اشتباكات عنيفة بين معتصمي ماسبيرو ومجهولين

[se_ Elsyed]

كل اللي بيحصل ده ما يدخلش ذمتي بتعريفه

بيانات للجيش إن صبره نفذ وإنه سيتعامل مع البلطجة بمنتهى القسوة ... يا واد يا جامد .. طب حاسب المطوه تعورك

ووعود متكررة من الاخ توتو الشهير بمنصور العيسوي بإعادة إستتباب الأمن

وبلطجة ليل نهار في الشارع وبقت حاجه رسمي ..

وجيش وشُرطة يلا يعدوا ولا يحصوا مترشقين في ميدان التحرير

وعارفين إن في ناس لها مطالب ومعتصمة في ماسبيرو أمام الجميع

ومعذ ذلك نشوف منظر مسخرة زي اللي حصل أمبارح ده ... ده معناه حاجه واحده :

- تراخي وتواطء من الأمن - جيش وشرطة - لغرض ما ....

- الإحساس ده وصل للبطلجية دول أياً ما كانوا ... فعروفوا إنهم مش هايقدروا يعملوا لهم حاجه ..

وإلا

لو عيل صغير في الأمن كان فكر وقال .. إن البلطجية دول بيهجموا من على كوبري 15 مايو .. يبقى عسكري من الناحية دي .. وعسكري من الناحية التانية ... ويقفشوهم في النص وخلص الموضوع ... وإعتراف منهم وهما على الكوبري يعرفوا مين وراهم

بالله عليكم .. كتبت كام مره عن الناس اللي إتمسكوا يوم موقعة الجحش وهم 120 ... وقولت أظن عندك دلوقت جريمة متكاملة ... خد يالا أنت وهو مين وراكم وحرضكم ... وإتقفل الموضوع .. صح ولا لأ ؟

إنما كل يوم ميوعة وقلة أدب من الجيش والشرطة ويمسكوا إبراهيم كامل بدعوى التحريض . وبعدين يفرجوا عليه ويقولوا لأ لأ مش هو .. هو حسين مجاور ...لأ لأ دي عيوشه إبراهيم ... لأ لأ مش عارف مين ..

وكإنها كيميا ... أومال مين اللي إنت حكمت عليم بخمس سنين سجن دول ؟ ولمصلح مين بتطرمخ عليهم ومش عاوز حتى تعرف مين اللي وراهم .. إلا لو كان تبعكم ؟

هل من الصعب إني أستدعي جنود الإحتياط بالأمن المركزي وهم بالملايين وأنشرهم في الشوارع ؟

هل من الصعب إني أفرض الألتزام على ضباط الشرطة اللي لا مؤخذه بيتمرقعوا لحد دلوقت ؟

هل تتخيلوا أيها السادة إن من شهر يناير في ظباط بيقبضوا مرتبات - من فلوس الشعب - ولسه رافضين ينزلوا أقسام الشرطة أو مواقع عملهم وقاعدين في البيت حتى الان ؟ هل تتخيلوا ذلك ؟

حتى لو أعلننا الاحكام العرفية ... إيه هانجيب ناس من المريخ يطبقوها ؟

حد ينده لنا الدكتور عصام شرف من عند التابعي الله يخليكم

يا دكتور عصام .. يا عم المشير الحلو .. هل من الصعب إنكم تعملوا إجتماع على أعلى مستوى وتحطوا خطة لإعادة الأمن خلال أسبوع واحد مهما كان التضحيات بحثالة المجتمع من المجرمين والبلطجية ؟ أجي أحط لكم الخطة دي أنا لوجه الله والوطن ؟

هل من الصعب تفعيل قانون البلطجة وإن أي حد هايتمسك مش والعياذ بالله شايل سلاح ناري أو ابيض ... لأ .. اقسم بالله لو ماسك طوبه زي اللي شوفناهم وهما بيعتدوا على المتظاهرين الأسبوع الماضي .. لو ماسك طوبه وبيحدفها ... إعدام في ميدان عام مهما كانت الإنتقادات . لإنه إفساد في الأرض وتحريض على الإفساد

وخلوا بالكم ... اتحدى تشوفوا حد ماسك طوبة أو بيتخانق لوحده .. لكن ده بيبقى سلوك جماعي أو تهييج جماعي وقيادة لسياسة القطيع

الأخ منصور العيسوي بيبشرنا إن الأمن هايرجع أحسن من الأول .. لإن القوات المسلحة أهدت الشرطة هذا الأسبوع 200 سيارة جيب وهاينزلوا الأمن في القاهرة مره أخرى ..

