متابعة فعاليات جمعة النفير \ سبت الزئير \ احد التحرير ,,

[م تيمور المراغي]

الله اكبر

فيه اخبار حلوه :happy:

[pink rose]

بجد؟؟؟؟؟؟؟؟؟؟؟؟

خير حررتوا الاقصى؟

[م تيمور المراغي]

15 شاب من الحركة معاهم احمد شحرور نجحوا في عبور سينا ووصلوا الى رفح المصرية تحت حماية قبيلة الترابين ,,

فيه انباء تانيه من الجيزة غير مؤكده عن اقتحام ا لسفارة الاسرائيلية والجيش بيضرب نار في الهواء على المتظاهرين ,,

[pink rose]

15 شاب من الحركة معاهم احمد شحرور نجحوا في عبور سينا ووصلوا الى رفح المصرية تحت حماية قبيلة الترابين ,,

فيه انباء تانيه من الجيزة غير مؤكده عن اقتحام ا لسفارة الاسرائيلية والجيش بيضرب نار في الهواء على المتظاهرين ,,

يا نهار اسود و منيل عليكوا

الله ينتقم منكم

الله ينتقم منكم

اقتحام السفارة دا خبر حلو؟؟؟؟؟؟؟؟؟؟؟؟؟؟؟؟؟؟؟؟

[م تيمور المراغي]

لا يا وردة بلاش تدليس

انا بقول عن وصول احمد شحرور لرفح المصرية ,,

اما خبر السفارة فده خبر نقلته عن اسماء محفوظ لسه راجعه من هناك وحبيت بدل ما ازود المداخلات ارفقه مع نبأ وصول الشباب ,,

خلينا اكبر من كده

[se_ Elsyed]

15 شاب من الحركة معاهم احمد شحرور نجحوا في عبور سينا ووصلوا الى رفح المصرية تحت حماية قبيلة الترابين ,,

فيه انباء تانيه من الجيزة غير مؤكده عن اقتحام ا لسفارة الاسرائيلية والجيش بيضرب نار في الهواء على المتظاهرين ,,

زغرطي يا أم اسماعين ... 15 واحد هايحرروا فلسطين

زغرطي يا ام سمارة .... العيال إقتحموا السفارة

انا بصراحة ممكن أرتكب حماقة دلوقت حالاً

----------

والجيش بيضرب نار في الهواء على المتظاهرين

يارب في المليان عشان نخلص ونرتاح ونلتفت للي ورانا

[م تيمور المراغي]

http://www.youtube.com/watch?v=p2CuoCfEREk&feature=related

[م تيمور المراغي]

فيه الوف بيتابعوا التوبيك ده من خارج المنتدى ,,

اتمنى ان المداخلات فيه حتى لو اختلفنا تكون ارقى من كده ,,

للجميع التحية والاحترام ,,

[pink rose]

لا يا وردة بلاش تدليس

انا بقول عن وصول احمد شحرور لرفح المصرية ,,

اما خبر السفارة فده خبر نقلته عن اسماء محفوظ لسه راجعه من هناك وحبيت بدل ما ازود المداخلات ارفقه مع نبأ وصول الشباب ,,

خلينا اكبر من كده

قبل ما تقولي خالينا اكبر من كده

يا ريت تخاليكوا انتوا اد المسؤولية

و بعدين ايه تدليس دي

انا كلامي قولته بناءا على كلامك انا ما بألفش يا باشمهندس

[م تيمور المراغي]

طيب يا بينك ,,

حقك عليا في كلمة تدليس ,,

انا سهران بتابع الموقف واقدر اجاوبك على نقطه نقطه مدايقاكي لان عندي ان شاء الله المعلومات كاملة ,,

حضرتك قوليها على هيئة نقاط وربنا يقدرني واوضح كل نقطه فيهم,,

في انتظارك ,,

[م تيمور المراغي]

الجيش بكل مهاره قبض على مجموعه اخرى من الشباب نجحت في التسلل حتى وصلوا الى وسط سيناء ولكنه قام بارجاعهم مره اخرى الى كوبري السلام ,,

واطلق سراحهم بعد اخذ تعهد منهم بعدم تكرار المحاولة ,,

[المهندسه]

طيب هى العيال دى فاضيه يعنى بكره مفيش عندهم شغل و لا جامعه و لا حاجه ....و لا واخدين اجازه عارضه؟؟؟

معندهمش يعنى عيال يأكلوهم مم ؟؟

[م تيمور المراغي]

بيحصل توزيع داخلي للمجموعات يعني مجموعه بترجع ترتاح وتشوف شغلها

وبعدين العكس بالعكس ,,

واي استفسار هادي انا جاهز بس لو سمحتي بدون انفعال ,,

[pink rose]

طيب هى العيال دى فاضيه يعنى بكره مفيش عندهم شغل و لا جامعه و لا حاجه ....و لا واخدين اجازه عارضه؟؟؟

