بروفيل المواطن الكادح

[ragab2]

[b:post_uid0]يا بلدنا .......... فيكى  حاجة  محيرانى

نزرع القمح فى سنين يطلع القرع فى ثوانى

فيكى الرشوة والواسطة  والبعيد  يصبح دانى

حتى  الغفير ينهب  وبعد شهور  يصبح  غانى

والظلم فيكى للركب والبريئ يصبح  جانى

                               وعجبى

والجانى يمرح برة السجن  وهى ماشية حلوانى

دخلك وفلوسك وخيرك كتير  ولكن حالتك مخوفانى

والحرامية فيكى كتير واللى بيسرق  لازم يسرق تانى

والكويس فيكى تعبان وساكت  واذا اتكلم  يبقى فانى

                                   وعجبى

حتىالوزيرفيكى حرامى  وكأنه مش راجع تانى

والهبش فيكى  بالملايين  والشعب  اللى بيعانى

والشريف فيكى اذا اعترض  يجلد أكتر من الزانى

والعالم بيشتغل ويتقدم  وانتى عايشة على الأمانى

اصحى يابلد  وبلاش نوم وطبل وزمر  ولا  أغانى

يابلدنا فيكى حاجة محيرانى

نزرع  القمح فى شهور وسنين

يطلع القرع والكوسة فى ثوانى

كفاية  كدة  ولا نقول  تانى

[الأفوكاتو]

الأخ رجب 2

إن هذا الزجل هو أحسن وصف لحالة الإحباط التى يعانى منها الشعب المصرى, برافو عليك

[Imhotep]

اقول ايه بس يا عم رجب.....دايمآ تاحفنا كده بنفحاتك اللي زي الفل.... يسلم فمك صحيح. روح يا شيخ الاهي يعمر بيتك.

[Mohd Hafez]

[b:post_uid0]يا أخ رجب .. أنت لخصت حضارة دامت 5000 عام ..في 50 كلمة أو أقل .. فمصر بتنسرق منذ  عهد مينا موحد القطرين .. إظاهر أنه كتب وثيقة الأتحاد بين الشمال والجنوب .. داخل مغارة علي بابا[/b:post_uid0]

[ragab2]

الاخوة الاحباء

لدينا أمل فى صلاح واصلاح البلد ان شاء الله

[ragab2]

سررت لمحاكمة الغريب والجندى

واطالب بقانون محاكمة الوزراء

[Mike]

[arabic]

حتي في حاله المحاكمة

عاوزين قانون VIP للساده الوزراء ....

‍‍‍‍‍!!!!جتنا نيله في حظنا الهباب ‍‍‍‍‍‍‍‍‍

[Alshiekh]

[b:post_uid4]قانون محاكمة الوزراء موجود للى يطلعوا من الخدمة

هأ هأ هأ ، [/b:post_uid4]

الجاعان بيحلم بسوق العيش

[abla]

مش كل اللى بيطلعوا من الخدمة يااخ محمد  :D فيه ناس مسنودين والعملية ماشية معاهم اخر فل وماحدش يقدر يقرب منهم  :music:  معلوم هو العين تعلا على الحاجب برضه  :xmas:  :xmas:

[good_future]

والله كل كلامكم عاجبني

بلا تعليق :P