يا سلام .. شوف إزاي ؟

إذا ما كانش إعادة الامن من أولويات الوزارة قبل منابع النيل وعلاقاتنا مع الخليج .... فلتذهب هذه الوزارة كلها بمن فيها إلى الجحيم ... ونأتي بوزارة أخرى من الرجالة ترجع للنا أهم حاجه في حياتهم وهي الأمن

أقسم بالله لسه بأتصل بأخويا أمبارح فبيقول لي : أنا بأخلص في مسدس هاشترية اليومين دل - غير مرخص طبعاً - فقلت له حلو .. كده ضمنت 15 سنة ... فقال لي طب قول لي أعمل إيه .. انا راجع البيت الأسبوع اللي فاتت وطلعوا عليه بطلجية على الهاي واي وحاولوا يوقفوا العربية والحمد لله هربت منهم وجت سليمة ... استنى بقى أما أموت المرة الجاية ؟

قبلها بيومين واحد معرفتنا غلبان ومطحون.. جايب تاكسي يسترزق عليه بـ 150 الف جنيه وعله أقساط وحالته زفت ... التاكسي إتسرق .. وبلغ الشرطة التي لم تحرك ساكناً وعندهابلاوي تانية متلتلة ... تخيلوا عمل إيه ؟

راح أجر عصابة متخصصة في سرقة السيارات ودفع لهم طبعاً س عشان يعرف التاكس مصيرة أيه ..

اللهم صلي عالنبي .. العصابة طلعت أكفأ من الشرطة بمراحل .. خلال أيام قليلة توصلوا للعيال اللي سرقوا التاكس ...

شوفوا الكفر بقى ...

3 عيال معفنين .. سرقوا التاكسي من الراجل .. وفككوه حتت . وراحوا باعوه في كفر الشيخ كله على بعضه بـ

7 الاف جنيه ..

وراح التاكسي والراجل هايموت من حسرته دلوقت

يرضي مين ده يا سادة يا كرام ؟

أظن أنا كتبت مبكراً للسيد منصور العيسوي .. إن إذا ما كنتش قدها .. وإذا كنت قليل الحيلة وبتفتح النت زينا وبتفاجأ بالكوارث دي .. وإذا ما كانش عندك خطة ولا سيطرة ولا حكم على رجالتك العيال .. فسرحهم وسرح نفسك قبلهم وفضها سيرة .. ونستعين بالبلطجية هما اللي يحكموا الشارع وندفع لهم بقى ميزانية الشرطة وخلاص نبقى عارفين مين عدونا ومين حبيبنا ..

بلا قرف

[ozoozo]

بصراحه وبدون اي زعل

انا لست متعاطف بالمره مع الاقباط المعتصمين بلا مطالب او اسباب مقنعه غير علي رأي سين سين اسباب هلاميه وانهم عايزين تطمينات وانهم يحسوا بالامان

واعتقد ان الكثير بدأوا في فقد التعاطف معاهم

[ذهبية]

1- تغير وزير الداخية اللى مش شايفة لة اى دور نهائى الا شوية تصريحات

2- منع اى تظاهرات من اى نوع اى كانت اللى عايز يقول راى مش لازم يلم معاة تلات اربع الاف واحد معاة

3- فصل الضباط الرافضين للخدمة و عقابهم بالاحكام العسكرية لو تطلب الامر

4-سرعة الحكم فى اى مشتبهة فية ليكون عبرة لغيرة

5- سرعة الانتهاء من الدستور و نفكر بقى الانتخابات و محدش يقولى اصل الوقت و الامن مش هيسمح بالعكس كل ما هتطول المدة كل ما الامن هيقل و التسيب هيبعد المسافة اكتر

5-الاعلام يخف شوية تسخين و مانشيات تولع الدنيا

[doctor ayman]

