خبر محزن (مصر تطلب رسمياً قروضاً من صندوق النقد الدولى بقيمة 12 مليار دولار)

[مغتربة]

ربنا يرحم مصر

و يبعد عنها اى حد عايز يضرها سواء بقصد او بغشوميه

تسمحيلي اقول ,,

ملكيون اكثر من الملك !

الملك الوحيد الذى نعلمه فى هذه الحاله مصر

و هى تستحق ان نكون من اجلها ملكيين اكثر من الملك

[مغتربة]

ولكن انا فى الحقيقة مندهش من الاخت مغتربة التى صبت جم غضبها على بعض الشباب المتحمس الذى ينظم مظاهرات أو مسيرات وتلقى عليهم سبب طلب مصر لقرض من صندوق النقد الدولى واقول للأخت مغتربة معلومة ممكن أن تكون غائبة عنها: ان حكومة الثورة استلمت مصر وحجم الدين الخارجى 80 مليار دولا فكيف تتكلمى كما لو كان موضوع الاقتراض هذا شىء جديد !!؟ , اذن لا تصبى جم غضبك على شباب الثورة واوزنى الامور بمنطقية .

طيب و مش ضمن وزن الامور بمنطقيه برضه انك تقولى فين انا صبيت جام غضبى على شباب الثوره او جبت سيرتهم اساسا ؟؟؟؟؟؟؟

اوك أخت مغتربة انا أسحب الجزء الاخير من التعليق ووالذى قلت فيه ((اذن لا تصبى جم غضبك على شباب الثورة )) عندك حق , كنت اقصد شباب الاعتصامات الحالية وليس شباب الثورة بشكل عام .

ولكن انا اختلف معكى فى تحميل الوضع الحالى سبب الاقتراض , واعتقد انى وضحت فى تعليقى السابق ما يؤكد صدق كلامى , وشكرا

كدا احنا نعرف نتقابل فى وسط الطريق

طيب خلينا نعيد كلام حضرتك و نشوف ايه الاختلاف فيه عن الى انا اقولته

حضرتك قولت

ألسلام عليكم ورحمة الله وبركاته :

لا نلوم الحكومة على طلب قرض من صندوق النقد الدولى , حيث أنه بسبب الاضرابات الامنية تأثرت السياحة بقوى وهى احد موارد النقد الاجنبى , كما قل تدفق الاستثمارات الدولية بالاضافة الى تاثر عملية تحصيل الضرائب خلال الفترة الماضية بالاضافة الى المطالب الفئوية التى ميزت الفترة الماضية تسببت فى انخفاض انتاجية العديد من المصانع .

كل هذه العوامل السابقة أوجدت عجزا فى الميزانية المصرية بما يوازى 10 مليار دولار لذا لم يكن امام الحكومة حلا سوى الاقتراض لسد العجز وكما قلت لا نلومها فى ذلك .

ولكن انا فى الحقيقة مندهش من الاخت مغتربة التى صبت جم غضبها على بعض الشباب المتحمس الذى ينظم مظاهرات أو مسيرات وتلقى عليهم سبب طلب مصر لقرض من صندوق النقد الدولى واقول للأخت مغتربة معلومة ممكن أن تكون غائبة عنها: ان حكومة الثورة استلمت مصر وحجم الدين الخارجى 80 مليار دولا فكيف تتكلمى كما لو كان موضوع الاقتراض هذا شىء جديد !!؟ , اذن لا تصبى جم غضبك على شباب الثورة واوزنى الامور بمنطقية .

وفق الله مصر لما فيه الخير وفتح عليها أبواب رحمته .

جميل جدا اذن حضرتك شايف ان توقف السياحه و الاستثمارات و المطالب الفئويه هى الى ادت الى هذا العجز الذى اجبر الحكومه على طلب الاقتراض

طيب ايه الى ادى الى تراجع السياحه

الثوره استمرت 18 يوم بس لكن ادينا بقلينا 100 يوم من بعد الثوره

ليه السياحه مرجعتش اكيد علشان الوضع الامنى فى البلد لسه ما استقرش

و ايه الى خلى الوضع لسه مش مستقر

الفتنه الطائفيه الى احنا فيها تعتقد انها ممكن تشجع مين على زياره مصر

استمرار المظاهرات الفئويه الى كل شويه شله قطاع من قطاعات مصر الاقتصاديه ازاى تشجع حد على اقامه استثمارات

