إختيار الدكتور نبيل العربي أميناً عاماً لجامعة الدول العربية

[ابراهيم عبد العزيز]

ساعات وسيتحدد خليفة السيد عمرو موسى فى امانة الجامعة العربية

بكل صراحة نشعر أن معظم الاخوة العرب يدعمون ان يظل منصب امانة الجامعة العربية فى أيد مصر وذلك لتدعيم مصر بعد الثورة ومساعدتها فى استعادة قيادتها للوطن العربى كما كانت طوال تاريخها .

ولكن أرى ان ترشيح مصر للفقى قد يكون عائق للاخوة العرب الداعمين والمؤيدين لبقاء المنصب لمصر , وارى ان مصر لم تحسن بالشكل الكافى فى اختيار مرشحها لمنصب الامانة

صحيح أن الفقى رجل سياسيى نحترمه ولكن ترشيحه يلقى انتقاد الكثرين فى الداخل والخارج

ما هو المشهد والاخوة العرب يرون ان مصطفى الفقى يلقى ترشيحه للمنصب انتقادالكثير من المصرين انفسهم !!؟

ما هو المشهد وترشيح الفقى للمنصب يلقى انتقادات عنيفة من الشقيقة السودان وهى التى دائما مع مصر يد واحد فى كثير من القرارات !!؟

للاسف ارى انه اذا ضاع هذا المنصب من مصر فإننا ساهمنا فى ذلك بادارتنا للملف , فحتى الان التقارير تشير ان المرشح المصرى يلقى التأيد من 12 دولة عربية وان المرشح القطرى يلقى التايد من 10 دول عربية , اى ان الفارق متقارب جدا والله اعلم ما سيحدث داخل الكواليس خلال الساعات الاخيرة .

الخلاصة : كنت أرى أن مصر لو احسنت اختيار مرشحها بان يكون معبرا لوجه مصر الجديد وليس وجه عمل لسنوات طويلة مع النظام القديم مع احترامنا لشخصه الكريم لكان المنصب محسوما لمصر مهما كان المنافس .

عموما نتمنى ان تحافظ مصر على المنصب ولو حدث وفاز المرشح القطرى فسنبارك له ونتمنى له التوفيق .

تم تعديل 15 مايو 2011 بواسطة ابراهيم عبد العزيز

[ذهبية]

اتمنى فوز مصر طبعا لانى بصراحة اعتبر عدم فوز مصر دى بداية لتراجع دورها فى المنطقة العربية

بالرغم انى اعلم علم اليقين ان فرصة كسب مصر فرصة ضئيلة للغاية خاصة

ان قطر الشقيقة تسعى بكل همة و عزيمة على سحب البساط من تحت مصر

اتمنى ان يخيب ظنى و تظل مصر قبلة كل العرب

[Alattar]

لما بدأت الأنباء تتواتر عن ترشيح مصطفي الفقي لرئاسة الجامعة العربية..كنت أول المؤيدين لهذا..ليس طبعا حبا في الفقي..و لكن لأنه تردد قبل ذلك أنباء عن ترشيح نبيل العربي..وزير الخارجية المحترم لهذا المنصب..

بصراحة..وأنا عارف ان الرأي ده هيخالفني فيه الكثير..أنا مش فارقة معايا كتير ان رئاسة الجامعة العربية تروح مننا..لأنها أساسا أصبحت مسخ لا قيمة ولا دور له

أنا عاوز أعرف فائدة واحدة لجامعة الدول العربية غير الشجب و الاستنكار..و الاجتماعات اللي عمال علي بطال..و في الآخر بلا أي فائدة..

بصراحة..أنا لو عندي في البلد واحد ذو رؤية سياسية محترمة..أستغله في مصر أحسن يحاول يعمل فيها حاجة اليومين دول..بدل الجامعة اياها..ياراجل..ده جامعة الزقازيق فيها فايدة عنها شوية

[almetwally]

نبأ عاجل على قناة الجزيرة . في إصرار مصري على الإحتفاظ بمنصب الأمين العام , مذكرة مصرية ترشح د. نبيل العربي بدلا من الفقي .