انا اتفق مع كلام سي السيد

وانا قلت قبل كجه مع الاسف مصر يحكمها مجموع من ضعاف الشخصيه

لا يستطيع اي واحد فيهم ان ياخذ قرار

قال ايه الجيش خايف يحتك بالناس حتي لا يحدث فتنه بين الجيش والشعب

طب خلي البلطجيه يموتوا الناس علشان المشير الضعيف يستريح

ووزير الداخليه بيتصرف بنفس المنطق

والاخ شرف لا بيهش ولا بينش

اللي غايظني انهم كل شويه يقولوا سنضرب بيد من حديد

ولا فيه حديد ولا صفيح

والبلد رايحه في سكه اللي يروح مايرجعش

[se_ Elsyed]

بصراحه وبدون اي زعل

انا لست متعاطف بالمره مع الاقباط المعتصمين بلا مطالب او اسباب مقنعه غير علي رأي سين سين اسباب هلاميه وانهم عايزين تطمينات وانهم يحسوا بالامان

واعتقد ان الكثير بدأوا في فقد التعاطف معاهم

لأ كده ظلم يا ريس

نحن لا نتكلم هنا عن مطالب الأقباط .. غلطانين ولا مش غلطانين .... لكن جميعنا نريد تفسير لما حدث من محاولات قتلهم ... ومين دول ؟

[الغريب]

لازم نلتفت لحاجة مهمة

الثورة لم يحدث لها تسويق إعلامي من بعدها ، يروج لإنجازاتها

وبالتالي لازم نعترف أن فيه ناس كتيير لم تؤمن بالثورة بعد

إذن هناك حتى الآن معارضين للثورة وبالتحديد في "حزب الكنبة"

وأي شخص يستخدم العنف في رفض الثورة يتم وضعه في خانة البلطجية وفلول الحزب الوطني ، شئ غير منطقي

النهاردة في ناس كتيير تضررت بالفعل من وقفة ماسبيرو اللي موقفة أهم شريان للبلد وهو طريق الكورنيش

وشكل الأخوة الأقباط مطوليين شويتين ، حتى يتم تلبية أحلامهم ومطالبهم

طبيعي أن الناس تزعل ، وبالتحديد صنيعية وكالة البلح والسبتية و كافة المناطق المتضررة ، وبخاصة أن هذه المناطق عشوائية وناس رزقها بيومها ، ولا تستبعد أبدا إستخدام العنف لإزالة هذا الاعتصام ، ويتأكد الأمر لو كان الإعتصام للأقباط فقط.

وطبعا دلوقتي الأقباط هيعلنوا أن الهجوم شارك به السلفيين حتى لا يفقدوا تعاطف المسلمين معهم (كما جاء على لسان القس فلوبتير بالأمس) ، وهو ما لم يمر هذه المرة على الشعب المصري

الأمر سوف يزداد سوء، لو أستمر إعتصام الأقباط في هذه المنطقة بالتحديد

تحياتي ...

[doctor ayman]

علي فكره سيناريو مايحدث في ماسبيرو انا شفته علي برنامج القاهره اليوم من فتره

وكان عمرو اديب بيتكلم عنسينريو وضعه باحث امريكي يهودي شهير

وقال ان الحل الوحيد لاضعاف مصر واشعال الفتنه الطائفيه هو خروج الاقباط للمطالبه بحقوقهم

ثم احتكاك المسلمين بهم ثم اشتعال الموقف وتصاعده الي مالا يحمد عقباه

وهو مايحدث بالتفصيل

كل ده والمجلس العسكري نايم في العسل

[عنبو]

يااااااااااااااااااربنا هنلاقيها من مين ولا مين

هنلاقيها من سته ابريل اليى راكبين دماغهم ورايحين على فلسطين يحرروها علشان يصلوا فى المسجد

الاقصى طيب ياعم اذا كنت انت مش بتصلى فى المسجد اليى جنب بيتكم عاوز تصلى فى المسجد الاقصى طيب

هنلاقيها من الاخوه المتأسلمين اليى مره عاوزين يطبقوا شرع الله ومش عاوزين قانون وضعى واليى لو

