متابعة فعاليات جمعة النفير \ سبت الزئير \ احد التحرير ,,

[doctor ayman]

الاخ تيمور دماغه ناشفه اوي

مش مكلف نفسه يقف ويتناقش معانا

مش واخد باله من الدمار اللي احنا خايفين البلد تدخل عليه

وتحس انه عمال ينهج ويجري علشان يوافينا باخر الاخبار

ياعم تيمور مفيش اي حد عاوز يسمع غير خبر القبض علي هؤلاء المجانين

انا عاوزك تنصح اصحابك يرجعوا مصر وكل واحد يحاول يشتغل

ويعملوا حمله لبناء مصر وبلاش موضوع فلسطين دلوقتي

بلاش تغلطوا غلطه عبد الناصر احنا مانستحملش نكسه تانيه

طبعا ولا هترد وكالعاده هتوافينا باخر الاخبار

معلهش العيب مش عليكم العيب علي الجيش اللي بيطبطب علي الناس اللي هتخرب البلد

[عنبو]

يا جماعه انا سألت سؤال ومافيش حد ردعليا لحد دلوقتى

كام واحد راحوا علشان يحرروا فلسطين لحد دلوقتى ؟؟؟؟

لان العدد ده هيحدد الحجم الحقيقى لسته ابريل ومدى ثقة الناس فيها ومدى تأثيرهم على الناس

يااااااااااااريت اسمع رقم تقريبى يعنى علشان نقدر نقول ان الموضوع محتاج الدوشه اليى احنا

عاملينها ولا نشوف حاجه مهمه بقى نتكلم فيها تفيد البلد

تحياتى

عنبو

تم تعديل 15 مايو 2011 بواسطة عنبو

[se_ Elsyed]

هاقترح على الإدارة تخصيص هذا الموضوع للأخ تيمور فقط ..

ويلتفت باقي المصريون المخلصون لقضايا بلدهم الأول ..

واتمنى لما هما يخلصوا تحرير فلسطين ... يبقى ييجيوا يحررونا ..

وياريت تبقوا لنا شوية شاش وقطن من اللي في العربيات .. عشان عندنا جرحى ومصابين بالكوم في ماسبيرو ....

أعتقد إن باين أمام الجميع دلوقت مين بيعمل إيه وإزاي وإمتى وليه ؟

[hOuSsAm]

حسام انت شيد العارفين بظروفي ,,

1 - مش عارف عدد الاعضاء الفلسطيينن في الحركة

2 - لو كل الدنيا ما اهتمتش بالقضية الفلسطينية وبوقف تصدير الغاز قورا الى اسرائيل احنا حنهتم ,,

3 - مش عارف الفلسطيين بيودوا فلوس الزكاة بتاعتهم فين

4 - المقارنة بين مريض الكبد ومبتعث في كندا غير منصفة ,,

لو قصدك على الفلوس انا سالت عن حجم المساعدات قالولي تقدر بين 7 و 10 طن من المساعدات بقييمة اجمالية تقل عن المليون جنيه مصري ,,

المليون جنيه دي يا حسام تمن رخيص اوي لتاكيد مبادئك اللي انت مؤمن بيها

وعموما لما المسيرة تحقق هدفها ( الاقتصادي ) حنوفر لمصر مليارات الدولارات ثمن الغاز المصدر ببلاش الى اسرائيل

اكرر اعتذاري عن ا لتاخير

انا مبسوط منك اوى وانت عضو لجنة الاعلام واللى المفروض مستعد لاى اسئلة وتقولى مش عارف عدد الاعضاء الفلسطينين كام

ومبسوط منك اكتر لما تساعد ناس ومتعرفش دخلهم ايه او بيودوا فلوسهم فين

طبعا اجابة دبلوماسية على عدم الانصاف فى المقارنة بين المريض وطالب كندا (التفاف عالسؤال)

ياريتها يا تيمور تيجى على مليون شوف السنين اللى فاتت اد ايه وروح اسال نقابة الاطباء انتوا طلعتوا كام لفلسطين لحد دلوقتى

من حق يا بشمهندس انا كنت بسال عالجروب اللى هى الشركة بتاعتك مش الجروب اللى مشارك فى حملتك (ارجع بقى جاوب الاسئلة تانى بليز) :)

[ذهبية]

