الله حي ....التاني جاي ....

[rewsha]

ده الاولاني

الإفراج عن مرتضي منصور في قضية قتل المتظاهرين

قضت محكمة جنايات القاهرة، بقبول التظلم المقدم من مرتضي منصور، علي قرار حبسه 15 يوماً علي ذمة قضية قتل المتظاهرين في الواقعة المعروفة إعلاميا باسم "موقعة الجمل"، وقررت الإفراج عن المتهم وإخلاء سبيله.

اسيبكم مع التاني بقى

قررت النيابة العسكرية الافراج عن رجل الاعمال ابراهيم كامل بعد ان تم القاء القبض عليه فى العاشر من شهر ابريل الماضى على خلفية احداث ميدان التحرير فى وقت سابق ، لعدم ثبوت ادانته

المصدرجريدة الفجر

______________________________________________________

البراءات بدئت تهل

وقانون الطواريْ اتمد تاني

والمغتربين مش هايصوتوا في الانتخابات

ايه راْيكم في الكلام ده ؟

انا باهدي النفوس بس.

تم تعديل 13 مايو 2011 بواسطة rewsha

[شرف الدين]

الأخت روشة

هل معنى كلامك هو تشكيك في أحكام القضاء ؟

[losses]

الأخت روشة

هل معنى كلامك هو تشكيك في أحكام القضاء ؟

دى براءة متعلقة باحداث الميدان فى 8/9 مارس ولكنه مازال رهن التحقيق فى موقعة الجمل والتربح

وبعدين شىء بديهى اننا نحترم احكام القضاء

[se_ Elsyed]

مثلما علمنا سيدنا عُمر بن الخطاب

إنه من الأفضل الحكم على شخص مُدان بالبراءة ... ولا الحكم على شخص بريء بعقوبة ويبقى دمه في رقابنا كلنا

الموضوع يا روشة مش شماتة او انتقام وخلاص

نحن نريد العدل...

العدل لكل بريء

والعدل كل مُدان

[rewsha]

الأخت روشة

هل معنى كلامك هو تشكيك في أحكام القضاء ؟

دى براءة متعلقة باحداث الميدان فى 8/9 مارس ولكنه مازال رهن التحقيق فى موقعة الجمل والتربح

وبعدين شىء بديهى اننا نحترم احكام القضاء

انا مش باشكك في الاحكام ولا حاجه

انا بس خايفه ,

وزي ما الاخت فتفوته وغيرها قبل كده ,لما مرتضى منصور اخد براءه

قالت انها خايفه تكون دي بالونة اختبار لحملة براءات في السكه

انا لما لقيت شخص تاني اخد براءه (وماكنتش اعرف انه لسه رهن التحقيق في موقعة الجمل والتربح )

قولت يبقى دي الحلقه التانيه من سلسة البراءات ....والبقيه تاْتي

وحبيت اوجه رساله للاخ سي السيد برضو

لاني كنت مختلفه معاه

كل ما يقبضوا عل حد ويحققوا معاه ........الاقيه عمل فرح ووزع شربات (فراوله) على كل الاعضاء

وانا كنت دايما ارد عليه واقول له

مش عاوزين نفرح الا بعد نتيجة التحقيقات

بمعنى

ان ممكن نص اللي اتقبض عليهم واتحقق معاهم ...يطلعوا في الاخر ...براءه

اما لانهم فعلا ابرياء ...او لاْنهم عرفوا يرتبوا ورقهم كويس

تحياتي

[masraweya]

اما لانهم فعلا ابرياء ...او لاْنهم عرفوا يرتبوا ورقهم كويس

تماااام

الاحتمالين موجودين

و في الحالتين .. مفروض نلتزم بالقانون .. لغاية ما يبقى حكم نهائي

و ساعتها حتى لو براءة بسبب الورق المترتب.. هيروحوا فين من ربنا؟؟

لكن لو سبناها لاهوائنا.. و اللي يقدر ينفذ الحكم بايده

هتبقى فوضى و غابة

و اكيد مش عايزين ده فو احنا بنبني بلدنا

تحياتي

[se_ Elsyed]

قزازة شربات ورد هنا يابني

الراجل مالحقش يا كبد أمه

" ترحيل إبراهيم كامل إلى سجن طره لحبسة 15 يوماً على ذمة التحقيق في قضية موقعة الجمل "

هههههههههههه

الراجل مالحقش ياكل أكل ملكي .. بس هو خبرة دلوقت ومش هايستغرب الجو جوه

[ابراهيم عبد العزيز]

السلام عليكم ورحمة الله

هو يا أخت روشة ما يحدث ليس معناه التشكيك فى احكام القضاء المصرى

فالقضاء المصرى أثبت أنه ولله الحمد قضاء مستقل وقاوم محاولات استقطابه فى عهد النظام السابق وكلنا شاهدين على احكام متعددة اصدرها رجال القضاء المصرى كانت تحرج النظام السابق مثل الحكم بايقاف تصدير الغاز لاسرائيل والحكم بمغادرة الحرس الجامعى المنتمى للداخلية الحرم الجامعى وغيرها من الاحكام

ولا احد ينسى ان رجال القضاء وقفوا قدر استطاعتهم ضد محاولات تزوير الانتخابات التى كانوا يشرفون عليها مثل الانتخابات البرلمانية عام 2005 مما جعل النظام السابق يتخذ قرارا بالغاء الاشراف القضائى على الانتخابات .

اذن لا يمكننا ان نشكك فى احكام القضاء ابدا

طيب ممكن أن يسال شخص طالما أن الأمر كذلك فما سر هذه البراءات المتتالية لبعض رموز الفساد ؟؟

نقول يا اخوان القاضى يحكم بما توفر لديه من أدلة وبراهين تقدمها النيابة , والقاضى لا يحكم بعواطفه أو قناعاته

فمهما كان علم القاضى المسبق بأن المتهم الذى امامه انسان فاسد ومذنب , ولكنه اذا كانت الادلة التى امامه غير كافية لادانته واستطاع المذنب نفى التهمة بالادلة فوجب على القاضى فى هذه الحالة الحكم له بالبراءة .

اذن اللوم ليس على القضاء ولكن اللوم على التأخر فى تقديم الفاسدين الى العدالة , وكان التأخير لمدة شهر ونصف تقريبا بعد انتهاء الثورة , مما اعطى المتسع من الوقت لهم لاخفاء أدلة ادانتهم وتسوية المخالفات وشرعنتها بطرق مختلفة

و