اوضاع البلد الغير مستقره سواء سياسيا او اقتصاديا نتيجه جر مصر لمشاكل داخليه لا حصر لها تفتكر ممكن تشجع حد انه يجازف بامواله فى بورصتنا مثلا

الاسباب الى حضرتك ذكرتها اتفق معك فيها مائه بالمائه لكن هى نتيجه

نتيجه لمن لا يريدون ان يتركوا البلد ان تلتقط انفاسها و لو لشهر واحد

كله دلوقتى للاسف فاكر مصر الحصان الى كسبه فى الثوره و عمال يضربه ميت كرباج علشان يوصله هو و مش مهم الباقين

ارجو ان تكون وجهه نظرى وضحت

تحياتى

[Falcon Crest]

معلش اسمحوا لي بشويه ملاحظات من الحياه اليوميه انا بحكم عملي في مشروعات البترول في المياه العميقه بقايل أجانب كتير اوي خلال الاسبوعين الي فاته اكتر من 30 فرد غيرو اجازتهم من شرم للكاريبي مع ان شرم بتكلف الزوج و الزوجه منهم 2000 دولار و الكاربي 10000 و مع ذلك لغو شرم

الحاحه التانيه : انا كنت في شرم من 16 ابريل الي 23 ابريل الاخ الي بيسوق بيه هناك بيقسم انه ممكن اليوم كامل مش يعمل فيه 100 جنيه

الحاله الثالثه : مكتب مصر للطيران في شرم اولا المكتب خاوي علي عروشه سألت الموظف هناك ايه الاخبار بعد 25 يناير قال الاتي

حساءير الشركه حتي لحظه كلامنا مليار جنيه مصري - الرحلات الداخليه شغاله الدولي مش سغال خالص تقدر نقول اقل من 30%

الحاله الرابعه كلامي مع الاهل في مصر الملخص الاسعار في تصاعد غريب

كلمه بقه لاخوانا القوميين الي بيفقعو مرارتي زي سالف الذكر جمال عبد الناصر لما قال قبل النكسه و المذله نحن ننتطر المعركه علي احر من الجمر و كانت النتيجه اننا أخدنا الجمر فقط و الي الان

نفسي نهتم ببناء الانسان الاول

المانيا اتهزمت في الحرب الثانيه و قامت لان كان فيه انسان الماني مبني صح

اليابان ادمرت في نفس الحرب و و هما في سابع سما و احنا الحمد لله في سابع ارض

فنلندا مش عندها اي ثروات بس عندها انسان

كان نفسي تكون اول حاجه نفكر فيها هو بناء الانسان المصري

و بعدين نبقي نحرر فلسطين

[ذهبية]

يا مغتربة كل اللى بيحصل دة طبيعى جداا

طبعا ورث ضخم جدااا الاقصاد فى عهد مبارك اصلا مسروق و كان بيشيل و يسرق من هنا و يسرق و يحط من هنا يعنى اصلا الاقتصاد كان بايز يايز و قدامة سنين علشان يتحسن

اللى المفروض نتكلم فية احنا ازاى نحط ايدنا فى ايد بعض و نرجع الى ضاع مننا

واللى هيساعدنا فى دة الشباب و الاعلام

يعنى الكلام اللى كل يوم فى العلام عن حريقة هنا و فشل هنا و خناقة هنا و سرقة هنا

تفتكروا لما العلام الخراجى يسمع دة هيرتاح يعنى انة يجى مصر

لما الثورة بدات كل زعماء العالم جم مصر و اول ما جم طلبوا كلهم بلا استثناء يتفرجوا على ميدان التحرير اللى كان شاهد على احلى حاجة فى الشعب المصرى الكل كان بيتفرج على الشباب اللى كان بيكنس و يلم الزبالة

اللى كان بيدهن و ينظف مكانة

الكل كان مذهول و سعيد بمصر

طيب و بعدة اية اللى حصل كل دة راح فين

اقولك راح فين

لما الشباب اللى قام بالثورة بجد انحسر دورة و اختفى الى الان معرفش راح فين بدا الطامعين فى الحكم و الاتجاهات و الضرب من تحت الحزام علشان كل واحد يطلع التانى وحش

فين الشباب راح فين

الشباب الى قدر يشيل ظلم محدش كان يصدق ولا فى الاحلام انة هيروح

يقدر يعمل اكتر من كدة بكتير علشان يبنى بلدة و حياتة و مستقبلة

[م تيمور المراغي]

الملك الوحيد الذى نعلمه فى هذه الحاله مصر

و هى تستحق ان نكون من اجلها ملكيين اكثر من الملك

لا يقلون عشقا عنكي ,,

و يعلمون ما يصنعون !

