مأمور قسم الموسكي ... ضابط من شُرفاءمصر

[ozoozo]

تحيه لمأمور قسم الموسكي

http://www.youtube.com/watch?v=cg4PLvSR30M&feature=player_embedded

[se_ Elsyed]

أنا عيني دمعت والله العظيم وأنا أُشاهد هذا الفيديو للبطل ده

والإعلام الفاسد الغير مسئول يقول لك : ده ظباط قسم الموسكي قفلوا على نفسهم جوه القسم زي الفراخ ؟

حسبي الله ونعم الوكيل

وربنا ياجازي هذا البطل كل الخير .. اللي واقف لوحده بيتصدي لمئات من الأوباش وحشرات المجتمع اللي تستاهل الحرق ...

وفعلاً ده جهاد .. ولا يقل عن جهاد المعارك ضد الاعداء

[محمد عبدالعزيز]

الضابط إبراهيم السبيلى... ضابط آخر من شرفاء مصر.

http://www.youtube.com/watch?v=N9QYwvVlFVw

[pink rose]

الله ينور عليكم

و الله لازملنا اعلام مضاد للاعلام المضلل اللي عندنا

في ناس اهي بتتقي الله و شايفه شغلها لازم نسلط الضوء عليها عشان ندي للناس دي دفعة معنوية عاليةو نشجع اللي لسا خايف

الموضوع صعب و هاياخد وقت لكن لو احنا ساعدنا باظهار الناس المحترمة الوضع هايفرق كتير

ايام النكسة كانوا العساكر بيستخبوا من الناس مع انهم مش غلطانين في حاجه

لحد ما تم بناء الجيش تاني و اتحولت الهزيمة لنصر

احنا كمان بنمر بنفس التجربة بس لازم نستفيد بقى منها باننا نشجع و نبرز دور المحترمين عشان التعافي يكون اسرع

و دا اللي لازم نعمله على صفحة وزارة الداخلية و صفحة ائتلاف الشرطة لازم يحسوا اننا في ضهرهم

شكرا جزيلا لمأمور الموسكي و شكرا للبطل ابراهيم السبيلي

تم تعديل 15 مايو 2011 بواسطة pink rose

[لونا]

طيب لما مأمور القسم المحترم ده ينزل وسط أهالي المنطقة بالشكل الشجاع ده و يحميهم

بالذمة مش كل الأهالي حيحترموه هو و كل أفراد القسم؟ ..و يلتزموا بتعليماتهم و يمشوا زي الألف؟

هو عمل إيه ؟

عمل الواجب اللي عليه فقط لا غير

و هو ده المطلوب من كل أفراد الشرطة

لما يقوموا بأداء دورهم المهني و يبقوا رجالة بجد ..

الكل حيحترمهم و حيتعاون معاهم

تحية للمأمور المحترم الراجل بجد

مش الناس الفافي الللي لسه نفسيتهم حساسة و متأثرة و الكلام الفاضي ده

[ابراهيم عبد العزيز]

بارك الله فيك يا مأمور قسم الموسكى وكم هو مؤثر هذا المشهد ونحن نرى مامور القسم يندفع وحيدا وراء هؤلاء المجرمين بلا خوف والناس كلها بالمئات تحتمى فى ظهره , ودائما كنت أقول أن كل جهاز فيه الصالح والطالح وفيه الحسن والسىء وجهاز الشرطة مثله مثل اى جهاز يوجد به هذا الصنف وهذا الصنف ولكن ما جعله تحت المجهر انه الجهاز الأاكثر احتكاكا بالناس فى حياتهم اليومية .

أريد ان اقول فقط كلمة : بعد ثورة 25 يناير وانهيار جهاز الشرطة نرى مصر أصبحت مرتعا للبلطجية الذين يرهبون الناس , فلما لا تطبق مصر الحد الشرعي عليهم وهو حد الحرابة حتى ولو لفترة شهور حتى تستقر مصر ويرتدع هؤلاء المجرمين ووالله العظيم تطبيق حد الحرابة لمدة شهر فقط ستجعل هؤلاء يفكرون الف مرة قبل ارهاب الناس !!؟

[ozoozo]

لقاء تليفوني مع العقيد ابراهيم بخيت مامور القسم

http://www.youtube.com/watch?v=-1RX1XPPUYk