عاجل ..المتظاهرون يحاولون اقتحام السفارة الاسرائيلية

[م تيمور المراغي]

بسم الله ,,

ادواني دقيقتين بس افضي دماغي عشان اركز

[ابوهنا]

انت عسل يامهندس ارشتخت

انت الفروض تكون المتحدث الاول باسم مايسمى حركة 6 ابريل

فعلا انا معجب بتفانيك ودفاعك عن مايسمى حركه 6 ابريل

ده والله مش استهزاء دى حقيقه انا معجب بهذا الاصرار وهذا العناد

مش تسيبنا ننام

[capitshino]

انا ساكت اهو يا عم الاشكيف

بس ماتنساش تجيب لى كلامة اللى بتقول فيه انى باتهمك بالعمالة والاجندات الخارجية

[ابوهنا]

انا ساكت اهو يا عم الاشكيف

بس ماتنساش تجيب لى كلامة اللى بتقول فيه انى باتهمك بالعمالة والاجندات الخارجية

عجبتنى جدا الاشكيف ديه

[م تيمور المراغي]

اولا ارد على كابتشو في نقطة ان وقف تصدير الغاز سيعرض مصر للعقاب عند اللجوء للتحكيم الدولي

ده كان سبب تصعيد الشباب بكل قوة وضغطهم المتواصل سواء على حدوود سيناء او امام السفارة الاسرائيلية والقنصلية في اسكندرية لتحقيق شيئ واحد

وهو وصول الرسالة للمجتمع الدولي ان قرار مصر بوقف تصدير الغاز كان بسبب ضغط عام شعبي قد يعرض امنها وامن اسرائيل القومي للخطر ,,

والمجتمع الدولي بيعطي كل الاحترام وبيصبغ الشرعية على رغبات الشعوب في اتخاذ القرار وتحديد الخط الذي تنتوي ان تسير عليه بما هو معلوم من تغليب الشرعية الثورية على الدساتير والاتفاقيات الدولية والقوانين ,,

ده باختصار حيقوي موقف حكومة دكتور شرف عند اخذ القرار والذي اصبح مطلب استراتيجي لمصر حيوفر عليها والله مليارات الدولارات كل عام كانت بتترمي في البحر

[capitshino]

انت عسل يامهندس ارشتخت

انت الفروض تكون المتحدث الاول باسم مايسمى حركة 6 ابريل

فعلا انا معجب بتفانيك ودفاعك عن مايسمى حركه 6 ابريل

ده والله مش استهزاء دى حقيقه انا معجب بهذا الاصرار وهذا العناد

معلش يا تيمور على المداخلة دى بس لو سمحت المداخلة لكل الاعضاء ماعدا حضرتك

تفتكرو المهندس تيمور اخوان مسلمين او وفد او تجمع او يتبع اى تيار

وداخل يكره الناس فى حركة 6 ابريل .. لانى فعلا كرهتهم بعد ما كنت بدافع عنهم فى وقت من الاوقات وتيمور عارف كده كويس

اوعى ترد انت با تيمور على السؤال ده وماتعتبروش اتهام ليك .

[م تيمور المراغي]

انت عسل يامهندس ارشتخت

انت الفروض تكون المتحدث الاول باسم مايسمى حركة 6 ابريل

فعلا انا معجب بتفانيك ودفاعك عن مايسمى حركه 6 ابريل

ده والله مش استهزاء دى حقيقه انا معجب بهذا الاصرار وهذا العناد

مش تسيبنا ننام

ومين سمعك :happy:

انا والله من الصبح طالع عيني في مشروع التوسعة ومش قادر افتح عيني

ها

ناجلها لبكره

؟؟

[زهرة الجبل]

يعني الغاز المصري اللي بالمليارات اتوقف تصديره لاسرائيل ,,

المعابر الحدودية فتحت مع غزة وحصل تبادل تجاري بيننا زي اي دولة ذات سيادة ما بتاخد قرارها مش كلاب حراسة احنا لاسرائيل ,,

وتعالي نفكر في العكس هو اللي حصل ,,

تخيلي ان مصر محتلة من الجيش الاسرائيلي ,,

ولقيتي 50 الف شاب تونسي داخلين من الحدود معاهم الاغذيه والادوية والمساعدات الانسانية للشعب المصري ,,

حيكون شعورك وقتها ايه !