[se_ Elsyed]

الموضوع لا يُقلقني على الاطلاق

ولكن يُقلقني الشوفانية والجهل الذي يتسم به الكثيرون الأن ويحاولوا أن يجروا البلد إلى الهاوية

ما علينا

إذن لم تقترض مصر الان أيها السادة .. فما البديل ؟

هل البديل ان نصل بالإحتياطي النقدي إلى الصفر وتُعلن البلد إفلاسها ؟

أم البديل ان نعتمد على جذب إستثمارات خارجية وإعادة عجلة الانتاج و و و .. وكلها امور طويلة الاجل ولن تؤتي ثمارها الان ؟

وبالتالي لا خوف على الإطلاق من الإقتراض على شرط أن نعمل ونعمل ونعمل بجد وننطلق للأمام ولا نسمح لاحد ان يجذبنا إلى الخلف

بإذن الله كل التقارير تؤكد غن مع توفر جو حرية وعدالة ومساواة وديمقراطية في مصر .. فمن الممكن أن نكون دولة قوية إقتصادياً وسياسياً خلال 5 سنوات

لكن يجب ان نردد ليل نهار هذه المقولة

اللهم اكفني شر أصدقائي ..

أما اعدائي .. فأنا كفيل بهم

[م تيمور المراغي]

......

كان نفسي تكون اول حاجه نفكر فيها هو بناء الانسان المصري

و بعدين نبقي نحرر فلسطين

سبق وقلت ان الشباب بيتحرك على كل المسارات ,,

وارفقت هنا الروابط اللي بتعرض انجازاتهم على كل الاصعدة توعية سياسية ومشاريع تنموية ومحو امية والتصدي للفتنة الطائفية وتنظيف الشوارع وانشاء لجان شعبية لحماية الكنائس يعني مجموعات عديدة ولا مركزية في التحرك وصنع القرار

استاذ فالكون انتوا ليه متخيلين ان شعب مصر كله حيروح يعتصم على الحدود !

يعني لو مليون راحوا فرضا بقيت الى 84 مليون حتقف في ايدهم ا البلد !

هل ستتوقف الشمس عن دورانها وتغلق مصانع الغزل ابوابها و تذبل اوراق الياسمين !

ماكل عامل في مصنعه و فلاح في حقله و طالب علم في كليته وكل له دور يقوم بيه مش ده المنطق بردوا !

دول نشطاء حقوقيين اصحاب رسالة عروبية قومية على الاقل نقدر تضحياتهم مش نكسر عمال على بطال مجاديفهم !!

سايبين المخلوع الله يخرب بيته بيستموت في المستشفى ومافيش وراكم غير شباب الثورة خلاص هو اللي خربلكم البلد !!

هو سبب الافلاس والديون و حال البلد الواقف !

دي اخرتهم معاكم يعني وده رد الجميل منكم ,,!

[ozoozo]

سؤالي بقي هل الاقتراض بسبب الثوره

هل لو كان النظام مازال قائما كيف كان سيغطي مصاريف البلد ؟

ولا كانو بيستلفوا من غير مانعرف

تم تعديل 12 مايو 2011 بواسطة ozoozo

[شرف الدين]

سؤالي بقي هل الاقتراض بسبب الثوره

هل لو كان النظام مازال قائما كيف كان سيغطي مصاريف البلد ؟

ولا كانو بيستلفوا من غير مانعرف

نعم عزيزي الاقتراض بسبب الثورة وبسبب وقف الحال اللي شغال من بعد الثورة لحد دلوقت

وزير المالية قالك ان خسائر الإضرابات من بعد 25 يناير وصلت 7 مليار جنيه

[se_ Elsyed]

أيها السادة

حد يشاور لي في التاريخ كله على ثورة قامت ونجحت بدون ثمن

وده كان تحذيرنا من زمان

كان الكل بيسأل نفسه : هو إمتى هانتحرر بقى اووووووووف ؟

وكانت الإجابة بسيطة جداً : سنتحرر عندما يكون لدينا إستعداد ان ندفع الثمن .. كلنا لازم ندفع .. ثمن بقى دم .. فلوس .. خساير ... إلخ

وده وضع طبيعي في ثورة لإقتلاع ... السرطان ...