صداع الجامعة العربية وأمينها العام يتزايد محليا واقليميا والسؤال هو ما الفائدة التي ترجوها مصر من أمانة الجامعة لدرجة إبعاد د. العربي عن الخارجية .

[Dreamwithme]

الخبر ظهر أيضا علي قناة العربية .....يارب يكون غلط

مش قادرة أصدق إننا نضحي بالسفير نبيل العربي لمجرد الحفاظ علي قيادة مصر للجامعة العربية

[ابراهيم عبد العزيز]

أخر الأخبار فيما يخص منصب الامانة العامة للجامعة العربية :

صدقت توقعاتنا يا اخوان وصدر قرار منذ دقائق :

(( قررت مصر سحب ترشيح الدكتور مصطفى الفقى لمنصب الامين العام للجامعة العربية وترشيح الدكتور نبيل العربى وزير الخارجية لخلافة عمرو موسى لهذا المنصب ))

[Alattar]

أخر الأخبار فيما يخص منصب الامانة العامة للجامعة العربية :

صدقت توقعاتنا يا اخوان وصدر قرار منذ دقائق :

(( قررت مصر سحب ترشيح الدكتور مصطفى الفقى لمنصب الامين العام للجامعة العربية وترشيح الدكتور نبيل العربى وزير الخارجية لخلافة عمرو موسى لهذا المنصب ))

لا حول ولا قوة الا بالله

لسه في المشاركة اللي قبلك علطول و قبل الخبر ده ما ينزل..كنت بقول ان أهم حاجة ما يجوش ناحية نبيل العربي

بس واضح اني راجل مكشوف عني الغطا..قصدي الحجاب..

أنا مش عارف ايه سر ان مصر عاوزة تفضل متبتة في الجامعة العربية كده؟؟..ايه لازمة البتاعة دي أساسا؟؟

[الغريب]

دي أسمها قلة أدب

الوزير الوحيد اللي شايف شغله يتشال ويدفن في مقبرة الدول العربية

قرار يذكرني تماما بقرار تعيين المحافظين ، وتقريبا طالع من مصدر واحد ، لأن القرارين فيهم رائحة العهد البائد

عاموس جلعاد اليوم كان في زيارة إلى مصر ، وأرجو أن ظني لا يكون في محله

أنا فعلا زعلان ومش قادر أكتب

[pink rose]

هاعيط من القهرة

ليه كده ليه

ما صدقنا يبقى عندنا وزير خارجية نفتخر بيه

لاااااااااااااااااااا انا ضد ترشيح سعادة السفير نبيل العربي للجامعة العربية

لاااااااااااااااااااااااا

[Alattar]

حسبنا الله و نعم الوكيل

أنباء عن سحب قطر مرشحها لرئاسة الجامعة العربية بعد ترشيح مصر الدكتور نبيل العربي

واضح ان اسرائيل شايفة شغلها كويس

حسبنا الله و نعم الوكيل

[Om Zayd]

نبيل العربي .. خلااااااااص هو الامين العام الجديد

لعله خير

[ابراهيم عبد العزيز]

أخر الأخبار فيما يخص منصب الامانة العامة للجامعة العربية :

صدقت توقعاتنا يا اخوان وصدر قرار منذ دقائق :

(( قررت مصر سحب ترشيح الدكتور مصطفى الفقى لمنصب الامين العام للجامعة العربية وترشيح الدكتور نبيل العربى وزير الخارجية لخلافة عمرو موسى لهذا المنصب ))

لا حول ولا قوة الا بالله

لسه في المشاركة اللي قبلك علطول و قبل الخبر ده ما ينزل..كنت بقول ان أهم حاجة ما يجوش ناحية نبيل العربي

بس واضح اني راجل مكشوف عني الغطا..قصدي الحجاب..

أنا مش عارف ايه سر ان مصر عاوزة تفضل متبتة في الجامعة العربية كده؟؟..ايه لازمة البتاعة دي أساسا؟؟

انا متفق معك يا اخ العطار أن خبر ترشيح العربي للجامعة العربية صدمنا , فبكل صراحة مصر الأولى بهذه الكفاءة الدبلوماسية الكبيرة , ونحن طال انتظارنا لمثل هذه الشخصية على رأس الدبلوماسية المصرية .

