مبروك ,, مصر تستعد لوقف ضخ اسرائيل بالغاز المسال

[م تيمور المراغي]

رصد | مصر | مصر تستعد لتزويد غزة بالكهرباء والغاز بدلا من اسرائيل #RNN

------------------------

القناة السابعة الاسرائيلية

[م تيمور المراغي]

الله اكبر ,,

ولسه البشاير حتهل ان شاء الله ,,

الغاز اللي بالمليارات و اللي كان بيروح لاسرائيل ببلاش ده قوتنا وقوت ولادنا

كان لازم مبرر قوي لكي توقف مصر ضخ الغاز الى اسرائيل ,,

مبروك يا مصريين ثروة بلادكم من الغاز المسال مش حتروح هدر لاعدائكم ,,

[م تيمور المراغي]

هل ستقوم قطر بتزويد اسرائيل باحتاجها من الغاز المسال لتعويض المنع المصري !!

معقول توصل العمالة للصهاينة الى هذا الحد !!!!!!

[م تيمور المراغي]

انا بقول لكم من اولها آهو :happy:

المليارات اللي وفرناها على البلد دي لينا 50% منها عشان ما نرجعش في كلامنا :P

[م تيمور المراغي]

ده مصدر الخبر للي سأل ,,

رصد | مصر | مصر تستعد لتزويد غزة بالكهرباء والغاز بدلا من اسرائيل

[طارق مصرى]

الحمد لله ياريت يكون صحيح الخبر

مع ان الفيس بوك ميعتبرش مصدر للاخبار

[م تيمور المراغي]

مافيش دخان

من غير نار

ولو ما حصلش

احنا دورنا اننا نضغط على المجلس العسكري للتنفيذ ,,

دي مصلحة الوطن وثرواتنا الطبيعيه

بقى نكون على وشك الافلاس

ونصدر الغاز لاسرائيل ببلاش !!!

وقطر بتعمل مليارات من الغاز المسال كل يوم !

والله ما حنسكت ,,

تم تعديل 13 مايو 2011 بواسطة architect

[abdulmuttaleb]

الله اكبر ,,

ولسه البشاير حتهل ان شاء الله ,,

الغاز اللي بالمليارات و اللي كان بيروح لاسرائيل ببلاش ده قوتنا وقوت ولادنا

كان لازم مبرر قوي لكي توقف مصر ضخ الغاز الى اسرائيل ,,

مبروك يا مصريين ثروة بلادكم من الغاز المسال مش حتروح هدر لاعدائكم ,,

هو حضرتك عارف الفرق بين غاز البوتوجاز اللي الشعب بيستخدمه في البيوت، وبين الغاز المسال المصدر وايه العلاقة بينهم (إن كانت هنالك علاقة)؟

[م تيمور المراغي]

لا انا مش متخصص لكي تسالني الفرق بين البوتامين والغاز المسال ,,

ممكن اعرف ايه علاقة السؤال ده بخبر وقف ضخ الغاز الى اسرائيل

[Howayda Ismail]

أولا الغاز الطبيعى يتكون من c1 , c2 لذلك فهو صغير الكثافة خفيف الوزن عديم الرائحة

ثانيا البوتجاز فهو يتكون من c3,c4 c5 لكن النسبة الاكبر تكون من c3,c4 ويكون مسال تحت ضغط

فعند حمل الأنبوبة و ترجها تحث و أن بها سائل و لذلك كبير الكثافة ثقيل الوزن و ايضا عديم الرائحة

ولعوامل الأمان أضيفت إليه مادة كيمائية ذات رائحة مميزة مثل رائحة (البيض الفاسد) وهي مصنعة من عنصر الكبريت

فكرة عامة عن الغاز

الغاز هو عبارة عن مادة هيدروكربونية عديمة اللون والطعم والرائحة وهي غير سامة ولكن تواجدها بنسب تركيز عالية وفي مناطق ضيقة عديمة التهوية يسبب الاختناق كما أنها قابلة للاشتعال وأحداث تدمير هائل عند تركزها في منطقة ضيفة وبوجود مصدر للاشتعال .

ويقسم الغاز الى نوعين

النوع الأول : الغاز البترولي المسال(البوتاجاز) وهو غاز يصنع من البترول

وهو الغاز المكون من عنصري البروبان والبيوتان ويشكل حوالي اقل من 10% من تركيبة الغاز الهيدروكربوني ويستخدم بصورة أساسية في أعمال الطبخ المنزلي من خلال تعبئته في اسطوانات الغاز ، وكذلك في الورش والفنادق والمطاعم الكبرى وكبار المستخدمين وكوقود في وسائل النقل.

وده مصر بتستورده من 4 دول عربية ويعبأ فى اسطوانات ويستخدمه حوالى 80% من البيوت فى مصر

النوع الثاني : الغاز الطبيعي : يوجد منفردا ويستخرج من ابار فى البحر المتوسط

وهو الغاز المكون من عنصري الميثان والايثان ويشكل حوالي 90% من تركيبة الغاز الهيدروكربوني ويستخدم كمادة خام أولية (تغذية) للصناعات البتروكيمياوية الضخمة كصناعة الأسمدة والميثانول والاثيلين والغاز الطبيعي المسال كما يستخدم كوقود في محطات توليد الطاقة الكهربائية ومصانع الأسمنت والألمنيوم .