إنتوا متخيلين الوضع ؟

يا جماعة ربنا يعافينا .. السرطان لو حدث وإتعالج .. فهل بتلاقي المريض رجع زي الفل بدون خساير صحية ؟

ما بالك لما يكون المرض ده بقى له أكثر من 60 عاماً ؟

وهل نسينا إن النظام الفاسد ترك لنا ديوناً خارجية وداخلية وقدرها تريليون ومائة مليار جنية ؟

إيه .. تفتكروا الديون دي مش بيُدفع لها ما يُسمى " خدمة دين " ؟

وهل تفتكر إن الـ 38 مليار دولار اللي تُمثل الدين الداخلي مش بيُدفع لها فوائد ولازم بإنتظام وإلا أي تأخير بيبهدل إقتصادنا وبيؤثر على درجة التصنيف الإئتماني لنا اللي بتأثر على حجم المعدل او التامين على الديون اللي بتأثر على سُمعتنا الإئتمانية كلها وما تخليش حد يسلفك

اما الدين الخارجي ... تفتكر البنوك او التأمينات .. أو الشركات اللي لها فلوس عند الحكومة هاتفضل تستحملك وإنت مش بتسدد الديون اللي عليك ؟

ما بالنا بعد ده كله لما يكون مافيش دل كمان وفي وقف حال ؟

يعني موت وخراب ديار

كان في قرار حكومي من 3 سنين كده تقريباً على ما أتذكر ... بيقول إيه " ممنوع أي وزارة تقترض من الخارج إلا بالرجوع إلى مجلس الوزراء للموافقة "

يا نهار مش فايت .. يعني كل وزارة كانت بتستلف وتورطنا من غير ما نعرف

وخلوا بالكم .. إن الظلمة اللي بإذن الله نتمنى إنهم ما يوردوش على جنة ..ما خلوش حيلتنا حاجه .. وباعوا كل حاجه ...

فأصبحت مواردنا الحالية محدودة ... يكفي شركات الأسمنت والحديد اللي إتباعت بتراب الفلوس .. ليه يا عم محمود محي الدين ؟

قال لك عشان ندبر حوالي 20 مليار جنية نسدد به جزء بسيط من الدين الداخلي

تخيلوا ؟

[Falcon Crest]

......

كان نفسي تكون اول حاجه نفكر فيها هو بناء الانسان المصري

و بعدين نبقي نحرر فلسطين

مهندس تيمور غالبا انا مش بحب اشارك كتير يدوبك الوقت الي عندي للقراءه فقط لا غير بس احساسي انك اضايقت من المشاركه خلاني أرد

سبق وقلت ان الشباب بيتحرك على كل المسارات ,,

وارفقت هنا الروابط اللي بتعرض انجازاتهم على كل الاصعدة توعية سياسية ومشاريع تنموية ومحو امية والتصدي للفتنة الطائفية وتنظيف الشوارع وانشاء لجان شعبية لحماية الكنائس يعني مجموعات عديدة ولا مركزية في التحرك وصنع القرار

استاذ فالكون انتوا ليه متخيلين ان شعب مصر كله حيروح يعتصم على الحدود

أولا الكلام يمثل تفكيري انا فقط لا غير

يعني لو مليون راحوا فرضا بقيت الى 84 مليون حتقف في ايدهم ا البلد !

هل ستتوقف الشمس عن دورانها وتغلق مصانع الغزل ابوابها و تذبل اوراق الياسمين !