منتظر ردك الراقي الكريم ,,

حتى لو المطالب دى مشروعة مش وقتها خالص

حاضرب لحضرتك مثل

الشخص المريض عشان يتعافى بيحتاج علاج وبيتحدد له جرعة لايتخاطها

طيب المريض ده استعجل على الشفا راح واخد قزازة الدوا كلها جرعة واحدة ؟! النتيجة معروفة طبعا

هو ده حالنا دلوقت احنا فى مرحلة تعافى الامور تتاخد واحدة واحدة لما نقف على رجلينا الاول

لكن بالشكل ده تكسير ضلوع ويمكن انتحار كمان

معلش مدام هند هما الشباب دايما كده سابقين الجميع بخطوة ,,

دمهم والله حر ومش بيقدروا يسكتوا عن اي اهانة لمصر ,,

سواء كان من نظام فاسد او دولة معادية مش عارف الجميع نسي ده والا ايه !

بكرة حتقدروا تعبهم وتضحياتهم زي ما بيحصل دايما ,,

سباقين للخير بخطوه ؟

يعني مفيش فايده لسه حضرتك شايفه خير ؟

يعني قلنا نفض التراب عن وشك الأول و قوم أقف على رجلك و بعدين إتكلم منفعش

قلنا إوعى تشرب إزازة الدوا كلها مره واحده لتموت برضه منفعش

طب ممكن نوصل الفكره إزاي طيب؟

و بعدين هو يعني الخير كله دلوقت في وسط الحاله الطارئه التي نمر بها جميعاً إتلخص من وجهة نظر 6 ابريل المستنيره في الأثر المعنوي اللي هيعود علينا من إنزال علم إسرائيل و رفع علم فلسطين ؟

ماشاء الله و الله بجد جبتوا التايهه

يا أخي ده إنت لو سألت الفلسطينيين أنفسهم و الله ما هيوافقوا على اللي بيحصل دلوقت

لأنهم فاهمين كويس إنه مش في مصلحة مصر و بالتالي مادام بيضر في مصر يبقى ضرر محقق في المستقبل ليهم

و فاهمين كويس إنه لو .. لو و بشدد على كلمة لو .. لو كان بحسن نيه فهو أشبه ما يكون بالدبه الغشيمه التي قتلت صاحبها

و بعدين سؤال الله يكرمك بما إنك المتحدث الرسمي عن جماعة الشباب الحر

هو دمهم الحامي ده سخن مره واحده دلوقت بس كده ؟

يعني قبل كده في ظل النظام البائد اللي كان بعلم الجميع و بإعترافك موالي لإسرائيل .. كان فين دمهم الحامي ده من أكثر من 30 سنه ذل و مهانه يعني ؟

ولا التوقيت العبقري بتاعهم ده على إعتبار إن النظام البائد كان ماصص دمهم ؟

[م تيمور المراغي]

يعني قبل كده في ظل النظام البائد اللي كان بعلم الجميع و بإعترافك موالي لإسرائيل .. كان فين دمهم الحامي ده من أكثر من 30 سنه ذل و مهانه يعني ؟

ولا التوقيت العبقري بتاعهم ده على إعتبار إن النظام البائد كان ماصص دمهم ؟

يا خبر ابيض !!

ده الولاد جلدهم متقطع

دي عاوزالها توبيك لوحده عشان اوفيهم بعض حقهم من التصدي للنظام ,,

بقى شباب 6 ابريل ما وقفوش للنظام !!

