اذهب إلى المحتوى
محاورات المصريين

متابعة فعاليات جمعة النفير \ سبت الزئير \ احد التحرير ,,

م تيمور المراغي
 مشاركة

Recommended Posts

hOuSsAm عضو جديد

hOuSsAm

بتاريخ:
بتاريخ:

حكاوى القهاوى

الهدف منها اثارة الشعب على الجيش

والله يا كابتشينو لو الجيش بيتصرف بالطريقة اللى فوق دى

احنا مش هنثور عليه وهنبقى مبسوطين منه اوى

طالما بيعدل سلوك الاطفال ومن يريدوا ببلادنا الدمار والهلاك

--------------

الشعب واعى جدا وفاهم هو بيعمل ايه وقصة فلسطين والمعونات كل الناس هارشة القصة ومقاطعاها

واللى انتهجوا مهنة الثورجية مع اعتقالات الجيش وتوجيهم هيهدوا وهيقعلوا ويرجعوا لصوابهم تانى

طول ما املى معايا معايا وفى ايدي سلاح

حافضل اجاهد وامشى وامشى من كفاح لكفاح

طول ما ايدي فى ايدك اقوم واقف واهتف واقول

حيّ حيّ على الفلاح

داري يا داري انا احميك بايمـــــانى

طول ماذراعى معايا ابني واعلي بنياني

حافضل عايش فيها بجهدي واملى ابنيها

انا روحى فداها وفدا اهلى واوطـــــاني

زاحف يا شعبي تمحي الماضي رياحك

عهــدك جوا ف قلبي والبطولة جراحك

أيامنـــــا اللي جاية وارادتنا القويـــــة

تنصرنا يا وطني ويملا الدنيا صباحك

نمشي ونمشي والعزة تعيــــــش ويانا

لأ احنا منرجعش ولاتتراجع فى خطانا

تهتف اراضينا لنا والنصر ينــــادينا

يلا بينا يلا وربــنا معانا

رابط هذا التعليق
شارك
  • الردود 145
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

المشاركات الأكثر تفاعلاً

Alshiekh
Alshiekh

عدد الفلسطينيين داخل اسرائيل....: حوالي 1.5 مليون نسمة عدد الفلسطينيين في الضفة الغربية: حوالي 2.5 مليون نسمة عدد الفلسطينيين في غــــــــــزة: حوالي 1.5 مليون نسمة عدد الفلسطينيين في الأردن....

hOuSsAm
hOuSsAm

تيمور عايز اسالك سؤال جانبى مش فى الموضوع وترد عليا اجابة مباشرة والسؤال مفهوش سوء نية يعنى هو فى الجروب عندك فيه كام واحد فلسطينى (ادينى اعداد تقريبية) قولى بقى فيه كام فلسطين سواء اورجنال او متجنس

عنبو
عنبو

ياعم الوف ايه بس يا تيمور دول كلهم 2300 منهم الفين اساسا مشتركين معانا فى المنتدى وعاوزين يهاجروا كمان مش عاوزين ندى الموضوع اكتر من حجمه وبعدين انا من الصبح بسأل سؤال بقول كام واحد لبى الدعوه بتع

Simba عضو جديد

Simba

بتاريخ:
بتاريخ:

الاخوان : لن نشارك في الزحف الي فلسطين منعا لاحراج السلطات

ائتلاف شباب الثورة : استبدال الزحف الي وقفة رمزية امام السفارة الاسرائيلية

عملوا خير الاتنين :)

كلام حسام

follow me

رابط هذا التعليق
شارك
ابوهنا عضو جديد

ابوهنا

بتاريخ:
بتاريخ: (معدل)

يا نهار اسود ومنيل

تم تعديل بواسطة ابوهنا

وَإِذَا سَمِعُوا اللَّغْوَ أَعْرَضُوا عَنْهُ وَقَالُوا لَنَا أَعْمَالُنَا وَلَكُمْ أَعْمَالُكُمْ سَلامٌ عَلَيْكُمْ لا نَبْتَغِي الْجَاهِلِينَ

رابط هذا التعليق
شارك
ابوهنا عضو جديد

ابوهنا

بتاريخ:
بتاريخ: (معدل)

قافلة اغاثة للشعب الفلسطينى باسم طلاب جامعة الاسكندرية

gazzaa3_m.jpg

أكد أسامة رمضان – المتحدث باسم طلاب الإخوان المسلمين بجامعة الإسكندرية – أن حملة طلاب جامعة الإسكندرية نجحت في جمع تبرعات إغاثية للشعب الفلسطيني في غزة والتى من المقرر أن تنطلق في قافلة إغاثية بالتنسيق مع نقابة الأطباء بالإسكندرية فجر اليوم الجمعة .

