توفيق عكاشة يفحم الدكتور محمد البرادعي ويقلل فرص فوزه بمقعد الرئاسة

[Diab]

بصراحة انا جالى حالة ضحك هستيرية من الراجل دة وانا بشوف البرنامج على الهو ( شر البليه ما يضحك )

مش عارف هو بيتكلم جد ولا هو بيعمل كدة عشان يحقق نسبة كبيرة من المشاهدة ......... الراجل دة مع الاسف معاه دكتوراة بس مشكلة .................

دكتور مين انت صدقت

بيقولك كان جايب 49 % في ثانوية عامة

http://www.ramocafe.com/t195058.html

ودخل خدمة اجتماعية وبعدين هوب خد الدكتوراة من إحدي جامعات بير السلم ازاي الله أعلم :closedeyes:

http://www.facebook.com/pages/%D8%AD%D9%85%D9%84%D8%A9-%D8%AA%D8%A3%D9%8A%D9%8A%D8%AF-%D8%A7%D9%84%D8%A7%D8%B9%D9%84%D8%A7%D9%85%D9%8A-%D8%A7%D9%84%D8%AF%D9%83%D8%AA%D9%88%D8%B1-%D8%AA%D9%88%D9%81%D9%8A%D9%82-%D8%B9%D9%83%D8%A7%D8%B4%D9%87-%D8%B1%D8%A6%D9%8A%D8%B3%D8%A7-%D9%84%D9%84%D8%AC

%D9%85%D9%87%D9%88%D8%B1%D9%8A%D9%87/208149915866468?sk=info

بيقولك اسم الجامعة

ليكوود برادنتون بولاية فلوريدا بالولايات المتحدة الامريكية

انا عن نفسي لما عملت سيرش مكنش بيطلع غير اسامي الفنادق في المكان ده ولا في جامعة ولا يحزنون

حد شاطر يجيب قرار الجامعة دي

تم تعديل 15 مايو 2011 بواسطة Diab

[Alattar]

بصراحة انا جالى حالة ضحك هستيرية من الراجل دة وانا بشوف البرنامج على الهو ( شر البليه ما يضحك )

مش عارف هو بيتكلم جد ولا هو بيعمل كدة عشان يحقق نسبة كبيرة من المشاهدة ......... الراجل دة مع الاسف معاه دكتوراة بس مشكلة .................

دكتور مين انت صدقت

بيقولك كان جايب 49 % في ثانوية عامة

http://www.ramocafe.com/t195058.html

ودخل خدمة اجتماعية وبعدين هوب خد الدكتوراة من إحدي جامعات بير السلم ازاي الله أعلم :closedeyes:

http://www.facebook.com/pages/%D8%AD%D9%85%D9%84%D8%A9-%D8%AA%D8%A3%D9%8A%D9%8A%D8%AF-%D8%A7%D9%84%D8%A7%D8%B9%D9%84%D8%A7%D9%85%D9%8A-%D8%A7%D9%84%D8%AF%D9%83%D8%AA%D9%88%D8%B1-%D8%AA%D9%88%D9%81%D9%8A%D9%82-%D8%B9%D9%83%D8%A7%D8%B4%D9%87-%D8%B1%D8%A6%D9%8A%D8%B3%D8%A7-%D9%84%D9%84%D8%AC

%D9%85%D9%87%D9%88%D8%B1%D9%8A%D9%87/208149915866468?sk=info

بيقولك اسم الجامعة

ليكوود برادنتون بولاية فلوريدا بالولايات المتحدة الامريكية

حد شاطر يجيب قرار الجامعة دي

حاولت أدور عليها علي النت يا أستاذ دياب..و تقريبا طلع فندق في الآخر..هي دي الحاجة الوحيدة اللي طلعتلي

العجيب..و الغريب..و المثير..انك لو كتبت نفس الاسم ده ليكوود برادنتون في جوجل و عمل بحث بالصور..تخيل

!!!!!!!هيجيبلك صور توفيق عكاشة..