[م تيمور المراغي]

تابعت حركه شباب 6 ابريل بالاسماعيليه ما يحدث من اعتداءات وحشيه من قبل قوات الاحتلال الاسرائيلى على شعب الجولان السورى الاعزل المحتل التى نتج عنها عشرات الوفيات ومئات الاصابات ,,

وتعبر الحركه عن كامل رفضها للاعتداءات الاسرائيليه على اى من الشعوب العربيه كما تدعو الجيش السورى الى اتخاذ موقف ايجابى اتجاه الاحتلال الاسرئيلي بدلا من توجيه الرصاص الى صدور ابناء سوريا ,,

ومازالت الحركه توكد على دعمها وبكل قوه الثوار المطالبين بالحريه فى كافه البلدان العربيه..

المكتب الاعلامى \ لحركه شباب 6 ابريل بالاسماعيليه

[capitshino]

تيمور ... قوم نام

وانا كمان هاقوم انام

تصبحو على خير .

[م تيمور المراغي]

طيب ,,

حد ليه سؤال مهم قبل ما نقوم ؟؟

انا منتظر لحد الفجر ,,

[م تيمور المراغي]

استاذنكم نكمل مساء الغد ان شاء الله ,,

للجميع التحية

في رعاية الله ,,

[زهرة الجبل]

تابعت حركه شباب 6 ابريل بالاسماعيليه ما يحدث من اعتداءات وحشيه من قبل قوات الاحتلال الاسرائيلى على شعب الجولان السورى الاعزل المحتل التى نتج عنها عشرات الوفيات ومئات الاصابات ,,

وتعبر الحركه عن كامل رفضها للاعتداءات الاسرائيليه على اى من الشعوب العربيه كما تدعو الجيش السورى الى اتخاذ موقف ايجابى اتجاه الاحتلال الاسرئيلي بدلا من توجيه الرصاص الى صدور ابناء سوريا ,,

ومازالت الحركه توكد على دعمها وبكل قوه الثوار المطالبين بالحريه فى كافه البلدان العربيه..

المكتب الاعلامى \ لحركه شباب 6 ابريل بالاسماعيليه

أنا سأوجه كلامي ده للمكتب الإعلامي لحركة 6 ابريل اللي في الإسماعيليه .. مش للأخ أرشتخت اللي مش معاهم أصلاً خالص و المكتفي بنشر بياناتهم

مش عارفه ليه بيجيني إحساس إنك كأنك بتتكلم ( المكتب يعني ) بلسان رئيس عربي ( يا مخلوع يا هيتخلع قريب ) و كأن الراجل ده حاكم قبضته على شعبه و مظبط أموره و مزاجه عالي قوي و فاضي بقى و فاتح الجزيره مباشر و عمال كل ما يسمع خبر عن حدث خارج حدوده يصدر بيان شجب و إستنكار

رغم علمه أن هذا الشجب و الإستنكار لا هيقدم و لا هيأخر .. لأنه لا يمتلك القوه لمنع ضرر هؤلاء و لا يمتلك الإمكانيات لحماية أولئك

يعني أبداً مش بلسان مواطن هو فرد من ضمن شعب بحاله هَدَم جبل فساد و مطلوب منه يشتغل بإيده و سنانه علشان يبني مكانه وطنه من جديد

و المشكله هنا ليست عجزكم ( بالنظر لكونك تتكلم عن لسان شباب 6 ابريل يعني ) عن وقف ما تشجبونه و تستنكرونه .. لا خالص ..