سالتهم عن معنى الكلمه هتلاقيه بطيخه بس هما قالوا يقول كده وخلاص

ومره عاوز اختهم كاميليا واختهم عبير ومستعدين يحرقوا مصر بالكامل علشان كاميليا وعبير

اليى مش عارفين ايه قصتهم واذا كانوا اسلموا ولا لاء بس هى كده وهما برده قالوا ليهم يقول كده

هنلاقيها من الاخوه الاقباط اليى اصبحت الكنيسه بالنسبه ليهم هى الوطن واصبح عندهم حساسيه

من كل ما هو مسلم ولو واحد مسيحى ابنه شرق يقول اكيد فيه مسلم جايب فى سيرته وكل شويه

نلاقى شويه نسمع ان فيه ناس بتطالب بتدخل امريكا لحمياتهم ونسيوا تماما ان تدخل امريكا

معناه حرق مصر بالكامل مسلمين واقباط بس هنقول ايه

هنلاقيها من المظاهرات الفئويه مره الاطباء ومره عمال المصانع وحاجه اخر قرف وكأن الناس دى

مش عارفين ولا حاسين ان البلد ظروفها زى الزفت لا عادى مش مهم ام البلد المهم شوية

البهايم يلاقوا علف علشان يشبعوا حاجه تقرف

هنلاقيها من ضباط الشرطه اليى مش عاوزين يشتغلوا او بمعنى اصح خايفين يشتغلوا مهو كل واحد كان

بيدخلال الشرطه مش علشان يحمى الناس لا ده كان علشان يترسم على الناس والباشا راح والباشا جه

وربنا ماكانوا بيقدروا يفتحوا بقهم من البلطجيه وكان البلطجى بيتعمل له الف حساب فى القسم

هنلاقيها من مين ولا مين

طيب انا عندى حل اه والله امسك انا رئيس الجمهوريه لمدة خمس شهور بس وربنا هبقى سفاح فيهم

وما هخلى حد يفتح بؤه وبعدين ياعم ابقوا اعدمونى ولا ابقوا قدمونى لمحاكمه دوليه انا موافق

بس هكون خلصت بلدى من حالة الفوضى ةالبلطجه اليى موجوده

للاسف كل مسؤل اليومين دول بيخاف ياخد اى خطوه علشان مش عاوز يحرق نفسه يعنى خايف

على نفسه ومش مهم ام البلد تولع باليى فيها طيب ياعم انا مضحى بنفسى وربنا بتكلم جد

انا مستعد اشيل اى جريمه زى اهدار حقوق الانسان او سفاح او اى حاجه انا موافق

مسكونى الخمس شهور وبعدين سلمونى للمحكمه الدوليه ولا اعملوا اليى انتوا عاوزينه بس باذن الله

هكون نظفت البلد من البلطيجه وكل واحد فكر بينه وبين نفسه انه يعمل حاجه تهدد استقرار مصر

تحياتى

عنبو

[ذهبية]

سؤال يعنى

هو يعنى لما الاقباط هتتظاهر و توقف حال المرور و الاعلام يجى يصور و الدول الاجنبية تستغل الموضوع وتقول انتم مش عارفين تحمي الاقباط

احنا هندخل بقى نحميهم

الاقباط هتستريح

لما مصر عمالة تلف على كل الدول عايزة معونة و الاقتصاد بينهار مش الاقباط برضة من ناسنا و معانا ولا اية

هى الارض دى مش شايلنا مع بعض

لو الارض دى وقعت مش كلنا هنقع معاها

التظاهر دة اللى هينفذ مطالبهم

طيب اتظاهرتم و اعتصمتم و شافنكم و سمعناكم و مقدرين طلبتكم

طيب مفيش فية شغل

مفيش فية حياة لازم تستمر

مفيش فية فترة زمنية تتم فية اللى طلبتوة

طيب لية الضرر لغيركم بقى سيبوا الناس تروح اشغالها

سيبوا الحياة تكمل

[الغريب]

ياريت نسمع الفيديو ده لأحد سكان منطقة ماسبيرو وهي بتصف الوضع لعمرو أديب

http://www.youtube.com/watch?v=2uRJi57R70Y&feature=player_embedded#at=413

تم تعديل 15 مايو 2011 بواسطة الغريب

[pink rose]