جرب و انت تشوف بنفسك..زي ما يكون أنصاره هما اللي مألفين اسم الجامعة دي عشانه

[doctor ayman]

انااشكر الاخ المعلم عكاشه انه ضحكني النهارده

والله احسن نكته ضحكت عليها من زمان

واطالب كل المرشحين يبتدوا يخدوا دورات في سوق المواشي والبط

كما اطالب المعلم عكاشه ببرنامج علي موجه كوميدي اكيد هيكون احسن من شكوكو

[طارق مصرى]

توفيق عكاشة يجب ان يكون له مكانه مرموقة .......... فى كتاب اخبار الحمقى و المغفلين لابن الجوزى

[طارق مصرى]

شوية صور :happy: :happy: :happy:

عجباني الصورة دي قوي لانه دايما بيعمل الحركة دي في وصلات الردح بتاعته tv_: tv_: tv_: tv_:

اللى عمل الصور دى دماغة عاليه اوى ههههههههههه ;) :lol:

[الغريب]

أمبارح بقى كان يوم مجيد للثنائي توفيق عكاشة-طلعت السادات

كان عندهم عقبال عندكم حفل تأسيس حزب مصر القومي والأتنين كانو موجودين وقالوا بيان التأسيس ، صراحة أتلم الـ.... على .......

[Handasah]

صراحة كانت حلقة تحفة زى حلقاتة السابقة ......... مش هتقدر تمسك نفسك من الضحك على حالنا واللى وصلنا لية .................

اللى عايز يبقى موده كويس ويرجع يضحك ويفرفش يتفرج شوية على الراجل دة بس مانصحش انك تتفرج كثيير عشان ميحصلكش حاجة .................:)

[Handasah]

مقالة قوية ل أ . اكرم القصاص عن توفيق عكاشة ودكر البط فى موقع اليوم السابع

أكرم القصاص

دكر البط رئيسا

لا أعرف لماذا تعامل البعض مع نظريات الدكتور توفيق عكاشة السياسية على أنها قفشات أو اعتباره يقدم برنامجا كوميديا. وأتصور أن النظريات السياسية للدكتور توفيق وغيره يمكن أن تصلح خريطة طريق لرسم مناهج الاستراتيجية والتكتيك للانتخابات الرئاسية والبرلمانية، خاصة نظرية" دكر البط"، التى أعلنها الدكتور فى لحظة تجلى مرتفعة التكتيك. وقدم بها حلا للكثير من الألغاز السياسية، وبينما الناس حائرون فى البحث عن المستقبل وشكله إذا بالدكتور عكاشة يفاجئهم بفكر سياسى مختلف يتناسب مع اللحظة الراهنة، ويتوازى مع "مستكنهات التمايز البرامجى".

ملخص النظرية كما طرحها الدكتور توفيق فى برنامجه على قناة الفراعين، أن أى مرشح للرئاسة فى مصر عليه أن يكون مدركا لكيفية تزغيط دكر البط ودكر الوز، أو ثمن وقوف البقرة فى سوق المواشى. وأن يعرف جغرافيا ـ وربما تاريخ ـ أسواق المواشى فى شمال مصر وجنوبها. ولهذا يرى الدكتور عكاشة أن الدكتور البرادعى لا يصلح رئيسا لأنه يجهل تزغيط البط وجغرافيا أسواق المواشى. بينما يرى أنه يعرف فى النووى، مع أن المعلوم أن البرادعى رجل قانون ودبلوماسية ولم يكن رجلا نوويا. كما يتصور بعض أصحاب النظريات. والإضافة أن عكاشة عالم بتزغيط البط وبالنظريات السياسية الحديث والقديمة والكبسولات.

ونعتقد أن تلك النظرية يمكن ان تمثل قفزة على نظريات العقد الاجتماعى، وأفكار جان جاك روسو وجون لوك. ربما نحتاج فقط أن نعرف لماذا اختار الدكتور عكاشة دكر البط والوز، وما هى الحكمة فى تجاهل الكتكوت، وكيف اختار البقرة، وتجاهل الحمار. أو البغل. محتمل أن يكون وراء هذا حكمة عميقة تكمل نظرية دكر البط السياسى، أو قد تتطور النظرية لتشمل اختبارات الرئاسة ركوب الحمير.