من غير تريقه يا مهندس تيمور البلد فعلا واقفه سواء المليون راحو او 85 كلهم مش فارقه في حال البلد حضرتك قاعد في جده لكن انا بشتغل 5 اسابيع و برجع مصر 4 اسابيع فانا شايف الوضع و الي بقولو ده من الناس العمال الي بقابلهم و بعدين عايز اقولك حاجه البلد واقفه من 1952 بالعكس كان مقدر من اربيعنات القرن الماضي ان مصر و اليابان يكونو دول عظمي هما بقو و احنا اصبحنا دوله متخلفه هما عندهم انسان مبني صح و احنا عندنا انهيار ثم انهيار في يناء الانسان

ماكل عامل في مصنعه و فلاح في حقله و طالب علم في كليته وكل له دور يقوم بيه مش ده المنطق بردوا

الي بتقولو ده مستحيل يحصل في مصر ( في الفتره الحاليه) ليه لان الناس عندنا مش اتربت علي الاهداف دي ان كل واحد يخدم البلد في موقعه عندنا كل الناس عارفه الي ليها و برده كل الناس متعرفش اي حاجه عن واجبتهم

دول نشطاء حقوقيين اصحاب رسالة عروبية قومية على الاقل نقدر تضحياتهم مش نكسر عمال على بطال مجاديفهم

يا ريت بس يا مهندس بلاش الكلام الكبير ده الي بسببه اتورطنا في حرب اليمن و تجارب وحده فاشله وارسال 100 ألف من الاحتياط عام 1967 بالجلايب الي سيناء و انتي عارف الباقي يا مهندس قبل القوميه و الكلام ده الذي لا يسمن و لا يغني نطور التعليم نرفع مستوي الخريجين علشان يكون ليهم قدره علي المتافسه نقكر يبقي عندنا مراكز تفوق للمبدعين نفكر في البحث العلمي الجاد يكون عندنا جامعه من اهم 500 جامعه في العالم

يا مهندس سنه 1961 العالم كله فوجيء بالسفينه سبتونك-1 في الفضاء كان رد فعل الامريكان انهم رفعوا ميزانيه العلوم و الرياضيات 10 أضعافها و بعدها بأعوام كانت أبولو-1

الخلاصه نتقدم الاول و بعدين نبقي قوميين و لا ايه

انا مش بكسر معنويات اي حد بالعكس أقل واحد من الشباب دول احسن من مليون مره و علي دماغي من فوق بس نبني البلد و الانسان الاول

ايبين المخلوع الله يخرب بيته بيستموت في المستشفى ومافيش وراكم غير شباب الثورة خلاص هو اللي خربلكم البلد !!

هو سبب الافلاس والديون و حال البلد الواقف !

دي اخرتهم معاكم يعني وده رد الجميل منكم

لا تعليق

تم تعديل 12 مايو 2011 بواسطة Falcon Crest

[م تيمور المراغي]

فالكون انا مش قادر افرق بين مداخلاتك ومداخلاتي

مستمتع بالحوار معك يا ريت تفصلهم عن بعض عشان نكمل حوارنا

تقبل التحية ,,

[Falcon Crest]

فالكون انا مش قادر افرق بين مداخلاتك ومداخلاتي

مستمتع بالحوار معك يا ريت تفصلهم عن بعض عشان نكمل حوارنا

تقبل التحية ,,

معلش يا مهندس تيمور حضرتك قرأتها قبل الاديتنج

تخياتي

[م تيمور المراغي]

تاني حقول ان كل فرد في مصر ليه دور محدد بيقوم بيه ,,

عارف الفلوكة اللي في النيل !

لازم الناس اللي قاعدين يتوزعوا بالتساوي على جميع اجزاء المركب ,,

لو راحوا كلهم لمكان واحد حتنقلب بيهم

يعني المدرس والطبيب والعامل والفلاح والمناضل والاعلامي لكل واحد مننا دوره اللي بيؤديه على اكمل وجه

انت ليك دور

وهما ليهم دور ,,

كل انسان يركز بقى في اللي بين ايديه ويؤديه على الوجه الاكمل

قلت كتير اننا لينا اسهامات متنوعة وايجابية في اغلب القضايا المطروحة على الساحة دلوقتي من محو اميه وتوعية سياسية وتنمية اقتصادية ووأد فتنة طائفية وووو

فلو تكرمتم سيبوا كل مجموعة تؤدي الدور اللي عليها

والايام حتثبت لكم ان التصعيد والضغط والاعتصام اللي حنقوم بيه كان في مصلحة مصر مش ضدها ,,

والدليل حيكون سماح الجيش للكوادر والقيادات بعبور سيناء سالمين وآمنين وازيدكم من الشعر بيت انه حيحميهم كمان من اي خطر محتمل ,,

رسالتنا غاية في النبل و الاخلاص ,,

بالله لو مش حتدعمونا

لاتهاجمونا !