مشيراً إلى أن القافلة ستكون قاصرة على ممثلين لنقابة الأطباء ولن يشارك فيه الطلاب للحفاظ على الأوضاع الداخلية في مصر خاصة بعد تأكيد قيادات حركة حماس على أن الزحف ليس هو الوسيلة الأمثل لدعم القضية الفلسطينية فى الوقت الراهن وأن واجب الوقت يدعوا إلى توحيد الجهود من أجل الحفاظ على الثورة في مصر والمشاركة في فعاليات مناصرة القضية الفلسطينية التى سيتم تنظيمها فى المحافظات المختلفة

يا نهار اسود ومنيل

كل اللى قرأ القران فى باب الذكاة او الصدقات اول حاجه بتيجى اولى القربى

حملة اغاثة الى غره....حسبى الله ونعم الوكيل

اذا كان عدد سكان غزه خمسه مليون والله هناك فى مصر اكثر من 10 مليون اكثر فقرا من اهل غزه

اييييييييه فوقوا

بس يمكن الساده الاخوان المسلمون فى مصر معتبرين ان اهل حماس غزه اللى هم اخوان زيهم اكثر قربه من مسلمى مصر

حسبى الله ونعم الوكيل

تم تعديل بواسطة ابوهنا

وَإِذَا سَمِعُوا اللَّغْوَ أَعْرَضُوا عَنْهُ وَقَالُوا لَنَا أَعْمَالُنَا وَلَكُمْ أَعْمَالُكُمْ سَلامٌ عَلَيْكُمْ لا نَبْتَغِي الْجَاهِلِينَ

رابط هذا التعليق
شارك
Alshiekh عضو جديد

Alshiekh

بتاريخ:
بتاريخ:

عدد الفلسطينيين داخل اسرائيل....: حوالي 1.5 مليون نسمة

عدد الفلسطينيين في الضفة الغربية: حوالي 2.5 مليون نسمة

عدد الفلسطينيين في غــــــــــزة: حوالي 1.5 مليون نسمة

عدد الفلسطينيين في الأردن........: حوالي 2.5 مليون نسمة

عدد الفلسطينيين في سوريــــــــا: حوالي 0.5 مليون نسمة

عدد الفلسطينيين في الضفة لبنــان: حوالي 0.5 مليون نسمة

عدد الفلسطينيين في السعوديـــــة: حوالي 300 الف نسمــة

عدد الفلسطينيين في أمريكـــــــا: حوالي 270 الف نسمــة

عدد الفلسطينيين في الخليـــــــج: حوالي 150الف نسمـــة

عدد الفلسطينيين في العراق وليبيا: حوالي 80 الف نسمـــة

عدد الفلسطينيين في مصــــــــــر: حوالي 55 الف نسمـــة

عدد الفلسطينيين في دول اوروبـــا: حوالي 300 الف نسمــة

بينما اكتب هذه المداخلة فانا استمع لقناة الجزيرة والتي تتحدث عن تقرير عن خسائر مصر فى كل القطاعات ، وان العجز قد بلغ اكثر من 100 مليار جنيه منذ شهر يناير الماضي ، بينما المصريين منشغلين بتحرير عبير وكاميليا وفلسطين.

سؤال برئ،

ياترى هل هناك متابعة لفعاليات الفلسطينيين الموجودين خارج مصر والذين يعيشون خارج الأراضي المحتلة والذين تبلغ نسبتهم اكثر من 65% من السكان الفلسطينيين ومنهم المليارديرات سواء بدول الخليج او اوروبا او امريكا؟ أم أن الشعب المصري هو وحده من سيحرر فلسطين للفلسطينيين؟

--

{وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11)

new-egypt.gif

ذو العقل يشقى في النعيم بعقله *** وأخو الجهالة في الشقاوة ينعم
***************
مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)
***************
A nation that keeps one eye on the past is wise!A
A nation that keeps two eyes on the past is blind!A
***************
رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة
***************
رابط القرآن كاملا ترتيل وتجويد برابط ثابت مع رابط للقراءة
***************
رابط سلسلة كتب عالم المعرفة