اية التهريج دة اية الى بتعملة حركة 6 ابريل دى اللى عمرتا ما سمعنا عنها دى

دة نظام شهرة يعنى و نفسها سيرتها تتجاب فى الاعلام فعمالة تضرب كرسى فى الكلوب

هو احنا خلاص خلنا اللى ورانا هنا لما نروح نحرر فلسطين

دة ناس ملهاش عقل و عايش غيبوبة حد يصحيها يا ناس

صباح الخير يا اللى بتقول على نفسكم وطنين

اية الوطنية فى كدةةة

اسيب بيتى مكسر و وولادى متبهدلة و حرامية حولية نفسها تنقض علية و اروح انقذ جارى

اذا كان جارى نفسة مش مضايق و لا زعلان و ولا عملى حاجة و لا عبرنى و قرفنى بمشاكلة من يوم ما وعيت على الدنيا و شيلى الهم لحد ما نسيت همى انا

اروح انا بالعافية ارمى جتى علية و اقولة هاساعدك يعنى هاساعدك لو بالعافية هاساعدك و باحب و باموت فيك اكتر من اهلى و ناسى و بلدى

اصلك انت اللى ليا و من غيرك هاموت انت عندى بالدنيا

يخرب بيت الجهل

[pink rose]

هاقترح على الإدارة تخصيص هذا الموضوع للأخ تيمور فقط ..

ويلتفت باقي المصريون المخلصون لقضايا بلدهم الأول ..

واتمنى لما هما يخلصوا تحرير فلسطين ... يبقى ييجيوا يحررونا ..

وياريت تبقوا لنا شوية شاش وقطن من اللي في العربيات .. عشان عندنا جرحى ومصابين بالكوم في ماسبيرو ....

أعتقد إن باين أمام الجميع دلوقت مين بيعمل إيه وإزاي وإمتى وليه ؟

و الله فكرة زي الفل يا س س

من غير زعل مش عارفة ليه كل ما افتح التوبيك دا افتكر بياعين اللبان في الاتوبيسات

[المهندسه]

البلد فى وادى و دول فى وادى تانى خااالص ...والله العظيم و الله نفسى اقول كلام وحش من قرفى و عصبيتى ...بس مش عاوزه اى لوم منكم

انا و الله زهقت ...فى اول الثوره قولت وجهه نظرى فى حركه 6 ابريل و غيرها و بالاخص اسماء محفوظ ...لانى كنت شايفه البيحصل ده

مش لانى بفتح المندل و لا حتى عندى ثقافه سياسيه ,,, لا اطلاقا ....لكن لانى اتربيت فى بيت عسكرى كله بلا استثناء حتى امى الا انا

و كنت دايما شايفه و جهات نظرهم على مدار سنين عمرى فى كل شىء ..البيت عندنا عامل زى المجلس العسكرى بالضبط فى كل حاجه

علشان كده كان عندى احساس من خبرتى البسيطه الغير مقصوده ان كل ده هيحصل ....

دى ناس معندهاش اى احساس بالمسئوليه الحقيقيه تجاه بلدهم و لا عندهم وعى سياسي خااالص

عارفين لما قولت كده اول الثوره ..فى ناس لامتنى و كمان اديتنى النقطه الحمرا المتينه....

بلا قرف صلحوا بلدكم الاول و شوفوا الناس ال نايمه على الرصيف و اطفال السرطان الاول

اشمعنى انتوا يا مصريين ال بتتنحرروا كده ...تكونوش مصدقين نفسكوا فى الكدبه ال بتكدبوها على نفسكوا ان انتم

ال هتحرروا المسجد الاقصى و هتهزموا اسرائيل تانى...هههههههههههههههههههههههههههه

عاوزين تعملوا عمل عظيم ...روحوا ساعدوا الشرطه و الجيش و امسكوا البلطجيه ال راعبين امكم و اختكم

و انتم شخصيا...جاتكوا القرف ...ده انتوا مش عارفين تقفشوا حرامى غسيل

حبوا بلدكم الاول و انفعوها و لا اقولكم ...خاليكوا مشغولين كده فى كدبكم على نفسكم و سيبوا العالم

من حواليكوا بيتقدم و ينجز

عارفين يا جماعه ..انا فى سؤال عاوزه حد فيكم يجاوبنى عليه بجد و الله مستنيه اجابتكم....عارفين لما بشوف دايما فيديو بناء السد العالى

