عاجل ..المتظاهرون يحاولون اقتحام السفارة الاسرائيلية

[pink rose]

15 شاب من الحركة معاهم احمد شحرور نجحوا في عبور سينا ووصلوا الى رفح المصرية تحت حماية قبيلة الترابين ,,

فيه انباء تانيه من الجيزة غير مؤكده عن اقتحام ا لسفارة الاسرائيلية والجيش بيضرب نار في الهواء على المتظاهرين ,,

محاولة اقتحام السفارة كانت رسالة شديدة اللهجة موجهة من الشباب الى الكيان الصهيوني ان المصريين اتغيروا وعادوا الى المشهد السياسي العربي بمنتهى العنف والقوة ,,

موازين القوى الاقليمية في المنطقة ستوزع الادوار فيها من جديد ,,

والكيان الصهيوني سيعود الى حجمه الطبيعي

معلش اسمحلي يا باشمهندس أختلف معاك

مسئولية حماية السفارة الاسرائيلية في الأراضي المصرية تقع علي عاتق الأمن المصري

يعني محاولة الاقتحام دي رسالة من الشباب للمسئول السياسي عن مصر وليس تجاه الكيان الصهيوني ولا حاجة

يعني معلش مثال بسيط لو في ضيف لوالدك قاعد في الصالون قمت أنت دخلت ضربته بالقلم يبقي الإهانة موجهة لمين للضيف ولا لوالدك؟

انتي بتتكلمي في ايه يا دريم يا حبيبتي و بتفهمي مين

المهندس تيمور في جدة يا حبيبتي

المصيبة في المجرمين اللي في مصر

المجرمين اللي يستاهلوا ضرب النار الحي في قلوبهم لان قلوبهم مش على مصلحة مصر

المجرمين اللي بان دلوقتي انهم بيحشدوا الناس اللي عايشة الدور عشان يبقوا هما اللي خربوا بلدهم بحسن نية

و يا سلام لو الجيش دلوقتي اتدخل هايقوموا على الجيش بيضرب فينا و من بكرة هاتلاقي اعتصام في التحرير الشعب يريد اسقاط الجيش

و تبقي مصر توفاها الله

الخطة بانت تمام يا جماعة و بقت تقول للاعمى انا اهو

و اياك حد يطلع يقولي نظام بقى بلاش نبرة التخوين و لا حزب الكنبة زاد واحد

لا انا خلاص فاض بيا بجد و هانفجر في اي حد يدافع عن 6 اغسطس دي

[م تيمور المراغي]

يا ربي

اولا معترضة على انك حاطط نفسك معاهم.. انت مش هناك

مبحبش اقول الكلام ده ,,

مصرواية بحكم منصبي انا مصرح لي بالتحدث باسم حركة شباب 6 ابريل ,,

[عادل أبو عمر]

طب يا سمبا و الخبر محددتش المتظاهرين دول تبع مين من تيارات الشارع المصري المعاصر سلفيين و لا اخوان و لا أقباط و لا 6 إبريل ولا الجماعة المنشقة عن 6 إبريل و لا فلول النظام و لا فئة مندسة و لا مين

مين من مصلحته تشتيت المصريين بهذا الشكل السياسي الخطير و اللعب بأوراق دولية خطيرة مثل القضية الفلسطينية لمحاولة اكتساب أرضية و شعبية لمرشحيهم لانتخابات مجلس الشعب القادم و الرئاسة

بجد أسوأ حاجة لما يكون فيه حد عنده خطة لهدف في دماغه في اتجاه محدد و عامل نفسه رايح في اتجاه تاني خالص

كل فكر أو تيار سياسي من حقه اتخاذ أي موقف سياسي في الشارع لكن مش من حقه أبدا اتخاذ موقف باسم مصر مهما كان هذا التيار و مهما كانت إسهاماته في الثورة التي يظن أنه هو صاحبها و القائم بها و الوحيد له الحق الشرعي في التحدث باسمها و تحديد مستقبل مصر كما يشاء

بجد زهقنا من سياسة قيادة القطيع في هذه المرحلة و إيه الحال لو فعلا أمثال هؤلاء وصلوا لأماكن اتخاذ القرار هل ممكن ان يفاجأ الشعب بقرار التعبئة و إعلان الحرب بدون أي مقدمات فقط يكفي أنهم يعقلون و غيرهم لا يعقلون

[Simba]

ربنا يستر بقي

تحذيرات قوية بوصول تعزيزات من الجيش والشباب يرفض فض التظاهر

تم تعديل 15 مايو 2011 بواسطة سمبا

[م تيمور المراغي]

اي اعتداء من الشرطة العسكرية على المتظاهرين حيزيد من عنادهم ,,

الاحسن تتفاوض مع اهم وتحقق مطالبهم ,,

[masraweya]

تفتكرو الاصرار على نشر البيانات و الافكار دي و إلباسها ثوب البطولة في المحاورات .. صدفة؟