رابط هذا التعليق
شارك
hOuSsAm عضو جديد

hOuSsAm

بتاريخ:
بتاريخ:

عدد الفلسطينيين داخل اسرائيل....: حوالي 1.5 مليون نسمة

عدد الفلسطينيين في الضفة الغربية: حوالي 2.5 مليون نسمة

عدد الفلسطينيين في غــــــــــزة: حوالي 1.5 مليون نسمة

عدد الفلسطينيين في الأردن........: حوالي 2.5 مليون نسمة

عدد الفلسطينيين في سوريــــــــا: حوالي 0.5 مليون نسمة

عدد الفلسطينيين في الضفة لبنــان: حوالي 0.5 مليون نسمة

عدد الفلسطينيين في السعوديـــــة: حوالي 300 الف نسمــة

عدد الفلسطينيين في أمريكـــــــا: حوالي 270 الف نسمــة

عدد الفلسطينيين في الخليـــــــج: حوالي 150الف نسمـــة

عدد الفلسطينيين في العراق وليبيا: حوالي 80 الف نسمـــة

عدد الفلسطينيين في مصــــــــــر: حوالي 55 الف نسمـــة

عدد الفلسطينيين في دول اوروبـــا: حوالي 300 الف نسمــة

بينما اكتب هذه المداخلة فانا استمع لقناة الجزيرة والتي تتحدث عن تقرير عن خسائر مصر فى كل القطاعات ، وان العجز قد بلغ اكثر من 100 مليار جنيه منذ شهر يناير الماضي ، بينما المصريين منشغلين بتحرير عبير وكاميليا وفلسطين.

سؤال برئ،

ياترى هل هناك متابعة لفعاليات الفلسطينيين الموجودين خارج مصر والذين يعيشون خارج الأراضي المحتلة والذين تبلغ نسبتهم اكثر من 65% من السكان الفلسطينيين ومنهم المليارديرات سواء بدول الخليج او اوروبا او امريكا؟ أم أن الشعب المصري هو وحده من سيحرر فلسطين للفلسطينيين؟

يا استاذ محمد الفلسطينين اللى عايشين خارج فلسطين ولا الموضوع فى دماغهم

ولا بيفكروا فى فلسطين ولا اخوانهم من اصله

مع انهم ماديا ودخلا اعلى مننا كمصريين بكتير

وانا واثق انهم يقدروا (بتكلم عالفلسطينين المغتربين) يعملوا دولة بالفلوس اللى معاهم

بس مش فى دماغهم

---------------------

يالا بقى يسخنوا فى المصريين والطلبة يقطعوا من لحمهم ويودوا غزة

يبقى جارك مش لاقى ياكل وتروح تودى غزة اللى الله اعلم هى بتوصل ولا لاء وهل هما محتاجينها ولا لاء

والله بقيت احس ان التبرعات دى بتتلم فى الاخر وبتروح جيب شخص ما وهو عمل ثروات عالاساس ده

شكرا يا تيمور و6 ابريل عللى مساعدة الاخرين على قفا المصريين

نحرم نفسا من العشا عشان يستعشوا

ونحرم نفسنا من الغطا عشان يستغطوا

ونحرم نفسنا من الادوية عشان نداويهم

ونموت احنا وهما يعيشوا

وتحيا الوحدة العربية اللى مرجعانا لورا

طول ما املى معايا معايا وفى ايدي سلاح

حافضل اجاهد وامشى وامشى من كفاح لكفاح

طول ما ايدي فى ايدك اقوم واقف واهتف واقول

حيّ حيّ على الفلاح

داري يا داري انا احميك بايمـــــانى

طول ماذراعى معايا ابني واعلي بنياني

حافضل عايش فيها بجهدي واملى ابنيها

انا روحى فداها وفدا اهلى واوطـــــاني

زاحف يا شعبي تمحي الماضي رياحك

عهــدك جوا ف قلبي والبطولة جراحك

أيامنـــــا اللي جاية وارادتنا القويـــــة

تنصرنا يا وطني ويملا الدنيا صباحك

نمشي ونمشي والعزة تعيــــــش ويانا

لأ احنا منرجعش ولاتتراجع فى خطانا

تهتف اراضينا لنا والنصر ينــــادينا

يلا بينا يلا وربــنا معانا

رابط هذا التعليق
شارك
أبوعمار عضو جديد

أبوعمار

بتاريخ:
بتاريخ:

والله فعلا حاجة غريبة

يعني تبقى النار والعة في بيتي وأسيبها وأروح أطفي بيت الجيران

ده المثل بيقول اللي يعوزه البيت يحرم ع الجامع

الجـــــــــــــــــــــامع.... مش فلسطين

فلسطين والأقصى وبيت المقدس ... كلهم في قلوبنا

والجرح عميق وبيتفتح كل مانسمع عن اللي بيحصل هناك

بس يا جماعة خلونا نشوف بلدنا الأول لحد ماتهدى وتستقر...

وبعدين نشوف الموضوع ده

على الأقل نبقى ساعتها قدها وماحدش يضحك علينا... يعني نبقى في موضع قوة

يعني انا حاسس ان الناس دلوقتي عايزين يحسوا انهم شجعان وبيستغلوا الانفلات وان ماحدش هايحوشهم

فين العقل؟ الشجاعة فعلا اننا نتصرف التصرف المناسب ... وأحمي بلدي من الكلاب اللي بينهشوا فيها

يعني اللي الموضوع مضايقهم قوي ... كفاية تكون وقفات احتجاجية قدام سفارات اللي مايتسمّوا

وبعدين ان شاء الله هانفوق لهم

يارب ألف بين قلوبنا ... يــــــــــــــارب

du3a.gif
رابط هذا التعليق
شارك
fatfouta عضو جديد

fatfouta

بتاريخ:
بتاريخ:

عدد الفلسطينيين داخل اسرائيل....: حوالي 1.5 مليون نسمة

عدد الفلسطينيين في الضفة الغربية: حوالي 2.5 مليون نسمة

عدد الفلسطينيين في غــــــــــزة: حوالي 1.5 مليون نسمة

عدد الفلسطينيين في الأردن........: حوالي 2.5 مليون نسمة

عدد الفلسطينيين في سوريــــــــا: حوالي 0.5 مليون نسمة

عدد الفلسطينيين في الضفة لبنــان: حوالي 0.5 مليون نسمة

عدد الفلسطينيين في السعوديـــــة: حوالي 300 الف نسمــة

عدد الفلسطينيين في أمريكـــــــا: حوالي 270 الف نسمــة

عدد الفلسطينيين في الخليـــــــج: حوالي 150الف نسمـــة

عدد الفلسطينيين في العراق وليبيا: حوالي 80 الف نسمـــة

عدد الفلسطينيين في مصــــــــــر: حوالي 55 الف نسمـــة

عدد الفلسطينيين في دول اوروبـــا: حوالي 300 الف نسمــة

بينما اكتب هذه المداخلة فانا استمع لقناة الجزيرة والتي تتحدث عن تقرير عن خسائر مصر فى كل القطاعات ، وان العجز قد بلغ اكثر من 100 مليار جنيه منذ شهر يناير الماضي ، بينما المصريين منشغلين بتحرير عبير وكاميليا وفلسطين.

سؤال برئ،

ياترى هل هناك متابعة لفعاليات الفلسطينيين الموجودين خارج مصر والذين يعيشون خارج الأراضي المحتلة والذين تبلغ نسبتهم اكثر من 65% من السكان الفلسطينيين ومنهم المليارديرات سواء بدول الخليج او اوروبا او امريكا؟ أم أن الشعب المصري هو وحده من سيحرر فلسطين للفلسطينيين؟

ارفع القبعة تحية لصاحب المداخلة الرائعة دى

:hi: :hi:

رابط هذا التعليق
شارك
fatfouta عضو جديد

fatfouta

بتاريخ:
بتاريخ:

مدرعات ومصفحات تحيط بمدخل كوبري قناة السويس بعد محاولة فاشلة لاقتحامه

salam.jpg

طوقت مدرعات ومصفحات تابعة لقوات المسلحة جميع مداخل الطرق المؤدية لكوبري قناة السويس ودفعت الاجهزة الامنية بتعزيزات امنية من قوى الامن المركزي على المدخل الغربي لكوبري القناة عقب محاولة فاشلة من بعض المعتصمين لاقتحام بوابة الكوبري المار اعلى قناة السويس.