هذه النظرية لصاحبها الدكتور عكاشة يمكن أن تكون حلا لحيرة الناخبين، فإذا شعر الناخب بالتردد أمام مرشحين متعددين، يمكنه إجراء اختبار "التزغيط" لهذا المرشح أو ذاك ليتوصل إلى المرشح المفضل. ويرتاح نفسيا وانتخابيا. ثم أن النظرية تتناسب مع اشكال بعض المرشحين الذين قرروا خوض الانتخابات تأثرا بالحالة "الدكربطية السائدة"، وبجانب المرشحين المعروفين أصبحنا نرى بعض القرداتية وقد اعلنوا الترشح فى مولد الرئاسة بناء على طلب مزرعة الحيوانات.

ولم يعد المرشح للرئاسة فى حاجة لتقديم برنامج أو مشروع مستقبلى، وعليه أن يقدم كشف حساب بعدد ذكور البط التى زغطها، وعدد الأوزات التى يعرفها، أو أن يتغير نظام الأحزاب ليصبح بعدد البط الذى تم تزغيطه من الأعضاء، وهو أمر يكشف عن بعد آخر فى النظرية، لأن الأحزاب لو تفرغت لتزغيط البط وتربية الوز فسوف تقدم للاقتصاد الوطنى خدمة جليلة، ترفع نسبة النمو. وقد نحتاج إلى تغيير مقاييس نسبة النمو بعدد ذكور البط والوز. وربما نحتاج لتغيير الترشيح إلى تزغيط.

ونتوقع أن يطبق الكثير من الناخبين نظرية "دكر البط" للدكتور توفيق، خلال الانتخابات البرلمانية والرئاسية القادمة. خاصة وأنه أعلن أنه ربما كان من القلائل الذين يعرفون طريقة تزغيط البط. وسوف يواجه باقى المرشحين اختبارات صعبة تكشف مدى صدقهم وقوة برامجهم الانتخابية، ونتوقع أن يسقط الحائط الفاصل بين الرئيس ودكر البط.

[Diab]

توفيق عكاشة صاحب صالون دقن الباشا

http://www.youtube.com/watch?v=MFol4oq-6_A

اضرب يا ولة :happy:

تم تعديل 20 مايو 2011 بواسطة Diab

[م تيمور المراغي]

ما تقبلوه زي ماهو ! ,,

فاكرين زمان كان فيه واحد بتاع محو الامية بيطلع الصبح في التلفزيون

كانت دي طريقته في الكلام ,,

هيا دي ثقافة البيئة اللي نشأ منها وكل اهل بلده بيتكلموا بنفس الطريقة الفلاحي دي

يعني هو كده على قلبهم زي العسل بطريقته دي

لو جبنالهم البرادعي نفسي مش حيملى عينيهم زي الاخ ده ,,

[Simba]

ما تقبلوه زي ماهو ! ,,

فاكرين زمان كان فيه واحد بتاع محو الامية بيطلع الصبح في التلفزيون

كانت دي طريقته في الكلام ,,

هيا دي ثقافة البيئة اللي نشأ منها وكل اهل بلده بيتكلموا بنفس الطريقة الفلاحي دي

يعني هو كده على قلبهم زي العسل بطريقته دي

لو جبنالهم البرادعي نفسي مش حيملى عينيهم زي الاخ ده ,,

هي المشكلة في طريقة الكلام ياتيمور

فيه ناس عندها اعاقات في النطق وما شاء الله علي تفكيرهم

تيمور

عيد تفكيرك تاني

[Diab]

