مصر"

وواحدة بترد عليه تقوله "صلاة الفجر خراب على مصر ! "

رابط هذا التعليق
شارك
ابوهنا عضو جديد

ابوهنا

بتاريخ:
بتاريخ:

ربنا يوفق الشباب الروش اللى طالع رحلة غزه

ومادام مش مقتنعين بكلام حد مانتسوش كل واحد ياخد المزه بتاعته لان الجو هناك جميل والرحله طويله

وياريت ماتنسوش تاخدوا معاكم كايرات علشان تتصوروا مع المزه

المهم هتولعوها ولودخلنا فى حرب هاستدعى للجيش انا وامثالى وندخل فى حرب يعلم الله متى ستنتهى

وهترجعوا حضراتكم تحاربوا مع المزه من خلال الفيس بوك

خيبة الله على من يحاول دمار البلد من اجل شو اعلامى او مصلحه خاصه

وَإِذَا سَمِعُوا اللَّغْوَ أَعْرَضُوا عَنْهُ وَقَالُوا لَنَا أَعْمَالُنَا وَلَكُمْ أَعْمَالُكُمْ سَلامٌ عَلَيْكُمْ لا نَبْتَغِي الْجَاهِلِينَ

رابط هذا التعليق
شارك
مغتربة عضو جديد

مغتربة

بتاريخ:
بتاريخ:

وايه موضوع صلاة فجر مليونية لهز الكيان الصهيونى

ايه علاقة صلاة الفجر بالكيان الصهيونى .. ومش مفروض اننا بنصلى الفجر يوميا بالمسجد ؟

واحد معلق على الخبر وكاتب "يا جماعة اللى بتعملوه ده خراب على مصر"

وواحدة بترد عليه تقوله "صلاة الفجر خراب على مصر ! "

هقول لحضرتك ايه موضوع صلاه الفجر

الموضوع ان من ضمن الفاعليات المطلوبه انه غدا يكون فى صلاه مليونه فى الفجر فى كل الدول العربيه

لكن لان خط سير العمليه زى ما سبق وضحت مش واضح فكل شخص فاهم من الدعوه دى حاجه غير التانى

مفيش اتنين فى مصر يقدر يقولك الفاعليات زى بعض

بسبب حاله التخبط و الارتجاليه الى سايده على الصفحه بتاعه الدعوه

علشان كدا تلاقى ان الى ردت فاكره ان الموضوع مجرد الدعوه للصلاه بس من غير ما يكون وصلها فكره المعابر و الحاجات دى

و الى معلقه عليه ممكن يكون العكس

الامر ضبابى فتوقع ان كل واحد فاهم حاجه غير التانى

اما فكره الصلاه المليونيه دى خلينى اقولك جت منين

جت من مقوله شائعه معرفش صدقها من كذبها انهم سالوا جولدا مائير فى مره امتى يكونوا المسلمين خطر على اسرائيل قالت لهم لما يكون اعداد الى بيصلوا الفجر فى الجامع زى اعداد الى بيصلوا الجمعه يعنى اعداد غفيره

EjGPv-c584_381280136.jpg

ما اجمل الانوثه عندما تمتطى صهوه الحياه

رابط هذا التعليق
شارك
شرف الدين عضو جديد

شرف الدين

بتاريخ:
بتاريخ:

هى دى فتنة ولا ايه بالظبط ؟

وفى الحالات دى مفروض الواحد يعمل ايه

والله يا كابوتشينو ... في الحالات اللي زي دي ... الأفضل أن تريح مخك .. وتقعد كده في البيت تتفرج وتديها واحد كابوتشينو ... ونشوف ايه اللي هيحصل

ما الثورة إلا مسرح كبير

بس انت عارف يا كابتو

والله العظيم أنا من لو قيادة الجيش اشجع الشباب دول انهم يطلعوا ... وانهم كده يكونوا 2 أو 3 مليون ...

وأول ما يعدوا القناة ... محدش منهم يرجع تاني أبدا ... واللي يرجع ينضرب بالنار

مش احنا عايزين نعمر مصر ... ادامكم سينا اهي عمروها ... وزي ما قعدتوا في التحرير تحت البرد عشان تغيروا النظام .. اقعدوا في سينا كمان ... عشان تعمروها

ومتخافوش هنيجب لكم خيم وبطاطين على حسابنا ... وكل واحد يمسك فاس ومقطف ويبدؤوا استصلاح.

ده هيكون أفضل عقاب ليهم ... وأفضل استفادة من حماسهم

اللهم احفظ مصر من الفتن؛ ما ظهر منها وما بطن

اللهم احفظ مصر من الفتن؛ ما ظهر منها وما بطن

رابط هذا التعليق
شارك
شرف الدين عضو جديد

شرف الدين

بتاريخ:
بتاريخ:

اللهم احفظ مصر من الفتن؛ ما ظهر منها وما بطن

اللهم احفظ مصر من الفتن؛ ما ظهر منها وما بطن

رابط هذا التعليق
شارك
عبير يونس عضو مبتدئ

عبير يونس

بتاريخ:
بتاريخ:

هى دى فتنة ولا ايه بالظبط ؟

وفى الحالات دى مفروض الواحد يعمل ايه

هو في غير اللجوء إلى المولى عز وجل يا أخي الفاضل

اللهم أنت تقدر و لا نقدر

و أنت تعلم و لا نعلم و أنت علام الغيوب

اللهم كن عيننا التي نرى بها

و آذاننا التي نسمع بها

و يدنا التي نبطش بها

اللهم كن لنا و لا تكن علينا

اللهم نعوذ بك من الفتن ما ظهر منها و ما بطن

اللهم إن أردت بنا فتنة فردنا إليك غير مفتونين

اللهم اصرف عنا السوء

اللهم اصرف عنا السوء

اللهم اصرف عنا السوء

بحولك و قوتك يارب العالمين

آمين

أعد شحن طاقتك

حدد وجهتك

و اطلق قواك

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...