ويواصل العشرات من الزاحفين اعتصامهم امام مدخل كوبري قناة السويس العلوي احتجاجا على رفض القوات المسلحة مرور الحافلات التي تقلهم إلى سيناء للوصول الى مدينة رفح المصرية الواقعة على الحدود بين مصر وقطاع غزة بهدف كسر الحصارالاسرائيلي المفروض على قطاع غزة فيما يعتصم العشرات من المتضامنين امام بوابة تحصيل رسوم العبور على طريق القاهرة الإسماعيلية الصحراوي احتجاجا على منع دخولهم للإسماعيلية .

وتواصل أجهزة الجيش إجراءاتها الأمنية المشددة بمنع دخول المواطنين من المحافظات الأخرى الى سيناء حيث يتم السماح لحاملي بطاقات الهوية من أهالي القنطرة شرق ومحافظتي شمال وجنوب سيناء.فيما انتشرت على الطريق الدولي القنطرة شرق العريش عدد من الاكمنة المدعمة بقوات من الجيش والشرطة ويخضع المارين لتفتيش دقيق.

وانتقد محمد ناصر احد المعتصمين من المنصورة رفض الأجهزة لمرورهم إلى سيناء للوصول الى قطاع غزة بهدف توصيل مساعدات إنسانية ومواد إغاثة وأكد عادل عبد الله احد المعتصمين من الإسماعيلية على استمرارهم في الاعتصام لحين فتح الكوبري وتمكنهم من الوصول لمعبر رفح الحدودي للاعتصام امامه . وقال الدكتور محمد الهلالي احد المشاركين في القافلة ان 6 حافلات و9 سيارات ميكروباص تم احتجازها عند كمين محطة تحصيل الرسوم وتم منع تحركهم للإسماعيلية في طريقهم لسيناء وأكد الهلالي ان المشاركين في القافلة رفضوا العودة الى محافظتهم وقرروا الاعتصام أمام المحطة لحين السماح لهم بالمرور والوصول الى رفح المصرية بهدف مساندة اهالي قطاع غزة في الانتفاضة الفلسطينية المقرر لها يوم 15 مايو الجاري.

http://www.dostor.org/politics/egypt/11/may/14/42140

رابط هذا التعليق
شارك
doctor ayman عضو جديد

doctor ayman

بتاريخ:
بتاريخ:

ياعالم ياهوووووه

حرام عليكم الناس مش لاقيه تاكل

البلد داخله علي مجاعه

والحكومه بتاخد قرض جديد من البنك الدولي

فقط لشراء القمح ودفع المرتبات

والفتنه الطائفيه هتولع البلد

سايبين كل ده وراحين تحرروا فلسطين

والله انا حاسس اني هاتجنن من الناس دي

مفيش مخ خالص !!!!! حرام عليكم خلينا نلاقي اكلنا ونسدد ديونا وبعدين نفكر في فلسطين

ياعالم دول الخليج الغنيه لم يخرج منها شباب نزق مثلكم يعتصم علي الحدود

ويارب تكون كلمه نزق كافيه لاني بعد كده ناوي انزل في مظاهره ضدد هؤلاء المجانين

خلي بالكم بعد وقت ليس قصير وعندما لا يجد البسطاء في مصر ما يأكلوه فسوف تخرج ثوره اخري من الاحياء الفقيره

هذه المره سوف تكون ثوره مدمره تاكل في طريقها الاخضر واليابس لانه ستكون ثوره الجياع

ثوره الجياع

الحل في الدوله المدنيه

رابط هذا التعليق
شارك
rewsha عضو جديد

rewsha

بتاريخ:
بتاريخ:

---------------------

شكرا يا تيمور و6 ابريل عللى مساعدة الاخرين على قفا المصريين

نحرم نفسا من العشا عشان يستعشوا

ونحرم نفسنا من الغطا عشان يستغطوا

ونحرم نفسنا من الادوية عشان نداويهم

ونموت احنا وهما يعيشوا

وتحيا الوحدة العربية اللى مرجعانا لورا

. n2&(

حضرتك كتبت يستغطوا

ويستعشو

يبقى كان لازم تكتب ...يسيتداوا........(نحرم نفسنا من الادويه علشان همه يستداوا

واحنا نموت علشان همه يستعايشوا

بس يصراحه

كلامك 10÷10

bv:-

407086_10150519470631088_583296087_9114843_428326208_n.jpg
رابط هذا التعليق
شارك
عنبو عضو جديد