ما تقبلوه زي ماهو ! ,,

فاكرين زمان كان فيه واحد بتاع محو الامية بيطلع الصبح في التلفزيون

كانت دي طريقته في الكلام ,,

هيا دي ثقافة البيئة اللي نشأ منها وكل اهل بلده بيتكلموا بنفس الطريقة الفلاحي دي

يعني هو كده على قلبهم زي العسل بطريقته دي

لو جبنالهم البرادعي نفسي مش حيملى عينيهم زي الاخ ده ,,

يا تيمور المشكلة مش في طريقة الكلام بس

فاروق الباز بيتكلم بطريقة تبين انه مش من اهل القاهرة

المشكلة ان الراجل ده بيتكلم في الجاموسة ودكر البط ومهيطل

سفاسف الأمور يعني

لكن كل الناس ماعدا هو بيتكلموا في أفكار

رؤي

اساليب حياة

لو تسمع قاموس الشتائم عنده مالوش نهاية

ثم اهل دايرته نبروة دول قد ايه

عاوز يكلمهم يعمل وصلة دش ويفتح قناة ويسميها المزاريطة تي في ويرحم أهل مصر وأفريقيا والمغتربين في الخليج من المصطبة اليومية

عارف لو مطلعش مقدم القناة لو عنده غسيل مثلا

يقوم يتصل باي برنامج ويقعد يرغي بتاع ساعتين

ماهو اللي بيقبضهم

[م تيمور المراغي]

اللي عاوزه اننا نتجرد من تاثير مظهره واسلوبه ونشوف مضمون الكلام حتى لو بسيط ,,

يعني لو بالتجريد انا معاه ان رئيس اي مؤسسة او منظومة في مصر يبقى عارف الكوفت زي ما بيقولوا ,,

يعني المدير العام عندنا عارف المسمار الفلاني في المكان الفلاني سعره كام وبيتركب ازاي وبياخد وقت قد ايه في تركيبه الخ الخ الخ ,,

دي فكره وجيهه سيبك من اسلوبه دي ثقافته او انه مش عارف يتكلم وزي مابيقولوا بيطجن في الكلام

مادام انكتب عليك تسمع رأي ما ,, يبقى الافضل تستفيد منه باي جديد مهما كان بسيط من الكلام اللي بيقوله ,,

[التونسى]

اللي عاوزه اننا نتجرد من تاثير مظهره واسلوبه ونشوف مضمون الكلام حتى لو بسيط ,,

يعني لو بالتجريد انا معاه ان رئيس اي مؤسسة او منظومة في مصر يبقى عارف الكوفت زي ما بيقولوا ,,

يعني المدير العام عندنا عارف المسمار الفلاني في المكان الفلاني سعره كام وبيتركب ازاي وبياخد وقت قد ايه في تركيبه الخ الخ الخ ,,

دي فكره وجيهه سيبك من اسلوبه دي ثقافته او انه مش عارف يتكلم وزي مابيقولوا بيطجن في الكلام

مادام انكتب عليك تسمع رأي ما ,, يبقى الافضل تستفيد منه باي جديد مهما كان بسيط من الكلام اللي بيقوله ,,

انا عن نفسى بتابعه كل اما تيجى فرصه .. لأن اسلوبه مسلى جدا ... واحيانا فوكهى ..خصوصا لما بيقول كلمة ((ياخويا)) ..وتحس كده انه عايش الدور ومصدق نفسه .. الراجل يعنى حتى لم يجد غضاضه ان يعترف على الملأ..فى حلقه من حلقاته .. وعلى الهواء مباشرة انه كان بينافق مبارك وحبيب والكل كليله .. وقال ان ده ذكاء سياسى .. ينافق الكبار .. ويضرب فى نفس الوقت من تحت الحزام المسئولين الاخرين زى مثلا رئيس الوزراء السابق الصامت احمد نظيف .. لكن ميعديش الخطوط الحمرا .. عشان لو خبط مع القطط السمان الكبار ..حيروح طوالى ورا الشمس ((دا لو لقى هناك مكان فاضى .. يعنى ممكن يترمى ابعد من الشمس كمان)) .. طبعا ده كلام فارغ .. لانه كان بيعمل كده.. بغرض الوصوليه ..والمنفعه الخاصه .. وليس بغرض المنفعه العامه .. وهناك دلائل لذلك ليس المقام هنا لحصرها

على العموم .. ومهما كان قالوا قديما ((خذوا الحكمة من أفواه المجانين)) وأزيد ((وخذوها ايضا من أفواه أرجوزات السياسه))

[عنبو]

