الحزب الوطني يبايع مبارك لفترة خامسة !!!

[sha3ooor]

أعتقد أن الحل الوحيد مع هذا النظام هو العصيان المدنى

[kotoz9]

والله يا جماعة امريكا دى ما عندها دم

عايز اعرف اشمعنا يعنى لبنان اللى زعلانة قوى على دستورها المنتهك

هو احنا ملناش دستور ولا ايه ولا احنا يعنى ولاد البطة السودة

اشمعنا هم يعنى يجتمع لهم مجلس الامن واحنا لأ

لا دى مؤامرة وامريكا تكيل بمكيالين

الحزب الوطنى يطبق سياسة اللى مش عاجبه يخبط دماغه فى الحيط :)

[hamo90]

لو فعلا مبارك كان نجح إنه يغسل دماغ الشعب المصري  كنا لازم كلنا دلوقت بنغني إخترناك إخترناك

الأجيال الجديدة أكثر وعيا بكثير من الأجيال القديمة بسبب إنتشار الفضائيات والإنترنت  ونظام مبارك نظام كسيح وليس بهذا الجبروت اللي بتتخيلوه وكل مايحتاجه الأمر عملية تنظيم ولنا في جورجيا أسوة حسنة

ويا تري مين هو محمد سكاشفيلي ؟

[عمرو]

حركات العصيان المدني بتبدا برفض عام لحالة والكل بيساهم فيها بشكل بسيط عن طريق لصق شعار او تعليق شارة علي ايريال السيارة واشياء من هذا القبيل بحيث لاتستطيع الحكومة منعها وفي نفس الوقت تلفت نظر الاعلام ومع تطور الحركة بينشا لها قادة وزعماء قادرين علي تمثيلها والتحدث باسمها وانا من وجهة نظري اصلح واحد لهذا الدور هو سعد الدين ابراهيم

ياسيد حمو

الاجيال القديمة للاسف فقدت القدرة علي فعل اي شئ ولاتريد ان تمضي بهدوء قبل زرع ياسها واحباطها في نفوس الاجيال الشابة

[Tafshan]

احنا السبب

والله في كل دول العالم الحر في حاجه اسمها معارضه بجد و برضو في اعتقلات و قمع .. لكن مصر شعبها مسالم ووديع و زي السكر كبيره انه يقول : المنحه يا ريس !!

لو مش قادرين تقولو لأ بلاش تقولو أه !! بلاش تحضروا الخطب بتاعتهم ، انضموا لحزب معارض و غيروا فكره و وغيروا دمه و خلصوه من عواجيزه ...

الموضوع ح يأخذ وقت لكن في حياة الشعوب 100 سنه مش فتره كبيره .. مش لازم نيأس ..

يا جماعه قدمنا سنه علي استفتاء 2005 يلا نعمل حاجه ...

انا غير مقتنع بموضوع العصيان المدني لانه في النهايه لو نجح سيؤدي لما هو يشبه ثورة يوليو (تاني!!!) و غير مقتنع برأي الاخ قطز بأنتظار الحل من امريكا لانها لو فعلت لاصبحت مصر عراقاً جديد و الدليل ما وصفه بوش بنفسه : انه يريد ان يصنع من العراق نموزج لما يريد للشرق الاوسط ..

كفايا بقي بكاء و عويل و احباط ... بس من بعيد ..

يلا نعمل مقاطعه للحزب الوطني و نشارك في احزاب المعارضه كل منا حزب اتجهاته الفكريه و من داخل تلك الاحزاب نحاول التغير - اعني في الحزب - حتي يصبح له وجود اولاً ثم المنافسه ...

بلاش نفكر في حل لينا احنا ... فكروا في اولادنا .. عايزنهم يعيشوا كده زينا عصر المماليك الجديد ؟؟؟

عايزنهم يعيشوا حكم العسكر ؟؟

كل عظماء مصر خرجوا من القمع .. و علي فكره ما كانش عمل افراد .. كان عمل جماعي و كان باين مش تنظيم سري !!

في كبايه .. و في شويه في قعرها ممكن نتفائل بها ...

[DARWEEN]

نفس الحلقة الفرغة ...

عاوزين تغيروا ... نقول من الأول

مجلس شعب محترم

يبقى أنتخابات محترمة

يبقى مافيش قانون طواريء .. وشعب نبيه يختار الصح ومايبيعش صوته الأنتخابي بعشره جنيه

يبقى دستور يتغير

يبقى الريس لازم يعدل الدستور

ومادام الريس عاجبه الوضع يبقى مش حيعدله

حتى الموت الطبيعي حيجيب جيمي

يبقى الحل أيه ؟؟؟؟؟؟؟؟

نقول من الأول

مجلس شعب محترم

taz:: taz:: taz::

[Ahmed Mohsen]

الله ينور عليك يا داروين

[Cleo]

أنا مش فاهمة احنا ليع بنتكلم وكأننا اتفاجئنا بموقف الحزب الوطنى الحاكم وكأننا كنا نتوقع أو حتة نأمل فى غير ذلك..!! ماهو "كلله" تحصيل حاصل..!!

أنا أميل جدا لرأى الأخ غريب فى الظلمات... علما بإن ده الوضع القائم فعلا.. مش لسة منتظر انه يحصل.

[على ويكا]

هو احنا ملناش دستور ولا ايه ولا احنا يعنى ولاد البطة السودة

لا ماعندناش ولو في هيبقى دستور هايف وهزيل ومبيحميش المواطن فى ابسط حقوقه اللى هو حق المواطنه

[KANE]

علي سبيل المثال لو تم طبع ملصقات تحمل كلمة لا وتم وضعها علي السيارات وتي شيرتات تحمل نفس الكلمة وإرتداها الناس وأصبحت كلمة لا موجودة في كل مكان مثل كراريس الطلبة وسيارات المواطنين وتي شيرتاتهم ومداخل العمارات وداخل الجامعات والمدارس والمصانع بالتأكيد عمل كهذا سيلفت نظر أجهزة الإعلام وسيتم تسليط الضوء علي هذا الموضوع

لا كده عيب pps:

[Sherief AbdelWahab]

لنكن واقعيين:

هل يوجد في الحزب الوطني أو في أيتها حزب كادر مؤهل للترشح لمنصب رئيس الجمهورية كمنافس لو أردناها انتخابات تعددية؟

لا..

لا توجد أحزاب سياسية ، و لا توجد معارضة حقيقية ، و لا فهم لفلسفة التغيير و أنه ليس نزول أحمد أبو مسلم مكان جلبيرتو في الشوط الثاني ، و لا احترام للنظام ، لأي شكل من أشكال النظام داخل الحياة السياسية المصرية سواء من الأحزاب السياسية المعلنة أو غير المعلنة (الأتاتورك و الإخوان المسلمين ) أو جماعات الضغط (رجال الأعمال و صحفهم) ..

فكيف أن ننتظر انتخابات رئاسية تعددية بلا مشاكل؟

الحزب الوطني ليس إلا لاعب سيء لا يقل الآخرون عنه سوءاً إذا ما قعدوا على قلبنا بانتخابات أو انقلابات أو بلح أمهات..و لو حكمنا الناصريون مثلاً فسنكتشف تلك الحقيقة المرة..

خلص الكلام