معندهمش يعنى عيال يأكلوهم مم ؟؟

اكيد لأ و شوفي انتي بقى اللي ما بيشتغلش دا بيبقي اسمه بالبلدي كده ايه

و عموما موضوع المم عفاف شعيب متحملة المسؤولية دي كاملة

على فكرة انا باهييس دلوقتي عشان حاسة اني داخلة على جلطة

[ابوهنا]

المهندس تيمور

تحياتى

حضرتك قلت اسالوا وحضرتك هتجاوب

السؤال الاول: حضرتك بتتكلم عن ابطال ومجموعات والبطل شحرور نط السور وهيفتح باب القدس للابطال...المهم حضرتك هما عددهم كام...العدد الكامل للساده الموجودين فى سيناء الان؟

فى انتظار اجابة حضرتك

تحياتى

[المهندسه]

طيب هى العيال دى فاضيه يعنى بكره مفيش عندهم شغل و لا جامعه و لا حاجه ....و لا واخدين اجازه عارضه؟؟؟

معندهمش يعنى عيال يأكلوهم مم ؟؟

اكيد لأ و شوفي انتي بقى اللي ما بيشتغلش دا بيبقي اسمه بالبلدي كده ايه

و عموما موضوع المم عفاف شعيب متحملة المسؤولية دي كاملة

على فكرة انا باهييس دلوقتي عشان حاسة اني داخلة على جلطة

بعد الشر عليكى يا ام مريومه...انتى مريومه عاوزاكى و محتجالك ...يعنى عندك مسئوليه

ان شاالله اى حد تانى معندوش مسئوليات و لا شغل و لا مشغله و ماشى يتمشى فى البلد من شرقها لغربها

اتوقع المرحله الجايه هيزيد عدد القضاه فى مصر ...ايون صدقينى ..اسمعى كلامى بس...ما اصل الفاضى يعمل قاضى

[المهندسه]

بيحصل توزيع داخلي للمجموعات يعني مجموعه بترجع ترتاح وتشوف شغلها

وبعدين العكس بالعكس ,,

واي استفسار هادي انا جاهز بس لو سمحتي بدون انفعال ,,

يا بشمهندس بالله عليك ده كلام ....يعنى ايه تبديل بينهم ..ده على اساس انهم شغالين فى تكيه و لا طابونه اعذرنى يعنى

ربنا يهديهم...

[masraweya]

مش كان فيه صفقة؟

ليه مش ملتزم بيها يا اركتيكت؟

[م تيمور المراغي]

مش كان فيه صفقة؟

ليه مش ملتزم بيها يا اركتيكت؟

لو كان الطرف الاخر التزم

ووافق على الصفقة

كنت وعزة الله

التزمت ,,

لكن جاء الرد

كلام الإدارة الرسمي

..................................

.. فلا نحن أصحاب صفقات ولا أصحاب مباديء او ثوابت متغيرة حسب الموقف....

...................................

الموضوع بالنسبة لنا منتهي وغير قابل للنقاش

طبعا ده كله على اساس ان كلامي ما تحققش ,,

لكن بالفعل احمد شحرور وهو من الكوادر استطاع ان يصل ( بطريقة او باخرى ;) ) الى حدوود رفح

تفتكري هو و 15 من شباب الحركة وصلوا رفح ازاي !!

احتمال عشان الجيش ما قدرش عليه !! :happy:

[عنبو]

فيه الوف بيتابعوا التوبيك ده من خارج المنتدى ,,

اتمنى ان المداخلات فيه حتى لو اختلفنا تكون ارقى من كده ,,

للجميع التحية والاحترام ,,

ياعم الوف ايه بس يا تيمور دول كلهم 2300 منهم الفين اساسا مشتركين معانا فى المنتدى وعاوزين يهاجروا كمان

مش عاوزين ندى الموضوع اكتر من حجمه

وبعدين انا من الصبح بسأل سؤال بقول كام واحد لبى الدعوه بتعت سته ابريل ومافيش حد رد عليا

وبعدين سمعت رقم 15

وطبعا مافيش ملايين زحفت زى ما انت كنت بتقول عارف ليه مافيش ملايين زحفت

لان الناس المؤثره فى الشارع بجد رفضت الموضوع ( الاخوان والسلفيين )

عارف لو كان الاخوان او السلفيين وافقوا على الموضوع كنت هتلاقى ملايين بس للاسف وقتها سته ابريل كانت هتعتقد انها

اليى حركت الناس دى

للاسف يا تيمور كانت بدأت شعبيه تتكون ليكم بعد الثوره ولكن انتوا ضعيتوها تماما بسبب تصرفاتكم دى

للاسف يا باشمهندس انت المفروض راجل مهندس وعارف ان التخطيط للمشاريع لازم يبقى محسوب ليها كل شىء بدقه

ولكن انتم دلوقتى ماشين بالبركه

تحياتى

عنبو