عنبو

بتاريخ:
بتاريخ: (معدل)

الاخوان قالوا مش هنشارك والسلفين نفس النظام والناس العاديه اليى ملهاش فى حاجه كده كده مش بيشاركوا

عاوزين بقى نعرف كام واحد راحوا علشان يزحفوا عشان نعرف مدى تأثير القوى السياسيه الاخرى

مهو لو ليهم تأثير على الناس وليهم شعبيه يعنى اكيد هنلاقي ملايين راحت تزحف

ياريت اليى يعرف الاعداد يقولنا عليها

تحياتى

عنبو

تم تعديل بواسطة عنبو

لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش

دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش

رابط هذا التعليق
شارك
fatfouta عضو جديد

fatfouta

بتاريخ:
بتاريخ: (معدل)

مقال عجبنى لوائل نديل فى جريدة الشروق

فلنُحرِر مصر قبل تحرير القدس

يستطيع المصريون أن يحرروا القدس عندما يتمكنون من استكمال ثورتهم وإتمام مطالبها وأهدافها بشكل كامل، وقبل أن يتحقق ذلك تصبح الدعوة للزحف المليونى إلى غزة قفزا فى المجهول غير مأمون العواقب.

ذلك أنه لكى تقفز قفزة سليمة وقوية لابد أن تكون واقفا على أرض صلبة، وأظن أننا حتى الآن لا نزال نغوص فى تربة رخوة لم تتهيأ بعد للوقوف والقفز انطلاقا منها أو البناء فوقها.

وعليه فإذا كنا جادين فعلا فى العمل من أجل نصرة الفلسطينيين وتحرير القدس، يصبح لزاما علينا أن نكمل تحرير مصر أولا، فالثابت أننا لم نتحرر بعد من بقايا وطحالب النظام السابق، كما لم نتحرر بشكل كامل حتى الآن من الأورام الطائفية التى تتهيج وتثور من وقت لآخر، فضلا عن أننا لا نزال محاطين بقوى مضادة للثورة تواصل هجماتها الخسيسة لإنهاك المصريين وتخريب ثورتهم.

أما الأخطر من كل ذلك فهو أننا لا نزال دولة بلا دستور أو برلمان أو رئيس، ومن ثم يصبح التفكير فى الذهاب خارج الحدود لدعم هذا الشقيق أو ذاك فى مثل هذه الظروف نوعا من الرومانسية الثورية المفرطة، مع شديد التقدير والاحترام للثورة وللرومانسية معا.

إن الجهاد الكبر الآن يجب أن يكون موضوعه بناء الشخصية المصرية التى تصدعت بفعل عقود طويلة من القمع والفساد والجهل والمرض، وهذا لن يتحقق إلا عندما يمارس المصريون حقهم فى المشاركة فى صياغة دستور كامل غير مرقع ينظم حياتهم، ومن خلاله يستطيعون انتخاب من يمثلهم فى البرلمان، ويختارون من يرأسهم عبر انتخابات نظيفة وشفافة.

إننا سنخدم القدس أكثر عندما ننجز مهمة بناء مصر من الداخل، ونقوى جبهتنا الداخلية بما يسمح لنا بالانتقال إلى خارج الحدود ونحن مطمئنون إلى صلابة المجتمع، كما يمكن أن ندعم القضية الفلسطينية على نحو جاد وحقيقى عندما نواصل النضال من أجل إيقاف تصدير الغاز إلى الكيان الصهيونى، ومنع استقبال قطعان السائحين الإسرائيليين على الأرض المصرية، وتشييع التطبيع الإجبارى الذى فرضه علينا النظام الساقط إلى مثواه الأخير.

ومن يرد استعادة القدس المغتصبة حقا فليعمر مترا واحدا من صحراء مصر الصفراء كل يوم، ليزرع قمحا ويعلم طفلا أن لنا عدوا واحدا اسمه «إسرائيل» فالطريق إلى القدس يبدأ بأن تلتقط مصر أنفاسها وتؤمن خبزها لنفسها بنفسها، ولا تمد يدها لأحد أو تخضع لابتزاز من أحد.. ساعتها فقط يمكن أن نقول إن تحرير القدس على مرمى حجر.