المشكله الأخطر الخاصه بينا إحنا - كحاله خاصه حالياً بسبب ظروفنا و التي رغم خطورتها لا تقيمونها كما تستحق - هي في الضرر اللي بتتسببوا فيه لمصر كمان مش بس مجرد العجز عن تغيير أي شئ في القضايا التي تلهبونها الآن بدون أي مبرر

و عندي فضول حقيقي بجد يا ريت تجاوبني عليه

ألا تنتابك أبداً و لو لــلحظه حتى أي وخزه داخليه من خوف أو شعور بالذنب ؟

يعني هل لم يخطر ببالك في أي مرحله من هذا التوجه أنك قد تكون تتلاعب بمصير وطن كامل و شعب كامل و هيبقى ذنب 85 مليون إنسان متعلق في رقبتك ؟

يعني أعتقد ان الضيق الذي قد يصيب أحدنا من الشك أنه ظلم صديق أو زميل أو جار أو أخ أو قريب .. قد يحرمه من النوم لفتره ليست بالقصيره

طيب كيف يكون شعورك لو علقنا كلنا على رقبتك بهذا التوجه الذي تدعو إليه مصائرنا التي تتجه بها إلى الهاويه ؟؟

المقصود : لو كانت مصر هي شغل حركة 6 إبريل الشاغل في الوقت الراهن لما وجدتم الوقت الكافي لبنا مواقف تجاه الآخرين و نحن ما زلنا عاجزين عن الوصول لمستوى ثابت لموقفنا نحن غير المستقر

[زهرة الجبل]

طيب على ما يجي الرد ,,

اسرائيل كانت ومازالت تعتبر ان النظام البائد هو من اشد مناصريها في المنطقة ,,

والذي وصل اجرامه الى حد تصدير الغاز المصري والذي تقدر قيمته بمليارات الدولات مجانا الى اسرائيل

وانفردت في جريمة ستظل وصمة عار على جبين المجتمع الدولي وكل من شاهدها ولم يعترض ولو بكلمة ,,

انفردت بشعب غزة الاعزل من السلاح وفرضت عليه حصارا غير انساني على مراى ومسمع من العالم اجمع ,,

واشترك النظام المصري البائد في تلك الجريمة بانشاء الجدار العازل على الحدود المصرية الفلسطينية بتمويل امريكي ( للي كانوا بيتكلموا عن التمويل )

مانريده الان في مصر الحره ما يلي

1 - وقف تصدير العاز المصري الى اسرائيل باي سعر كان ,,

2 - فتحا لمعابر الحدودية بالكامل مع شعب غزة لحرية دخول وخروجا لبضائع منه واليه ,,

3 - دخول الفلسطيين بلا تاشيرات الى الاراضي المصرية

4 - الافراج عن المعتقليين السياسيين الفلسطيين في السجونا لمصرية

بهدوء و من دون الإسهاب في وصف مدى الإستياء الذي يتملكني الآن من التوجه الذي تتبناه يا أخ أرشتخت

ممكن حضرتك تراجع مشاركتك القابعه بالأعلى دي و تقول لي إتكلمت عن مصر فيها فين؟

دافعت عن مصلحة مصر فين ؟

فين الخير الذي أردته لمصر منها أو حتى فين الشر اللي دفعته عنها في هذه المداخله و هذه المطالب ؟؟

إنت إتكلمت عن علاقه مشبوهه بين إسرائيل و النظام البائد .. و مش قادر تترجم و تستوعب إنه زي ما انت قلت .. خلاااااص بااااائد .. يعني خلاص خلصت القصه دي

و إتكلمت عن الفلسطينيين و حاجتهم الماسه لفتح الحدود بينهم و بين مصر

و إتكلمت عن المساجين السياسيين الفلسطينيين اللي المفروض انهم مازالوا في سجون مصر (( بين قوسين .. نفس السجون اللي اتفتحت و كل اللي فيها هربوا أصلاً و شوفنا بعيوننا منهم ناس هربت و اتصورت في فلسطين بعد الهرب )) و عاوز تفرج عنهم كلهم

و اتكلمت عن الجدار اللي عاوز تهدمه و الفلسطينيين اللي بتطالب بحقهم في الدخول و الخروج من و إلى مصر بدون مساءله و لا تأشيرات