أعتقد ان اتجاه الترشيح كان يصب لمصلحة المرشح القطرى لذلك اضطرت مصر لترشيح العربي كوجه له شعبية جارفة لكى تستطيع المحافظة على المنصب .

كلنا حزن لابتعاد العربى عن منصب وزير الخارجية المصرى لو نجح كامين عام للجامعة العربية

[Om Zayd]

مش هينفع نبكي على ما راح

أكيد الخارجية فيها أكفاء محترمين

لعلها بداية خير للجامعة العربية

[wahed_masry]

لا حول ولا قوة إلا بالله

انتهت الثورة

مبارك برئ

ومن خلفه العصابة

والدكتور نبيل العربى وهو من هو

تم القضاء عليه بشكل رسمى ومحترم

والناس ملهية فى ما تم تدبيره فى إمبابة وماسبيرو

وانتهى الأمر

ماذا نفعل؟

لا أعلم

[Om Zayd]

ليه الاصرار ان الخارجية مفيهاش غير نبيل العربي؟

مش يمكن خير ؟

و ييجي واحد محترم كفء للخارجية

و تكسب الجامعة نبيل العربي

بإذن الله خير

[Om Zayd]

يا ريت تفتكروا ان شباب الثورة هم اللي طالبوا باقصاء الفقي و شعللوا الحملات ضده

[ابراهيم عبد العزيز]

مش هينفع نبكي على ما راح

أكيد الخارجية فيها أكفاء محترمين

لعلها بداية خير للجامعة العربية

للأسف لا اعتقد أن هناك فى الوقت الحالى من هو أفضل من الدكتور نبيل العربى لوزارة الخارجية المصرية , فهذا الرجل خلال شهرين فقط انجز انجازات شعر بها القاصى والدانى وأبسطها فى ازمة ليبيا حيث قامت وزارة الخارجية المصرية بأكبر عملية اجلاء فى التاريخ واجلت 200000 مواطن مصرى , ناهيك عن مواقفه القوية تجاه القضية الفلسطينية .

[se_ Elsyed]

يا ريت تفتكروا ان شباب الثورة هم اللي طالبوا باقصاء الفقي و شعللوا الحملات ضده

يعني يا أم زيد هو أحنا لازم نقول للبقرة " يا تحلبي يا أكسر قرنك ؟ "

ما ينفعش وسط ؟

يعني يا ياخدوا الراجل الكويس مننا .. يا يعنوا واحد منافق ؟

على قدر حُزني .. لكن بإذن الله نأمل في الدكتور نبيل خيراً .. وعلى جميع العرب ان يعينوه على مهمتة الثقيلة المنتظرة

[Om Zayd]

شوفوا .. أنا مبحبش اهاتي في امر واقع

حصل و خلاص

هو الان الامين العام

للأسف لا اعتقد أن هناك فى الوقت الحالى من هو أفضل من الدكتور نبيل العربى لوزارة الخارجية المصرية , فهذا الرجل خلال شهرين فقط انجز انجازات شعر بها القاصى والدانى وأبسطها فى ازمة ليبيا حيث قامت وزارة الخارجية المصرية بأكبر عملية اجلاء فى التاريخ واجلت 200000 مواطن مصرى , ناهيك عن مواقفه القوية تجاه القضية الفلسطينية

مش معنى اننا مش عارفين انه مفيش

الخارجية مش تصريحات .. دي سياسة دولة .. يا ريت منقعش في نفس فخ الاعجاب بعمرو موسى

كمان موضوع الاجلاء و ليبيا بدأ من ايام ابوالغيط

عارفة ان العربي كان عامل صداااع لاسرائيل.. لكن مش عايزين نفتكر انه الساسة الخارجية وزير

اكيد الخارجية مليانة ناس محترمة و فاهمة

كويس انكم ضميتوا الموضوعين

[se_ Elsyed]

العرب كلهم فرحانين بنبيل العربي وبيقولوا فعلاً إحنا كسبنا شخص محترم

أتمنى ان نلتفت إلى حالنا

وأتمنى أن ترتبط سياستنا الخارجية بنظام واضح وليس أشخاصاً