و اشوف اننا بانيناه بسواعد مصريه بعد ما امريكا تخلت عن تمويله و احنا كنا ساعتها محتاجين كل مليم لاننا

فى حاله حرب..عارفين لما بشوف الفيديو ده ...بحس ان الروح الموجوده فى المصريين ساعتها ..انا مش شايفاها فينا دلوقت

تفتكروا ليه؟؟؟حد يجاوبنى فين الروح دى ...احنا مش عارفين دلوقت بس نسكت و نحط لساننا فى بقنا علشان البلد تقوم

طيب ليه؟؟؟

اعذرونى طولت بس من قرفى بطلعلكوا ال جوايا

[pink rose]

معاكي حق في قرفك دا و كلنا معاكي بس انا اسفة جدا يا باشمهندسة

انا باعترض اعتراض شديدة على الجملة دي

اشمعنى انتوا يا مصريين ال بتتنحرروا كده ...تكونوش مصدقين نفسكوا فى الكدبه ال بتكدبوها على نفسكوا ان انتم

ال هتحرروا المسجد الاقصى و هتهزموا اسرائيل تانى...هههههههههههههههههههههههههههه

احنا لا بنكدب على نفسنا و لا تحرير الاقصى ان شاء الله هايخلوا من المصريين

و ارجعي للتارخ صلاح الدين ما قدرش يحررها من الصليبين الا بعد ضم مصر للشام و كان للانضمام دا الاثر الاكبر في التحرير

و التاريخ هايعيد نفسه

[se_ Elsyed]

بحس ان الروح الموجوده فى المصريين ساعتها ..انا مش شايفاها فينا دلوقت

تفتكروا ليه؟؟؟حد يجاوبنى فين الروح دى ...احنا مش عارفين دلوقت بس نسكت و نحط لساننا فى بقنا علشان البلد تقوم

طيب ليه؟؟؟

السبب هو إننا بدانا السير في طريق واضح وصريح وبإذن الله هايوصلنا إلى بر الأمان ونبقى دولة محترمة

لكن للأسف .. هناك بعض العقول القاصرة تحاول أن تشتتنا وتنتزع اللوحات الإرشادية من على الطريق ... وتحاول بإستماتة إجتذاب البعض للسير معها في طُرق أخرى فرعية وموحلة تؤدي حتماً إلى الهلاك ...

ونحن للأسف أمام حلين كلاهما مُر .. إنا أن نستكمل المسيرة وبالتالي يتساقط منا البعض وتضعف قوتنا الدافعة .. أو نتوقف عن السير للضرب على أيدي هؤلاء لكي لا يعطلونا عن تحقيق هدفنا .

[المهندسه]

معاكي حق في قرفك دا و كلنا معاكي بس انا اسفة جدا يا باشمهندسة

انا باعترض اعتراض شديدة على الجملة دي

اشمعنى انتوا يا مصريين ال بتتنحرروا كده ...تكونوش مصدقين نفسكوا فى الكدبه ال بتكدبوها على نفسكوا ان انتم

ال هتحرروا المسجد الاقصى و هتهزموا اسرائيل تانى...هههههههههههههههههههههههههههه

احنا لا بنكدب على نفسنا و لا تحرير الاقصى ان شاء الله هايخلوا من المصريين

و ارجعي للتارخ صلاح الدين ما قدرش يحررها من الصليبين الا بعد ضم مصر للشام و كان للانضمام دا الاثر الاكبر في التحرير

و التاريخ هايعيد نفسه

انا ال اقصده من الكلمه دى ...ان طول ما احنا كده مشتتين و فى بيننا ناس فى وادى تانى ...عمرنا ما نعمل حاجه خااالص

عاوزين نرجع لعصر صلاح الدين يبقى لازم يكون عندنا نفس الروح الموجوده فى الوقت ده ...

تفتكرى يا ام مريم ال بيحصل ده دلوقت من بعض الناس ال معطلين كل حاجه فى البلد تفتكرى الروح الحاليه الموجوده

قادره تعمل عمل عظيم زى ده...نصلح نفسنا الاول و بعدين هنغلب ابليس نفسه ان شاء الله

[محمد عبدالعزيز]

مش معقولة كده والله.