[Nileman]

شيء طبيعي نتيجة عدم الاستقرار في كافة القطاعات في مصر

[مغتربة]

توضيح صغير بس لكل من اعتقد ان انا بحمل الثوره مسئوليه هذا الاقتراض

انا لما فتحت الموضوع كان علشان اقول العكس انا مقصدش اقول ان الثوره السبب فى هذا الاقتراض لكن بالعكس عدم استمرار روح الثوره هو السبب

فى الثوره الروح الى كانت سايده هى حب مصر و الخوف على مصلحتها و الاجتماع على كده لكن بعد الثوره ظهرت مطالب فئويه و مطالب فرديه مش وقتها هى السبب فى تعطل حركه الانتاج لاكتر من 100 يوم بعد الثوره

ضريبه الثوره الكل بيدفعها بدون اى غضاضه لانه معلوم انه لا تحرير بدون ثمن

لكن ال 12 مليار دول مش هما ضريبه الثوره

اكثرهم ضريبه عدم الحفاظ على روح الثوره

و اعتقد ان الفرق شاسع بين الاثنين

تحياتى

[أسد]

بدون العمل

سنشحت

وإذا شحتنا ...

مفيش حاجة إسمها حرية ولا حاجة من دي خالص

الشعارات وإن كان بعضها رائع المعاني

إلا أن حقيقة الأمور غير ذلك

[ابراهيم عبد العزيز]

سؤالي بقي هل الاقتراض بسبب الثوره

هل لو كان النظام مازال قائما كيف كان سيغطي مصاريف البلد ؟

ولا كانو بيستلفوا من غير مانعرف

نعم عزيزي الاقتراض بسبب الثورة وبسبب وقف الحال اللي شغال من بعد الثورة لحد دلوقت

وزير المالية قالك ان خسائر الإضرابات من بعد 25 يناير وصلت 7 مليار جنيه

استاذ شرف تحياتى لك :

كيف تقول أن الاقتراض بسبب الثورة !!!؟

يا اخى اعيد وأكرر : حكومة الثورة استلمت مصر وحجم دينها الخارجى 80 مليار دولار , فكيف تحكم ؟؟؟

[ابراهيم عبد العزيز]

وزير المالية المصرى دكتور سمير رضوان نفى رسميا أن مصر طلبت 12 مليار دولار كقرض من صندوق النقد الدولى , واكيد ان مصر لم تطلب أكثر من 4 مليار دولار وأنه سيتم تدبير باقى عجز الموازنة من الموارد الذاتية .

[herohero]

انا في مصر وشايف الوضع بصراحه هي كانت خربانة قبل كده طبعا وللاسف نتيجه الاعتصامات الفئوية زاد الخراب

ولما تنزلوا مصر هتشوفوا محطات البنزين اللي عليها زحمة عشان ازمة السولار وهي كانت قبل كده برده وهتشوفوا ازمة انابيب البوتوجاز وهي كانت من قبل وهتشوفوا ان حليب المراعي ابو 4 ريال بيتباع هنا ب 6.5 جنيه وده السعر العادي والزبادي كمان وكل السلع والمبرر غياب الانتاج والعمال والامن فطبعا لازم نقترض الكل عاوز مرتباته تزيد والكل عاوز يتعين ف الحكومة ويتثبت والكل عاوز يعين احفاد الاحفاد والكل مش عاوز يشتغل طب يبقى الطبيعي ان ربنا يسهل ورمضان نوصله من غير مانفلس او ان البنك يسلفنا بسرعه

ودول الخيلج مش هتقدم شيئ لان بكل بساطة احنا دخلنا غلط وقولنا ايران ومش عارف ايه وبالنسبة للاستثمار الخليجي فطفشناه وعندكم داماك واعمار وغيره فيعني الحكاية ماشية بالزق

عشان كل ده والخييييييييييييييييير الكتير احنا حققنا كل شيئ والناس اهو عاملين مسيرة الزحف حتى انا سمعت ان النهارده الجمعه فيه 8 مليونيات هتتعمل ف ميدان التحرير يعني من وجهة نظري انزلوا وشوفواالاقتصاد المصري بجد وانا معايا صحابي لا فيه عمولات وبيتقال لهم احمدوا ربنا انكم بتلاقوا مرتبات

فالخبر مفرح واتمنى الناس تفهم وتفوق