اللي عاوزه اننا نتجرد من تاثير مظهره واسلوبه ونشوف مضمون الكلام حتى لو بسيط ,,

يعني لو بالتجريد انا معاه ان رئيس اي مؤسسة او منظومة في مصر يبقى عارف الكوفت زي ما بيقولوا ,,

يعني المدير العام عندنا عارف المسمار الفلاني في المكان الفلاني سعره كام وبيتركب ازاي وبياخد وقت قد ايه في تركيبه الخ الخ الخ ,,

دي فكره وجيهه سيبك من اسلوبه دي ثقافته او انه مش عارف يتكلم وزي مابيقولوا بيطجن في الكلام

مادام انكتب عليك تسمع رأي ما ,, يبقى الافضل تستفيد منه باي جديد مهما كان بسيط من الكلام اللي بيقوله ,,

ادارة الدوله غير ادارة الشركه يا تيمور

واذا كان مدير الشركه نفسه مبكنش عارف كل حاجه عن الشركه اليى هو بيديرها ويمكن يكون قضى فيها جل عمره والكلام ده عن تجربه

ولو عاوز اديلك امثله اوكيه مافيش مشاكل والحاجات اليى مبيعرفهاش المدير بيسأل فيها المستشارين بتوعه

على كلامك بقى رئيس الدوله لازم يكون فلاح , ومهندس بمختلف التخصصات , وطبيب بمختلف التخصصات ,...............الخ

وطبعا الكلام ده استحاله يتحقق فى الواقع

رئيس الدوله او رئيس الشركه او اى رئيس بيكون له مستشارين بيشور عليهم وفى الاخر ياخد القرار بعد اتباع الاسلوب العلمى السليم

فى اتخاذ القرار هو ده المطلوب منه لا مطلوب منه يكون فلاح زى توفيق عكاشه ولا كيميائى زى عنبو ولا معمارى زى تيمور

تحياتى

عنبو

[مسافر]

خطورة كلام عكاشة

انه سيجعل 85 مليون مصري لهم الرغبة لرئاسة مصر

لان كل واحد مبدع في مجاله

لا يشترط في الرئيس ان يعرف كل هذه المعلومات القيمة

[عنبو]

المجلس العسكرى يقوم بعمل وزراه جديده للكلاب البوليسيه ويكلف الحج توفيق ابو عكاشه بها

وفى لقاء مع عكاشه عن سبب اختياره للمنصب ده قال

انهم الوحيد اليى فى مصر اليى بيقدر يميز بين الكلب البوليس الدكر من الكلب البوليس الانثى

وانه بصدد انه يقوم بطرح كتاب فى السوق يتحدث فيه عن تجربه فى الاكتشاف العظيم ده

واكيد عكاشه ان تعهد امام المجلس العسكرى واقسم على ان يعامل الكلب البوليسى فى عهده معاملة امين الشرطه

وانه سوف يبحث مع بركة وزارة الداخليه استبدال المخبرين بالكلب البوليسى لانها تمتع بنسب ذكاء اعلى بكثير

مما يتمتع ب نظيره المخبر

كان معاكم الدكتور عنبو مراسل قناة الزريبه

تم تعديل 20 مايو 2011 بواسطة عنبو

[ام سلمي]

شوفوا ده كمان :)

http://www.youtube.com/watch?v=EYPB51O53Uw&feature=player_embedded

تم تعديل 1 يونيو 2011 بواسطة ام سلمي

[محمد عبدالعزيز]

شوفوا ده كمان :)

http://www.youtube.c...player_embedded

يخربيت دماغ البرسيم اللى بتعملها ع الصبح دى.

مصيبة لا يكون عاوز يرشح نفسه للرئاسة

ارجع عن اللى فى دماغك ده يا عكاشة, المشرحة مش ناقصة قتلا ياخويا

ارجع يا عكاشة

ارجع يا عكاشة

ارجع يا عكاشة

يارب تفضل ترجع كده لغاية ماتقع فى الترعة مع دكر البط.

تم تعديل 1 يونيو 2011 بواسطة محمد عبدالعزيز

[Om Zayd]

بجد .. فيه حد بيتابعه؟؟