أنا مش متفق مع دعوة الزحف دى ولا موافق عليها ولا مشارك.

بس ده مش معناه نقلب على الناس بالشكل ده!!!

وأعضاء فاضلين ماصدقوا فرصة عشان يبكتونا ويقول لنا شفتم مش قلنالكم الثورة غلط؟

إيه فى إيه بالظبط؟

وبعدين الشباب بيبوس إيد الجيش والدخلية إنهم يشركوهم فى إدارة البلاد وحماية الثورة, وعضوة فاضلة ب تقول لهم روحوا احموا أمكم وأختكم ونفسكم من البلطجية؟

هو حضرتك مش عارفة إن البلطبجة دول كانوا الدراع اليمين لأمن الدولة والشرطة؟ وتربوا وترعرعوا تحت عين وزارة الداخلية برعاية الوزير السفاح؟

حضرتك مش شايفة إن الجيش بيتعامل بقبضة حديدية مع ناس, وناس تانية سايب لهم الحبل على الغارب؟

وأكيد برضه حضرتك عارفة إن كل الناس دلوقتى بتطالب بعودة اللجان الشعبية لأنهم كانوا حاميين البلد أفضل من الشرطة, بس هل هو ده الحل إن كلنا نسهر بالليل وماحدش يقدر يروح شغله الصبح؟

تانى...

أنا مش موافق على النفير والزئير والتحرير ده, بس بلاش بقى نحمل المسئولية كاملة للشباب ونتغاضى عن المسئول الحقيقى وهو الجيش ووزارة الداخلية والوزارة كلها.

[المهندسه]

بحس ان الروح الموجوده فى المصريين ساعتها ..انا مش شايفاها فينا دلوقت

تفتكروا ليه؟؟؟حد يجاوبنى فين الروح دى ...احنا مش عارفين دلوقت بس نسكت و نحط لساننا فى بقنا علشان البلد تقوم

طيب ليه؟؟؟

السبب هو إننا بدانا السير في طريق واضح وصريح وبإذن الله هايوصلنا إلى بر الأمان ونبقى دولة محترمة

لكن للأسف .. هناك بعض العقول القاصرة تحاول أن تشتتنا وتنتزع اللوحات الإرشادية من على الطريق ... وتحاول بإستماتة إجتذاب البعض للسير معها في طُرق أخرى فرعية وموحلة تؤدي حتماً إلى الهلاك ...

ونحن للأسف أمام حلين كلاهما مُر .. إنا أن نستكمل المسيرة وبالتالي يتساقط منا البعض وتضعف قوتنا الدافعة .. أو نتوقف عن السير للضرب على أيدي هؤلاء لكي لا يعطلونا عن تحقيق هدفنا .

عارف يا ابو عمر ساعات بحس ان الحل الوحيد ...ان اى حد يعمل شغب يعطل بناء البلد ...يتاخد من قفاه يعتقل لحد بس ما نعدى المرحله دى و بعدين يبقى يخرج بقه

بس بحس ان احنا كده هنرجع للنظام الظالم و قانون الطوارىء ال اى وقت عاوز يقفش حد ..يطب عليه بسهوله كده من غير لا تهمه و لا يحزنون

والله هما مش عاوزين غير كرباج سودانى..اعذرنى و الله ..الواحد قرفان اوى ...انا نازله اجازه الشهر الجاى و حسه انها هتبقى اجازه غير ممتعه بالمره

بسبب احوال البلد...يبقى حبسه طول السنه و حرقه دم فى شهور الاجازه

[se_ Elsyed]

أولاً : مافيش حد هاجم الثورة أو أنكر دورة حركة 6 إبريل في الثورة ..