وتعتبر مصر ثانى اكبر دولة عربية انتاجا للغاز المسال -تصدر منة مصر ل 4 دول عالمية - رخيص جدا- طبيعي وغير ضار - يستخدمه 20% من البيوت في مصر- يصدر منة 10 % فقط من المخزون- لايعبئ في انابيب ولكنة يدخل البيت عن طريق المواسير وعن طريق العداد وفاتورة شهرية

وطبعا ليس من الطبيعى ان تستورد مصر غاز بوتاجاز بتكلفته العالية فى الوقت اللى بتصدر فيه الغاز

الطبيعى لاسرائيل برخص التراب خاصة انه من الطاقة الغير متجددة قابل للنفاذ فى اى لحظة

اسكندرية من المحافظات سعيدة الحظ اللى دخل فيها الغاز الطبيعى حوالى 75 % من المنازل

وجارى ادخاله فى باقى المنازل

تصوروا فاتورته الشهرية لاتتعدى 5 جنيهات ( بوتاجاز وسخان )فى حين الانبوبة تباع فى بعض المناطق ب 15

جنيه وذلك لوجودالشركة المنتجة فى الاسكندرية و ب 30 و40 جنيه فى المحافظات الاخرى واحيانا لاتتوفر

يعنى من الاخر مصلحة لمصر كبيرة انها توقف تصديره وتعممه على البيوت المصرية اولى

[ابراهيم عبد العزيز]

نتمنى أن يكون هذا الخبر صحيحا , ونريد ان نصدر الغاز المصرى طبقا للأسعار العالمية , فليس من المنطقى أن تعانى مصر من ازمة مالية وتنعم اسرائيل بالغاز المصرى بأسعار تقل عن الأسعار العالمية فأصبحنا لا من الغاز استفدنا ولا حصلنا على ايراد من بيعه !!؟ وبذلك يكون ما يحدث هو اهدار للثورات الطبيعية المصرية لا يرضاه احد

[se_ Elsyed]

طالما الخبر من مصدر غير رسمي .. إذن فيصعُب تصديقه

الاهم من ذلك

مصر للأسف موقعة على إتفاقيات تخضع للقانون التجاري الدولي ...

وبالتالي أي مخالفة لتك التعاقدات فيها مشاكل كبيرة لمصر ...

لكن كما كتبت من قبل ... مستحيل مصر تصرح بعدم تصدير الغاز لإسرائيل.. لكن هانشتغل لهم في الازرق ونخلي العملية صعبة عليهم

تيمور

أقسم بالله قربت تكرهنا في أي عمل كويس لحركة إبريل واللي عملوها

لإن فاضل تذلونا إنكم أصبحتم تهبونا الحياة والهواء الذي نتنفسه

أنا متخيل النهاردة المجلس العسكري وهو مجتمع وبيقول : يا نهار يا نهار ... إنجي ومحمد عادل رايحين رفح ... ده اللي كنا خايفين منه ... يالله بقى نقطع الغاز عن إسرائيل ...

رفقاً بعقولنا شوية عشان فاض الكيل

[م تيمور المراغي]

......

أنا متخيل النهاردة المجلس العسكري وهو مجتمع وبيقول : يا نهار يا نهار ... إنجي ومحمد عادل رايحين رفح ... ده اللي كنا خايفين منه ... يالله بقى نقطع الغاز عن إسرائيل ...

خلاص يا س ولادك عاوزينك ما تعملش في نفسك كده :happy:

لا ياسيدي العكس هو اللي صحيح ,,

البعض في المجلس العسكري و حكومة دكتور شرف محتاجين نساندهم في الحشد والضغط لتكوين رأي عام شعبي موحد يقول لا لتصدير الغاز الى اسرائيل ببلاش ,,

ده حيساعدهم جدا في اتخاذ القرار وبرفع عنهم الحرج امام المجتمع الدولي لانه اصبح قرار بضغط شعبي و دول العالم بتحترم قرارات الشعوب ,,

المطلوب دلوقتي نوحد كلنا جهودنا وراء المطلب ده لانه حيعود بمليارات الدولارات على الخزانة العامة نحن في امس الحاجة كمصريين اليها ,,

ارجوا اني اكون وضحت الصورة للجميع ,,

[se_ Elsyed]

يابا الحج تلغي إيه ؟

إحنا بننفخ في يقربة مقطوعة ؟؟؟؟؟؟؟

ما ينفعشششششششششششش دي إتفاقيات دولية ... ولو بتتابعنا وتسيبك من إبريل شويه هاتعرف إننا إتكلمنا عن أرض طابا اللي يإتباعت لوجيه سياج والدولة رجعت في كلامها لأسباب أمنية ومصر إتبهدلت بهدلة الأرملة اللي بتجري على معاش جوزها

ما بالك في إتفاقية داخله فيها إسرائيل ؟؟؟؟؟؟

يبقى الصح إننا نطلع محترمين ونحترم الأتفاقيات أمام العالم .... لكن نلعب من تحت لتحت ونكرهم في حياتهم ... بنفس أسلوبهم اللي بيجيدوه لحد ما يقولوا حقي برقبتي

[م تيمور المراغي]

هدف حكومة شرف والمجلس العسكري الغير معلن بالطبع هو التمهيد لوقف تصدير الغاز الى اسرائيل ,,

المسيرة والضغط الشعبي المتواصل حيسهل مهمتهم دي ,,

مش بنقول حنضغط لرفع السعر

بقول حنضغط لوقف التصدير تماما ,,

وان شاء الله حنحقق المطلب ده ,,

[ذهبية]

اخيرا بدانا نتصرف صح

[م تيمور المراغي]

اخيرا بدانا نتصرف صح

بامارة البوينت الحمرا اللي اديتيهالي من يومين ,,