المخطط واضح جدا و مكرر و قديم بس مين يفهم

اضرب محلات اليهود و محلات الصرافة يطلع اليهود من مصر على فلسطين

اضرب الكنايس و قريب كل ما هو مسيحي بس الاقباط مالهمش بلد تانية يهاجروا فيها قوم ايه اطلع طالب بحماية دولية و مطالبة بتقسيم زي السودان

هاااااااااااااا هانسكت احنا على كده بقى؟؟؟؟؟؟؟؟؟؟

عندي اقتراح مش عارفه هل ينفع و لا لأ

اعادة توزيع فوري للسكان في مصر

ما ينفعش الوضع الحالي ابدا

دخل مسلمين في الجنوب و طلع كتير من المسيحين للشمال

بحيث ما يكونش في تجمعات كبيرة لاتباع دين معين في منطقة محددة بعينها في مصر

تفتكروا ينفع؟

[الغريب]

عندي اقتراح مش عارفه هل ينفع و لا لأ

اعادة توزيع فوري للسكان في مصر

ما ينفعش الوضع الحالي ابدا

دخل مسلمين في الجنوب و طلع كتير من المسيحين للشمال

بحيث ما يكونش في تجمعات كبيرة لاتباع دين معين في منطقة محددة بعينها في مصر

تفتكروا ينفع؟

الكلام ده حاصل بالفعل

الحمدلله مصر ليس بها أي تكتل ديني في منطقة ما

وإن شاء الله الأمور لن تصل أبدا لهذا الحد

تحياتي

[se_ Elsyed]

أرجو عدم الربط بين تظاهر فئة ما ..

وبين الإعتداء عليهم بهذه الوحشية والهمجية

مهما كانت الأسباب ....

لا حد يقول لي تجار وكالة البلح ... ولا سكان متضايقين ..

[الغريب]

أرجو عدم الربط بين تظاهر فئة ما ..

وبين الإعتداء عليهم بهذه الوحشية والهمجية

مهما كانت الأسباب ....

لا حد يقول لي تجار وكالة البلح ... ولا سكان متضايقين ..

خلاص يبقى اللهو الخفي اللي أسمه البلطجية والفلول والسلفيين ، اللي بيهجموا على الناس ويكلوا ودانهم من الباب للطاق

[abaomar]

أرجو عدم الربط بين تظاهر فئة ما ..

وبين الإعتداء عليهم بهذه الوحشية والهمجية

مهما كانت الأسباب ....

لا حد يقول لي تجار وكالة البلح ... ولا سكان متضايقين ..

السلام عليكم

يعنى إيه مهما كانت الاسباب ..إحنا فين بالضبط

قطعا لا أحد مع الاعتداء على المتظاهرين بدون وجه حق اى كانوا اينما كانوا

فى نفس الوقت لا احد مع تجاوزات المتظاهرين زى ما حصل فى احداث العمرانيه يا احمد و اللى تم قطع الطريق الدائرى و الاعتداء على السيارت و الممتلكات و إثاره الرعب فى نفوس الجميع و هذا ما يحدث الان امام ماسبيرو يا احمد

المتظاهرين اللى عند ماسبيرو بيضغطوا على الحكومه للافراج عن معتقلى امبابه من المسيحيين فقط

زى ما حصل بالضبط ايام العمرانيه و بعدها عندما تم الافراج عن كاهن محبوس ..واخد بالك يا احمد .. محبوس فى قضيه

و تم الافراج عنه فعلا ..

غير انهم بيقطعوا طريق الكورنيش الحيوى جدا و يعطلوا مصالح الناس العاديين مش هاقول لك التجار

بتوع الوكاله ..لا ..الموظفين و العمال اللى جايين من شبرا و المظلات و شبرا الخيمه ..وو غيرهم

الى قلب البلد ذنبهم إيه دول و الا طالما الامر فيه مسيحيين فالامر فيه ..مهما كانت الاسباب ..

لا يا احمد حالد التدليل الزائد الان فى مرحله خطره و الكنيسه تضغط بكل اوراقها و تحرك هؤلاء الناس

لصرف الانظار عن الدعوات المتصاعده لوضع الكنيسه تحت رقابه الدوله و هذا ما سيحدث

إن أجلا أو عاجلا بإذن الله .