ثانياً : لكي لا نقفز إلى النتائج ونترك المسببات والأسباب . أرجو من الجميع أن يقرأ جيداً ما فعلة صلاح الدين لتقوية الجبهة الداخلية ... تخيلوا إن أول حاجه عملها هي التوسع في إنشاء كتاتيب تحفيظ القرآن الكريم لخلق جيل قوي الإيمان مؤمن برسالتة بعيد عن الشعوذة والخرافات الشيعية اللي كانت منتشرة في العهد الفاطمي ... ناهيك عن تقويتة للجبهة الداخلية لمصر أولاً ... ومن ثم عندما وقف على ارض صلبة . إستطاع أن ينطلق ويحارب كل دول أوروبا بمفرده ويهزمهم وينتزع منهم المسجد الأقصى

وكل تركيزنا هنا على خطأ توقيت الدعوة لهؤلاء الشباب العنيد الذي لا يستمع لمن هم أكبر منه وأعقل منه

فلا مانع من عمل مليونيات لدعم القضية الفلسطينية .. لكن زحف وزئير والكونغو ... كل ده كلام فاضي وتشتيت لمجهودات الجميع

ولا نستطيع أن نلوم هنا المحلس العسكري او الشرطة .. لإن دول مش شوية بلطجية رايحين يخربوا ... ومش معقول يقبضوا عليهم بمجرد إعلان نيتهم ....

لكن يجب أن يتم التعامل معهم بحزم ... بعد نصحهم وإرشادهم وتوضيح إن في ذلك خطر على أمن مصر القومي

وإذا لم يستمعوا للنصح .. يبقى القانون يتدخل هنا ويُطبق عليهم بحذافيرة ..

[المهندسه]

مش معقولة كده والله.

أنا مش متفق مع دعوة الزحف دى ولا موافق عليها ولا مشارك.

بس ده مش معناه نقلب على الناس بالشكل ده!!!

وأعضاء فاضلين ماصدقوا فرصة عشان يبكتونا ويقول لنا شفتم مش قلنالكم الثورة غلط؟

إيه فى إيه بالظبط؟

وبعدين الشباب بيبوس إيد الجيش والدخلية إنهم يشركوهم فى إدارة البلاد وحماية الثورة, وعضوة فاضلة ب تقول لهم روحوا احموا أمكم وأختكم ونفسكم من البلطجية؟

هو حضرتك مش عارفة إن البلطبجة دول كانوا الدراع اليمين لأمن الدولة والشرطة؟ وتربوا وترعرعوا تحت عين وزارة الداخلية برعاية الوزير السفاح؟

حضرتك مش شايفة إن الجيش بيتعامل بقبضة حديدية مع ناس, وناس تانية سايب لهم الحبل على الغارب؟

وأكيد برضه حضرتك عارفة إن كل الناس دلوقتى بتطالب بعودة اللجان الشعبية لأنهم كانوا حاميين البلد أفضل من الشرطة, بس هل هو ده الحل إن كلنا نسهر بالليل وماحدش يقدر يروح شغله الصبح؟

تانى...

أنا مش موافق على النفير والزئير والتحرير ده, بس بلاش بقى نحمل المسئولية كاملة للشباب ونتغاضى عن المسئول الحقيقى وهو الجيش ووزارة الداخلية والوزارة كلها.

يا سيدى الفاضل انا مش محمله الشباب حاجه ..انا بقول بعضهم...ما ينفعش نفتح على نفسنا جبهات كتير ...و بعدين بيتحايلوا على المجلس العسكرى و عاوزين يعملوا لجان شعبيه ...طيب ما يعملوا حد مانعهم يا سيدى ...يعنى هما لما عملوا فى الاول لجان شعبيه كانوا طلبوا من المجلس العسكرى كده و لا ده كان بدافع منهم

يا سيدى البلد كلها فوق راسى و الله بس ال حاصل ده مايرضيش حد و الله...عاوزين بعض الشباب ده يفوق شويه

و بعدين البلطجيه كانوا الدراع اليمين للامن ....ماشى ...طيب نعمل ايه دلوقت مش نحط ايدينا فى ايد بعض و نلتفت لهم اكتر مش نلتفت لاحوال بلاد اخرى

انا و الله مقدره شعور حضرتك لانى زيك بالظبط مش طايقه ال بيحصل ده

[محمد عبدالعزيز]

بحس ان الروح الموجوده فى المصريين ساعتها ..انا مش شايفاها فينا دلوقت

تفتكروا ليه؟؟؟حد يجاوبنى فين الروح دى ...احنا مش عارفين دلوقت بس نسكت و نحط لساننا فى بقنا علشان البلد تقوم

طيب ليه؟؟؟

السبب هو إننا بدانا السير في طريق واضح وصريح وبإذن الله هايوصلنا إلى بر الأمان ونبقى دولة محترمة

لكن للأسف .. هناك بعض العقول القاصرة تحاول أن تشتتنا وتنتزع اللوحات الإرشادية من على الطريق ... وتحاول بإستماتة إجتذاب البعض للسير معها في طُرق أخرى فرعية وموحلة تؤدي حتماً إلى الهلاك ...