ملابسات كثيرة تجعلني اشك في هذا

على جوجل.. المحاورات من اول المواقع التي تظهر عند البحث عن موضوع ما

كلام قبل ذلك عن غرفة عمليات و تخطيط للانتشار على الشبكة

-فاكرة يا لماضة-؟

و الاصرار على المضي قدما في النشر رغم عدم التجاوب من الاعضاء و النقد الشديد

و حاجات تانية

المشكلة ان غالبا اللي بيعمل كده بيتصرف بحسن نية

و مش مدي نفسه فرصة يقف و يراجع نفسه

ايه عواقب اللي بعمله

"اللهم من كان من أمة حبيبك محمد صلي الله عليه وسلم علي غير الحق وهو يظن أنه علي الحق فرده إلي الحق بقدرتك يا حق إنك أنت الحق"

يا رب انر بصائرنا

ارنا الحق حقا و ارزقنا اتباعه

و ارنا الباطل باطلا و ارزقنا اجتنابه

آمين

تم تعديل 15 مايو 2011 بواسطة masraweya

[Simba]

تقريبا ده شباب مش تبع اي قوي سياسية معينة مش اكتر من شباب اخدته الحماسة الزايدة وفيه افراد من الجيش بتتحاور معاهم دلوقتي

[pink rose]

مش باقولكم الخطة بقت واضحة

المفروض الجيش النهاردة يعلن الاحكام العرفية و لو ناموسة مشيت في الشارع وقت الحظر يدوسها برجله

عشان الكل يتلم بقى

و احنا كلنا معاه و مساندينه في كده

انا باطالب المجلس العسكري بفرض الاحكام العرفية

[م تيمور المراغي]

فيه انباء غير مؤكدة عن استخداما لرصاص الحي ضد المتظاهرين ,,

تفتكروا اسرائيل كانت حتستخدم الرصاص الحي صد مواطنيها عشان السفارة المصرية !!

[capitshino]

يا ربي

اولا معترضة على انك حاطط نفسك معاهم.. انت مش هناك

مبحبش اقول الكلام ده ,,

مصرواية بحكم منصبي انا مصرح لي بالتحدث باسم حركة شباب 6 ابريل ,,

ابرز التصريح .

انا حاسس انك مش تيمور

حاسس ان الاكونت بتاعك اتسرق وواحد تانى غير تيمور اللى كنا نعرفه

[م تيمور المراغي]

على جوجل.. المحاورات من اول المواقع التي تظهر عند البحث عن موضوع ما

دي المفروض تحسب مع وليس ضد يا استاذة ,,

انا فعلا بنزل اخبار الحركة على المحاورات الاول عشان تكون حصرية للاعضاء الكرام ,,

[masraweya]

تقريبا ده شباب مش تبع اي قوي سياسية معينة مش اكتر من شباب اخدته الحماسة الزايدة وفيه افراد من الجيش بتتحاور معاهم دلوقتي

ناس عادية كثيييير واخداها الحماسة .. و حاسة انها تقدر تهد الدنيا بايديها العارية

السيئ انها لا تفكر في البناء

الاسوأ ان يتم استغلالهم

[شرف الدين]

اي اعتداء من الشرطة العسكرية على المتظاهرين حيزيد من عنادهم ,,

الاحسن تتفاوض مع اهم وتحقق مطالبهم ,,

تعلن حركة 6 أبريل ومتحدثها الرسمي هنا في المنتدى عن أنها لا تخشى أي سلطة ولا يهمها أي قانون .. فقانون 6 أبريل هو فقط الذي سينفذ رغما عن أنف الشعب والجيش والسلطة ومصر ....

إنني أدعو الجيش لإعتقال هؤلاء الشباب والبنات جميعا ... وإلحاقهم جميعا بفرقة صاعقة بسيدي براني ... لمدة شهر

[Simba]

حقيقي مش مفهوم ليه الشباب تشتبك مع الامن المركزي

هما كانوا بيتظاهروا قدام السفارة خلاص مالوش لزوم فرد العضلات

[م تيمور المراغي]

اي اعتداء من الشرطة العسكرية على المتظاهرين حيزيد من عنادهم ,,

الاحسن تتفاوض مع اهم وتحقق مطالبهم ,,

تعلن حركة 6 أبريل ومتحدثها الرسمي هنا في المنتدى عن أنها لا تخشى أي سلطة ولا يهمها أي قانون .. فقانون 6 أبريل هو فقط الذي سينفذ رغما عن أنف الشعب والجيش والسلطة ومصر ....

إنني أدعو الجيش لإعتقال هؤلاء الشباب والبنات جميعا ... وإلحاقهم جميعا بفرقة صاعقة بسيدي براني ... لمدة شهر

الجيش المصري لا يعتقل اي شاب ينتمي لحركة شباب 6 ابريل ,,

ربما يعتقل الاخرين

اما نحن فلا نعتقل ,,

تقبل التحية ,,

[Howayda Ismail]

http://www.youtube.com/watch?v=Cy-fngjxLCw

كده الوضع مش طبيعى وزاد عن حده

اكيد فى حد مستغل سذاجة الشباب ده للعمل على زيادة القلق والاضطراب وتشتيت الامن

فى حد بيحاول شد الانتباه بعيدا عن احداث معينة فى مصر

هل اللى بيحصل ده له علاقة بمحاكمات مبارك وباقى العصابة او رد فعل لصدور قرار حبس سوزان

الواحد معدش فاهم حاجة لكن احساس كبير ان فى مؤامرة كبيرة لمحاولة جرنا للخراب

[capitshino]

على جوجل.. المحاورات من اول المواقع التي تظهر عند البحث عن موضوع ما

انا فعلا بنزل اخبار الحركة على المحاورات الاول عشان تكون حصرية للاعضاء الكرام ,,

والله انت زى العسل

اعمل استفتاء كده وهتلاقى ان معظم الاعضاء مش عاوزبن اخبار الحركة الحصرية دى.