.

الغريب اننى لم اجد حتى الان إتهام للسلفيين بتلك الاعتداءات

قلت خير اللهم اجعله خير هى سحابه السلفيين عدت و الغمه إنزاحت ..طيب مين اللى هايشيل الليالى اللى جايه ؟؟

ذكرنى ذلك بنكته بايخه قديمه جدا

واحد قال لصاحبه انا امبارح اكلت فى المطعم الفلانى و فى النهايه كان فيه صرصار فى الملوخيه فصاحب

المطعم رفض انى ادفع حساب الاكل

قام صاحبنا راح تانى يوم و طلب اكل و فيه ملوخيه فقالوا له ما فيش ملوخيه بص له و قاله

طيب و الصرصار اللى فى جيبى اوديه فين .

تم تعديل 15 مايو 2011 بواسطة abaomar

[se_ Elsyed]

أرجو عدم الربط بين تظاهر فئة ما ..

وبين الإعتداء عليهم بهذه الوحشية والهمجية

مهما كانت الأسباب ....

لا حد يقول لي تجار وكالة البلح ... ولا سكان متضايقين ..

السلام عليكم

يعنى إيه مهما كانت الاسباب ..إحنا فين بالضبط

قطعا لا أحد مع الاعتداء على المتظاهرين بدون وجه حق اى كانوا اينما كانوا

فى نفس الوقت لا احد مع تجاوزات المتظاهرين زى ما حصل فى احداث العمرانيه يا احمد و اللى تم قطع الطريق الدائرى و الاعتداء على السيارت و الممتلكات و إثاره الرعب فى نفوس الجميع و هذا ما يحدث الان امام ماسبيرو يا احمد

المتظاهرين اللى عند ماسبيرو بيضغطوا على الحكومه للافراج عن معتقلى امبابه من المسيحيين فقط

زى ما حصل بالضبط ايام العمرانيه و بعدها عندما تم الافراج عن كاهن محبوس ..واخد بالك يا احمد .. محبوس فى قضيه

و تم الافراج عنه فعلا ..

غير انهم بيقطعوا طريق الكورنيش الحيوى جدا و يعطلوا مصالح الناس العاديين مش هاقول لك التجار

بتوع الوكاله ..لا ..الموظفين و العمال اللى جايين من شبرا و المظلات و شبرا الخيمه ..وو غيرهم

الى قلب البلد ذنبهم إيه دول و الا طالما الامر فيه مسيحيين فالامر فيه ..مهما كانت الاسباب ..

لا يا احمد حالد التدليل الزائد الان فى مرحله خطره و الكنيسه تضغط بكل اوراقها و تحرك هؤلاء الناس

لصرف الانظار عن الدعوات المتصاعده لوضع الكنيسه تحت رقابه الدوله و هذا ما سيحدث

إن أجلا أو عاجلا بإذن الله .

.

الغريب اننى لم اجد حتى الان إتهام للسلفيين بتلك الاعتداءات

قلت خير اللهم اجعله خير هى سحابه السلفيين عدت و الغمه إنزاحت ..طيب مين اللى هايشيل الليالى اللى جايه ؟؟

ذكرنى ذلك بنكته بايخه قديمه جدا

واحد قال لصاحبه انا امبارح اكلت فى المطعم الفلانى و فى النهايه كان فيه صرصار فى الملوخيه فصاحب

المطعم رفض انى ادفع حساب الاكل

قام صاحبنا راح تانى يوم و طلب اكل و فيه ملوخيه فقالوا له ما فيش ملوخيه بص له و قاله

طيب و الصرصار اللى فى جيبى اوديه فين .

وأين العدل هنا يا أبا عُمر ؟

أليس من اسماء وصفات الله إنه العدل ؟

وإننا جميعاً ندعو إلى ونرجو العدل ؟

فهل من العدل إن ما نسمعش صوتك مثلاً عما حدث في قنا اللي قام اهلها بعزل مصر الجنوبية عن العالم .. لا قطارات .. لا طرق .. حتى مجرى النيل قطعوه ؟

ما أتكلمتش ليه وقلت إن ده إجرام وبطلجة ولوي دراع للدولة وخراب بيوت للناس ؟

أنا لا أدافع هنا عما يفعله الأقباط من تعطيل لحركة سير الناس ولحياتهم

لكن أتكلم عن مبدأ إسمه " الأمن والعدل "

فأرجو عندما يتحدث أحد عما يفعله الأقباط أمام ماسبيرو وهو خطأ ... أن لا يُكيل بمكيالين

أنا مُسلم وأفتخر .. لكني لا أظلم ... ولا أجور على أحد مهما كان ..