ونحن للأسف أمام حلين كلاهما مُر .. إنا أن نستكمل المسيرة وبالتالي يتساقط منا البعض وتضعف قوتنا الدافعة .. أو نتوقف عن السير للضرب على أيدي هؤلاء لكي لا يعطلونا عن تحقيق هدفنا .

عارف يا ابو عمر ساعات بحس ان الحل الوحيد ...ان اى حد يعمل شغب يعطل بناء البلد ...يتاخد من قفاه يعتقل لحد بس ما نعدى المرحله دى و بعدين يبقى يخرج بقه

بس بحس ان احنا كده هنرجع للنظام الظالم و قانون الطوارىء ال اى وقت عاوز يقفش حد ..يطب عليه بسهوله كده من غير لا تهمه و لا يحزنون

والله هما مش عاوزين غير كرباج سودانى..اعذرنى و الله ..الواحد قرفان اوى ...انا نازله اجازه الشهر الجاى و حسه انها هتبقى اجازه غير ممتعه بالمره

بسبب احوال البلد...يبقى حبسه طول السنه و حرقه دم فى شهور الاجازه

يعنى المشكلة مشكلة أجازة

طيب...

فى بدائل تانية غير إننا نصب جام غضبنا على الثورة والشباب

ممكن الأجازة تبقى فى بلد تاينة مش لازم مصر يعنى, يا إما أمرك لله بقى استحملى شهر الأجازة فى وبعدين ترجعى تعيشى حياتك العادية.

بس بلاش بقى نلوم على الشباب اللى ضحوا بأرواحهم عشان غلطة عملوها.

ممكن نناقشهم ونختلف معاهم, بس بلاش الإهانات اللى حضرتك كاتباها دى.

[محمد عبدالعزيز]

يا باشمهندسة مش بنتحايل عشان نعمل لجان شعبية, لجان شعبية إزاى واحنا فى الوضع الاقتصادى الزفت ده, واحنا بنطالب بدفع عجلة الإنتاج.

حضرتك عارفة لجان شعبية يعنى إيه؟

يعنى مفيش شغل فى البلد, يعنى الرجالة بتسهر بالليل وتنام بالنهار, ومفيش شغل خالص, مش مظاهرة فئوية بقى ولا إضراب فى مصنع بياخد وقته ويخلص.

وماينفعش نطالب بلجان شعبية وعندنا وزارة داخلية وشرطة, أمال هما بيعملوا إيه وبياخدوا فلوس ليه؟

المشاركة اللى بنتكلم عليها يعنى شغل بفلوس, يعنى الظباط اللى مش عاوزين يشتغلوا وبيتخلوا عن مصر تانى بعد اللى حصل فى يوم 28 يقعدوا فى بيوتهم والشباب اللى مستعد وقادر ياخدوه يشتغل مكانهم وياخد مرتباتهم.

فى حلول كتير اتشرحت لمشكلة الأمن, ولكن وزارة الداخلية عمالة تتحايل على الظباط وتطبطب عليهم عشان يرجعوا, وفى الآخر بنلوم الشباب اللى بيتحرك عشان غلط غلطة.

[المهندسه]

بحس ان الروح الموجوده فى المصريين ساعتها ..انا مش شايفاها فينا دلوقت

تفتكروا ليه؟؟؟حد يجاوبنى فين الروح دى ...احنا مش عارفين دلوقت بس نسكت و نحط لساننا فى بقنا علشان البلد تقوم

طيب ليه؟؟؟

السبب هو إننا بدانا السير في طريق واضح وصريح وبإذن الله هايوصلنا إلى بر الأمان ونبقى دولة محترمة

لكن للأسف .. هناك بعض العقول القاصرة تحاول أن تشتتنا وتنتزع اللوحات الإرشادية من على الطريق ... وتحاول بإستماتة إجتذاب البعض للسير معها في طُرق أخرى فرعية وموحلة تؤدي حتماً إلى الهلاك ...