طيب انت مش شايف حضرتك إن دي محاورات المصريين مش محاورات الفلسطينيين ؟

أنا مش فاهمه و الله إنت ليه كتبت ما نريده لمصر الحره ... سهواً يعني و لا للإلهاء و لا لإضفاء الشرعيه و الوطنيه عالكلام؟

مهو كل شئ بالعقل حلو

و المطالب اللي مكتوبه فوق دي مفيش واحد عاقل و منصف هيعارض حضرتك عليها .. لكن لو كانت في وقتها

لكن الآن إسمح لي يعني .. ده إسمه خلط أوراق و هرطقه سياسيه لا محل لها من الإعراب في الوقت الحرج الذي تمر به مصر الآن

مصر تلك البقعه من الوطن العربي التي سقطت منك سهواً و أنت تدافع عن قوميتك العربيه الآن

و بعدين لما نيجي نتكلم تقوم حضرتك تقول بندافع عن الكيان الصهيوني

نفسي أفهم بجد .. إنت مصدق اللي بتقوله و لا بتقول كده و خلاص

يعني مش فاهم إننا عاوزين نوقف مصر بأقدام ثابته على أرض صلبه الأول و بعدين نتدور للي بتقوله ؟

مهو أصل ببساطه .. فاقد الشئ لا يعطيه .. لو إنت نفسك جوه بيتك مش مستقر .. رايح تظبط امور جارك ازاي ؟

شئ من الحكمه ارجوك

تجاهلتي عن عمد اول مطلب وده اثر فيا جدا جدا لان المداخلة فعلا متعوب عليها ,,

أنا لم أتعمد تجاهل شئ .. لأنه الرد عليها ليس صعباً و لكنه ليس ذو أهميه امام البقيه

يعني أول مطلب لحضرتك أو فلنقل لحركة شباب 6 إبريل هو وقف تصدير الغاز لإسرائيل

و هذا المطلب لا يضيف للقائمه أي نوع من أنواع الإيجابيه لسببين

الأول أنه ليس مطلب جديد و ليس حكراً عليكم و لم تكونوا أنتم أول من طالب به

بل هو مطلب جماهيري و شعبي قديم قـِدم أول ضخة غار حصلت عليها إسرائيل من ممتلكاتنا و من أرضنا عندما شعرنا جميعاً أن النظام البائد يضخ دمائنا لإسرائيل و ليس الغاز فقط

مصر كلها .. الخمسه و تمانين مليون مصري صرخوا به بأعلى صوتهم مطالبون بوقف هذه المهزله .. ماعدا طبعاَ الشرذمه القليله المستفيده من هذا العقد و التي هي نفسها الشرذمه التي أبرمته مع إسرائيل

المصيبه الكبيره الآن حقاَ هي أن تصدقوا بالفعل أنفسكم أنكم أنتم الوحيدون الآن اللذين يطالبون بهذا المطلب أو حتى انكم أنتم من إستحدثـتموه !!!

و بما أن ما سبق على ما به من إطاله لم يكن سوى السبب الأول .. فإن السبب الثاني هو أن هذا المطلب و إن لم يكن يضيف لقائمتكم إيجابية أو شرعيه في ظل توقيتها هذا .. فهو لم يزدكم إلا إنتقاداً و رصيداً في جانب السلبيات

لأن الفارق بين مطالبتكم به و بين مطالبة الشعب الأولى به قبل الثوره هو أنكم أخذتم هذا الحق الذي طالب الشعب المصري كله بوعيه و رجاحته بإسترداده في وقت لم يكن من المطالبه به ضرر ..