وعندما أتحدث أقول هذا مخطأ .. وهذا مُخطا ..

مش أشيل الطين لواحد بس وأغض الطرف بمنتهى الظلم عن الأخر اللي من ديني

[pink rose]

اتفضلوا مصيبة جديدة اهو و صلي على رسول الله

واحد اسمه رامي فخري مات على طريق السويس

الكل بيجمع على كده انه مات ب 3 رصاصات من الجيش

كان في لجنة على الطريق و هو الله اعلم خاف بقى طلع يجري بعربيته الجيش قتله

اشرب بقى

صفحة كلنا رامي فخري

رامي فخري شهيد ماسبيرو

الواد اتنيل مات في طريق السويس بقدرة قادر بقى شهيد ماسبيرو

أنا عملت صفحة تانية بأسم رامي عشان صوتنا يوصل لكل العالم ممكن تنضموا لينا بقي كفاية سكوت بقي كل يوم واحد مننا بيموت ومبعرفش ناخد حقو بالله عليكو اشتركوا لازم نرجع حق رامي وكل اخواتنا اللي ماتو

اللي فوق دا تعليق الحليوة اللي عمل الصفحة راخر عاوز حق اخواته اللي ماتوا

و تلاقوا حمير كتيرررررررر مشيوا وراه زي الهبل و لا حد كان مع رامي و لا حد عارف الجيش ضربه ليه و شغالين بقى

اهو الواد دا لازم يتجاب بتاع صوته يوصل للعالم ان شالله يا بعيد تتقطع رقبتك

[abaomar]

أرجو عدم الربط بين تظاهر فئة ما ..

وبين الإعتداء عليهم بهذه الوحشية والهمجية

مهما كانت الأسباب ....

لا حد يقول لي تجار وكالة البلح ... ولا سكان متضايقين ..

أين العدل هنا يا أبا عُمر ؟

أليس من اسماء وصفات الله إنه العدل ؟

وإننا جميعاً ندعو إلى ونرجو العدل ؟

فهل من العدل إن ما نسمعش صوتك مثلاً عما حدث في قنا اللي قام اهلها بعزل مصر الجنوبية عن العالم .. لا قطارات .. لا طرق .. حتى مجرى النيل قطعوه ؟

ما أتكلمتش ليه وقلت إن ده إجرام وبطلجة ولوي دراع للدولة وخراب بيوت للناس ؟

أنا لا أدافع هنا عما يفعله الأقباط من تعطيل لحركة سير الناس ولحياتهم

لكن أتكلم عن مبدأ إسمه " الأمن والعدل "

فأرجو عندما يتحدث أحد عما يفعله الأقباط أمام ماسبيرو وهو خطأ ... أن لا يُكيل بمكيالين

أنا مُسلم وأفتخر .. لكني لا أظلم ... ولا أجور على أحد مهما كان ..

وعندما أتحدث أقول هذا مخطأ .. وهذا مُخطا ..

مش أشيل الطين لواحد بس وأغض الطرف بمنتهى الظلم عن الأخر اللي من ديني

و مين وافق على إللى عملوه الصعايده (مش المسلمين ) فى قنا يا احمد

صعايده قنايا احمد و منهم مسيحيين كانوا معترضين على تعيين محافظ معروف سيرته الذاتيه و خلفيته الامنيه المهببه

و دافعوا عن حقهم (مسلمين و مسيحيين ) فى إختيار محافظ مناسب مدنى و ليس لواء سابق

و رغم كده مرفوض تماما ما فعلوه فهناك طرق اخرى للتعبير عن ذلك.