تم تعديل بواسطة fatfouta
رابط هذا التعليق
شارك
م تيمور المراغي عضو جديد

م تيمور المراغي

بتاريخ:
  • كاتب الموضوع
بتاريخ:

تم توقيف قافلة شباب 6 ابريل المتجهة الى رفح على كوبري السلام من قبل الشرطة العسكرية وتم اعتقال كل من فيها ,,

القيادي محمد عادل لم يعتقل ,,

الله المستعان وحوافيكم باي جديد ,,

المجد لولادك المخلصين ...

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

تم توقيف قافلة شباب 6 ابريل المتجهة الى رفح على كوبري السلام من قبل الشرطة العسكرية وتم اعتقال كل من فيها ,,

القيادي محمد عادل لم يعتقل ,,

الله المستعان وحوافيكم باي جديد ,,

يارب يتسجنوا كلهم شويه كده لحد ما يعقلوا

أقسم بالله العظيم معايا مجموعة ليست بالقليلة من الأخوة الفلسطينيين بالعمل ....

صباح الطراوووووه .. ولا في دماغهم

فوقوا يا ناس وإتقوا الله في وطنكم ....

إتقوا الله وخلونا نقف على رجلينا وبعدين ناكل اليهود اكل

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
م تيمور المراغي عضو جديد

م تيمور المراغي

بتاريخ:
  • كاتب الموضوع
بتاريخ:

احمد ماهر بخير كلمته من شويه ولم يعتقل ,,

انجي حمدي لم تذهب مع القافلة للتنسيق و المتابعة من القاهرة ,,

بعد عمل اتصالات تم الافراج عن اغلب شباب 6 ابريل المعتقلين وجاري الافراج عن البقية

القادة يدرسون الموقف و يفكرون الان في الغاء المسيرة والعودة الى القاهرة ,,

المجد لولادك المخلصين ...

رابط هذا التعليق
شارك
م تيمور المراغي عضو جديد

م تيمور المراغي

بتاريخ:
  • كاتب الموضوع
بتاريخ:

مشاورات مع السلطات المصرية في عبور افراد محددين من شباب 6 ابريل مع قافلة مساعدات الى رفح المصرية ,,

الجيش متخوف من اندساس عناصر مخربة وسط الشباب وعدم قدرته على تأمينهم والشباب ردوا ان قبيلة الترابين تعهدت لهم بالحماية ,,

حوافيكم هنا باخر الاخبار ان شاء الله ,,

المجد لولادك المخلصين ...

رابط هذا التعليق
شارك
Howayda Ismail عضو جديد

Howayda Ismail

بتاريخ:
بتاريخ:

تم توقيف قافلة شباب 6 ابريل المتجهة الى رفح على كوبري السلام من قبل الشرطة العسكرية وتم اعتقال كل من فيها ,,

القيادي محمد عادل لم يعتقل ,,

الله المستعان وحوافيكم باي جديد ,,

يارب يتسجنوا كلهم شويه كده لحد ما يعقلوا

أقسم بالله العظيم معايا مجموعة ليست بالقليلة من الأخوة الفلسطينيين بالعمل ....

صباح الطراوووووه .. ولا في دماغهم

فوقوا يا ناس وإتقوا الله في وطنكم ....

إتقوا الله وخلونا نقف على رجلينا وبعدين ناكل اليهود اكل

اللى يوجع القلب بحق ربنا ان مواطن مصرى قاعد يشحت على الرصيف والفلسطينى المقيم هنا معدى جنبه بعربيته

باشا زمانه لحد دلوقت ماشفتش فلسطينى واحد فى مصر فقير

يااما صاحب مزرعة او كسارة محاجر او ... او.... ومشيلنا احنا الهم اتبرعوا اعملوا انتفاضة

دا القذافى اللى بيقولوا عليه مجنون قالها زمان على كل الفلسطنيين اللاجئين يلموا بعضهم من الدول

ويروحوا على بلدهم لكن ازاى وهم بيتاجروا بالقضية وبيكسبوا من وراها واحنا اللى بندفع التمن

كفاية عليهم فلوس وتبرعات الخليج لكن دم ولادنا اغلى من فلوس الدنيا

خواطر swan
رابط هذا التعليق
شارك
م تيمور المراغي عضو جديد

م تيمور المراغي

بتاريخ:
  • كاتب الموضوع
بتاريخ:

حد من هنا يا جماعه يعرف حاجة عن قبيلة الترابين !!

هل لديهم القدرة على تامين الشباب كما تعهدوا ؟؟

المجد لولادك المخلصين ...

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...