و جعلتم منه الآن معول هدام تهدمون به أكثر مما تعمرون .. فقط لأنكم أسأتم التوقيت و فشلتم في توجهكم به فشلاً زريعاً لا مبرر له و لا عذر

هذا هو ردي عليك في النقطه الوحيده التي علقت أنت على كلامي بها .. و أنتظر ردك إن كنت تحمل ردوداً مقنعه على بقية تساؤلاتي و مداخلاتي

[Ahmed Anwer]

أدعي للي اتصاب برصاصة ، بالشفاء ،

يا رب ميموتشي و ربنا ينقذه إن شاء الله

الخبر شبه أتأكد ،،

http://www.masrawy.com/News/Egypt/Politics/2011/may/16/isra_head.aspx

لو حصله حاجة ،، دمه في رقبة اللي ضحكوا عليه و غرر بيه ، في معركة لا وقتها و لا مكانها

[dawn walker]

مع ان جروب حركة 6 ابريل على الفيسبوك اهدى كثيرا مما يحدث هنا وليس فيه هذا التتابع والاغراق فى المشاركات .!!! شىء عجيب!! انا شخصيا بعد ما قرأت هذا الموضوع ..ساخرج منه كارها لحركة 6 ابريل ..!! يعنى اللى عاوز يكره الحركة دى بجد ويكفر بمبادئها يقرا مشاركات عضوهم هنا ..

[زهرة الجبل]

أعجبني هذا التعليق لأحد المتواجدين بصفحة الخبر و المعلقين عليه

قال:

تلاتين سنه وورم خبيث بينتشر في جسدها الجميل...في دمها...في عضمها.....والحمدلله تم استئصال هذا الورم بعمليه صعبه و عسيره...بس لسه مافقتش من البنج ....وعايزه فترة نقاهه طويله......وانتو عايزنها تحارب!!!!!!حرام عليكو سيبوها تشرب بق ميه حتى

الله يسامحهم إللي إستخسروا فيها حتى بق الميه ده و الله

تم تعديل 16 مايو 2011 بواسطة زهرة الجبل

[طارق مصرى]

أعتقد أن الشباب وصل رسالة بدون قصد للجيش و القيادة السياسية القادمة انه لا رجوع بسياسة مصر الى ما قبل الثورة

لا تفكروا باغلاق المعبر ثانية - لا تفكروا فى ضخ الغاز لاسرائيل - أعيدوا حساباتكم مع اسرائيل على ضوء الرغبة الشعبية الجارفة

[pink rose]

اتمنى انهم يوصلوا اسرائيل وتعملهم ابادة جماعية وتحرقهم هما وفلسطين فوقهم

هما يتحرقوا عشان اغبيا

على فكره كده عيب اوي

ما اعتقدش ان حضرتك اللي هاتعلمني العيب

كلامي مش موجه لحضرتك اصلا

و بالتالي مش عاوزة حضرتك توجهلي اي كلام نهائي

اظن كلامي واضح

مايهمنيش اوجه لك اي كلام ولكن ,,

اي اسائة منك للشباب وبالمستوى اللي طالع منك من امبارح وانا مطول بالي لن اقبله ,,

عاوزه تعبري عن رأيك يبقى ياريت يكون التعبير عن الراي باسلوب ارقى واحسن من كده ,,

مش حنفية شتايم واتفتحت في المحاورات ,,

فيه حاجه اسمها اصول للحوار ,,

اعيــــــــــــــد تاني

ما هو التكرار بيعلم مين؟؟؟؟؟؟؟؟؟

الشطار

لو سمحت يا باشمهندس تيمور ارتقي انت في كلامك و اسلوبك

و طالما ما وجهتش لحضرتك اي حوار من اي نوع

مش عاوزة حضرتك توجهلي اي كلام من اي نوع

لو كلامي كان خارج عن السياق في هنا ادراة كانت وجهتلي اي تعليق و دا ما حصلش

فا لو سمحت بلاش تدخل نفسك في اللي مالكش فيه وتعمل نفسك المعلم الفاضل

انا بقى اتكلم عن اي حد في مصر براحتي

و بالطريقة اللي انا شايفاه يستاهلها

و دا اخر الكلام