لكن ما يحدث امام ماسبيرو بلطجه بمعنى الكلمه و لوى ذراع الدوله كما حدث قبل ذلك

فى العمرانيه مخالفه و كذب و تزوير و اعتداءات ثم ماذا ..خرجوا مراعاه لمشاعر اسرهم ..يا حبيبى يا حنين

ثم بعد ذلك هناك كاهن مزور خرج من السجن و هو حر طليق الان بفعل الضغط و المظاهرات

بعد كده اى مسيحى يعمل جريمه بعد كده و هو مستريح ..هايخرج منها ..هايخرج منها

ديتها الكنيسه تِوز كام واحد من اتباعها يتظاهروا امام ماسبيرو و اتحلت و مبروك ..ووزعوا الشربات

و يظهر البابا امام شعبه انه المُخَلِص

و طظ فيكى يا دوله و طظين فيكى يا حكومه

[MZohairy]

أرجو عدم الربط بين تظاهر فئة ما ..

وبين الإعتداء عليهم بهذه الوحشية والهمجية

مهما كانت الأسباب ....

لا حد يقول لي تجار وكالة البلح ... ولا سكان متضايقين ..

أين العدل هنا يا أبا عُمر ؟

أليس من اسماء وصفات الله إنه العدل ؟

وإننا جميعاً ندعو إلى ونرجو العدل ؟

فهل من العدل إن ما نسمعش صوتك مثلاً عما حدث في قنا اللي قام اهلها بعزل مصر الجنوبية عن العالم .. لا قطارات .. لا طرق .. حتى مجرى النيل قطعوه ؟

ما أتكلمتش ليه وقلت إن ده إجرام وبطلجة ولوي دراع للدولة وخراب بيوت للناس ؟

أنا لا أدافع هنا عما يفعله الأقباط من تعطيل لحركة سير الناس ولحياتهم

لكن أتكلم عن مبدأ إسمه " الأمن والعدل "

فأرجو عندما يتحدث أحد عما يفعله الأقباط أمام ماسبيرو وهو خطأ ... أن لا يُكيل بمكيالين

أنا مُسلم وأفتخر .. لكني لا أظلم ... ولا أجور على أحد مهما كان ..

وعندما أتحدث أقول هذا مخطأ .. وهذا مُخطا ..

مش أشيل الطين لواحد بس وأغض الطرف بمنتهى الظلم عن الأخر اللي من ديني

و مين وافق على إللى عملوه الصعايده (مش المسلمين ) فى قنا يا احمد

صعايده قنايا احمد و منهم مسيحيين كانوا معترضين على تعيين محافظ معروف سيرته الذاتيه و خلفيته الامنيه المهببه

و دافعوا عن حقهم (مسلمين و مسيحيين ) فى إختيار محافظ مناسب مدنى و ليس لواء سابق

و رغم كده مرفوض تماما ما فعلوه فهناك طرق اخرى للتعبير عن ذلك.

لكن ما يحدث امام ماسبيرو بلطجه بمعنى الكلمه و لوى ذراع الدوله كما حدث قبل ذلك

فى العمرانيه مخالفه و كذب و تزوير و اعتداءات ثم ماذا ..خرجوا مراعاه لمشاعر اسرهم ..يا حبيبى يا حنين

ثم بعد ذلك هناك كاهن مزور خرج من السجن و هو حر طليق الان بفعل الضغط و المظاهرات

بعد كده اى مسيحى يعمل جريمه بعد كده و هو مستريح ..هايخرج منها ..هايخرج منها

ديتها الكنيسه تِوز كام واحد من اتباعها يتظاهروا امام ماسبيرو و اتحلت و مبروك ..ووزعوا الشربات

و يظهر البابا امام شعبه انه المُخَلِص

و طظ فيكى يا دوله و طظين فيكى يا حكومه

استأذنكم في كلمه لابو عمر و اخرج بسرعه بعد السلام عليكو

انت عمرك ما حتعرف تكون محايد يابو عمر

اورفوار

[abaomar]

استأذنكم في كلمه لابو عمر و اخرج بسرعه بعد السلام عليكو

انت عمرك ما حتعرف تكون محايد يابو عمر

اورفوار

و عليكو السلام و رحمه الله و بركاته

اخويا و حبيبى زهيرى سلامات

جزاك الله خيرا

كنت احب اسمع رأيك.. المحايد... لكن ..معلش حظى وحش