توفيق عكاشة يفحم الدكتور محمد البرادعي ويقلل فرص فوزه بمقعد الرئاسة

[الغريب]

الموضوع لا يستحق الكلام ، الموضوع يستحق إغلاق القناة والإعدام

http://www.youtube.com/watch?v=s6oiQhXiKKI&feature=player_embedded

تم تعديل 15 مايو 2011 بواسطة الغريب

[pink rose]

يعني على كده انا لازم تنسحب مني الجنسية المصرية فورا و ابقى من الاخوة بدون

مين الراجل الحمار دا؟؟؟؟؟؟؟؟؟؟؟

و بعدين ايه اللي جايبينه عمال ينف على التليفزيون دا

لا بجد دي قناة موجودة على النايل سات ؟؟؟؟؟؟؟؟؟؟؟؟؟؟؟؟؟؟؟

الحمدلله على نعمة سبيس تون

[ذهبية]

هو الراجل دة قاعد على المسطبة فى بيتهم

اية اللى بيقولة دة

[se_ Elsyed]

دي نوعية معفنة موجودة في المجتمع

بالمناسبة

إتلم تين تين على تن تن ..

واحد نتن والتاني أنتن

نفس الكلام قاله بالحرف طلعت السادات أمبارح عن البرادعي وقال : كيف يكون رئيساً لمصر ولا يعرف شكل البرغوت ؟

هما متلميين على بعض دلوقت ولا مؤخذه ...

مش عاوز أكمل لإنها شخصيات حثالة ولا تستحق إننا نذكرها عشان ما نعملهاش شُهرة وصيت ..

[se_ Elsyed]

طب ما هو حلو أهو

طب مرشح نفسه ليه لرئاسة الجمهوية وأا متأكد مش هاياخد صوته حتى ..

ما يروح يشتغل تاجر مواشي وبط ووز أو دلال حتى .. لإن التجار محترمين ووما بيتكلمش بالطريقة الـ ........... دي

[Simba]

يا عم ده بيقولك المصري لازم يعرف من اول البراغيت لحد الباركينج بتاع البقرة

لو البرادعي نجح هيطلع يقولك انا اول واحد روحت انتخبت البرادعي لما عرفت انه يعرف ان الارانب بتبيض مش بتولد

[مصطفى يونس]

وهوه فيه واحد محترم ينف على الهوا

هوا مفكر نفسه قاعد على القهوة

تم تعديل 15 مايو 2011 بواسطة مصطفى يونس

[abobakr]

طبعا حاجة مش غريبة على توفيق عكاشة

دول طردوه من امانة السياسات زمان وقعد يجري ورا صفوت الشريف يبوس ايده اكتر من مرة عشان يرجع والفيديوهات موجودة وبعدين بعد الثورة يقول انا ليا الشرف اني اطردت من امانة السياسات عشاني كنت ضدهم

[Diab]

البرادعي بيتكلم في سياسات و سيادة قانون وفصل بين السلطات ودستور

وده يقولك دكر البط بكام والباركينج بتاع الجاموسة

شوف د

الكبار يهتموا بالأفكار والسوقة تهتم بسفاسف الأمور

[ابو محمد بن مصطفي]

ياجماعة الخير اللي ينزل فيديون لتوتو

لازمن ينزل معاه الفيديون ده لتوتو وهو بيبوس ايد شوشو

http://www.youtube.com/watch?v=Jo5t14AgDs0&feature=related

[ابو محمد بن مصطفي]

كده يبقي احنا عايزين اللي يحكم مصر يكون

اما فرارجي

او تاجر مواشي

او واحد ليه في البراغيت

تم تعديل 15 مايو 2011 بواسطة ابو محمد بن مصطفي

[لونا]

كنت شفت له فيديو قبل كدة بيتكلم إنه اشترى بقر من ألمانيا و لا فرنسا مش فاكرة

طيب إنت بتفهم في - عفوًا - البهايم .. عشان دي شغلتك

و البرادعي بيفهم في النووي عشان دي شغلته

( مع العلم يعني إن البرادعي ليس عالم نووي )

تم تعديل 15 مايو 2011 بواسطة لونا

[محمد عبدالعزيز]

بما إنه راجل فاهم كده, وحزب وطنى قديم وأكيد قعد مع أبوه مبارك مرة على المصطبة ومصوا قصب وأكلوا درة مشوى وشربوا شاى من اللى بيستوى على الراكية ده.

ياترى يا أستاذ يانابغة الإعلام كان أبوك مبارك يعرف المعلومات الخطيرة المهمة دى؟

وياترى كان مشربها للواد جمال ابنه زى مانت حافضها صم كده؟

جته نيلة البرادعى... جاى يقولك إدارة دولة وهو مش عارف إننا بندور على كلاف للزريبة بتاعتنا.

بفففففففففففففففففففففففففففففففففف (ده واحد بينف كده زى سى الأستاذ عكاشة)

تم تعديل 15 مايو 2011 بواسطة محمد عبدالعزيز

[ابراهيم عبد العزيز]

لا ادرى اى عقلية هذه التى يتكلم بها توفيق عكاشة !!؟

منذ متى كان مؤهلات رئيس الجمهورية أنه يكون على علم ( دكر البط بيتزغط ايه وبكام !!!؟ وكام سعر بركة البقرة !!!؟ واسواق الجمع والسبت فى مصر امتى !!؟ ), هذه هى مؤهلات رئيس مصر فى نظرك ؟؟؟

سبحان الله , بدل أن تتكلم عن عقليته الاقتصادية مثلا أو العلمية تتكلم عن البط والوز ؟؟؟

( كفاية لان الفيديو لا يستحق تعليق اكثر من كدا ))

تم تعديل 15 مايو 2011 بواسطة ابراهيم عبد العزيز

[تامر مصطفى]

نفسي اساله سؤال:

انت حمار يا حمار؟؟؟

لو حد فيكم يعرفه يوصله سؤالي

[Alattar]

امبارح يا غريب اديتك نقطة حمرا من غير ما أقصد..و اعتزرتلك علي الهواء مباشرة

النهاردة..شكلي برضه هغلط و مش هاخد بالي و هديك نقطة حمرا..و برضه من غير ما أقصد

الواحد جاي الشغل..وعامل كباية قهوة عشان يعدل دماغه..يقوم يسمع العجن ده؟

[التونسى]

http://www.youtube.com/watch?v=0EGbnPzVHT0

[Diab]

شوية صور :happy: :happy: :happy:

عجباني الصورة دي قوي لانه دايما بيعمل الحركة دي في وصلات الردح بتاعته tv_: tv_: tv_: tv_:

تم تعديل 15 مايو 2011 بواسطة Diab

[التونسى]

شوية صور :happy: :happy: :happy:

عجباني الصورة دي قوي لانه دايما بيعمل الحركة دي في وصلات الردح بتاعته tv_: tv_: tv_: tv_:

[Handasah]

بصراحة انا جالى حالة ضحك هستيرية من الراجل دة وانا بشوف البرنامج على الهو ( شر البليه ما يضحك )

مش عارف هو بيتكلم جد ولا هو بيعمل كدة عشان يحقق نسبة كبيرة من المشاهدة ......... الراجل دة مع الاسف معاه دكتوراة بس مشكلة .................