ونحن للأسف أمام حلين كلاهما مُر .. إنا أن نستكمل المسيرة وبالتالي يتساقط منا البعض وتضعف قوتنا الدافعة .. أو نتوقف عن السير للضرب على أيدي هؤلاء لكي لا يعطلونا عن تحقيق هدفنا .

عارف يا ابو عمر ساعات بحس ان الحل الوحيد ...ان اى حد يعمل شغب يعطل بناء البلد ...يتاخد من قفاه يعتقل لحد بس ما نعدى المرحله دى و بعدين يبقى يخرج بقه

بس بحس ان احنا كده هنرجع للنظام الظالم و قانون الطوارىء ال اى وقت عاوز يقفش حد ..يطب عليه بسهوله كده من غير لا تهمه و لا يحزنون

والله هما مش عاوزين غير كرباج سودانى..اعذرنى و الله ..الواحد قرفان اوى ...انا نازله اجازه الشهر الجاى و حسه انها هتبقى اجازه غير ممتعه بالمره

بسبب احوال البلد...يبقى حبسه طول السنه و حرقه دم فى شهور الاجازه

يعنى المشكلة مشكلة أجازة

طيب...

فى بدائل تانية غير إننا نصب جام غضبنا على الثورة والشباب

ممكن الأجازة تبقى فى بلد تاينة مش لازم مصر يعنى, يا إما أمرك لله بقى استحملى شهر الأجازة فى وبعدين ترجعى تعيشى حياتك العادية.

بس بلاش بقى نلوم على الشباب اللى ضحوا بأرواحهم عشان غلطة عملوها.

ممكن نناقشهم ونختلف معاهم, بس بلاش الإهانات اللى حضرتك كاتباها دى.

كلام حضرتك ده اسمه "تصيد" هو حضرتك بتتصيد الكلام و خلاص ...؟؟؟!!!

سايب جوهر الكلام نفسه

يا فندم ما يصحش كده ....

[محمد عبدالعزيز]

بحس ان الروح الموجوده فى المصريين ساعتها ..انا مش شايفاها فينا دلوقت

تفتكروا ليه؟؟؟حد يجاوبنى فين الروح دى ...احنا مش عارفين دلوقت بس نسكت و نحط لساننا فى بقنا علشان البلد تقوم

طيب ليه؟؟؟

السبب هو إننا بدانا السير في طريق واضح وصريح وبإذن الله هايوصلنا إلى بر الأمان ونبقى دولة محترمة

لكن للأسف .. هناك بعض العقول القاصرة تحاول أن تشتتنا وتنتزع اللوحات الإرشادية من على الطريق ... وتحاول بإستماتة إجتذاب البعض للسير معها في طُرق أخرى فرعية وموحلة تؤدي حتماً إلى الهلاك ...

ونحن للأسف أمام حلين كلاهما مُر .. إنا أن نستكمل المسيرة وبالتالي يتساقط منا البعض وتضعف قوتنا الدافعة .. أو نتوقف عن السير للضرب على أيدي هؤلاء لكي لا يعطلونا عن تحقيق هدفنا .

عارف يا ابو عمر ساعات بحس ان الحل الوحيد ...ان اى حد يعمل شغب يعطل بناء البلد ...يتاخد من قفاه يعتقل لحد بس ما نعدى المرحله دى و بعدين يبقى يخرج بقه

بس بحس ان احنا كده هنرجع للنظام الظالم و قانون الطوارىء ال اى وقت عاوز يقفش حد ..يطب عليه بسهوله كده من غير لا تهمه و لا يحزنون

والله هما مش عاوزين غير كرباج سودانى..اعذرنى و الله ..الواحد قرفان اوى ...انا نازله اجازه الشهر الجاى و حسه انها هتبقى اجازه غير ممتعه بالمره

بسبب احوال البلد...يبقى حبسه طول السنه و حرقه دم فى شهور الاجازه

يعنى المشكلة مشكلة أجازة

طيب...

فى بدائل تانية غير إننا نصب جام غضبنا على الثورة والشباب

ممكن الأجازة تبقى فى بلد تاينة مش لازم مصر يعنى, يا إما أمرك لله بقى استحملى شهر الأجازة فى وبعدين ترجعى تعيشى حياتك العادية.

بس بلاش بقى نلوم على الشباب اللى ضحوا بأرواحهم عشان غلطة عملوها.