الحركة بركة يا عم تيمور

[pink rose]

http://www.youtube.com/watch?v=Cy-fngjxLCw

كده الوضع مش طبيعى وزاد عن حده

اكيد فى حد مستغل سذاجة الشباب ده للعمل على زيادة القلق والاضطراب وتشتيت الامن

فى حد بيحاول شد الانتباه بعيدا عن احداث معينة فى مصر

هل اللى بيحصل ده له علاقة بمحاكمات مبارك وباقى العصابة او رد فعل لصدور قرار حبس سوزان

الواحد معدش فاهم حاجة لكن احساس كبير ان فى مؤامرة كبيرة لمحاولة جرنا للخراب

سوزان ايه و مبارك ايه و فلول ايه

الموضوع اكبر من كده بكتير يا مدام هند

الموضوع ناس فاهمة نفسها فوق اي حد في مصر فوق الجيش فوق الشعب

دول يعدوا البحر و لا يتبلوش تصدقي

انا اصدق لانها ماما امريكا معاهم

و اللي امريكا ضهره ما ييتحبسش

تم تعديل 15 مايو 2011 بواسطة pink rose

[Howayda Ismail]

متظاهرون يحاولون اقتحام سفارة إسرائيل

حاول بعض الشباب المتظاهرين اقتحام السفارة الإسرائيليى خلال التظاهرة الي نظمها الآلاف مساء الأحد، وحالت قوات الأمن المركزي دون نجاح المحاولة، حيث قاموا بإطلاق قنابل مسيلة للدموع للسيطرة على الموقف.

وأفاد شهود عيان لمصراوي أن المتظاهرون اقتحموا الكوردون الأمني الذى فرضه الجيش حول العمارة التى تقع فيها السفارة، في محاولة لإزالة علم إسرائيل ورفع العلم الفلسطيني بدلا منه، ما دعا قوات الأمن المركزى لإطلاق قنابل مسيلة للدموع، كما قامت قوات الجيش باطلاق الرصاص فى الهواء، كما وصلت مجموعة من سيارات الإسعاف.

يشار إلى أن الآلاف واصلوا تظاهرهم أمام السفارة الإسرائيلية بمنطقة الجيزة للمطالبة بطرد السفير الإسرائيلي وقطع العلاقات الدبلوماسية مع تل أبيب.

وحمل المتظاهرون الذين ملأوا نصف كوبرى الجامعة الموازي للسفارة الإسرائيلية علما فلسطينيا ضخما ، وألحقوا به علم مصر ، مرددين العديد من الهتافات منها "على القدس رايحين شهداء بالملايين .. خيبر خيبر يا يهود جيش محمد سوف يعود".

وجدد المتظاهرون مطالبتهم للمجلس العسكري بفتح معبر رفح بشكل دائم لرفع المعاناة عن الشعب الفلسطيني المحاصر ، كما قام المتظاهرون بنصب إذاعة داخلية للتظاهرة أعلى كوبرى الجامعة ، ألقى فيها عددا من الشعراء العديد من الأبيات حول فلسطين والوحدة العربية ، كما شدت بعدد من أجمل الأغاني الوطنية العذبة.

[شرف الدين]

مش باقولكم الخطة بقت واضحة

المفروض الجيش النهاردة يعلن الاحكام العرفية و لو ناموسة مشيت في الشارع وقت الحظر يدوسها برجله

عشان الكل يتلم بقى

و احنا كلنا معاه و مساندينه في كده

انا باطالب المجلس العسكري بفرض الاحكام العرفية

لا يا وردتي القرمزية

الخطة ليست هكذا في رأيي ... كل ما حدث ويحدث يوضح أن هناك اتجاها للتحرش بالجيش سواء بإصدار البيانات العنترية تجاه المجلس الأعلى أو بالتحرش بأفراد الجيش ذاتهم ...

أي اعتصام من هؤلاء الشباب للمطالبة بإسقاط الجيش لن يقابله أي ترحاب شعبي بل على العكس .. الشعب كله يؤيد إعدامهم رميا بالرصاص...

الخطة هي استدراج الجيش لإطلاق الرصاص الحي على المتظاهرين المسالمين ...

وبعدها ندخل في سيناريو مشابة لليبيا ...

إنني - وعن نفسي فقط - أطالب من إدارة المنتدى إيقاف العضو اركيتيكت نهائيا .... ولنكتف بمتابعة الأخبار بدون بياناته العنترية.