ممكن نناقشهم ونختلف معاهم, بس بلاش الإهانات اللى حضرتك كاتباها دى.

كلام حضرتك ده اسمه "تصيد" هو حضرتك بتتصيد الكلام و خلاص ...؟؟؟!!!

سايب جوهر الكلام نفسه

يا فندم ما يصحش كده ....

ياريت حضرتك ترجعى لمداخلتك الأولى وتقرأيها تانى عشان تعرفى مين اللى بيتصيد.

[المهندسه]

بحس ان الروح الموجوده فى المصريين ساعتها ..انا مش شايفاها فينا دلوقت

تفتكروا ليه؟؟؟حد يجاوبنى فين الروح دى ...احنا مش عارفين دلوقت بس نسكت و نحط لساننا فى بقنا علشان البلد تقوم

طيب ليه؟؟؟

السبب هو إننا بدانا السير في طريق واضح وصريح وبإذن الله هايوصلنا إلى بر الأمان ونبقى دولة محترمة

لكن للأسف .. هناك بعض العقول القاصرة تحاول أن تشتتنا وتنتزع اللوحات الإرشادية من على الطريق ... وتحاول بإستماتة إجتذاب البعض للسير معها في طُرق أخرى فرعية وموحلة تؤدي حتماً إلى الهلاك ...

ونحن للأسف أمام حلين كلاهما مُر .. إنا أن نستكمل المسيرة وبالتالي يتساقط منا البعض وتضعف قوتنا الدافعة .. أو نتوقف عن السير للضرب على أيدي هؤلاء لكي لا يعطلونا عن تحقيق هدفنا .

عارف يا ابو عمر ساعات بحس ان الحل الوحيد ...ان اى حد يعمل شغب يعطل بناء البلد ...يتاخد من قفاه يعتقل لحد بس ما نعدى المرحله دى و بعدين يبقى يخرج بقه

بس بحس ان احنا كده هنرجع للنظام الظالم و قانون الطوارىء ال اى وقت عاوز يقفش حد ..يطب عليه بسهوله كده من غير لا تهمه و لا يحزنون

والله هما مش عاوزين غير كرباج سودانى..اعذرنى و الله ..الواحد قرفان اوى ...انا نازله اجازه الشهر الجاى و حسه انها هتبقى اجازه غير ممتعه بالمره

بسبب احوال البلد...يبقى حبسه طول السنه و حرقه دم فى شهور الاجازه

يعنى المشكلة مشكلة أجازة

طيب...

فى بدائل تانية غير إننا نصب جام غضبنا على الثورة والشباب

ممكن الأجازة تبقى فى بلد تاينة مش لازم مصر يعنى, يا إما أمرك لله بقى استحملى شهر الأجازة فى وبعدين ترجعى تعيشى حياتك العادية.

بس بلاش بقى نلوم على الشباب اللى ضحوا بأرواحهم عشان غلطة عملوها.

ممكن نناقشهم ونختلف معاهم, بس بلاش الإهانات اللى حضرتك كاتباها دى.

كلام حضرتك ده اسمه "تصيد" هو حضرتك بتتصيد الكلام و خلاص ...؟؟؟!!!

سايب جوهر الكلام نفسه

يا فندم ما يصحش كده ....

ياريت حضرتك ترجعى لمداخلتك الأولى وتقرأيها تانى عشان تعرفى مين اللى بيتصيد.

ياريت حضرتك تعلم على الكلمه ال تصيدت بيها لاى احد من الاعضاء الافاضل او اى حد من الشعب كله يا سيدى الفاضل

وياريت الحوار ماينزلش اكتر من كده و الا كمله لوحدك بدون المحاوره معى

تم تعديل 15 مايو 2011 بواسطة المهندسه

[م تيمور المراغي]

السلام عليكم وعذرا على التاخير ,,

لا جديد

الشباب معتصمين امام كوبري السلام ,,

القافلة مرابطة كماهي تنتظر السماح لها بالعبور ,,

كل المعتقلين افرج عنهم من امبارح بعد تاكد الجيش من هوياتهم والحمد لله كلهم سالمين وبخير ,,

وحوافيكم باخر التطورات انا سهران للفجر ان شاء الله ,,

ولو فيه اي استفسار انا جاهز بس نتكلم بهدوء زي ماتعودنا دايما ,,